(رواية بنوته مسترجله
جنا كانت مصدومة من كلامو و مكنتش عارفة ترد
وفجأة جنا داخت و هى واقفة عند السلم فوقعت من علية و يوسف نزل بسرعة
يوسف بخضة:جنا...جنا فوقى
يوسف لقى جنا بتنزف فاتخض و وداها على المستشفى بسرعة و طول الطريق كان خايف عليها وقلقان
يوسف لنفسو:يا رب خليك معاها...مهما حصل انا مش عايز يحصلها حاجة..انا بحبها اوى...ربنا يستر يا رب
يوسف دخل المستشفى بسرعة و هو شايل جنا وكان قلقان اوى
يوسف بزعيق:عايز دكتور بسرعة
جت الممرضة و شالت جنا على النقالة ودخلوها اوضة العمليات بس الدكتور مكنش جيه
يوسف للمرضة:فين الدكتور
الممرضة:فمكتبو انا بعت ممرضة تانية تنادية
يوسف بعصبية:فين ام المكتب دة
الممرضة وصفتلو المكتب وهو راح بسرعة
يوسف بزعيق و فتح الباب:فين الدكتور
الدكتور:فى اية
يوسف:مراتى يا دكتور مش بتنطق و جالها نزيف
الدكتور وقام:طب يلا بسرعة
الدكتور دخل اوضة العمليات و يوسف كان مستنى برة و قلقان و كلم احمد وقالو ان جنا فالمستشفى و بعد شوية احمد جيه و معاة باباة و مامتو
والدة جنا:اية اللى حصل يا يوسف...هى عاملة اية!!
يوسف بقلق:مش عارف الدكتور لسة مخرجش
والد جنا:هم بقالهم اد اية جوة؟
يوسف:ساعة
عدا ساعة و بابا يوسف و مامتو جم و بعد شوية خرج الدكتور و كلو جرى عليه
احمد بقلق:طمنا يا دكتور
الدكتور:متقلقوش الحمد لله عدت على خير بس هتعد كام يوم تعبانة من تاثير العملية
يوسف:عملية اية!!
الدكتور:للاسف احنا مقدرناش ننقذ الجنين فاضطرينا نعمل اجهاض
الكل بصدمة:ايــــه!!
يوسف:جنين!...اجهاض....انا مش فاهم حاجة هى كانت حامل!!
الدكتور:انتو مكنتوش تعرفو...المدام كانت حامل ف شهر
والدة يوسف:طب هى هتفوق امتى
الدكتور:على بكرة الصبح ان شاء الله
والد جنا:شكرا يا دكتور
الدكتور:دة واجبى...عن اذنكو
يوسف كان مصدوم من اللى سمعو فسابهم و مشى
احمد و نادى علية:يوسف رايح فين
يوسف:شوية وجاى يا احمد بس خليك انت جنبها متسبهاش
احمد:خلاص ماشى
والدة جنا بعياط:انا مش فاهمة لية اجهاض...و اية اللى يخلي النزيف يجيلها
احمد:ماما اهدى...هنفهم كل حاجة ان شاء الله..بس انتى لازم تروحى دلوئتى
والدة جنا:لا طبعا انا هفضل جنبها
احمد:يا حبيبتى انا هفضل معاها انا ويوسف
والد جنا:احمد عندو حق يلا نمشى
والدة جنا:ماشى يا احمد ابقى كلمنى
احمد:حاضر يا ماما
الكل مشى الا احمد فضل جنب جنا
اما يوسف فكان اعد فعربيتو ادام الكورنيش و كان مخنوق اوى
يوسف بعياط:لية كدة يا جنا...انتى مش عارفة انى بحبك...طب هو دة كان ابنى و لا ابنو هو...اكيد مش هتوصل بيها للدرجة دى...بس لو ابنى هكون انا اللى قتلتو...يا رب نفسى اعرف الحقيقة فين...انا زهقت و تعبت
يوسف موبايلو رن وكانت واحدة من صحابو القدام
يوسف:الو...مين معايا
ميرنا:يوسف انا ميرنا عامل اية
يوسف بضيق:كويس
ميرنا:انت فين..انا عايزة اشوفك ضرورى
يوسف:ميرنا مش فاضى
ميرنا:موضوع مهم اوى مينفعش استنى
