رواية حب مكتوب الفصل الثالث3 بقلم مي علي

الجزء الثالث

للكاتبه : مي علي

روايات رومانسيه - الكاتبه مي علي

اول ما مروان دخل يجيب المحفظه بصلي بسرعه وقال ...

بكره هعدي عليكي الساعه ٣ ف معاد خروجك من الجامعه

- وانت عرفت منين اني بخرج الساعه تلاته

- مش مهم عرفت منين ... المهم في حاجه مهمه لازم اقولهالك .. مهمه اوي .. حياه او موت

- يااااه للدرجه دي

- اه والله

- طيب طيب

ودخلت بسرعه قبل ما مروان اخويا يخرج ويشوفنا بنتكلم

وفضلت طول الليل بفكر هو عاوز مني اي

لكن كنت مبسوطه اني شوفته واتكلمت معاه

وتاني يوم فعلا روحت الجامعه وخلصت وخرجت وقفت قدام البوابه لقيته مستنيني

اول ما شاوفته قولتله..

ها عاوزني ف اي؟

- هنتكلم هنا ف الشارع كده

- اومال نتكلم فين

- تعالي بس نقعد ف حته

- بس انا اخاف حد يشوفنا

- متخفيش انا عمري مارضالك حاجه وحشه ابدا

- طب بس مش هنتأخر

- متقلقيش

للكاتبه مي علي

وفعلا مشينا وروحنا قعدنا ف كافيه جمب الجامعه

وطلبلي حاجه اشربها

قولتله..

يلا بقي قولي عاوزني ف اي ... اي الحاجه المهمه وحياه أو موت اللي عاوزني فيها دي

فضل ساكت وباصللي بس

- في اي مالك ساكت لي ؟!

الكاتبه مي علي

بردو مبيردش وساكت وعمال يبصلي

اتعصبت وقولتله..

تؤ ممكن تبطل تبصلي وتتكلم وتقول في اي

سكت شويه وبعدين اخد نفس عميق وقال..

اللي هقوله ده غصب عني ومش عاوز يتفهم غلط قبل اي حاجه

- هو اي ده اللي يتفهم غلط وغصب عنك انا مش فاهمه حاجه!!!

- ممكن تقربي

- اقرب !!!

- اه قربي

- اهو اديني قربت

وبردو لما قربنا مرضيش يتكلم

- يووووه انت هتفضل ساكت بردو ... قولت قربي وقربت ها في اي بقي

- معاكي ورقه وقلم

- ورقه وقلم ؟؟ ليه

- معاكي بس

- اه معايا

- طب ممكن تديني ورقه وقلم

طلعتله ورقه وقلم من الشنطه واديتهملو

- اتفضل اهو

اخد الورقه وقعد يكتب حاجه وبعد شويه اداني الورقه وقالي ...

اقريها

مسكت الورقه وانا مش فاهمه حاجه

لقيته كاتبلي فيها :

انا مش هقولك اني معجب بيكي لاني عديت المرحله دي من زمان .. انا بقالي تلت سنين ويمكن اكتر  وانا ف مرحلة الاعجاب ودلوقتي انا عاوز اقلك اني بحبك ... بحبك اوي

تقبلي تتجوزيني !!!

انا قريت المكتوب ف الورقه ومبقتش عارفه اتنفس من الفرحه المكتومه جوايا

سكتت وبصتله جامد اوي وقولتله ...

هو انا ممكن امشي

استغرب جدا وقالي ...

ليه

- معلش عاوزه اروح

سكت شويه وقال...

طب قومي اروحك

روايات رومانسيه - مي علي

قومت فعلا وروحني وطول السكه متكلمناش نص كلمه

قعدت من الوقت ده يجي اسبوع ف البيت مبخرجش

بسمعه بيجي وقاعد بره بس مبخرجش ابدا

وبشوفه حوالين البيت من الشباك

عدي اسبوع بالظبط ع الحال ده

وبعدين نزلت

شوفته الصبح ف الشارع اول ما شافني اتخطف وانا كمان اتهزيت من جوايا

انا ف الفتره دي كنت بفكر وقررت وحددت مشاعري من ناحيته

للكاتبه مي علي

المهم فضل ماشي ورايا لحد الموقف

وقفت ف حته جمب سوبر ماركت وشاورتلو بعيني

انو يجي

للكاتبه مي علي

فجه رحت قايلاله...

