رواية الحب فى سطور
وقفنا في الفصل اللي فات لما ابو رنا قال لعماد أنهم هيفكروا وبعد يومين هيردوا عليه
عماد كان قلقان وخايف لأحسن رنا ترفضه 🙁🙁
بعد يومين اتصل أبو رنا بعماد وقال
أبو رنا: ازيك يا عماد يابني احب أبشرك إن رنا وافقت وممكن تشرفنا انت وأختك الدكتورة عاليا وقت ما تحبوا
عماد:بجد يا عمي رنا وافقت ،الحمد لله
أنا ممكن أجي أنا النهاردة لو ده ينفع 😃😃😃
أبو رنا :زي ما تحب يا ابني ، هبلغ الجماعة أنكم هتشرفونا النهاردة ،سلام وعليكم
عماد: وعليكم السلام يا عمي 😊😊😊
بعد ما خلصت المكالمة عماد اتصل بكريم علي طول وقاله علي الخبر وكريم باركله وكان مستغرب من الحكاية دي وإزاي حصلت بسرعة 🤔🤔🤔
عماد روح البيت علي طول وحكي لأخته عاليا وهي فرحت قوي لأخوها وأتفقوا يروحوا الساعة سبعة بالليل
في المساء
في بيت رنا
سارة جت تساعد رنا في اللبس والمكياج ،ومكنتش مصدقه إن صاحبتها الشعنونة رنا هتتخطب بعدها بحاجة بسيطة ،وكمان لواحد كنت مش بطيقه
سارة: أنا مش مصدقه يا بت يا رنا انك وافقتي علي عماد بالسرعة دي ،دا إنتي مكنتيش طايقة تشوفي وشه حتي
رنا : عارفة يا سارة أنا كنت هرفض الموضوع ده،بس لما كلمني عن نفسه وعن ظروفه اللي وقف في وشها واتحداها ،وانه واحد عنده طموح وكمان بابا سأل عليه لقيه واحد محترم وملوش في البنات والكلام ده 😊😊😊 وبعدين بيني وبينك الواد مز ويتحب ،ودمه خفيف كمان فقلت أعمل فيه معروف ووافق 😊😊😊
سارة : معروف برده 🤔🤔🤔
رنا : الله بقي يا سارة متكسفنيش 😊😊😊
سارة:باين إن القلب طب يا شعنونتي😂😂😂
بعد فترة وصل عماد واخته عاليا ومعاهم كريم وكانوا جايبين معاهم تورته وورد وطلعوا عند بيت رنا
أهل رنا استقبلوا كريم واللي معاه بفرحة كبيرة
ورنا طلعت قعدت معاهم وكانت لابسة فستان نبيتي وطرحه لايقة عليه وكانت قمر😍😍😍 وعماد كان فرحان بيها قوي
كريم شاف سارة وسلم عليها ،سارة كانت لابسه طقم بينك لايق عليها ومخليها قمر هي كمان 😍😍😍
اتفق أهل رنا مع عماد علي معاد للخطوبة بعد أسبوعين وعماد كان عايز كتب كتاب وبعد محاولات كتير وافق أهل رنا وعماد كان طاير من الفرحة 😍😍😍
بعدها بساعة مشي عماد وكريم وعاليا من عند بيت رنا وكانوا فرحانين أن الموضوع مشي بخير
بعد أسبوعين
يوم خطوبة رنا وعماد
رنا راحت الكوافير هي وسارة عشان يعملوا ميكاج بسيط يليق عليهم
رنا كانت أشترت فستان أزرق ليلكي لايق عليها جامد وكانت عروسة قمر 😍😍 وسارة فستان كريمي يجنن عليها 😍😍كانوا قمرات
عماد كان برة مستني رنا ومعاه كريم اللي كان سائق ليه العربيه كمجاملة منه
ركب العرسان من ورا وسارة ركبت من قدام جنب كريم اللي كان منبهر بجمالها
كريم :ايه ده هو فيه جمال كده🤔🤔 وافتكر بعدين سارة تبقي مين فقال لنفسه :فوق لنفسك يا كريم ايه اللي انت بتهببه 😔😔😔
وصل العرسان للقاعة وبعدها بفترة كتبوا الكتاب
رنا كانت فرحانة وكانت عايزة ترقص مع البنات صاحبتها لكن كريم رفض 😔😔😔
راحت رنا قالتله :اشمعنا انت بترقص مع أصحابك 😡😡
عماد:أنا واحد بغير علي أهل بيتي يا رنا ،وبعدين لو عايزني اقعد معاكي ماشي هقعد ولا يهمك ،هو في واحد يطول يقعد مع القمر يا قمر 😍😍😍
ضحكت رنا علي كلام عماد وفرحت بكلامه لها
سارة كانت مستنيه خطيبها رامز عشان كان قايل لها أنه أكيد جاي خطوبة صاحبتها بس فضلت مستنياه كتير ومجاش الحفلة واتصل في الآخر بيها وقالها أنه في ظروف خلته ميقدرش يحضر الحفلة وكمان هو كلم كريم عشان يروحها البيت
سارة كانت مضايقة بس مش بينت لرامز انها زعلانة
سارة:تمام يا رامز مفيش مشكلة 😏😏😏
رامز :معلش يا سارة ،اصل موضوع المؤتمر جه فجأة وكان مفروض حد غيري رايح بس اعتذر في آخر وقت
سارة: ماشي يا رامز سلام
قبل ما الحفلة تخلص أستئذنت سارة من رنا عشان تروح البيت وكان رامز أتصل بكريم وطلب منه يروح سارة
سارة مكنتش عايزة تركب معاه بس هو أصر عليها
طول الطريق كريم كان بيحاول يبعد عنييه عن سارة بس كان غصب عنه بيبص عليها من وقت للتاني
سارة كانت سرحانة في حكايتها مع رامز وإزاي هو مش بيخرج معاها ولا بيتكلم زي المخطوبين ،وسألت نفسها هل ده بسبب فرق السن بينهم ولا ايه المشكلة
بعد فترة وصل كريم سارة لبيتها واستناها لحد ما دخلت الفيلا وبعدها بص عليها وقال:وبعدهالك يا كريم ،هو ايه اللي بيحصل معاك ده 😔😔😔