رواية حب مكتوب
الجزء العاشر..
للكاتبه / مي علي
محمود اتجوز يا مي
اتصدمت وحسيت ان عقلي
عقلي اي انا مبقاش فيا عقل
صرخت ف وشو
- انت بتقول اي اتجوز اي ! انت بتخرف
انت اكيد كداب
- لا يا مي مش كداب هي دي الحقيقه ومستعد اوصلك بأخته وتعرفك بنفسها
- لا كدب كدب محمود عمرو ميتخلي عني
- لا اتخلي يا مي وبعدين انا مش جايب ده من عندي
يا ستي انا كداب طب وتلفونه اللي اتقفل ومقاطعته ليا فاجأه واختفائه
وكلام اخته طب انا كداب اخته كدابه واحنا فيها اهو قومي معايا دلوقتي نروح لشقتها قومي
وانا هخليها تقولك ده بنفسها
للكاتبه مي علي
انهارت ف الارض ومبقتش قادره اقف
ماما جريت عليا
- قومي يا بنتي قومي متعمليش ف نفسك كده
- ليه يا ماما ليييه ليه عملتلو اي
ضيعت سبع سنين من عمري مستنياه وقاعده علي أمل
عملتلو اي وحش قوليلي
مروان : معملتيش يا مي غير انك وقفتي حياتك عليه
كان لازم تسمعي كلامنا
انتي لو كنتي اتجوزتي كنتي نسيتي
وعشان تخرجي من اللي انتي فيه ده لازم ترتبطي تاني و
فضلت اصرخ
- لااا لااا مستحيل لا انا حتي بعد الكلام ده كله مش مصدقه
كلو كدابين انا بكرهكو كلكو
ابعدو عنييييي ابعدو عنييييي
ودخلت علي اوضتي وقفلت عليا الباب
وفضلت اعيط
عملت لك ايه عشان تتخلي عني كده
ده جزاتي اني استنيتك
يارب علي اد ما كنت بتمني تحفظه وتخليه ليا وتجمعني بيه
يارب انتقم منه
لا لا يارب بعد الشر
يارب خدني انا ياااارب
اااااه يا قلبي اااه
الوجع اللي ف قلبي محدش يتخيلو
مبقتش عارفه اعيط علي اي ولا علي اي
علي سمعتي اللي بقت علي لسان الناس واني عانس
ولا علي اهلي اللي هيموتو بسببي ولا علي عمري اللي راح وانا مستنيه سراب
ولا علي اي بس
للكاتبه مي علي
فضلت ف اوضتي مبخرجش حتي لما ببا جه وحاول يطلعني مرضتش ابدا
وكل اما حد يكمني اصرخ ف وشه
مش عاوزه حد
مش عاوزه اشوف ولا اسمع اي حاجه
دخلت ف حالة اكتئاب ومبقتش بال غير بالعافيه وخسيت خالص
وبيتي بقي عباره عن اوضتي
واهلي هي نفسي الكئيبه اللي بقيت بكرهها
عدي فتره وانا ف الحال ده
وبابا فكر اني عشان اخرج من الحاله دي
بدل ما يعالجني
راح وجابلي عريس عشان استقر
ف نظره اني ممكن ابقي احسن وانسي لو اتجوزت وجبت عيال
معرفش اي اللي حصلي ساعتها بس الدنيا اسودت ف وشي
مستحيل اتجوز
مستحيل
دخلت اوضتي بعد ما سمعت كلامه كله
لا ارادي عني وبخطوات بطيئه طلعت شريط حبوب من الدرج
انا حتي معرفش بتاع اي
انا كرهت حياتي خلاص ومبقاش ليها لازمه
انا ضعيفه ايوا مقدرتش استحمل
وخدت شريط الحبوب كله
وطلعت قعدت ع السرير وضميت ركبي
وفضلت ابكي
ابكي علي حالي وعلي الفراغ اللي جوايا وعلي اللي وصلتلو
بيقولو محدش بيموت ورا حد بيحبه
الكلام ده مش صح
ممكن فعلا حد يموت ورا حد بيحبه
بس الموت بيبقي موت الروح مش موت الجسد
محستش بنفسي بعد كده
غير وفي خبط وترزيع ف جسمي وصوت صريخ
فوقت معرفش بعد اد اي
