رواية فارس احلامى
الفصل التالت
احلام : انا معرفش كتير عنك بس هو فيه سوال كان نفسي اعرف اجابته قبل اي حاجه
فارس : اتفضلي اسالي
احلام : انتي حبيت قبل كده او يعني كان ليك اربتاط قبل كده واقصد بارتباط يعني انت فاهم الولاد يعني
فارس : فاهمك وبصراحه انا عايز ابدا حياتي معاكي بوضوح واجابتي هي ايوه حبيت وارتبطت
احلام كان فضولها اكبر من انها تبين صدمتها او مفاجاتها بالموضوع والصمت كان باين عليها
فاارس لما ملقاش اي رد فعله من اجابته كمل
فارس : كنت لسه في اولي جامعه عارفه طبعا خارج من ثانويه فتره مراهقه وطيش
المهم في الجامعه وسنه اولي كان ليا اصدقاء كتير ولاد وبنات وبينهم سمر
اسمها سمر كان الاول عادي اصدقاء بس تتطور انها تسال عليا واضافه علي الفيس وكلام في الشات عن احوال بعض
اتشديت ليها فعلا بس مكنتش عارف اذا كان حب ولا لا
لحد ما مره شفتها واقفه مع ولد تاني احساس جوايا بالغليان كنت عايز اقتله وبعدين هي ازاي كمان تقف معاه
ولما روحت كلمتها شات وطبعا بعصبيه وهي تقولي وفيها ايه يعني ده مجرد زميل وهنا بقي اعترفت بمشاعري
وهي كمان اعترفت ليا بمشاعرها مانكرتش بالعكس قالت انها بتحس اتجاهي شعور مختلف عن اي ولد هي تعرفه
وبدانا مرحله جديده وهي ان كل واحد عارف مشاعر التاني
كنا ليل نهار كلام مع بعض
في الجامعه بنقابل بعض وفي البيت شات
الي يحصل في اليوم عندي او عندها نعرفه لبعضنا
والفرحه بقي لما نقابل بعض او نخرج مع بعض
بس طبعا الاوامر بدات والغيره
و تخرجي يبقي باذن وعلطول نتكلم وممنوع تكلم اي ولد تاني
ممنوع البس كذا مممنوع الخروج بكذا
ازاي متكلمنيش وتتطمنيني عليكي
وهي طبعا اتخنقت من طريقتي دي وانفصلنا
كنا بنتعامل علي اننا مخطوبين فعلا بس هو احنا كنا ايه غير عيال بتحب في بعض
لا انا راجل
وقادر افتح بيت ولا هي ست تقدر تتحمل مسئوليه اسره
كنت انا خايف عليها من كل ولد غيري ومخفتش ليه عليها من نفسي مش بحبها يبقي لازم اعمل كده
اشمعنه الكل ممنوع يكلموها او تخرج معاهم او او وانا بس الوحيد الي اه مع اني مفرقش اي حاجه عنهم
الفرق ايه كلمه بحبك الي قلتها بس مفرقتش بدام مش بعدها دبله وخطوبه او اهل عارفه
الحب مش عيب ولا حرام بس الخطوه الي بعده هي الي تحدد هو ايه بقي
احلام كانت بتسمع وهي منصته جداااا مشدوده لكل كلمه بيقولها
يمكن فضولها ويمكن احساس جواها نفسها تعرف مين دي الي كان بيحبها
فارس قطع سكونها باسمها : احلام انا كده خلصت الي عندي وصدقيني انا نفسي مش معترف انه حب
بس انتي سالتي وبصراحه مش عايز اخبي عليكي اي حاجه من حقك تعرفي الحقيقه وعشان تحكمي صح لو عايزه يعني تكملي معايا
واكون واضح معاكي من الاول
احلام : انا عمري ما مريت بقصه حب يمكن وانا صغيره في سن المراهقه حبيت مدرسي مثلا ابن الجيران مع انه اصغر مني
ولد زميلي دافع عني مره وضرب ولد بسببي واتنقل من المدرسه بسببي بس يعني
فارس : ههههههههههههههههه تعرفي يا احلا.............
