رواية فتاة يلاعبها القدر الجزء الثانى2 من اصبحت جارية الفصل الخامس5 بقلم امل حماده
عندما سمعت ليلي حديث والدته وأنه في المشفي ...اسرعت
متوجها للاسفل إلي أن وقعت من علي السلم .....
فخرجت العامله من المطبخ رأتها واقعه بهذا الشكل ...فأخذت
تصيح بمن في البيت ....إلي أن نزلت اريام من الطابق الاعلي ...
اريام بلهفه :ليلي ....ليلي حبيبتي ....اي اللي حصلها ...حد يطلب الإسعاف بسرعه ...
قامت العاملة بطلب الإسعاف وحملتها الي المشفي وكانت اريام جالسه بجانبها تبكي .....
وحينما وصلت الإسعاف تم نقلها الي العمليات ...فخرج الطبيب ليطمئن والدتها قائلا :
الطبيب :لازم تولد دلوقتي عشان في خطر لو الطفل فضل في بطنها ...
اريام :اعمل اي حاجه يادكتور ...بس بنتي تبقي كويسه ...ارجوك ....
الطبيب :أن شاء الله....
عندما علم فارس اتي سريعا الي المشفي .....
فارس بلهفه :اي اللي حصل ياامي...ازاي ماتكلمنيش ...
اريام :انا يابني نزلت والشغاله بتصوت ...لقيتها واقعه علي السلم ومابتنطقش ...والدكتور قال إنها لازم تولد دلوقتي ....
جلس فارس ووضع يده علي كتفه والداته يحاول أن يهدأها ...
مر الوقت .....وخرج الطبيب ...
الطبيب :مبروك ولد ....بس هيفضل في الحضانه شوية لانه مولود في السابع ....
لم يهتموا بأمر الطفل الي تحدث فارس قائلا :المهم هي كويسه ....
الطبيب :الحمدلله ..شوية وهتفوق من البنج وتتنقل غرفه عادية ....
.......اذكروا الله.......
فاق راجي ......فأسرعت نحوه سعاد ....قائلة بسعاده :الحمدلله ....راجي ...انت كويس ياحبيبي ...
تفوه راجي بكلمات غير مفهومه ....
سعاد :انادي للدكتور ....
راجي :ليلي ....عايز ليلي ياامي .....
اتي الطبيب وفحصه جيدا .....إلي أن تحدث قائلا :عال ...انت صحتك زي الفل ...بس هتمشي علي عكاز ومع العلاج الطبيعي .....هتمشي بشكل طبيعي ....
راجي :شكرا ليك .....رني علي ليلي ياامي ...
اخذت سعاد تتصل بليلي ولكن من اجاب عليها هي العاملة ....
تحدثت العاملة قائلة :ليلي هانم في المستشفي .....
سعاد :ليه ...اي اللي حصل ؟؟
العاملة :وقعت من علي السلم ...
سعاد :طب اسم المستشفي ....
أخبرتها العاملة ...وأغلقت سعاد الهاتف ...كانت لاتريد أن تخبر ابنها وهو في هذه الحالة ...ولكنه أصر ....
حاول راجي أن يجلس قائلا :في اي ياامي ..ليلي فين ؟؟
سعاد :ليلي هنا في المستشفي يابني ...وقعت من علي السلم ...
وقع تلك الجملة علي راجي كالصاعقة ...فنهض من فراشه وهو يتألم ....يريد الذهاب إليها ....
سعاد :اي اللي بتعمله دا ياراجي ...مينفعش يابني تقوم دلوقتي ...
راجي :لا هروحلها ...لازم اطمن عليها .....مش هسيبها ....
استند فارس علي العكاز ....وذهب ليعلم اين هي ....إلي أن أخبروه بأنها في غرفه .......
ذهب إلي غرفتها ...وقم بطرق الباب عده طرقات إلي أن فتحت له اريام ....ليجد اريام وفارس جالسين معها ....
نظر إليه الجميع في دهشه ....والي حاله أيضا. ...
راجي :انا جاي اشوفها .....اعتقد دا من حقي ....
أخذ فارس يتجه نحوه ولكن امسكته والدته من معصمه ...
فارس :ماتقلقيش باامي .....اتفضل ياراجي .....
بدأ راجي يتسند علي العكاز وهو يشعر بألم إلي أن جلس مقابلها علي الفراش وامسك بيديها.....
اريام :طب تعالي نستني بره يافارس شوية .....ووجهت حديثها لسعاد أيضا ....
