روايه أحنا اتقابلنا قبل كده
( الجزء الثامن )
بقلم ياسر عوده
توقفنا فيما سبق حينما قابل جاسر هند للمره الثانيه وكاد ان
يغمى عليه كالمره الاولى الا انه صمد وترك الجميع وابتعد .
ذهبت رند الى زوجها وسئلته : ايه يا جاسر فيك ايه ؟
جاسر : مش عارف ، تعبت مره وحده ، وجتلى الحاله بتاعت قلبى دى وكنت حاسس انى هيغمى عليا .
رند : حسيت ان انت فيك حاجه مش مظبوطه ، معلش يمكن اجهاد ، بس لازم نروح للدكتور النفسى بكره .
جاسر : دا اللى هعمله ، بس عرفه ايه الحاجه الغريبه اللى لحظتها ؟
رند : حاجه ايه مش فاهمه ؟
سكت جاسر ليفكر قبل اخبار رند انه لاحظ ان تلك الحاله تكررت معه حينما قابل عارضه الازياء هند ، فكانت موجوده حينما حدثت تلك الحاله له اول مره ايضا ، ولكنه لم يريد سبق الاحداث وقال لزوجته : لا متخديش فى بالك يمكن انا بيتهيقلى .
رند : بكره هروح معاك للدكتور ونشوف .
فى اليوم التالى ذهب جاسر ورند الى افضل دكتور نفسانى ، وبداء جاسر يحكى له عن الحاله التى حدثت معه مرتين .
واستمع الدكتور لكلام جاسر وبعدها بداء يسأله: هو الحلتين شبه بعض ، يعنى نفس الاعراض ؟
جاسر : اه يا دكتور ، بس المره التانيه قدرت اتحكم فى نفسى ومحصليش اغماء .
دكتور : عمليه نقل القلب اللى عملتها ، كانت ناجحه بالكامل ولا حصل مضاعفات .
جاسر : حسب التقارير بتاعت المستشفيات انها كانت ناجحه جدا كمان .
دكتور : تعرف ايه عن الشخص اللى اتنقل قلبه ليك ؟
جاسر : كل اللى عرفته انه مكنش ليه حد ، وطبعا معرفتش اى حاجه عنه .
دكتور : وانت ازاى مهتمتش تعرف الشخص المتبرع بالقلب ؟؟؟؟؟؟
فسكت جاسر واجابت رند : ودا يفرق فى ايه يا دكتور ؟
وكمان سلوكيات جاسر متغيرتش تقريبا ، وبعدين حتى لو عرف جاسر طباع صاحب القلب دا هيفيده بايه ؟
دكتور بعد ان ابتسم بسخريه قال : هو الانسان ايه يا دكتوره غير قلب ، دا اهم عضو بجسم الانسان ، احنا جرت العاده لما بنتكلم عن اى حاجه بتخص المشاعر والاحاسيس بيبقى القلب رمز ليها ، دا ابسط حاجه لو حبيت تقول لحد بحبك بترسم قلب علشان تعبر على الحب ، والام اللى بتعاقب ابنها بتقولوه قلبى غضبان عليك ، القلب يا دكتوره هو كيان الانسان ، وزى ما هو اضعف وارق عضو بجسم الانسان ، هو بردو اكتر عضو يقدر يتحكم بالجسم كله ، بمعنى اصح فى شخص عايش جوه جسم جوزك ، ليه احلام انتهت وحب لاشخاص ، كان لازم على الاقل جوزك يعرفه ويعرف حياته يمكن سعتها مكنش الشخص دا يعقبه بكل الالم دا .
رند : يا دكتور كلامك مش علمى خالص ، انا اللى افهمه تحليل واشعه ولو فى مرض يتعالج ، مش مشاعر وكلام بعيد عن العلم .