سوسن : ها يا ولاد الحمد لله
احلام : ايوه يا ماما الحمد لله ( ايييييييه بس يا حاجه كان هيتكلم يقول حاجه وبعدين كفايه ينطق اسمي اصلا )
فارس : ايوه يا طنط الحمد لله
وخلص اليوم وابو احلام اتفق انه هيبلغهم الرد كمان يومين
احلام طول اليومين بتفكر في كلام فارس الي مطلعش من قلبها قبل عقلها
بتفكر في كل كلمه وهل هو صادق ولا لا
وخلاص قررت فعلا
احلام : بابا
ادهم : ايوه يا بنتي
احلام : انا خلاص قررت
ادهم : ها
احلام : انا موافقه
ادهم : متاكده يعني ابلغ الناس يا بنتي
احلام : ايوه يا بابا انا صليت استخاره وعلي بكره الله يا حاج هي موته ولا اكتر
ادهم : ههههههههههههههههههههههه يا ام لسان
احلام : دي كلمه ماما ايه يا حاج هتاخدها منها ولا ايه ده انا كنت بقول انت الي بتنصفني في العيله دي
ادهم : انتي هو انتي حد يقدر عليكي عارفه سلاحك مش لسانك سلاحك طيبه قلبك ونقائك
احلام : الله الله علي الكلام من امته وانت رومانسي كده يا حجوج ماما تعرف بالكلام ده
ادهم : اوعي تقولي ليها انا بدلع بنتي وبس
احلام : ههههههههههههههههههههههههههه
وفعلا بلغ ادهم فارس بجواب احلام
وفجاه تليفون احلام بنمره مش عرفاها مردتش بس النمره اتكررت
ردت
احلام : السلام عليكم
فارس : عليكم السلام انا فارس يا احلام
احلام وشها من الاسم بس بقي طماطم : فارس انت..... ازاي.... يعني اقصد طيب
فارس : طلبت من والدتك نمرتك وكمان اخدت اذن منه اكلمك مره واحده بس
احلام : ااااااااااااه فهمت
فارس : تعرفي كنت خايف ترفضيني بعد الي حكيته
احلام : لولا الي حكيته مكنتش وافقت
كام واحد بيتقدم لبنت وبيخبي كل حاجه عنها وبعد الجواز تكتشف هي بقي
ولو مش عاجبها تخبط دماغها في الحيط
انا احترمتك جدا علي صراحتك وانك ادتني فرصه الاختيار
كده يبقي من حقك فرصه انت كمان يمكن يبقي فيه توافق بينا
فارس : الحمد لله تعرفي كل صلاه كنت بدعي انك توافقي كان نفسي تكوني انتي فعلا نصيبي
وكمان لاني كنت قلقان اصل معرفتش احاول اعرف ردك مثلا من تعابير وشك قلت يبقي اتصدمت
احلام : لا ما انا مقعدش يوم كامل ارتب في البيت واغير في سجاجيد واغسل اطباق واطبخ
واه و تلميع طقم الكريستال والصيني ده اهم حاجه وفي الاخر موافقش تعبي يروح كده علي الارض
فارس : ههههههههههههههههههه لا عندك حق صح اول مره اعرف ان دمك خفيف
احلام : لاني مكنش من حقي اتكلم معاك كنت ولد ومقدرش اتكلم و دلوقتي يمكن اعرف شويه لانك بقيت ..
