قصةزواج استثنائي - الجزء الثالث -
فتحت عيوني اني بغرفتي بحضن أبوية و أمي كاعدة كبالي و تبجي و الغرفة متروسة اعمامي وخوالي اوف أتمنى لو كان خالو سالم موجود جان ما صار بية هيج ضلن ادموعي تنزل و ابوية يمسح على رآسي كلي
- بابا شنو صار وين كنتي
إحجيتلة كلشي عمي الزغير هز ايدة كام يصيح
- لج إنتي وحدة غبية و ثولة زواجج باطل ﻷن زواج الباكر مايصير إﻻ بإذن ولي الأمر
آني هنا انتهيت يعني كذب علية و أخذني بالحرام إي بالحرام انتهيت كمت على حيلي لزمت ايد عمي
-يعني آني سويت الحرام
وكعت على الأرض نقلوني للمستشفى بقيت اتلث ايام صارعندي هبوط بالصغط و إعياء عضلي فتحت عيوني ثالث يوم ابوية يقرأ قرآن على رآسي كتلة
- بابا آني سويت الحرام
-لا حبيبتي انتي سويت الي عليج بس هذا الكلب كذب عليج انتي مضلومة بابا
رجعوني للبيت لغرفتي ادموعي ابد منشفن دخل علية ابوية ويا كاضم ابن عمتي كعدوا كبالي كلي كاضم
-اي فدك احجيلي معرفتي اسمة شغلة
-أي بالعقد العقد الكذبي اسمعت السيد يصيحة "محمدباقر"
- أبو اسمة باقر لو اسمة مركب
كلمة ابوية كلة
- إبني بالعقد ما يذكر اسم الأب لم يسأل الرجل
- يعني اسمة مركب
كلتلهم
- وهاي ام الملهى كالت عليه ضابط
- ضابط؟؟؟
- أي
- خوش إبني سهلت
اهنا كاضم كام من مكانة وطلع بسرعة العصر اجة وجايب ويا خمس فايلات كل ﻷهلي
- حجيت وية المدير و بالقوة انطانياهن
صاح بي عمي
- لك أنت تريد تفضحنا
- لعد اشلون اخذهن بعدين السيد المدير يعرفنا وما ينطي بينا
كام وخلاهن كدامي كلي شوفيهن فتحهن شفت الأول والثاني والثالث الرابع كان هو جسمي كام يرجف وكع الفايل من أيدي ركض كاضم شالة وضل صافن كام علي عمي اخذة وصاح
- لك يا سافل عود هذا إبن شيوخ
أي طلعوا يعرفوا أبو شيخ هيثم معروف وصديق لجدي والناس كلهة تعرفة لا و النوب امهرب ابوية من العسكرية بعهد صدام حسين ابوية كال اشتكي وعمامي عارضوا كللوا شنو تريد تفضحنا احنة نحجي ويا ونحلها صار عياط و اصراروا يحجون وية الشيخ أخير شي قنعوا ابوية بس كال لازم يتعاقب راحوا لبيت الشيخ واني ضالة بعذابي أختي الحامل خطية شصار بيها بس مكابلتني وتبجي
محمد باقر:مرحبا راح أعرفكم على نفسي اني ضابط برتبة"رائد" بالشرطة
ابوية شيخ عشيرة امي هية زوجتة الاولى واني كنت ابنة الازغير كان يحبني اكثر من اخواني الي هم اخوية الجبير"حسين" واختي "فاطمة" كان ينام بالغرفة وياية و من يتأكد اني نمت يرجع لغرفته كان كلشي حلو بحياتي لحد ما أتزوج ابوية وجاب مرة ثانية للبيت كان عمري13 سنة تأذيت كلش وكمتأكره بابا امي الله يرحمها كلتلي مايصير تعامل ابوك هيج هذا حقة الشرعي صارت تقنع بية وابوية نفس الشي كلما يجي للبيت يجي لغرفتي وياه علاليك وأكل وينطيني فلوس بس أمي صحتها كامت تتدهور عرفنا انو عدها مرض "سل رئوي" بس أربعة أشهر وماتت كان يوم جمعة كعدت وكنت كلش فرحان ﻷن عطلة رحت لغرفتها حتى اكعدها بس ما كعدت أي ماتت تركتني
اهنا توقفت حياتي صرت إنسان ثاني عصبي يكره كل شي صرت أعلي صوتي على أبوية واتعارك وياه ومرات اترك البيت واروح لبيت خالي ببغداد خالي محسن إنسان منفتح وسبورتي واني أرتاح يمة حتى بنتة الوحيدة سمر ما محجبة اني وياهة نطلع ملاهي ونسات فريي ﻵخر الحدود
الناس الوحيدين إلي أحبهم همة أخوية حسين وأختي فاطمة دخلت كلية ضباط كنت كلش محترف بالبداية دخلت هواية عمليات بشمال بغداد و نفذتهن بإتقان
بس انة حولت على الناصرية قريب من اهلي،زوجة ابوية حاولت هواية تتقرب مني بس كنت دائما اصدها و افشلها ابنها كرار دائما يراددني و يزعجني وآني ما اتحمل واضربة مرة ركعت بالحايط لمن راسة كام يجري دم وهاي بنتها"شهد" كفشت من شعرها ﻷن كانت تحاجي صديقتها إلي هية جيرانه من الحايط وضربتها لحدما خربت بين ادية اﻷكل كلة من ايد مرة اخوية و كدام عيني و مرات أروح آكل ببيت اختي
أصدقائي ستار والشباب عزموني للبيت وكالوا راح يجيبون بنات طبعا هالشي عادي عندي جابوا البنات وأني طلبت نضيفة وأنت تعرفون باقي القصة انو رجعتها لبيت أهلها ﻷن انقهرت عليها
كنت كاعد بالمكتب ودك الموبايل جان اخوية حسين كلي
- وينك يامصخم تعال للبيت
- شكو شصاير لازم الحجي كب
أخذ ابوية الموبايل منة وكلي
- قسما بالله إذا ماتجي هسة اجيك للمركز واطيح حضك تعال