ظل ليلي وراكي بمفردهما ....
راجي :ليلي ....حبيبتي ....انا عرفت انك ولدتي .....
فتحت ليلي عينيها برفق ناظرة إليه لم تصدق بأنه أمامها ...حاولت أن تتكلم ولكنها لا تستطع ...
وضع راجي يده علي شفتيها قائلا :هوس ...ماتكلميش ....انتي لسه تعبانه ....
ليلي بصوت مبحوح :راجي .....انت كويس ؟
راجي :انتي حد قالك حاجه ياليلي ؟
ليلي تبتلع ريقها بصعوبه :مامتك كلمتني وقالتلي انك في المستشفي ...فحاولت اجي وانا بجري وقعت من علي السلم ...
كان راجي في حالة ذهول من حديثها قائلا :يعني اللي حصلك دا بسببي ...ليه ياليلي عملتي كده ....
ليلي :كنت خايفه عليك .....ماستحملتش مامتك لما قالتلي كده ....
قبل راجي يديها كثيرا والدموع تنزل من عينيه :لو كان حصلك حاجه مكنتش هسامح نفسي ....مكنتش هقدر اعيش ياليلي ....
ليلي بتعب :بعد الشر عنك ....ماتقولش كده .....
راجي بندم :سامحيني ياليلي ....سامحيني علي كل حاجه ....هعوضك بس اديني فرصه تانيه ....
ليلي :راجي انا مش عايزه اتطلق منك ....
اسرع راجي في حديثه قائلا :انا عمري ماكنت هطلقك ....احنا هنعيش مع بعض ونربي ولادنا سوا ....وهعملك كل اللي انت عايزاه ....
وضعت ليلي يدها علي وجهه برفق قائلة :بحبك ....
اقترب راجي من شفتيها وقبلها برفق :بحبك ....
دلفت الممرضه وهي حاملة الطفل .....
الممرضة :يلا بقي عشان ترضعيه ....
نظر إليه راجي والي جماله .....قائلا :طالع حلو زي أمه ...
ابتسمت له ليلي قائلة:ولابوه برضو ....
......صلوا على النبي........
عادت رنيم وكان أول يوم لها في الجامعه ....وبدات اليوم بنشاط وحيوية .....
وعندما انتهت من يومها ....ذهبت الي الشقه التي أجرتها مبكرا .....
جلست تفكر في فارس وايامها معه .....الي دار حديث بين عقلها وقلبها. ...
العقل :بتفكري فيه ليه ...فوقي لنفسك ....وابتدي حياه جديده ....
القلب :وازاي هتقدري تنسي ....بعد ماخلفتي منه ...ليه مش قابله اي راجل في حياتك ....وبنتك اللي ماحاولتيش تدوري عليها .....
العقل :دا الصح ....مستقبلك ودراستك اهم من كل دا ....وربنا اللي رايد أن كل دا يحصل .....
وقفت رنيم في الشرفه .....قائلة :خايفه فارس يشوفني هنا ...انا ليه رجعت القاهره ...عشان شغلي .كنت فضلت بعيد احسن. ....يارب انا ماليش غيرك ...قادر تعوضني عن كل اللي شوفته ....
.....وحدوا الله......
بعد مرور سنه ....
وجاء يوم زفاف زياد وسهيله ....وكان أعظم حفل زفاف في القاهرة بأكملها ... .
انتهي الحفل وتوجه العروسين الي فندق .....
زياد :الف مبروك ياعروستي ...
سهيلة بسعاده :الله يبارك فيك ياحبيبي ...مبروك لينا..
أخذ زياد يقترب منها وقبلها من جبينها قائلا :بحبك ....بحبك اوي ياسهيلة ....
ابتعدت سهيلة من الخجل .....ونظرت الي الارض ....فرفع زياد رأسها قائلا :انا مش عايز الخجل دا خالص النهارده ....
سهيلة بضحك :انت قليل الادب علي فكرة ....
زياد بثقه :طب ماانا عارف...أنا فضلت محترم طول فترة الخطوبه ......كفاية بقي احترام لحد كده ....
سهيلة:طب انت هتنام فين ؟؟
زياد :هنام علي السرير ...هنام فين يعني ...
سهيلة :لا ماهو مش هينفع ننام جنب بعض. ....
زياد بذهول :نعم ياختي ....هو اي اللي ماينفعش ...هو انا متجوز اختي ....