يوسف بنفاذ صبر:انتى فين
يوسف عرف هي فين وراحلها........و هناك
ميرنا:كويس انك جيت
يوسف:اية الموضوع
ميرنا:طب اطلب حاجة
يوسف:مش عايز اخلصى
ميرنا:طب اسمعنى من غير ما تقاطعنى
يوسف:طيب قولى
ميرنا:انا كنت ف شرم من حوالى 3 اسابيع واعرف ظابط اسمو مصطفى محمود و كنا متصاحبين...و انت عارف انى مضيفة طيران فاعرف ناس كتير..و فيوم مصطفى طلب منى مصور فتوغرافر محترف لما سألتو لية قالى انو هيعد مع واحدة و عايز يصورهم لما يمسك ايدها ويحضنها فجأة عشان عايز يورى الصور لجوزها كأنتقام منها و منو
يوسف بصدمة:انتى اصدك ان البنت دى تبقى جنا مراتى
ميرنا:اة يا يوسف مراتك بس والله مكنتش اعرف ان هى الا لما دخلت على الواتس اب بتاعك بالصدفة و شوفت صورتك انت و هى فعرفت
يوسف:انتى عارفة باللى انتى عملتية دة حصل اية
ميرنا:يوسف انا لو كنت اعرف انها مراتك من الاول عمرى ما كنت اعمل كدة احنا بردو بينا عشرة...عموما جنا مظلمومة يا يوسف...متصدقش عليها حاجة
يوسف بعصبية:حتى لو متعرفيش انها مراتى ازاى تعملى كدة اصلا
ميرنا:يوسف متتعصبش عليا و متنساش انك عملت الحركة دة قبل كدة ف واحدة محترمة عشان ضربتك بالقلم بسبب اللى انت كنت عايزو منها وطلبت بردو انى اساعدك...فمطلعنيش انا غلطانة...سلام
مشيت ميرنا و يوسف كان اعد مخنوق اوى من كلامها ومش مصدق ان هو شك ف شرف جنا و كان ساعتها وقت صلاة العشاء فراح يوسف مسجد قريب عشان يصل و اعد يدعى ربنا انها تسامحو
يوسف:يا رب انا ممكن اعمل اى حاجة و اخليها تسامحنى...انا غلطت و ربنا ردهالى ف مراتى..بس بردو انا راجل و دى مراتى واى حد مكانى ممكن اعمل كدة...ســـامحينى يا جنا
يوسف راح على المستشفى لقى احمد اعد مع جنا
احمد:كنت فين يا يوسف كل دة
يوسف:معلش يا احمد كنت مخنوق اوى
احمد:طب هو اية اللى حصل
يوسف:احمد متسألنيش عن حاجة دلوئتى لو سمحت
احمد:خلاص زى ما تحب
يوسف:طب روح انت و انا هفضل معاها لحد ما تفوق
احمد:طب اما تفوق كلمنى
يوسف:ماشى و خد مفتاح الفيلة خللى منة او طنط يروحو يجيبولها لبس
احمد:ماشى سلام
يوسف:سلام
يوسف فضل اعد جنب جنا و راح ف النوم من التعب وكان ماسك ايدها
تانى يوم جنا صحيت وشالت ايدها من ايد يوسف فيوسف صحي
يوسف:بقيتى كويسة
جنا بتعب:اية اللى حصل
يوسف:انتى بس اغم عليكي و وقعتى على السلم
جنا:طب لية بطنى بتوجعنى اوى كدة
يوسف:جنا انا اسف متزعليش منى
جنا بعياط:يوسف انت ظلمتنى و حتى مجاش ف بالك تسألنى
يوسف:غصب عنى و الله
جنا:بس غريبة انت عرفت انى مظلومة منين
يوسف:عرفت و خلاص يا جنا انتى عمرك ما تكونى كدة
جنا:و عرفت كدة بعد اية...بعد لما شكيت فشرفى
يوسف:انا مستعد اعمل اى حاجة و تسامحينى
جنا:مفيش حاجة تعوض اللى انت عملتو
يوسف معرفش يرد عليها و الدكتور دخل بعد شوية
الدكتور:عاملة اية دلوئتى
جنا:بطنى وجعانى اوى
الدكتور:دة طبيعى لاى واحدة بتجهض
جنا بصدمة:اجهاض!!
