رواية جائنا غريب
الفصل الثالث3
بقلم ساره احمد
توفيق دخل عند عبدالرحمن لقاه بيطلع برجله علي الحيطه و يتشقلب و ينط ..
توفيق بيضرب كف و كف : لا حول و لا قوه الا بالله ؟؟؟ يا بني اعقققل بقي حرام عليك .
عبدالرحمن اتعدل : تيفا هالو واحشني جدا ..
توفيق : تعالي معايا ..
عبدالرحمن : علي فيييين هتفسحني ؟؟ عاوز اروح الجنينه ..
توفيق : حاضر هوديك حديقه الحيوان ..
عبدالرحمن : هروحها ليه ما انا عايش فيها اهو .. ؟
توفيق : ده علي اساس انك القرد ؟
عبدالرحمن : اه ، و انت الخرتيت و هوبا وحيد القرن و عمو سليم الاسد و ...
توفيق قاطعه : بسس اسكت بقي يلا قداامي
عبدالرحمن : حاضر .. *خرجوا برا و عبدالرحمن عمال يرخم علي توفيق ويشد دقنه خليني اوصفلكم توفيق باختصار شديد هو حاجه قد الدولاب كده تقريبا طول عبدالرحمن مرتين 😂 عريض ودقنه و شنبه طويلين بس طيب جدا و مخلص هو و ايهاب و مع العيله من زمان من ايام ما الجد كان عايش المهم ...*
عبدالرحمن و هو ماشي جانب ايهاب يشد دقنه : يلهوووي كل دي دقن مش بتضايق مراتك دي ؟؟؟ طب ولادك مش بيخافو منك ؟؟
توفيق اول ما وصل الصالون و عبدالرحمن مازال مشغول بدقنه و شنبه و بيرخم عليه .. صبره خلص و زق عبدالرحمن جامد خبط في الترابيزه و طبعا هنا انفتح البكابورت اللي توفيق خلاص اخد عليه ..
عبدالرحمن : اااه يا جبله يا معفن حرااام عليك يا توووفيق ، بصصصصص بقوووولك اي انت فااااكرني هفققق لاااااا ده انااااا ساااااكت بمزاااااجيييي يا حبيببببيييي بص بص لو جيت جانبي تتااااااني والللله لهتشووف الوش التاني ..وو
سليم قاطع عبدالرحمن : يا بني انت خلاص حقك عليا هو مكانش يقصد
عبدالرحمن : عشانك انت بس يا كبير
توفيق : لا قصدي و وريني هتعمل اي بقي
عبدالرحمن : تحب تشوف ؟؟
توفيق بثقه : اه يلا ده انت اوزعه بالنسبالي ؟
عبدالرحمن جري ناحيته و من ضهره مسك رقبته بطريقه معينه طقت جامد و عملت صوت و عبدالرحمن وقف وبثقه : هاااا اي تاااني ؟
الكل مصدوم .. و توفيق ماسك رقابته و بيتوجع
توفيق : اااااه يا حيوان ( و رايح ناحيه عبدالرحمن اللي جري وقف ورا سليم )
الحققققني يا عميييي هيااااكلني
سليم بيضحك و الكل خد باله من كلمه " عمي "
سليم : خلاص يا توفيق عشان خاطري
توفيق : ماشي يا سليم بيه عشان خاطر حضرتك انت بس
عبدالرحمن طلع لسانه لتوفيق و توفيق : بص ؟؟
سىليم ضحك : خلاص بقي حقك عليا عيل صغير
عبدالرحمن : ايوا يا تيفا انت الكبير
توفيق بص له بنفاذ صبر : تمام بس سليم بيه هينام بليل و هصطادك في الاوضه ( و مشي )
عبدالرحمن : يلهووووي هيموتني بلييييل
الكل ضحك ..
عدلي بضحك : ده انت مسخره
عبدالرحمن : تسلم يا كبير
سناء : تعاالي يا بني اقعد تعالي ..
عبدالرحمن قعد و الكل قعد ..
عائشه : هاا عامل اي ؟؟
عبدالرحمن : الحمدلله و حضرتك ؟
عائشه : كويسه يا حبيبي
سليم : اي اللي انت عملته ده بقي ؟
عبدالرحمن : حركه اتعلمتها في التايكوندو عادي
عدلي : مش غلط طب ؟؟؟
عبدالرحمن : لا عادي هتوجعه شويه بس او ممكن توجعه كتير عادي بس مش هيموت ولا رقبته هتتكسر متقلقوش
هشام : انت متعلم تايكوندو ؟؟
عبدالرحمن : اه لي حضرتك عاوز مدرب ؟؟
هشام : لا انا بسال .. متعلم حاجه تاني
عبدالرحمن : اه كتير .. باركور و تايكوندو و ملاكمه و كاراتيه و كذا حاجه تاني
عائشه : ماشاء الله ربنا يحميك
عبدالرحمن : تسلميلي يا طنط
عائشه : طنط ؟؟ قولي يا خالتو او يا عمتو زي ما
تحب ..
