قصة زواج استثنائي - الجزء السادس -
أصعب أيام مرت علية كان يوم أربعاء يوم الحنة صليت صلاة الصبح والبست حجابي وجبتي ﻷن البيت مملي من كرايبنا طلعت كعدت بالحديقة طلع كاضم من باب اﻹستقبال كان يسولف وية أمة من شافني دنك و ودع امة و راح اكبر خاين بالدنيا
أول ما فتح الباب صار بوجها خالي سالم خازرة دفع الباب و دخل اني طفرت من مكاني و ركضت عليه و حضنتة مثل الطفل الي اجة أبوه من السفر شبكني الة بقوة وكلي
- كلها مني آني اتركتج وصار بيج إللي صار
كنت اهز رآسي الة بمعنى لا انتة مالك دخل طبعا خالي سالم اكبر مني يشتغل مدعي عام مستقر ببغداد متزوج قبل سنتين زوجتة تعاني من داء القطط و كل طفل يصير عدهم لو تجهضة لو يموت بعد الولادة تعالجت برة البلد وهسة منتظرين النتيجة
دخل لﻹستقبال و بلش يتعارك وياهم لعب جولة و كال ماتتزوج وآخذها وياي لبغداد وأرفع على الولد دعوة اغتصاب و عليكم إجبار العرك والصياح وصل للشارع اني اسمع و ادموعي تجري انوب خالي طلع
محمد باقر: كنت دا اتريك بالغرفة طبعن ابوية موصي مرت اخوية تجيب الاكل لغرفتي و ما آكل وياهم ميريد يشوف وجهي سمعت صوت اعياط و صياح طلعت لاكاني اخوية كلي أرجع عفتة و دخلت للإستقبال لكيت ولد يصيح و ابوية منزل راسة من شافني اجة علية و كام يغلط و يسب ابوية واكف كدامة واني اخوية واكف كدامي كلي
-إلا إطيح حضك شنو حاميها حراميها
ماخفت من الله ماكلت آلله يطلعها بخواتي لك سافل
ما رديت رغم اني دائما الاسن لن صدك غلطان
كلي
-شوف إذا ما طلعت من شغلك وخليتك تفرفر بالحبوس اني مو سالم
تركنا و طلع وابوية رجع استلمني رزايل وصدك وفه بوعده واجت علية الشرطة وجابوني للمركز العقيد مدنك راسة دخلوني لغرفة الاستجواب الي دائما استجوب المتهمين بيها و انفتحت الباب ودخل خالها سالم و العقيد مالتنة كان هواية يحبني و يعتمد علية بكلشي جان مدنك راسة و يستجوبني اعترفت بكل شي على النقيب ستار وباقي الشباب الي كانوا ويانا و على أهل الملهى كنت أحس بالذنب لدرجة جبيرة فأعترفت بكل شي
فدك :إجه خالي سالم بالليل وحجة على اعتقال محمد و اعترافة اخوالي و عمامي ضلوا يصيحون وهو ولا يمة اجة لغرفتي كانت زوجته شيرين يمي كعد وياية وكلي
-لتخافين انتي انظلمتي وهو راح يتعاقب حياتج راح تكمليها من وين ما وكفت ماعليج بيهم هذولة جهلة
اجة وكعد يمي على السرير وحطني بحضنة ضحكت مرتة وكالت
-لا والله راحت عليج شيرين اشو ادنة
واجت خلت راسهة بحضنة واحنا نضحك صارلي اتلث أسابيع ما ضاحكة