الدكتور:اية يا مدام جنا هو حضرتك معرفتيش...حضرتك سقطى من اثر الوقعة ولو كنا حاولنا ننقذ الجنين كان هيبقى فى خطر كبير على حياتك
جنا بعياط:يعنى ابنى مات
الدكتور:ربنا عايز كدة يا مدام جنا بس حضرتك لازم تفضلى هنا كام يوم على ما صحتك تتحسن
يوسف:شكرا يا دكتور
الدكتور:العفو...عن اذنكو
يوسف:اتفضل
جنا اعدت تعيط و يوسف مكنش عارف يقولها اية
يوسف:جنا انتى كويسة
جنا بعياط:يوسف الله يخليك ملكش دعوة بيا...امشى من ادامى دلوئتى
يوسف:دة قدر ربنا
جنا بعياط:انا مبعترضش على امر ربنا بس لو انت مش حاسس دة ابنى و مات
يوسف:ازاى مش حاسس ماهو ابنى انا كمان
جنا بسخرية:و متأكد بأة ان دة ابنك و لا شاكك بردو
يوسف:جنا بلاش تقولى كدة...و ان شاء الله هيجيلنا غيرو
جنا:لو هيجيلي غيرو منك انت يبقى انا مش عايزة اخلف خالص
يوسف:لية بتقولى كدة
جنا بعصبية:عشان دة اللى المفروض يتقال انا مش عايزاك فحياتى اصلا
يوسف بحزن:جنا انتى مش مستوعبة انتى بتقولى اية...فعشان خاطرى لما تهدى نتكلم
جنا بجدية:مفيش كلام بينا غير انى اقولك طلقنى
يوسف:بس انا مش هقدر اطلقك..ولا انتى هتقدرى تبعدى عنى صح...عشان انتى بتحبينى
جنا بعياط:المشكلة انى بحبك من زمان اوى حتى من قبل مانت تحس بيا اصلا وانت مقدرتش
يوسف و راح جنبها:انا اسف و مستعد اعمل اى حاجة انتى عايزاها و مستعد اسيب البيت واعد فاى فندق لحد ما اعصابك تهدى...بس متسبنيش يا جنا و النبى
جنا:مش هقدر افضل معاك وانت شكيت ف شرفى انت مش فاهم ان دى حاجة كبيرة
يوسف:انا عارف والله و حاسس بيكي بس بلاش تخدى اى قرار دلوئتى
فجأة دخل اهل يوسف و جنا
والدة جنا:انتى كويسة دلوئتى يا حبيبتى
جنا بعياط و حضنت مامتها:ابنى مات يا ماما
والدة جنا:معلش يا حبيبتى ربنا هيعوضك ان شاء الله
والد يوسف:يوسف هو اية اللى حصل بالظبط
يوسف:بصراحة................
