رواية الحب في سطور
الجزء التاسع
بقلم حنان درويش
وقفنا البارت اللي فات لما كريم وصل سارة للبيت زي ما طلب منه عمه رامز
وبعد ما وصلها روح البيت لقي عمه رامز بيحضر نفسه للسفر فكريم سأله:خير يا عمي مسافر فين
رامز:دكتور مصطفى عبد الجليل كان المفروض يسافر المؤتمر في باريس بس حصلتله ظروف ومقدرش يسافر فالعميد طلب مني أسافر مكانه وأنا وافقت
المهم سارة عاملة ايه 🤔🤔🤔
كريم :مالها سارة
رامز: أبدا مفيش،بس هى زعلت أكيد لما ما روحتش حفلة خطوبة صاحبتها رنا ،زي ما وعدتها ،إن شاء الله بكرة هكلمها وأفهمها كل حاجة
كريم :,أنا ملاحظتش حاجة 😔 😔😔 المهم الطيارة معادها امتي
رامز :الساعة واحدة بالليل كدا
كريم :طب حضرتك هتروح دلوقتي ولا لسه
رامز:كمان نص ساعة ،عشان عايزك في موضوع مهم
كريم:خير يا عمي
رامز:أنا عايزك تتابع المكتب في الأسبوع اللي هسافره ،وكمان عايزك تأخد بالك من سارة كويس
كريم : حاضر يا عمي
رامز :طيب كويس ،يالا بينا عشان مشوار السفر والإجراءات ده بيأخد وقت كبير
راح كريم يوصل عمه رامز للمطار وأستناه لحد ما خلص الأجراءات وركب الطيارة وسافر
كريم لنفسه: وبعدين في الحمل التقيل ده اللي سبتهولي يا عمي ،قال أخد بالي من سارة قال والله أنا مش خايف عليها غير مني أنا 😔😔😔😔
روح كريم البيت وفضل طول الليل يفكر هيعمل ايه،وقرر أنه يحاول يتجنب أنه يشوف سارة وأنه يكلمها في التليفون بس
في الجامعة
عند سارة
رنا مقدرتش تروح الجامعة عشان خاطر أنها سهرت الليل في الحفلة وعماد اللي مكنش عايز يروح لما وصلها البيت
لكن رنا خلته مشي بالعافيه ووعدته أنها هتكلمه
بس هي كلمت سارة الاول وقالت لها أنها هتجز يومين كدا
سارة ضحكت عليها وعلي عمايلها واضطرت تيجي لوحدها عشان في محاضره مهمة النهاردة
سارة راحت قاعة المحاضرات وقعدت في الاول زي ما هي متعودة ،بعدها بخمس دقايق دخل دكتور كريم وسلم عليهم وبص علي المدرج وشاف سارة وابتسم ليها ،بس بعدها أفتكر كلامه لنفسه إمبارح ،فحاول يتجنب أنه يبص ناحيتها تاني وفضل يشرح المحاضرة لحد ما خلص
سارة كانت في جزء المحاضرة مش فاهماه وأستنت للآخر عشان تسأل كريم عنه
الطلاب بعد المحاضرة مشيوا و كريم كان بيلم في حاجته مخدش باله من سارة اللي قربت منه ونادت عليه
سارة:,دكتور كريم ،دكتور كريم لو سمحت
فوجئ كريم بسارة وقال :سارة خير في حاجة يا سارة
سارة بتوتر:, بصراحه يا دكتور كريم الجزء ده مش فاهمه منه حاجة ياريت تشرحه من تاني 🙁🙁🙁
كريم:حاضر يا سارة مش مشكلة ،وفعلا شرحلها الجزء وهي فهمته كويس وبعدها اسئذنت سارة من كريم وطلعت من القاعة وكريم قال لنفسه : شكلها أيام صعبة اللي جاية يارب
كريم طلع من القاعة وركب العربية وراح لمكتب عمه رامز
أما سارة فحضرت محاضرة تانيه وبعدها راحت المكتب اللي بتتدرب فيه
دخلت لمكتبها مع البنات اللي بيدربوا زيها ،وكان فيه تصميم