فارس : ها بقيت ايه اشمعنه دي سكتي عشان بقيت خطيبك ايوه خلاص الشبكه يوم الخميس والخطوبه الخميس الي بعده
ويبقي ده اعلان رسمي للكل انك بقيتي خطيبتي
احلام : احم احم صحيح ممكن اسال سوال
فارس : بتهربي عني عموما مش مشكله اتفضلي اسالي يا احلام
احلام : كنت عايز تقول ايه بس ماما قاطعتك واحنا كنا بنتكلم وكمان ابتسمت لما سالت السوال بتاعي ليه
فارس : اااااااه كنت عايز اقول تعرفي يا احلام اني مشفتش زيك قبل كده
يعني بنت علي طبيعتها وتلقائيه مش بتخجل من سوال بدام شايفه ان ده من حقها
ومش بتتحس ان لما تحكي مثلا عن اعجاب مراهقه هتبان كده تافه او عيله قدام الشخص الي جاي يخطبها
بالعكس كنتي علي طبيعتك وبتتكلمي بمنتهي البراءه من غير تصنع واحترمت فيكي وضوحك
ولو ان الناس ممكن تفكرها تفاهه ليه تحكي عن حاجه زي دي
بس انتي بدام مش عيب وغلط يبقي اقولها وبدام من حق الي قدامي يعرفها يبقي اقولها
زي برده بتقولي عملت ايه قبل ما اجي ازورك
طيبه وبراءه مشفتهمش في حد بتتكلمي من غير تصنع وده نادر الوجود
احلام طبعا مش قادره تجمع من الي بتسمعه بس حاولت تنطق : بس يعني انت كمان كنت واضح معايا
فارس : علي فكره مش كله كده وانتي قلتيها بنفسك
مش عارف ليه كل اتنين عايزين يرتبطوا مش بيحاولو يتصرفوا علي طبيعتهم
وكل واحد يحكي عيوبه قبل مميزاته علي الاقل هيكون كده صريح مع نفسه قبل ما يكون صريح معاها
ليه مش بيدي الطرف التاني فرصه للاختيار
ليه يتصنع ويكدب احيانا وبعد يتاكد انه مستحيل هيضيع منه يبدا يظهر حقيقته بقي
ليه كل واحد ميقولش الي في قلبه وكل الي جواه ويكون واضح ليه يخبي ويتصنع
وبعد الجواز يبين حقيقته
يااااااااريت كل واحد يفكر الاول ويعرف ان بصراحته من الاول كده هيبدا حياه فعلا
وهي دي الي هتكون حياه صح مفيش اي حاجه تهدها لانها مبينه علي الوضوح
احلام ( انت حقيقي بجد يا فارس انت تقريبا نفس تفكيري )
فارس : احلام الووووو انتي معايا
احلام : هه اه اه ومعاك حق طبعا في الي بتقوله
فارس : عايزه تسالي حاجه تاني
احلام : دلوقتي لا ولسه الايام الجايه وهنتعرف اكتر
فارس : اكييييد طبعا
احلام : طيب
فارس : طيب
احلام : تصبح علي خير
فارس : تصبحي علي خير
احلام : سلام
فارس : سلام
احلام : مقفلتش ليه
فارس : لا عادي اقفلي انتي الاول
احلام : لا طبعا الي متصل هو الي يقفل وبعدين تبقي قله ذق مني
فارس : هتصدقيني لو اقول مش عايز اقفل
احلام : بعد كل الرغي ده احنا تقريبا بقالنا ساعه بنتكلم
فارس : ولا حسيت بيها وبعدين انا وعدت باباكي هي مكالمه واحده خايف اقفلها ويوحشني صوتك ومعرفش اكلمك تاني
احلام : .....................