جنا و قاطعتو:انا وقعت من ع السلم فمش استحملت فأغم عليا و حصل اللى حصل
والدة يوسف:طب يا حبيبتى مش تاخدى بالك
جنا:معلش يا طنط
احمد:الحمد لله انها جت على اد كدة
جنا:احمد انا عايزة اخرج من هنا
احمد:يا حبيبتى مينفعش لازم ترتاحى
جنا:معلش قول للدكتور
يوسف:انا هروح اكلم الدكتور
يوسف خرج و منة خرجت وراة
منة:يوسف ثوانى
يوسف بحزن:نعم يا منة
منة:انا عايزة اعرف اية اللى حصل بالظبط
يوسف:ماهى جنا قالتلكو
منة:يوسف انا عارفة انك كنت بتعامل جنا وحش وعشان كدة سابت البيت
يوسف:مدام كنتى عارفة لية مقاتليش لما سألتك
منة:هى كانت محلفانى فمكنش ينفع اقول وانت لو مكانى كنت عملت كدة
يوسف:خلاص يا منة حصل خير
منة:بس بردو مقلتليش اية اللى حصل
يوسف:حكالها اللى حصل
منة بصدمة:مصطفى عمل كدة....وانت صدقت
يوسف:غصب عنى و الله وانا هعمل المستحيل عشان هى تسامحنى
منة:مش سهل يا يوسف
يوسف:انا عارف بس.................
جية احمد و قاطعهم:يعنى كل اللى حصل لاختى دة بسببك لا و كمان شكيت ف شرفها و مصدقتهاش الا لما جالك دليل صح
يوسف:صدقنى مكنش اصدى
احمد بعصبية:مكنش اصدك ازاى يعنى انت معندكش مخ يفكر
منة:اهدى يا احمد عصبيتك دى من هتحل حاجة
احمد:اخرسي انتى خالص عشان كنتى عرفى كل حاجة من الاول و مقلتليش
يوسف:اهدى دلوئتى بس خلينا نفكر هنعمل اية مع مصطفى
احمد:عليا النعمة ماهسيبو و هدفعو التمن غالى...وانت كمان و الله العظيم لوريك بس افوقلك
يوسف:ايا كان اللى هتعملو فهيكون عندك حق فية انا مش همنعك....بس خلينا ف مصطفى احنا ممكن نجيبو الارض بعلقاتى و علاقاتك
احمد:لا انا مش هدخلو السجن كدة و خلاص...واحد زى دة اكيد لية بلاوى وانا هفضل وراة لحد ما اعرفها وساعتها مش هرحمو
يوسف:ماشى ولما توصل لحاجة ابقى قولى
احمد:مع انى مش طايقك بس من حقك تعرف
يوسف:و دة عشمى فيك
احمد:سلام دلوئتى
منة:احمد بس....
احمد و قاعها:منة صدقينى معنديش دماغ اتناقش دلوئتى...نبقى نتكلم بعدين
منة:ماشى سلام
يوسف:خشى انتى يا منة و انا هروح اشوف الدكتور لو هيكتبلها على خروج
منة:ماشى
يوسف راح اتكلم مع الدكتور و قالو انها ممكن تخرج بكرة
يوسف و لما دخلهم:الدكتور قال انك ممكن تخرجى بكرة
منة:ماشى و انا هفضل معاها لحد بكرة
يوسف:لا يا منة روحى انتى
جنا:لا انا عايزة منة تفضل معايا
يوسف بحزن:زى ما تحبي
.................................................. ..................
فمكان تانى فمديرية امن
احمد:خالد باشا واحشنى
خالد:احمد اذيك
احمد:تمام يا باشا وانت
خالد:الحمد لله...من ساعة ما روحت البحرية و انت ناسينا خالص
احمد:معلش يا خالد والله مانت عارف ان الشغل مش بيخلص
خالد:و لا يهمك يا معلم
احمد:انا جايلك ف خدمة
خالد:اؤمرنى
احمد:فى ظابط شغال فشرطة السياحة ف شرم عايز اجيب كل المعلومات اللى عنو و عن اى حد قريب منو يعنى كل تفاصيل حياتو
خالد:بسيطة...بس لية كل دة
احمد:موضوع شخصى
خالد:ماشى ادينى يومين وفايل معلومات عنو هيكون عندك بس انت ادينى اسمو
احمد:مصطفى محمود اسماعيل
خالد:خلاص ماشى
احمد:تسلم يا خالد
خالد:عادى يا معلم احنا عشرة بردو
.................................................. .................