كنت ف البيت
وماما قاعده جمبي وبتحاول تفوقني
بصتلها واول ماعينها جت ف عيني بكت بحرقه
- ماما مالك بتعيطي ليه
حضنتني وهي ساكته وبتعيط
حضنتها
- ليه يا مي تعملي فيا كده ليه
عاوزه تموتي وتسيبيني
وكمان تحرقي قلبي عليكي وتنتحري وابقي عارفه انك ف قبرك بتتعذبي لانك موتي كافره
ليه يا بنتي ليه
للكاتبه مي علي
معرفتش ارد عليها اقول اي
دخل مروان وباصصلي بصه غريبه وقال
- فوقتي
عجبك اللي انت عملتيه ده
استغفري ربنا بقي علي اللي انتي عملتيه
مكنتش اتوقع انك ضعيفه كده
بابا دخل وقاطعه وقال :
اسكت واطلع بره
وانتي كمان يا ماما قومي اطلعي
انا عاوز مي لوحدها
خرجو كلهم وفضلت قاعده انا وبابا
بصلي ولقيته بيبكي
- بابا انت بتعيط
حضني وقال :
-حقك عليا
انا السبب
- بابا متقولش كده
- انا زيي زي اي اب عاوز لبنته احسن حاجه ف الدنيا
حطيت رغبتي فوق رغبتك وضيعتك
حقك عليا يا حبيبتي
للكاتبه مي علي
- يا حبيبي يا بابا
- انا عمري مقصرت معاكي
انتي متعرفيش انا بحبك اد اي يا بنتي
ومش مستعد تضيعي مني تاني
ووعد مني مش هجبرك علي اي حاجه ابدا
انتي مش عاوزه تتجوزي خلاص بلاش منهو الجواز خالص
بيتي مفتوح لك ليوم ما اموت ومحدش يقدر يهوب ناحيتك ابدا بكلمه ولا يجبرك علي حاجه
وربنا هو القادر يطمنا عليكي يا بنتي
وحضنته اوي وانا مرتاحه جدا بعد اللي سمعته ده
انا خلاص اخدت قرار مهم وحاسم ف حياتي
مفيش حب تاني
مفيشراجل هيدخل حياتي تاني نهائي
ههتم بنفسي وهشتغل وهقوي وابقي احسن من الاول واغير كل حاجه قديمه
وخلصت القصه علي كده
ومرت الايام وفقت وبقيت احسن
وسبت المدرسه اللي اتخنقت منها
ودورت علي شغل كتير اوي
حبيت اشتغل ف شركه
وشوفت اعلانات كتير عاوزين سكرتيره عندهم
قدمت ف كذا شركه وسبت رقمي
اربعه ايام وانا بقدم وبلف
ف الرابعه دخلت شركه ارتحت فيها اوي وللناس اللي عملو معايا انتر فيو
واتمنيت اشتغل فيها بجد مش عارفه ليه
وانا خارجه وبعد ما خلصت
خبطت ف واحده
- سوري انا اسفه اوي
- انا اللي اسفه والله مكنتش اقصد
اي داااااه مي
- حضرتك تعرفيني
- خرب عقلك مش فاكراني يا ميمو
- مين معلش مش واخده ب
هئ دعااااء وحشتيني
- يابنت ال اي انتي كمان وحشتيني اوي
انتي اتغيرتي خالص
مالك انتي تعبانه ولا اي
- يعني شوية تعب كده بس والحمدلله بقيت احسن
- تعالي نقعد طب تعالي
انتي جايه هنا تعملي اي
قعدنا بس انا محكتلهاش اي حاجه ليها علاقه بالموضوع
لانها خلاص قصه وخلصت
- انا جايه اقدم علي شغل
- شغل اي انتي اتعينتي خلاص
- اي دااه ازاي
- يا بنتي دي شركة اخويا عبدالرحمن
وانا بشتغل معاه هنا
بس جوزي بقي قارفني ورافض فكرة الشغل حتي لو مع اخويا
- اه ربنا يهنيكو معلش استحمليه اكيد بيحبك ومش عاوزك تتبهدلي
- اه هو بيحبني اوي
- ربنا يهنيكو يارب
- صحيح انتي اتجوزني ولا ولسه
- انا
لسه النصيب مجاش
- ليه يا بنتي طب ومحمود اللي كنتي بتحبيه
