رواية فتاة يلاعبها القدر الجزء الثانى2 من اصبحت جارية الفصل الثالث3 بقلم امل حماده
كان الجميع في الانتظار خارج الغرفه .....إلي أن خرج الطبيب اليهم قائلا :
معقول مكشفتش قبل كده ...المفروض أن ليها راحه في السرير ....
استعجب الجميع الي أن تحدث فارس قائلا :ثانيه واحده ...ترتاح ليه هي فيها اي ...
الطبيب :ماهي حامل ...
وقع الخبر علي الجميع كالصاعقة ....إلي أن تحدث فارس بغضب ....وامسك بياقه الطبيب قائلا :
هي مين اللي حامل يابني ادم انت....انت واضح انك دكتور فاشل ....
حاول الطبيب أن يتخلص من قبضته قائلا :يافندم فاشل اي ....انا اي اللي يخليني اقول كده غير أن متأكد ....ولو مش مصدق ممكن تعملوا تحليل ....عن اذنكم ...
ذهب الطبيب ...بينما بقي الجميع في ذهول .....واصاب اريام حاله من الصمت وزياد لم يصدق هذا ...
أما فارس فقد توجه إلي غرفتها ......والغضب ينبعث من داخله ....كاد ليلي قلبها أن يقف من الخوف ...بمجرد دخول فارس ....
تحدث فارس قائلا:ليلي ..اي اللي بيقوله الدكتور دا .....حمل ازاي مش فاهم ....
اخذت ليلي تبكي بشده إلي أن صدق فارس حديث الطبيب من بكائها قائلا :
يعني صح اللي قاله .....اقترب منها وامسكها من شعرها بقوه ....وبدأ يصفعها بقوه علي وجهها ....
ظلت ليلي تصرخ قائلة :اسمعني يافارس ....ياماماااا ....
كانت اريام تنظر إليهم ولا تتحدث بشئ .....
ظل فارس يضرب بها بقوه لا يرحمها ....أخرج كل غضبه عليها .....
فارس بغضب :انطقي ...مين اللي عمل كده ....اتكلمي بدل مااطلع روحك في ايديا ....
بدأت ليلي تأخذ نفسها قائلة :انا متجوزه يافارس .....
فارس بغضب :يابنت ال.....دا انا هطلع روحك في ايديا ....
اقترب زياد من أخيه يحاول أن يمنعه عن ضربه لأخته قائلا :اهدي يافارس ...لما نفهم اي الحكاية وبعدين اعمل اللي انت عاوزه ....
سقطت اريام مغشي عليها ...فاسرع فارس وزياد نحوها يحاولوا أن يفيقها ....ولكنها لم تفيق .....فطلبوا الإسعاف وبالفعل اتت ونقلوها المشفي ....
......اذكروا الله........
ظلت رنيم جالسة علي البحر تنتظر قدوم خالد ....إلي أن آتي وجلس بمقابلها ....
خالد :مالك يارنيم ...اي اللي مقعدك هنا واي الشنطه دي ....
بكت رنيم قائلة :انا صاحب الشغل طردني ....
خالد :اي دا معقول ....ليه كده؟
رنيم :معرفش انا روحت السكن لقيته بيحاول يعتدي عليا ...ولما قولتله أن حامل قالي مش عايز اشوفك هنا تاني .....انا بجد مش عارفه اعمل اي ؟
خالد :طب مش ليكي سكن هنا .؟
رنيم :لا معرفش حد هنا. .....
نهض خالد مجلسه قائلا :طب تعالي معايا ....هوفرلك سكن وربنا يعدلها أن شاء الله....
رنيم :انا بس عاوزه شغل تاني ...ودورت مش لاقيه .....
كانت رنيم تشعر بالضعف حقا ....من مرارة الايام .....
تحدث خالد قائلا :قومي معايا ....وبإذن الله هتلاقي شغل ....
ذهبت معه رنيم الي شقه لم يكن بها أحد ....
رنيم :هو انا هقعد هنا ....
خالد :ايوه ....هتقعدي هنا لحد ماتولدي ...وبعد كده هتجوزك وهاخدك شقتي التانيه ....
اخذت رنيم تفكر فهي لا تريد أن تتزوج به إلي أن حاولت تيسر أمورها بقول تمام ....
خالد :طبعا كل حاجه هتلاقيها عندك في المطبخ ...ولو احتجتي حاجه كلميني ...وانا همر عليكي كل يومين كده اشوفك لو ناقصك حاجه ....
رنيم :مش عارفه اشكرك ازاي .....بجد متشكره علي كل اللي عملته عشاني .....