فالنادى
حبيبة كانت كانت بتلف ف التراك وجيه حازم يتكلم معاها
حازم:حبيبة عايزك ف موضوع
حبيبة:ومن امتى فى بينا مواضيع
حازم:حبيبة انا بحبك انتى لية مش راضية تصدقى كدة
حبيبة:حازم مكنا خلصنا من الموضوع دة
حازم و مسكها من ايدها:يا بنتى والله ممكن اثبتلك
حبيبة æوشالت ايدو وبعصبية:انت اتهبلت يا حازم صح
حازم بنفاذ صبر:انتى شايفة نفسك كدة لية
حبيبة:انت بتتكلم كدة لية انت مش عارف انا ممكن اعمل فيك اية
حازم:و لا تقدرى تعملى حاجة
حبيبة :طب غور يا حازم من وشى و انا هعرفك انا ممكن اعمل اية...و سابتو و مشيت
.................................................. .................
عدا اليوم وتانى يوم يوسف واهل جنا راحو المستشفى و جنا كانت جهزت عشان تمشى
جنا:ماما ممكن تكلمى خالتو وتخلى منة تيجي تعد عندى كام يوم
والدة جنا:بس كدة هنضايق يوسف
يوسف:لا يا طنط عادى براحتهم
والدة جنا:خلاص يا منة روحى معاهم
يوسف وصل جنا و منة البيت و جنا صوتت فجأة
جنا بوجع:ااااة مش قادرة
يوسف و منة بخضة:مالك
جنا بوجع:بطنى وجعتنى فجأة
يوسف بقلق:طب اكلم الدكتور
جنا:لا فى دوا الدكتور قالى اخدو لو حصل كدة
منة:طب هو فين
جنا:هتلاقية فالشنطة يا منة هاتية بسرعة
منة:حاضر
يوسف:مكنتى تفضلى ف المستشفى شوية
على الاقل ترتاحى كويس
جنا مردتش ومنة جابتلها الدوا وخدتو و جنا خدت بالها من شنطة عند الباب
جنا:اية الشنطة دى
يوسف:دى شنطتى يا جنا...انا هعمل اللى اتفقنا علية و هسيب البيت فترة على ما انتى ترتاحى بس لو مش عايزانى امشى دى هتكون حاجة تفرحنى
جنا من ورا قلبها:بالعكس عدم وجودك هيريحنى اكتر
يوسف بحزن:زى ما تحبى انا بس عايز راحتك...بس خدى بالك من نفسك و انا هطمن عليكي كل يوم و انتى لو عزتى حاجة كلمينى
جنا:صدقنى لو هموت عمرى ما هكلمك
يوسف بحزن:سلام يا جنا
جنا:خد بالك انا اللى مسكتنى دلوئتى اونكل و طنط عشان مش عايزة يحصل مشاكل بس بعد فترة هنقول انو حصل مشاكل مبينا وتطلقنى
يوسف:و انا قلتلك انى مش هقدر اسيبك يا جنا....وسابها و مشى
يوسف مشى و راح اعد مازن ومنة اعدت عند جنا فترة و يوسف كان بيطمن عليها من منة كل يوم
عدا اسبوعين واحمد عرف حجات كتير عن مصطفى بس كان مستنى يقبض عليه
ويوسف و جنا مش بيتعاملو مع بعض
و ف يوم جنا كانت نايمة فسمعت صوت ف الاوضة اللى جنبها فقامت تشوف فى اية و دخلت الاوضة و هى خايفة والاوضة كانت مضلمة
فجأة حد خبط فيها و حصل....................................