رواية ملاكى الأخرس كامله بقلم ايمان المهدي
ف قريه بسيطة تعيش الجميلة أسيل بملامحها الغربيه
ذات بشرة بيضاء نقيه وصافيه خدود ممتلئة بغمازتين وعيون كبيرة وواسعة يميلان الى الخضار
تبلغ من العمر عشرون سنه تدرس ف كليه الطب
تعيش مع والدها يبلغ الستين من عمره رجل ثرى يمتلك اكثر من نصف الأراضى المحاوطة للقريه ، طيب القلب ،يحبه اهل القرية ،
فى الصباح تستيقظ أسيل من نومها ثم تدخل الحمام المرفق بغرفتها تتوضأ وتخرج تبدل ملابس النوم بإسدال الصلاة وتصلى فرضها الصباحى ، تنتهى أسيل من صلاتها
يطرق أحدهم باب غرفتها
أسيل. إتفضلى يادادا
بدريه. صباح الخير ياحبيبتى نفسى افهم بس بتعرفى ان أنا ازاى
أسيل. وهيكون مين غيرك يادادا هو حد ف البيت غيرك انت وبابا واكيد بابا ايه ف غرفته بيقرأ الورد اليوم والإذكار
الدادا. وقد فهمت قصد أسيل تعيش وتفضلى فكراها دايما ياحبيبتى ادعيلها بالرحمه يا أسيل
أسيل. ربنا يرحمها يادادا مش قادرة اصدق انها بقالها النهاردة عشر سنين مش موجودة ف حياتنا
الدادة. انت بتقولى ليه كدا انت ناسيه انها عايشه ف قلوب الكل
أسيل. عارفة يادادا وراضيه والحمد لله بس صعب تعيشى حياتك بدون اهل ولا ناس مليش غيرك انت وبابا ربنا يخليكم ليا يادادا
الدادا ويخليكى ليا ياحبيبتى انت بنتى يا أسيل انت ناسيه يا بت ان أنا ال مرضعاكى ولا ايه عشان الست والدتك كان ظروفها الصحية زي ما انت عارفة
أسيل. عارفة يادادا ربنا يخليكى ليا
الدادا طيب يالا بينا عشان تفطرى وكفايه رغى كتير النهاردة السنويه على روح والدتك وزي ما انت عارفة ان ف دبح عجول ولحمها لازم تتوزع على ناس الغلابه بتوع القرية ال دايما مش ناسين الدعاء لوالدتك
أسيل حاضر يادادا
نزلت أسيل لأسفل لتجد أن منزالها يعج بسيدات القرية التى طالما أتوا لمنزلهم حتى يهتموا بذبائح ويأخذوا نصيبهم منها ... أسيل. صباح الخير للكل
أحد السيدات. صباح الخير عليكى. يا أحلى دكتورة
أسيل بضحكة خفيفة دكتورة مرة واحدة أنا لسه طالبه ف تالته كليه يعنى لسه بدرى اوووى على لقب دكتورة
سيدة. لا انت دكتورة من أول يوم دخلتى الجامعه
سيدة أخرى. تعيش وتفتكرى يا ست أسيل
أسيل. ربنا يخليكى وبعدين ايه ست أسيل دى بقى اسمى أسيل وبس
السيدة والله كلنا محرجين منك ومن الحاج صالح وال بتعملوه معانا ومع أهل القرية حتى ولادنا بتذكريلهم وتهتمى بيهم الله يباركلك. الله يرحمها ست أسيل والدتك كانت تشبهك كتير ف كل حاجة حتى ف اسمك
مع انها جايه من بلاد برا ومتعرفش عادتنا بس عرفت ازاى تتأقلم وسطنا وتفهم عادتنا الله يرحمها كانت ست ونعم الستات
أسيل ربنا يرحمها ويسكنها فسيح جناته ... وفين الأولاد عشان حصه القرآن أنا مش شايفة حد منهم هنا
سيدة بصراحة احنا قولنا انت كل يوم بتيجى من الجامعة ومش بترتاحى بتدرسى وتدرسى اولادنا وتحفيظ قرآن وبدون أي مقابل بصراحة قولنا نسيبك النهاردة ترتاحى
أسيل. ارتاح. انت شايفة لما اكسل عن تحفيظ الأولاد قرآنهم وتعاليم دينهم هكون مرتاحة ، وبعدين مين قالك ان مباخدش مقابل أكبر لو تعرفى أجرى عند رب العالمين مش بعيد تحسدونى ويالا بلاش كسل وابعتوا هاتوا الولاد أنا معنديش محاضرات النهاردة. ، دا بابا نزل ولا لسه
الدادة. أه يا حبيبتى نزل ف قوضه المكتب
تتجه أسيل ال غرفة المكتب وتطرق الباب
صالح ادخلى يا أسيل
أسيل. بجديه السلام عليكم يا حج صالح اخبارك ايه
صالح. حاج ايه بس يا دكتورة للحظه حسيت ان قاعد مع اجتماع اهالى القرية
أسيل بضحكة وتحتضن صالح يعن الكل يقولك ياحاج وانا لأ جات على أسيل الغلبانه
صالح. لا ياستى بس مش متعود عليكى تقولى حاج صالح.