خالد :مفيش فرق بينا من دلوقتي .....مفهوم .....انا همشي عشان عندي شغل وزي ماقولتلك ولو حد خبط عليكي غريب ماتفتحيش ....
رنيم :تمام .....
......صلوا على النبي.......
في المشفي ....
كان فارس وزياد جالسين بالخارج .....
تحدث إليهم الطبيب :دي صدمه عصبية ....وكلها ايام وتبقي كويسه بس ابعدوا عنها الزعل .....
زياد :ينفع نشوفها ....
الطبيب :تمام اتفضلوا.....
كان فارس لايريد أن يدلف إليها ...الي أن قال لأخيه ...
فارس :ادخل انت ....انا ورايا مشوار .....
ذهب فارس دون أن ينتظر رد شقيقه ....
ركب فارس سيارته ....وتوجه الي الفيلا......وصعد إلي غرفه ليلي ليجدها جالسة علي الفراش .....
فزعت ليلي من رؤيته .....
فارس :قومي البسي عشان هتيجي معايا .....
ليلي بخوف :اجي معاك فين ؟؟
فارس :لحبيب القلب ....لجوزك ....عايز اشوفه .....
ليلي بتلعثم:ح ..حاضر .
عندما اعدت ليلي نفسها مسكها فارس من معصمها بشده ......وهي لا تكف عن البكاء....
فارس :اركبي ....
ركبت ليلي السيارة وذهبت معه الي شقه راجي .....
وحينما ذهبت ..تذكر فارس بأنه اتي الي هنا من قبل ....
نظر فارس الي ليلي قائلا :اتجوزت اللي كان بيعتدي عليكي ....وقام بصفعها بقوه ...انتي مابتحرميش ....اطلعي قدامي .....
بدأوا يدقوا علي الجرس الي أن فتح راجي ....وهو ثمل ....
نظر إليه فارس من أعلاه الي أسفله قائلا :هو انت بقي اللي ضحكت عليها ....
راجي :اي دا ....انتوا اي اللي جابكم هنا ....
امسكه فارس وقام بلكمه....ثم اغلق الباب من الداخل ....
فارس :هتتجوزها رسمي دلوقتي ...ولا اقتلك ....
حاول راجي أن يتخلص من قبضته...ولكنه لا يستطع ....
راجي :انت بتتكلم عن اي ...ومين دي اللي هتجوزها ...
تحدث فارس :الظاهر عليك لسه مافوقتش ...وقام بلكمه مرة ثانيه ...إلي أن أخرج سلاحه .....هتتجوزها ولا أفرغ ٥طلقات دول في دماغك ....
كان راجي يرتعب من الخوف الي وافق خوفا منه ......
قام فارس بالاتصال بأحد من رجاله لكي يحضر إليه مأذون ....
ليلي :فارس ....
فارس بغضب :اخرسي انت ...انتي لسه حسابك معايا .....
وجه حديثه الي راجي قائلا :قدامي عشان تفوق نفسك من السكر اللي انت فيه دا ....
جلسوا الثلاثه منتظرين قدوم المأذون ....ليقوموا بكتب الكتاب ......
بعدما آفاق راجي من حالته نظر إلي ليلي بحزن التي حالها اتغير تماما كأنه يراها لاول مرة ......
فارس :قومي معايا .....
راجي :علي فين ....هي مش مراتي يعني مفروض تفضل معايا .....
كان فارس لم يريد أن يستمع إلي حديث أكثر قائلا :ماانت هطلقها بس بعد ماتولد ....ومش هتعيش معاك .....
خرجت ليلي مع شقيقها وهي تنظر الي راجي ....
وحينما وصلت الي القصر ......قام فارس بأمر الحرس بعدم خروج ليلي من القصر .....بل من باب القصر نفسه ....
......وحدوا الله........
اتي صباح يوم جديد
كانت سهيلة تحاول الاتصال بزيادة أكثر من مرة ولكنه لم يجيب ...إلي أن اجاب بعد ...
سهيلة :زياد ....انت كويس قلقتني عليك ...
زياد بحزن :ماتقلقيش انا تمام ....
استغربت سهيلة من حديثه قائلة :انا كنت بكلمك بس عشان اقولك أن اخدت معاد من بابا ..
زياد :معلش ياسهيلة اجليه حصل ظروف الايام دي ومش هعرف اجيلك ....
كادت سهيلة أن تتحدث ولكن سبقها زياد قائلا :
زياد :معلش هقفل دلوقتي وبعدين اكلمك ....سلام ...