انا هخلص الساعه اتنين . ممكن نتقابل النهارده ف الكافيه .. استناني هناك

قال... ماشي

وركبت وروحت الجامعه وخلصت

وخرجت وروحت الكافيه اللي كنا قاعدين فيه

دخلت ملقيتهوش

فضلت قاعده شويه ولقيته داخل

قعد وبصلي وقال..

اتأخرت عليكي

- لا خالص انا لسه جايه

- تشربي اي

- لا اسمعني انا مش جايه اشرب

بصلي وسكت

ابتسمت وقولتله...

معاك ورقه وقلم

ضحك وقالي ..

لا للأسف

الكاتبه مي علي

طلعت انا ورقه وقلم من معايا وكتبت حاجه

وبعدين اديتهالو

وانا بقوله ...

اقراها بصوت عالي  عشان اسمع

قرأ اللي فيها وقال..

انا كمان بحبك اوي وموافقه اتجوزك

بصلي بصه كلها حنيه وقال ..

الحمد لله

استغربت من الرد وبصتله وسكت

قال..

طبعا انتي عاوزه تعرفي بقول الحمدلله ليه

- بصراحه اه

- عشان من اربع سنين بالظبط وانا كل يوم بقعد ف الفجر ادعي انك تكوني ليا وأن قلبك يحس بقلبي وتحبيني ف يوم من الايام

ويكتبك ربنا ليا

والحمدلله اتحققت نص الدعوه .. انك بتحبيني .. فاضل النص التاني اللي هو انك تبقي ليا

الكاتبه مي علي

ضحكت وقولتله ...

للدرجه دي .. طب ومقولتش ليه !!

- لا حاولت ألمح كتير بس البعيده عاوزه نضاره

- لا رقيق اوي .. متقول مبتشوفش احسن

ضحك وقال ...

بصي يا بنت الناس انا معنديش حاجه حاليا اديهالك غير اني دايما هعمل كل حاجه تفرحك واخليكي دايما بتضحكي واحبك حب متحبهوش حد قبل كده واحققلك كل اللي بتتمنيه .. كل حاجه بتيجي واحده واحده

وانا من رأيي الفلوس والأكل والشرب دول شيكليات يعني

الكاتبه مي علي

ضحكت وقولتله ...

لا والنبي

ضحك ورد..

ربنا انشالله هيتممها علي خير

- يعني انت كده ناوي تكلم مروان

- لا مروان اي بقي ... هكلم الحاج احمد ابو مروان .. خلاص وصلت ل ليڤل الوحش وهاخد الاميره واحررها من القلعه واخدها علي حصاني الابيض ونطير

ضحكت وقولتله ...

علي الله الوحش ده ميحدفكش من المنور

بصلي بقرف وبنظرة ضحك وقال...

بقي انا بقولك الاميره والقلعه وحصاني الابيض وانتي تقوليلي منور .. قومي قومي جتو نيله اللي عاوز يعمل جو مقشعر معاكي

الكاتبه مي علي

- هههههههه اي !! مقشعر هههههههههههه

- اه اه سوري اسمو جو مشعر

- ههههههههه هار ابيض كمان

يا فاشل يا بو معهد اسمو جو شعري

- ياختيييي شعري ... اسمو شاعري ياختي  امشي

وفعلا قومت معاه وروحني .. بس هو كان بيسبني علي اول منطقتنا عشان محدش يشوفنا ماشيين جمب بعض

بس كان بيفضل متابعني لحد موصل

روحت وانا طايره من الفرحه .. انا بجد مبسوطه اوي ..

بس هو مقليش هو هيجي امتي ... انا توقعت انو هيجي بكره او يوم ف الاسبوع .. بس هو خالف كل توقعاتي

للكاتبه مي علي

وبليل ع الساعه تمانيه

الباب خبط وفتح مروان ..لقاه هو

انا قلبي دق بسرعه وخوف ودخلت الاوضه

وسمعاهم بره بيتكلمو

بس مش عارفه بيقولو اي

وفضلت واقفه احاول اسمع بس لقيته قام مشي

محدش كلمني ف حاجه ولما خرجت من الاوضه اول حاجه قالهالي مروان ....

انتي كنتي عارفه هو جاي ليه

- جاي لي اي ؟! واي كنت عارفه ؟! انا مش فاهمه حاجه

- بقولك اي متستعبطيش ... يعني انتي وهو مش متفقين مع بعض

- اتكلم معايا عدل اولا وثانيا فهمني في اي

- مهو انا عارف صحبي لما اسأله ويلف بالكلام يبقي مش عاوز يقول ومعني كده أن انتي وهو بتتكلمو وكنتي عارفه هو جاي ليه ... ومقرطسانا

بابا قال...