المفروض تعرضه علي رامز وفعلا راحت المكتب وخبططت عليه بس ما حدش رد فهي احتارت تدخل ولا ترجع بس قررت تدخل المكتب وخلاص 🙄🙄🙄
في الوقت نفسه كان كريم لسه خارج من الحمام وقميصه مفتوح وفي أيده فوطه بينشف بيها وشه ،سارة لما شافته شهقت جامد ولفت ضهرها ليه ،كريم أتفاجئ بصوت بنت في المكتب معاه فبص يشوف مين لقي واحدة واقفة بضهرها فزعق وقال :,أظن من الذوق أننا نخبط علي الباب قبل ما ندخل علي الناس كدا ،ايه مفيش ذوق خالص ولا أحترام
سارة سمعت كدا وبدأت تعيط وكريم سمعها وقال بتعيطي دلوقتي ليه يا أنسة أنتي بصيلي وريني إنتي مين 🤔🤔سارة لفت ليه وهو شاف وشها وأتفاجئ أنها سارة فقال ليها :سارة هو انتي اللي ،طيب مش تتكلمي ولا تقولي حاجة
سارة كانت بتعيط وقتها فكريم قالها
كريم :,بس خلاص يا سارة بلاش عياط ،هو أنا كل ما أشوفك ألقاكي بتعيطي ،وراح يديها منديل تمسح دموعها فيه
وشعر كريم با لغيرة :, وبعدين يا سارة هو انتي متعودة تدخلي علي عمي رامز كده 🤨🤨🤨
سارة بدموع:ابدا والله بس أنا خبطت ومحدش رد ،قولت يمكن رامز لسه مجاش فأنا احط التصميم ده علي المكتب وامشي
كريم :طب خلاص ماشي ،وريني كدا التصميم ده
سارة اتكسفت من كريم وشاورت علي القميص
كريم ضحك وفهم وقفل القميص بتاعه ،بعدها سارة اديته التصميم عشان يشوفه
التصميم عجب كريم وكان فيه شويه ملاحظات عليه
سارة أستئذنت من كريم عشان تطلع
وكريم قالها :,سارة أسف إني زعقت فيكي ,بس انتي فاهمة
سارة :أيوة فاهمة ،ومش هعملها تاني😊😊
كريم :,وعد يا سارة
سارة :,وعد يا كريم ،قصدي يا دكتور كريم ،وخرجت علي طول
أما كريم فضحك علي سارة وكسوفها منه ،وكمان لما كانت بتعيط فقال لنفسه:مالك يا كريم مش متعود على كدا منك فوق لنفسك قبل ما الدنيا تفوقك،😔😔😔
عند سارة لما خرجت كانت فرحانة قوي وعمال تفكر في كريم وكلامه معاها وأنه حاول يصالحها وأعتذرلها كمان علي اللي حصل وافتكرت وعدها ليه وقالت اوعدك يا كريم
بعدها بشوية رن تليفون سارة ولقيت أن رامز بيكلمها وحكالها علي موضوع المؤتمر والسفر المفاجئ ،وطلب منها أنا تأخد بالها من نفسها ولو في حاجة عايزها تقول لكريم عليها
وسارة وافقت علي كلامه وبعد ما قفلت معاه قالت لنفسها :هو مقدرش يقولي ليه على موضوع السفر امبارح هو ليه انا حاسه أني مش فارقه معاه😔😔😔
بعد ما خلصت سارة شغلها نزلت عشان تركب العربية وتروح بس العربية ما أشتغلتش ،فضلت تجرب كتير والنتيجة زي ماهي وقتها كان كريم مروح هو كمان ولمح سارة واقفة جنب العربية وشكلها زعلان فراحلها كريم وسألها
كريم:في حاجة يا سارة 🤨🤨
سارة:, العربية مش عايزة تدور معرفش ليه ،وحاولت معاها كذا مرة وبرده مش راضيه 😔😔😡
كريم:طب خلاص ما تزعليش ،انا ممكن أوصلك
سارة:لا ،انا هأخد تاكسى
كريم:تاكسي ايه ،وانا موجود
سارة :بس،،،،،