عبدالرحمن : حاضر ، ممكن اطلب منكم طلب ؟؟؟
عدلي : خير؟؟
عبدالرحمن : عاوز تليفوني طيب اتصل بحد من صحابي يروح للكلاب بتااعتي زمانهم مااتو و الله
سليم بص له بشك
عبدالرحمن : سمسم انا لو عاوز امشي همشي عادي و متنساش ان انا جيت برضو بمزاجي و اقدر امشي بمزاجي ..
سليم : ماشي يا عم اللمض .. *طلع تليفون عبدالرحمن و ادهوله*
عبدالرحمن اتصل بصاحبه : ابراهيم ؟
_ يسطا عامل اي و فينك
عبدالرحمن : مش مهم انا فين بقوولك
_اؤمر يا زميلي ؟؟
عبدالرحمن : عاووزك تروح شقتي و خد سيمبا و سكار عندك مؤقتا زمانهم كلو من الاكل اللي موجود بس اكيد خلص .. تمام ؟
_ تمام .. سلام
عبدالرحمن قفل و بص علي سجل المكالمات ملقاش حد اتصل بيه خالص ادي التليفون لسليم في صمت
عبدالرحمن : هو انتو عاملين اكل اي النهارده انا واقع من الجوع
سناء : عاملين مكرونه بشاميل .. كل بقي معانا علي السفره .. *بعدها بشويه الكل اتلم علي السفره*هشام : و انت بقي يا عبدالرحمن يعني بما انك ملاكش حد بتصرف منين ..
سليم بص لهشام
عبدالرحمن : عندي چيم بصرف منه .. و فتحته من فلوس بابا لما مات .. بس مين قالك اني ماليش حد .. اممم اكيد سمسم طول عمره كده ميتبلش في بوقه فوله ..
الكل ضحك و بعد كده عبدالرحمن خلص اكل و رجع اوضته بيفكر في الناس دي .. و لي هو مشدود ليهم جدا كده
.
.
.
عدي يومين و جيه اليوم المشؤوم ... الرجاله مشيوا و راحو اشغالهم و هي ان هما يشوفوا اي اخبار الحي و هكذا .. *مصدر دخلهم مشاريع كتير داخل و خارج الحي* و كانو في البيت ستات بس حتي الحرس مفيش غير ايهاب و توفيق المهم فجاه البيت بدا يتغربل من كل الشبابيك و البيبان و عبدالرحمن في اوضته بيزعق و ينادي علي توفيق او ايهاب .. ملاقش حد بيرد كسر الباب و خرج لقي ايهاب بيضرب نار و توفيق كمان قالهم انه عاوز سلاح و فعلا ادوه و ابتدي يضررب ..
توفيق : الطلق و الذخييره بيخلصوا
عبدالرحمن بجديه عكس شخصيته المعتااده : البنااات و الستات فييين ؟؟
ايهاب : في اوضه امان
عبدالرحمن بيبص لمح حد بيتجه لاوضه من البيت و استنتج انها اوضه البنات راح ناحيته كان ثبتهم بالسلاح و الكل بيصرخ عبدالرحمن جيه من وراه و لوح رقبته جامد و بسرعه في اقل من ثانيه الراجل كان جثه علي الارض دخل غيره عبدالرحمن نط و اداله بالرجل في صدره و بعدين ضربه بالنار و كذا حد دخلوا كتير و عبدالرحمن هاجمهم كلهم و طبعا كان بيستخدم كل مهاراته في القتال .. الباركور اللي مساعده يكون خفيف و ينط في الجو و محدش يقدر يتحكم فيه التايكوندو اللي معرفه نقاط ضعف الجسم فين و الملاكمه و غيره .. فجاه الضرب هدي خاالص
و عبدالرحمن جري يطمن عليهم و كانو كلهم كويسين و هو مليان
كدمات لان مهما كان الكتره تغلب الشجاعه بس بمساعده توفيق و ايهاب اللي دخلوا
في اخر لحظه هو عايش ..
توفيق : عبدالرحمن انت كوويس ؟؟
عبدالرحمن حاطط ايده علي دماغه و بعد كده فقد وعيه مع
صرخه الكل / عبداللللرحمممن