مروان بس اسكت خالص

وبصلي وقال ...

اقعدي يا مي

قعدت راح قالي ...

دلوقتي يا مي يا حبيبتي وبكل صراحه ومتخبيش علي بابا ... انتي في بينك وبين محمود حاجه ... بتتكلمو مثلا

- لا يا بابا ... محمود بني آدم محترم وعمرو مابصلي بصه وحشه أو حتي فكر يقولي كلمه تجراحني وعلاقتي بيه أنه صاحب مروان مش اكتر

- متاكده يا مي انك بتقولي الحقيقه

بلعت ريقي بالعافيه وقولتله ...

اه يا بابا دي الحقيقه

وبعد اذن حضرتك فهمني في اي ؟!

- محمود طلب ايدك مني ... عاوز يتجوزك

بصتله وانا بحاول علي قد ماقدر أبين اني متفاجأه وروحت قايله...

ومين قال اني عاوزه اتجوز دلوقتي

- والله هو جه واتكلم وانا سمعته للأخر بس انا بردو لازم اتكلم وهو يسمعني للأخر فقولتلو اني بكره هرد عليه عشان مكسرش بخاطره .. وهو عشره هو واخوكي ويعتبر متربيين مع بعض

ماما قالت..

وناوي تقوله اي يا أحمد

- والله الكلام واضح هو معندوش اي حاجه خالص لا شقه ولا وظيفه ثابته ده غير والدته اللي هو عايلها وحياته صعبه يدوبك متحمل نفسه .. ازاي يتجوز وهو معهوش حاجه ويحمل مسؤلية شخص تاني

انا معرفتش ارد اقول اي بس مكنتش مبسوطه نهائي

فضلت ساكته كتير جدا وبعدين قولت ...

اللي حضرتك تشوفو يا بابا

بس انا كنت فعلا حزينه واستأذنت ودخلت اوضتي

فضلت قاعده فيها مخرجتش وع الساعه واحده دخلت عليا ماما ..

- مي انتي لسه منمتيش

- لا يا ماما مش جايلي نوم  .  قولت اذاكر

- مش هتعرفي تذاكري طول ما دماغك مشغوله

- مش مشغوله يا ماما اي هيشغلها يعني

- يابت ... علي ماما بردو

اوعي تكوني فاكره اني هصدق انك مكنتيش تعرفي أو اني مش ملاحظه بيبصلك ازاي ... يا بت عيب ده انا كنت ملففه ابوكي السبع لفات ورايا وكنت بحبه اوي بس مكنتش ببينله وخليته حفي لحد ماخدني

واللي متعرفيهوش بقي أن ابوكي بردو كان صاحب اخويا

- ههههههه والنبي يا ماما هو انتو كان علي ايامكو حب اصلا

- طبعا ... حب واحلي حب

ده كان يجيلي تحت البلكونه ولابس احلي هدوم عندو ... بنطلون رجل الفيل بقي وفاتح زرار القميص لحد سورته ... ومسرح شعرو علي جمب ومغرقه فازلين ... وجايب ورد مقطفه من الجناين اللي جمب بيتهم ... يعيني مكنش معاه فلوس

ولما كنت اعدي من قدامه واشوفه بطرف عينه كده ... كان يتحجج بالمذاكره مع خالك عشان يجي يشوفني ... وخليته حفي عبال مابليت ريقه بكلمتين

ولما اتخطبت كان هيموت واكتئب يا بنتي بس خطوبتي مكملتش وفركشت ... يومها بيتهيألي ابوكي عمل فرح عندهم وكان هاين عليه يوزع شربات وف نفس اليوم جه واتقدملي وجدك الله يرحمو وافق ... نصيب يابنتي نصيب

- الله يا ماما حلو اوي اللي بتحكيه ده ... زي الروايات والافلام الابيض واسود

- المهم بس متاخدنيش ف دوكه واحكيلي بقي الموضوع بصراحه ... انا ماما يعني سترك وغطاكي

- والله يا ماما هو لسه معرفني انهارده

- هو الواد كويس مفيهوش عيب .محترم وعارفينو وبتاع شغل ومكافح وبار بأمه... كل ده كويس بس خلينا نفكر بالعقل