- دعاء معلش مش عاوزه افتح الموضوع ده حاليا
ممكن بعدين احكيلك بس بلاش دلوقتي
- طيب يا حبيبتي ولا يهمك
يلا بس قومي تعالي معايا
- علي فين
- هنطلع واخليكي تقابلي عبد الرحمن وبالمره تمضي عقد شغلك معانا
- بسرعه كده
- يابنتي والله ده انتي فرصه لينا
وعبد الرحمن مش هيلاقي سكرتيره شاطره زيك
- ربنا يخليكي والله ده كتير عليا
- قومي طب يلا معايا
قومنا فعلا وطلعنا بس هو كان عندو اجتماع
ف هي مضت العقود بنفسها واخدتني تفرجني ع الشركه والمكتب
ولما رجعنا كان مشي
واول يوم مشوفتوش واتعلمت كام حاجه من اسس الشغل
وروحت
وتاني يوم روحت واستلمت مكتبي
وعرفت من دعاء انو سافر تبع شغل لمدة تلت ايام وانه رحب جدا باختيار دعاء
وبعد اربع ايام شغل وبقيت كويسه جدا
كنت قاعده علي مكتبي
وبشرب نسكافيه
ودعاء رنت علي تليفون المكتب وقالتلي تعالي عشان تسلمني ملفات
وقمت واخدت الكوبايه معايا وكانت مليانه
وبخرج من الباب
روحت خابطه ف واحد وكوباية النسكافيه ادلقت عليه
كان لابس تيشرت وبنطلون عادي مش موظف زينا
وقف وزعقلي
- ايييي انتي عاميه
- معلش والله مشفتش حضرتك انا اسفه حضرتك داخل وانا خارجه
ثانيه واحده هجيب لحضرتك فوطه
- خلاص مش لازم حصل خير
ولقيته داخل المكتب
- ثواني حضرتك داخل فين
- انتي عامله غلبه ليه وسعي كده
- حضرتك مش مسموح تدخل هنا
- هو اي اللي مش مسموح
مش مسموح ادخل مكتبي
وقفت وتنحت
- هو حضرتك عبدالرحمن
- استاذ عبد الرحمن
وانتي مين بقي يا لبخه انتي
- انا
دخلت دعاء
- بوووودي حبيبي حمدالله ع السلامه
- دعاء قولنا بودي دي مش هنا احنا هنا ف الشركه
ورايا بقي علي مكتبي
دخلت وراه وانا دخلت وراهم
بصلي بصه بسخريه وقال :
اتفضلي استني بره
خير جايه ورانا ليه يعني
انا زعلت اوي
هو ليه بيكلمني كده
خرجت قعدت ع المكتب وسمعاه وو بيزعق :
- هيا دي اللي جيباها سكرتيره
انا عاوزها مدردحه وليها خبرات ف الشغل
مش لبخه وعبيطه كده وتحسيها بتتكعبل وهيا ماشيه
- في اي يا عبد الرحمن عيب كده تسمعك
- بصي هيا مش عشان صاحبتك
وانتي عارفه اني مبقبلش وسايط بس انا عديتها عشان مش فاضي
انا مستحملتش كلمه زياده
واخدت شنطتي وسبت المكتب وخرجت
ونزلت وانا بعيط
انا عمر ما حد عاملني كده
يدوبك خارجه من باب الشركه ولقيتها بتجري ورايا
- مي مي استني بس
- معلش سيبيني امشي انا اسفه اوي والله مكنش قصدي احرجكك
- يابنتي هو مش عصبي والله هو بس عندو ضغط شغل
- معلش ربنا يعينه بس انا همشي خلاص مبقتش حابه اشتغل هنا انا اسفه او
وصعبت عليا نفسي وحطيت ايدي علي وشي وانا بعيط
- طب اهدي بس حقك عليا انا
- هو انا بس زعلانه لانه مشفش شغلي ولا عرف انا بشتغل ازاي
انا عمري ما حد كلمني كده
وانتي عارفاني كويس
انا لبخه وعبيطه ومتخلفه وبتكعبل وانا ماشيه و
ولقيت اللي واقف قدامي وبيقلي :
وانا اسف حقك عليا متزعليش .....