أسيل. طيب ما انت أجمل واحلى حاج ف الدنيا وبعدين انت حجيت بيت ربنا مرتين
صالح. قصدك ايه يا ست أسيل أحكى عايزة ايه
أسيل. اقول وتوافق
صالح. أسيل صالح المنياوى عمرها ما طلبت حاجة فى حياتها منى الا حاجة واحدة لو تقصيديها فأكيد موافق
بس اتأكد انها ال ف بالى الأول
أسيل بفرحة. هيا يابابا موسم الحج قرب يفتح وانا عايزة اروح تانى
صالح. كنت متأكد أنك هتطلبى كدا ، حاضر ياستى هحضر الأوراق ياحاجة. أسيل
أسيل طيب فيه طلب تانى ،. ممكن لو مفهاش مانع ناخد دادة معانا انت عارف انها طول عمرها بتخدمنا وكمان هيا ال مربيانى بعد ماما وبعد سفر مصطفى ابنها وهيا لوحدها
محمود حاضر ياحبيبتى. أنا عمرى ما هنسى ال عملته معانا لما اتولدى ومكنش ينفع والدتك ترضعك بسبب ادويتها. وكانت هيا بترضعك مع مصطفى ابنها وساعات كانت بتسيبه وترضعك انتى هيا فعلا تستاهل نردلها حاجة واحدة من جمايلها علينا
أسيل. حبيبى يا أبو أسيل طيب اخلع أنا بقا عشان الحق احفظ الولاد باى ياعسل
صالح. بضحك. قال حاجة أسيل انت شكلك كبرت وخرفت ياصالح دى البت بتقول اخلع. ويا عسل تبقى حاجة ومستشخية. ازاي بس ، الحمد لله أن ربنا انعم عليا بيها وعوضنى بيها غياب امها وجعلها ابنه صالحة بارة بيا وبأمها بعد وفاتها. ربنا يرحمك يا أسيل
وبعد وقت
بدريه يادكتورة. يالا العشا جاهز انت لسه متعبتيش من المذاكرة طول النهار مع الولاد وبقالك دلوقتى اكتر من 3 ساعات بتذاكرى ارتاحى يابنتى شويه
أسيل. معلش يا دادا بقا امتحاناتى قربت وكمان كلها شهر وهسافر أحسن بقاع الأرض وهناك الراحة الحقيقة
الدادا ربنا يريح بالك يابنتى وتروحى وترجعيلنا انت والحاج بألف سلامه
أسيل. يارب يادادا. وعلى فكرة انت كمان هترجعى معانا بألف سلامه
الدادا انت قصدك ايه يابنتى
أسيل. هتسافرى معانا يادادا
الدادا. بدموع فرحة انت بتقولى ايه يابنتى أنا هسافر أنا هحج واحتضنت أسيل وظلت تبكى
أسيل دا ولا حاجة يادادا من ال عملتيه معايا .. وتمسح أسيل دموع بدريه كفايه بقا ... ويالا ببينا بابا أكيد منتظرنى عشان نتعشى سوا....
وتمر الأيام على البيت الكريم بخير وانتهت أسيل من امنتاحنتها ، وجاءت ليله السفر الى الأرض الطاهرة
أسيل بفرحة بابا أنا مش مصدقه خلاص هنسافر
صالح. أه ياحبيبتى الحمد لله يالا حضرى الشنط وبلغى بدريه عشان هنمشى بعد الفجر مباشرة
أسيل. حاضر يابابا
فى الصباح. يودع بعض أهالى القرية صالح وابنته وبدريه ويطلبوا منهم الدعاء، تخرج السيارة بهم عل اطراف القرية وتقف
صالح. أسيل. انزلى نشوف ماما ونسلم عليها
يدخل صالح هو وأسيل وبدريه المدافن يقرأوا الفاتحة لأسيل
صالح بصوت منخفض. هودعك مؤقتا أيام وابقى معاكى وجمبك
أسيل. بابا انت بتقول ايه!!
صالح. هاااا ولا حاجة ياحبيبتى يالا بينا عشان نلحق طيارتنا
بعد ساعات
تهبط الطائرة فى اراضى المملكه العربية السعودية
ساعات وكانت أسيل تمسك بستار الكعبة تناجى ربها بأن يحفظلها أبيها ويحفظها وان يجعل لها من حظوظ الدنيا افضلها
وصالح يناجى ربه ان يسعد ابنته ويجعل لها نصيب ف من يخاف الله فيها ، ويجمعه بمن يحب قريباً
وبدريه تبكى على فراق ابنها وان يرد لها بكل خير وسلام
أيام وتنتهى ايام الحج وف آخر يوم بعد صلاة الفجر تستيقظ أسيل على من يخبط على غرفتها هى وبدريه تردى ثيابها لتفتح فتجدة الشخص الذى يسكن الغرفة مع ابيها
أسيل. نعم !!! خير
الرجل. انت بنت الحاج صالح
أسيل. بقلق ايوة.
الرجل طيب اتفضلى معايا
أسيل. لوسمحت طمنى فيه ايه
الرجل أنا آسف يابنتى والدك اتوفى وهو ساجد بيصلى الفجر وتأكدنا من وفاته
أسيل. باباااا. وتقع على الأرض فاقدة الوعى
اللهم أحسن خاتمتنا جميعًا