سهيلة :هو كده ....انا هدخل انام في الحمام ....وخليك انت هنا ....
زياد :انتي اكيد بتهزري .....دااحنا هنقضي ليله ...هتحلفي بيها العمر كله ....وبدأ بخلع قميصه ..
سهيلة :اعقل يازياد ....بلاش جنان ....
وقف زياد من ورائها وقام بحملها علي أكتافه قائلا :قال انام في الحمام قال ..
وتسكت شهرزاد عن الكلام غير المباح......
.....استغفروا الله.....
استيقظ راجي مفزوعا من نومه علي اثر كابوس ....فاستيقظت ليلي أيضا ...
ليلي :مالك ياحبيبي ....
راجي يأخذ نفسه بصعوبه :كابوس ...كابوس ياليلي .....
ليلي :ياساتر يارب .....
نهض راجي من الفراش ....وجلس في شرفه الغرفه ....
فعندما تأكدت ليلي بأن فارس تائه في النوم ....ذهبت وجلست مع راجي ....
أمسكت ليلي بيده قائلة :مالك ياراجي ...الكوابيس بقيت بتجيلك كتير ليه ...
راجي :تفتكري ياليلي ...الإنسان اللي بيحبك بكوابيس كتير ....دا يبقي من اي ؟
ليلي :ممكن تكون أعصابك متوتره الايام دي ....أو عملت ذنب في حياتك ومرجعتش لربنا ...أو اذيت حد ...
أخذ راجي يفكر بأمر رنيم ومافعله معها ....
ليلي :بتفكر في اي ؟؟
افاق راجي من شروده وكان حريصا أن يخبر ليلي عن مافعله بابنه عمه ....أن تبتعد عنه...وهو ماصدق أنه سامحته ...
ليلي :حبيبي لو في حاجه احكيلي ....شاركني فيها ...
قبل راجي يديها قائلا :مفيش حاجه ياحبيبتي ...انا هبقي كويس ....يلا ننام ....
.......اذكروا الله........
كان يراود فارس حلما ....
نظر لها يراها واقفه بعيدا وتبتسم له ....فابتسم لها فارس قائلا :رنيم ....تعالي .....
رنيم :ماانا كنت جنبك ....وانت ضيعتني ....
فارس :اوعدك مش هضيعك تاني ....بس تعالي مش قادر امسكك ....
رنيم:تعالي خودني .....
كان فارس يقترب منها ولكنها تبتعد .....
فارس :ماتبعديش يارنيم .....مش قادر المسك ....
رنيم :ياخسارة يافارس ....حتي دا كمان. ماقدرتش عليه .....
اختفت رنيم من أمام عينه ....
ففزع فارس من نومه وهو ينطق باسمها ......
وعندما استيقظ وجد أن الفجر بأذن .....فقام لكي يتوضئ ويصلي الفجر .....وكان لأول مرة يصلي داعيا بأن يبعثها الله له ...
اتي صباح يوم جديد...
تفتح رنيم اللابتوب ....وتفتح حسابها القديم لتجد بأن سهيلة تزوجت أول أمس ....ففرحت رنيم لها ......وقررت أن تزورها ....
اخذت الهاتف وبدأت الاتصال بها ولكن من اجاب عليها هي والدتها ....
الام :هي في بيتها دلوقتي ....
رنيم بسعاده :طب ممكن العنوان ....
اعطتها الأم العنوان ...
وعندما انتهت رنيم من عملها في الجامعه ....قررت أن تذهب الي سهيلة لكي تبارك لها .....
ذهبت رنيم الي العنوان لوحده قصرا جميلا .....ففتح لها البواب ودلفت الي الداخل .....
استقبلتها أحد من العاملات قائلة :اتفضلي ...هعطي خبر للهانم حالا .....
سهيلة :بتقولي مين ....رنيم تحت ....انا جاية حالا .....
اسرعت سهيلة بالنزول ....وبمجرد أن رأتها اخذتها في أحضانها ......
رنيم :وحشتيني ....وحشتيني اوي ياسهيلة ....
سهيلة ببكاء:وانتي كمان ....كنتي فين يارنيم كل دا ....
سمعوا صوت السيارات يأتي من الخارج ....
تحدثت سهيله قائلة :الظاهر أن جوزي وأخوه وصلوا ...هعرفكم عليهم ....
لقراءة باقي الفصول الجزء الثاني من هنا
لقراءة الجزء الاول جميع الفصول من هنا