شعرت ليلي بأن زياد يخفي عنها شئ ....من لهجته المتغيرة معها....
دلف زياد الي والدته لكي يطمئن عليها ...
زياد :امي ...عامله اي دلوقتي ....
لم تتحدث اريام فحقا أنها في حالة من الصدمه. ..
حاول زياد أن يجعلها تتحدث ولكنها لم تجيب .....إلي أن خرج وبدأ الاتصال بفارس ولكن هاتفه مغلق ....
.......استغفروا الله.........
كان خالد جالسا مع المدير يتحدث معه بشأن مع حدث مع رنيم ...
خالد :برافو عليك ....ودا المبلغ اللي اتفقنا عليه .....
عادل :تحت امرك ياخالد بيه .....
توجه خالد الي منزل رنيم لكي يطمئن عليها ....وجلس معها مايقارب ساعه ....
رنيم :بس انا لازم الاقي شغل ....ماينفعش تفضل شايل كل امري كده ....
خالد :ماتقوليش كده يارنيم ....وبعدين انتي هتبقي مراتي كلها كام شهر بس .....
كلما تتذكر رنيم هذا تحزن ولكنها مجبرة فهي ليس لديها مأوي ... ..
خالد :يلا عايزه حاجه .....
رنيم:لا شكرا ..
.......اذكروا الله........
مرت اشهر كثيرة ....
كان فارس يتابع عمله ولكنه لا ينسي رنيم ....ولا يجعل شقيقته تخرج من المنزل حتي للجامعه .....
وكانت اريام حالتها تحسنت ولكنها لم تتحدث مع ابنتها مثل الأول ....وزياد قابل والد سهيلة واتفقوا معا علي خطوبتهما ....
أما عن راجي فمان يريد أن يري ليلي باي طريقه ولكنه لم يستطع ....فحقا أنه اشتاق اليها ....الي قرر أن يذهب الي المحكمه لكي يستدعيها بكونها زوجته رغما عن شقيقها ...
وجاء يوم من الايام ....
شعرت رنيم بألم شديد في معدتها ....فقررت أن تتصل بخالد لكي يأتي إليها ...
رنيم :خالد .. الحقني شكلي بولد ....تعبانه اوي .....
خالد :طب اهدي ...ماتخافيش انا هطلب الإسعاف حالا وهجيلك .. ماتتحركيش من مكانك ..
كل الالم يزيد علي رنيم مع مرور الوقت ...إلي أن اتي خالد والاسعاف .. وحملتها الي المشفي .....
وهناك انتظر خالد بالخارج خروجها من العمليات ....
إلي أن خرج الطبيب وأخبره بانها انجبت بنت ....
كان خالد بغضب من هذا فحقا كان يريد رنيم بمفردها ليس معها طفل من غيره ....
بعد مرور ساعتين ...
دلف إليها خالد قائلا :حمدالله علي سلامتك ....
رنيم بتعب :الله يسلمك ...ولد ولا بنت ....
خالد :بنت ...
رنيم ببكاء:عاوزه اشوفها. . ..
خالد :شوية وهيجيبوها وبكرة أن شاء الله هتخرجي .....
اتي يوم جديد ....
وكانت رنيم تستعد للخروج من المشفي .....
فجاء إليها خالد لكي يأخذها ...ونظر إليها وهي تحمل طفلتهاوهي تاليا ....
اخذها خالد وتوجهه إلي الشقه .....
خالد :عامله اي دلوقتي ؟؟
رنيم :الحمدلله .....
خالد :بصي انا هجيب المأذون النهاردة يكتب كتب الكتاب ....ومش هقربلك غير لما تعدي الفتره دي ....
رنيم :لازم النهاردة ....انت شايف انا عامله ازاي ....
خالد :ماتخافيش يارنيم مش هلمسك ....دا كتب كتاب بس ....بليل أن شاء الله هجيلك ..
بعد مرور الوقت واتي الليل...
أخذ خالد يفعل العصير بنفسه واضعا المنوم لرنيم .....وبعدوا أن أتموا كتب الكتاب ....
خرج المأذون .....وشعرت رنيم بأنها تريد أن تذهب في النوم ...بعدما شربت العصير ذهبت في نومها بالفعل ...
تاكد خالد بأنها غفلت ....فقام بأخذ طفلتها وتوجه للخارج ....
ركب خالد سيارته ووصل الي مكان ليس به بشر كثير ووضع الطفله امام صخره ....
لقراءة باقي الفصول الجزء الثاني من هنا
لقراءة الجزء الاول جميع الفصول من هنا