قصة#زواج_استثنائي -الجزء الثاني عشر
مرت الأيام محمد يتواصل وياية عالفايبر بحجة جعفر يسولف وياية مرة لا ومنين يتصل وهو بالدبابة كان جعفر نايم كتلة عليه حسيتة انزعج وكلي
-باي لعد
-محمد اوكف
-ها
-أريد أسألك سوآل
-جواب
ابتسمت كتلة
-انتة اشعندك وية ابوك ليش هيج تعاملة
-هذا مو أب هذا قاتل لك أمي من وراه ومن وراة مرت الحية ماتت أتزوج عليها وتمرضت وماتت
-شلون
-مثل ماسمعتي باقي بس إسبوع ونطلك مو
-اي
-احبج تصبحين على خير
هية كلمة وحدة بس جمدتني هذا شديحجي صدك طفل مايكول مقدمات كبل اتصل بية بعد يومين وكلي
-راح أجي حضري روحج
-اي واني شعلية
-مو باجر عيد ميلاد جعفر واريد ناخذة لبغداد ونتونس بعدين هاي آخر الأيام
-اوك
ما أدري ليش كلتها بس كلتها واجة وأخذنا ونسنا بالمنصور وبالكرادة سوينا عيد ميلاد جعفر رجعنا ساعة 11 جعفر نام وهو كلي أريد اشوف فلم طلع وكعد بالصالة وكعدت يمة رحاب بنت خاله طبعا احنا ببيت خاله أبو رحاب هو كلي
-فدك سويلي فأشار جعفر كلي مسويتلة فوشار طيب
نزلت وسويت الفوشار ورجعت اصعدت شفت رحاب مخلية ايدها على صدرة وتكولة
-أحبك
لعبت نفسي ردت انزل بس محمد صدمني ضربها راجدي وكللها ما اريد اشوفج اني خلص تبت ما اريد ارجع لهاي الحقارة وانتي روحي لغرفتج طردها ورحت يمة فرحانة انطيتة الفوشار ورجعت نمت يم جعفر اجة هو بعد نص ساعة ونام من صفحة جعفر وغطانة وما ادنالي
ثاني يوم من الصبح كعدنا و وصلنا لبيت اهلة من الباب ورجع حتى ما دخل وسلم لزم أيدي من نزلت وكلي
-فدك احبج
اني اسحبت أيدي ونزلت أحس كلبي كام يضرب 100 ضربة بالدقيقة
اتصل بية يوم ثلاثاء قبل يومين من الوقت المحدد لطلاقنا وكلي
-يوم الخميس اني جاي أن شاء الله ونطلك
-اي الله يسهل
-فدك
-ها
-إذا ما اجيت حبابة سامحيني
-شنو يعني
-ما أدري احنا اهنا بحلك الموت محد ضامن روحة فحبابة سامحيني
كلماتة ضلن يرنن يإذني ثاني يوم على الغدة دك موبايل شهد رادت تكوم كللها عمو
-جيبي الموبايل عبالج اني ما أدري بسوالفج وية عباس
كرار وحسين طفروا من مكانهم يريدون يضربونها بس عمو صاح بيهم وكللها
ردي على الموبايل وافتحي سبيكر
ردت
-الو
رد عباس بصوت مخنوك مثل المنشول
-شهد محمد استشهد
كلنا ضلينا صافنين على الموبايل عباس كام يبجي وكال
-لج حركوهم حرك بالدبابة