قصةزواج استثنائي - الجزء الخامس -
فدك: فتحت عيوني على صوت آذان المغرب مابقى عندي غير ربي رحت اتوضيت و صليت وبجيت على السجادة و كتلة
-مولاي دعوة مظلومة بدون ذنب اذوها واخذوا منها اغلى شي وضعتة فيها انظرلي دخيلك و حسن سوء حالي بحسن حالك .
انفتحت الباب ودخل ابوية كان مكسور والدمعة بعينة كلي
-الله يتقبل بابا
هزيت راسي و كمت لميت السجادة اخذ ايدي وكعدني على السرير كلي
-بابا احنا عرفنا للولد ورحنا لأهلة و حجينا وياهم واتفق...سكت شوية وبعدين كمل.اتفقنا انو تزوجون لفترة وبعدين تتطلكون
اني هنا راحت روحي صدك ديحجي ابوية جذب اللي اغتصصبني واخذ اغلى شي مني يتزوجني كعد ابوية يحلفلي ويكول بس زواج على الورق كدام الناس فد شهرين ونطلك كتلة
- بابا ما اريدة ما أريد أشوف وجهة
سكت وبعدين كال
- خلص بابا بكيفج آني باجر أقدم عليه دعوة اغتصاب واليصير خل يصير
طلع بابا واني بقيت وحدي فترة ودخل أخوية أمير شايل صينية الأكل خلاها كدامي و بلش يكولني بإيدة الدموع تجري على خدة بسكوت مديت أيدي مسحتهن لزمها وباسها كلي
- كلها مني آني الفضلت السوك وأصدقائي عليج اني السبب حضنتة وبقينا نبجي آني وياه كلي
- هذا الكلب كاضم كسر بأبويه كدام الناس كال ما أريدها
ابتسمت ومسحت ادموعي
-كلشي أتوقع من الناس بعد اللي صار بية كلة ﻷبوية اني موافقة بس زواج على الورق زين
أبتسم وكلي
- أي مثل ماتريدين
مر أسبوع غرفتي انترست اغراض نيشان العرس واغراض مشتريهن ابوية كانت أمي أطلع الذهب و إتشوفنيا اشكد كنت حابة اكللها فدك إلي كانت تحب الذهب ماتت و راحت إسبوع ثاني و صار العقد ابوية لح إﻻ يأخذني للصالون و اخذني ام الصالون تحاجيني بس ما أسمعها شتكلي الشي الوحيد الي سمعتة أمي تكللها بكيفج
ما باوعت حتى لروحي طالعة حلوة لا اختي اخذتلي صور بكامرتي الي اشتراها ابوية إلية من خلصت سادس علمي أوف شكثر اتمنى انو ذيج الأيام ترجع
رجعنا للبيت ودخلنا الصالة الي انترست من كرايبنا نسوان و رجاجيل قليل منهم الي يعرفون بالسالفة و الباقين عبالهم
عقد قران عادي إلي اريدة بس خالي سالم بس ماكو اشوية واجن أمهات "محمد باقر" وعماتة و خالاتة مثل حالتنا ما يعرف بالسالفة بس عائلتة وعمه وابن عمه والباقين كلهم عبالهم حابين بعض و متزوجين
طلع ابوية من الإستقبال وكال خليها توكف يم الباب حتى تسمع عقد القران صار العقد و رجعني وكعدني على الكرسي كنت لابسة فستان أحمر طويل هذا الشي الوحيد إلي اتذكرة شفت الشفية دخل كان لابس قاط اسود مو احنا بعزاء يوم الي ألبس هذا اللون بعزاك
باس ايد بيبيتة و ترك أمة واجة علية نظرات اعيونة رجعني لذاك اليوم بحيث رجلية بعد مايحملني اجيت اوكع سندني و كعدني اكو بنية تضحك وتكلة -حمودي هاي ما مصدكة من فرحتها
باوعتلها هيج😑 وكتلها
- عندي ارتفاع بالESR يعني التهاب مفاصل يعني ما طحت من الفرحة وإذا هيج عاجبج ما أخذتي إنتي
هية اللصمت وما حجت شي بيبيتة رادت تلطف الجو كلتلة
- حميد بيبي كوم لبس مريتك الذهب و أكلها
لبسني واكلني كصيتلة قطعة جبيرة من الكيك كلت خلي احرجة تالي هذا افتهمها لزم إيدي وكعد ياكل على كيفة منها زعجني كلش ماصدكت يمتة انكلع
بدون حتى ماأسلم عليهم دخلت لغرفتي ونزعت البدلة وشمرتها على الكاع و ارتميت على السرير ابجي