ده لسه مخلصش جيش ومفيش وظيفه ثابته وكمان يا بنتي في فرق شهادات وتعليم انتي ف ألسن ماشالله وهو حياله معهد

- بس هو هيكافح عشاني يا ماما

- يابنتي مينفعش تتاخد افش .. كل اب بيدور لبنته علي احسن حد ف الدنيا يصونها ويهنيها

- بس يا ماما طول ماحنا بنحب بعض هنبني طوبه طوبه

- كل ده كلام يا حبيبتي مش هتستحملي وقت الجد انك تبقي بنت عز وتتمرمطي ... لازم مستقبلك يبقي متأمن مع اللي هتتجوزيه وبكره تتخرجي وتشتغلي بشهادتك وتبقي حاجه كبيره ... وهو هيحاول مقولناش حاجه بس هيبقي في فرق بينكو ... كلمه هقولهالك واسمعيها كويس ... الراجل اللي بيعلي الست ويرفعها مش الست اللي تعلي مستوي الراجل

- انا زعلانه اوي يا ماما

- مفيش ف أيدينا حاجه يابنتي ... بكره يجي ونشوف ابوكي هيقولو اي

- طب ولو رفضو

- سيبيها لله يا حبيبتي واللي في الخير يقدمه ربنا ... يلا نامي عشان وراكي جامعه الصبح ... تصبحي علي خير

- وانتي من اهل الخير يا ماما

خرجت وانا حضنت المخده ومعرفتش انام ... سرحت وفضلت صاحيه ... معرفش عدي وقت اد اي .. بس لقيت الفجر بيأذن ... قمت خرجت اتوضيت وصليت وقعدت ادعي ..

يارب بابا يوافق يارب ... يارب اكتبهولي يارب ... اجبر بخاطري يارب

فضلت كده لحد شروق الشمس... وبعدين نعست ونمت

صحيت ع الساعه واحده كده ومقدرتش اروح الجامعه كان في محضرات كتير فاتتني

مروان اول ما شافني قال ...

مي مروحتيش الجامعه ليه ...معندكيش محضرات ولا اي

- لا عندي بس اصل صحيت حسيت نفسي همدانه ف كسلت

- مالك سلمتك الف سلامه

- الله يسلمك انا كويسه بس همدانه مش قادره اتحرك

- وده من اي ده

- عادي يا مروان مفيش حاجه

- ليكون ده بسبب اللي حصل امبارح

- وهو اي اللي حصل امبارح يا مروان

- يعني حوار محمود وكده

- مروان والنبي طلعني من دماغك انا مش ناقصاك

- والله ... طيب يا مي ماشي

بابا خرج ...

- صباح الخير

- صباح الفل يابابا

- مي مروحتيش الجامعه ليه

- مفيش يابابا اصل تعبانه شويه

- سلامتك يا حبيبتي الف سلامه ... مالك

- جسمي بس همدان

- طيب يا بنتي ارتاحي يا حبيبتي لا تكوني اخدتي برد

ماما كانت حضرت الفطار وفطرنا وبابا ومروان نزلو ع الشغل

وانا دخلت مع ماما المطبخ

وع الساعه تمانيه بابا جه ووراه مروان علي طول

جريت سلمت عليه ...

- حمد الله على سلامتك يا بابا

- الله يسلمك يا حبيبتي اومال ماما فين

- جوه بتاخد دوش

- طيب

شويه وماما خرجت

- حمد الله على سلامتك يا احمد .. انت لسه مغيرتش هدومك قوم غير علي ما احط الاكل

- لا لسه مش هاكل دلوقتي اصل محمود جاي كمان شويه انا اديته معاد

قلبي اتخطف ياتري بابا هيقولو اي .. يارب يوافق يارب

ولسه مكملناش الكلمه كان وصل وبيخبط

بابا قالنا خشو جوه يلا متطلعوش

دخلنا بس انا فضلت واقفه اسمع بيقولو اي

ماما قالتلي ...

بلاش التوتر اللي انتي فيه ده

- عاوزه اسمع يا ماما

- طيب بس خلي بالك مروان يدخل يشوفك كده يدبحك

فضلت واقفه وسمعت بابا بيرحب بيه وبعدين دخل ف الموضوع وقاله.....تابعو صفحتي اول بوست عندي لو سمحتمم

               الجزء الرابع من هنا

لقراءة باقي الفصول من هنا