قصة#زواج_استثنائي - الجزء العاشر
🌹🌹🌹🌹🌹🌹🌹🌹🌹
فدك :أخذنا اختي للمستشفى العام
بس حجزنالها خاص سولها عملية وطلعت بالسلامة ولد يجنن ابيض ومدرفش خلو بالخدج اختي بالبنج لعبت جولة غلطت على زوجها وحجت على عمتها 😂
اني جنت أروح وارجع على الخدج الممرضة سألتني
-هذا اول طفل بالعائلة
كتلها
-أي واني خالته الوحيدة
اشوية واجتي وحدة ثانية كلتلها تدرين دكتور حسين جابوا اخوه مسوي حادث اني فكرت ممكن يكون هو نفسة حسين بس مية واحد بالمستشفى اسمه حسين طلعت من الغرفة بس كلبي ما خلاني فرجعت سألتها
-هو دكتور تخدير
-كلتلي اي تعرفيه
-منو من إخوانه
-ما اعرف بس هو كلب المستشفى عليه
اني رجعت لاكاني ابوية كلي
-ها شبعتي من حدوري
- شنو سموا حيدر
-اي ،شيج ليش وجهج أصفر
اول شي ترددت بس اتشجعت و جاوبتة
-الممرضة كلتلي واحد من ولد شيخ هيثم مسوي حادث
ابوية جاوبني بقلق
-منو
-ما اعرف بس مو حسين لأن كالت دكتورحسين كلب المستشفى علينا
ابوية أخذني وراح للاستعلامات طلع محمد ما اعرف رغم ما استسيغا بس كلبي عصرني عليه أخذنا رقم الغرفة جان عمو هيثم برة وحاط ايدة على راسة ابوية ضرب على جتفة
-الحمد لله على سلامته شيخنا
كام وسلم على ابوية جان كرار اخوهم الزغير واكف يم أبوه وحسين طلع من الغرفة كام عمو هيثم على حيلة وكله
-ها بشر
-لا تخاف بابا كلها فج بسيط براسة و خيطنا بس ايدة مكسورة
-ها الحمد لله
خطية من دخل للغرفة نزلن ادموعة وهو يمسح على رأس ابنة اتذكرت كلمات ابوية من كال هو كلش يحبة ويجي يشكي لجدي جا ابنة زعلان منة فتح محمد عيونة اول شي سوا رفع ايدة وطلع رقم تلاثة وكلي
-هذا العقاب الثالث
ماسيطرت على نفسي وابتسمت ابوية رفع حاجبة والنوب لزم أيدي والتفتلة وكلة ببرود
-الحمد لله على سلامتك ابني
و النوب أخذني
قصص فقط:
و طلع وإحنا بالطريق سألني
- شنو العقاب الثالث
اني تلقائيا ابتسمت وكتله
- سوالف مال زعاطيط
بقيت ببيت أهلي تلث أيام أداري بإختي الليل كلة ماأنامة كاعدة يم ابنها حبيبي تطلع سوالفة وضحكاتة كلها باليل يوم الثالث أبوية كلي انو عمي أبوهيثم مسوي عشا لوجه الله لطلعة محمدباقر
بالسلامة ولازم أروح اني روحي تعلقت بالزغير بس مو بإيدي رحنا لبيتهم استقبلنا حسين وطلب من ابوية يتفضل بس ابوية ما قبل و كال غير مرة دخلت لجوة واتلكني عماتة خمسة بالصالة لعبنة بية جولة اشلون عايفة رجلج مكسور وكاعدة ببيت اهلج
طلع هو من الغرفة ايدة معلكها لركبتة ابتسم وكلي
-هلا بالعشك
أكبر عماتة كلتلة
-يا عشك يا صخام عايفتك وكاعدة عند أهلها
-أي يا عمة غير اختها ولدت
-لا والله وتعوف رجلها مكسور وتكعد يم أختها
- عمة هي اصلا جانت يمي بالمستشفى وأختها ببيت أهلها وأمها مريضة عندها سكر منو يديربالة على المرة وطفلها
هنا عمتو سكتت بس كضتها تخزر بية وهاي عمتة الثانية تكلي ام السحورة شمسوية للولد جان محد يندك بي هسة مشيتة مثل الخاتم بإصبعج
مارديت عليها خلينا السفرة وسلمت على عمو هيثم هاي عمتة الجبيرة ابد ماسكتت كلتلة
-أبو هيثم شالقضية هاي مرت ابنك عايفة رجلها وكاعدة ببيت أهلها
عمو عيونة حومرن
-اسكتي ام حسام إنتي ماتدرين هذا الكلب شمسوي اخذ نفس وسكت انوب كام من السفرة ومحمد هم ترك الاكل وكام آني عمتة ضلت خازرتني فكمت دخلت للغرفة لكيتة مغطي راسة ديبجي رفعت الغطة عنة وهو يرجعة ضليت أرفع وهي يرجعة لحدما ايدة المكسورة اذتة وترك الغطة رفعتة اعيونة حمر كلي وهو ينشغ
-الله يخليج من يخلص العقاب الخامس سامحيني
اهنا ابتسمت وكتلة ان شاء الله هو فز من مكانة حتى ايدة اذتة وكال
-والله
-أن شاء الله
-أي أدري أن شاء الله حبابة احلفي
-والله