فارس : يعني حتي مكسوفه وانتي بتتكلمي في التليفون ومش شايفاني
احلام : اساسا لو كنت شايفاك كنت مش هتكلم الا خمس دقايق وبس
فارس : يبقي من هنا ورايح منتكلمش الا علي التليفون وعلي فكره انا الي متكلم ورصيدي والله وانا حر فيه
احلام : هههههههههههههههههههههههه
وقعدوا يتكلمو كمان يمكن كل واحد يسال والتاني يجاوب
ويوووم الخميس ووقت اختيار الشبكه
فارس ووالدته اتفقوا هيروحو لاحلام في البيت وهياخدوا احلام وماماتها
احلام اليوم ده الصبح لقت عندها مسج علي الفون فتحتها
( انا وعدت باباكي مكلمكيش فعلا بس الحمد لله اني مقلتش مبعتش مسج
المهم عايز اقولك اني فرحان اني هشوفك النهارده بقي اخيرا بعد الايام من اخر مره كلمتك
وعارف انك بتعدي انتي كمان ايوووووه متنكريش وحشتيني )
احلام كانت طايره من السعاده عشان المسج دي وفي نفس الوقت قلبت الوان ازاي هشوفه دلوقتي واتكلم معاه يعني هعرف
ده انا يوم الخطوبه طلعت الكلام بالعافيه ياااااارب استر
وفاس تحت بيت احلام ومستنيها هي ومامتها
سوسن : ازيك يا فارس
فارس : ازيك يا ماما عامله ايه
ازيك يا احلام
احلام وباصه في الارض : الحمد لله
سوسن : احلام صحيح جبتي النضاره بتاعتي
احلام : انا
سوسن : ايه يا بنتي انا منبه عليكي قبل ما ننزل حالا تجبيها
احلام : مسمعتش طيب خلاص هروح اجبها ثواني معلش
فارس : طيب يا ماما اتفضلي في العربيه لحد ما تيجي
سوسن :اه وماله حتي اسلم علي والدتك ومسبهاش لوحدها
احلام : جبتها اهو
فارس : الي واخد عقلك كده تنسيها
احلام : احم احم عادي يعني مسمعتش
فارس : طيب هاتيها واتفضلي قدامي علي العربيه ينفع كده حماتك وامك يتنسوكي
احلام : اسفه مش قصدي والله ومسمعت.....
فارس : هههههههههههههههههههههههههههه انتي صدقتي اوووي كده ليه انا بهزر معاكي
احلام : انا هروح للعربيه
فارس : طيب استني بهزر خلاص
احلام اول ما قربت من العربيه لقت مامتها وام فارس قاعدين ورا يعني من الاخر ادبست تقعد قدام مع فارس
وفي العربيه
فارس : خلي النضاره قدامك هنا عشان تشوفيها
احلام : تمام
وطول الطريق سكوت تام من احلام
سوسن وكريمه بيتكلمو ساعات فارس يدخل في الحوار شويه
وفي محل الدهب
سوسن : هاتي بقي يا احلام النضارع عشان البسها
احلام : ااااخ نسيتها في العربيه
سوسن : يا بت عقلك ده فين
فارس : مش مشكله يا ماما تعالي قولي هي فين ونجبها
كريمه : طيب بسرعه يا فارس
احلام : لقتها اهو كانت قدامي
فارس : تعرفي كنت قاعد بدعي ربنا تنسيها ومتفتكريش تاخديها لحد ما وصلنا ولقيتك خرجتي من غيرها
احلام : يعني كنت عارف طيب كنت اتكلم
فارس : كنت عايزك تيجي فعلا تاخديها ومش بس هي ودي كمان
وطلع من جيبه شيكولاته كيت كات كبيره
احلام : ايييييييييييييه ده
فارس : ليكي وبصراحه كنت هتحرج اديها ليكي قدام والدتك
احلام : بس عرفت منين اني بحب الشيكولاته دي
فارس : ابدا في بنوته كده شغاله تنزيل بوستات حب في الشيكولاته وصور الشيكولاته وخصوصا النوع ده تعرفي البنت دي
احلام : ده انا متراقبه بقي
فارس : تقريبا وتقريبا كمان الي بيراقبك بيقولك اقبلي الادد بقي لانه حمض والله
انا من يوم ما وافقتي وانا بعته ليكي يا شيخه
احلام : انا بقول ماما اكييييد عايزه النضاره