دكتور : قوليلى يا دكتوره ، هى الروح ملموسه ، تقدرى تلمسيها يعنى ، نفسيه الانسان ملموسه او حتى مرئيه ، يا دكتوره المرض النفسى اهم واخطر من المرض العضوى ، وبعدين هنروح بعيد ليه ، هو حضرتك بتحبى جوزك ؟
رند : طبعا بحبه اوى كمان .
دكتور : طيب مهو الحب حاجه مش علميه ، او حاجه ملموسه ، ازاى معترفه بيه .
سكتت رند ولم تجاوب الدكتور .
وحينها تحدث جاسر وقال للدكتور : انت عندك حق يا دكتور ، كان لازم اهتم واعرف عن صاحب القلب ، وكان لازم اقدم مقابل القلب اللى انا حصلت عليه ، اقدم تعويض على انى خدت حاجه بدون مايسمحولى ، ودى اول حاجه هعملها .
دكتور : كدا انت مشيت اول خطوه نحيه العلاج ، ولازم تعرف كل حاجه عن صاحب القلب علشان نعرف ايه سبب الازمه .
سكت جاسر قليلا وكانه متردد ، ولكنه قرر التحدث وقال : انا فى حاجه شغلانى يا دكتور من امبارح ؟
دكتور : اتفضل يا استاذ جاسر ، اى معلومه ولو صغيره ممكن تفرق معانا كتير بالعلاج .
جاسر : فى شخص على ما اظن انا قابلته مرتبط بصاحب القلب .
نظرت رند لزوجها حينما قال ذلك ، فهو لم يخبرها بهذا الامر من قبل .
فسأله الدكتور : ومين الشخص دا وعرفت ازاى بعلقته بصاحب القلب ؟؟؟؟
انا المرتين اللى حسيت فيهم بالتعب كان فى شخص معين غريب عنى قابلته فى المرتين دوول .
رند : انت تقصد مين يا جاسر ؟؟؟؟؟
جاسر : عارضه الازياء اللى اسمها هند ، لما تعبت اول مره كنت واقف معاها انا وروان بنتى ، وتانى مره كنت معاكى وروان وهى بردو كانت موجوده .
رند : عندك حق دا احتمال كبير ان هي كانت تعرف صاحب القلب .
دكتور : انا شايف ان انت تقابلها ، بس ياريت تكون لوحدك ، والدكتوره رند متكونش موجوده .
رند : ليه يا دكتور ؟؟؟؟
دكتور : كدا افضل يا دكتوره ، علشان اللى اسمها هند تتكلم بحريه .
جاسر : مفيش مشكله يا رند ، لما هقابلها هحكيلك كل حاجه .
دكتور : هو صاحب القلب كان اسمه ايه .
جاسر : على ما افتكر اسمه عابد ، اه عابد انا فاكر انى قريت اسمه بالتقارير الطبيه .
دكتور : يا ريت لما تتكلم مع هند تتكلم عن قلب عابد كانه شخص ، وتظهرلها اهتمامك بعابد واحترامك ليه ، علشان تقبل تساعدنا وتعرفنا على عابد بشكل افضل .
جاسر : طبعا يا دكتور ، من غير ما تقول ، عابد ليه فضل عليا وعلى انى لسه عايش لحد دلوقتى ، وانا لازم احترم ده .
دكتور : المشكله مش كدا وبس ، انا لو اللى بفكر فيه صح ، هتبقوا فى اختبار صعب اوى .
رند : قلقتنى يا دكتور ، بتفكر فى ايه ؟؟؟؟؟
دكتور : خلونا مانسبقش الاحداث ، نمشى خطوه خطوه ، ونتأكد بس من ان هند تعرف عابد او لا ، وكمان عوزك يا استاذ جاسر تعرف طبيعه العلاقه بنهم كانت ازاى ، عوزك تعرف كل كبيره وصغيره عن عابد ، وتيجى تقولى وسعتها هنحدد ايه الخطوه اللى بعديها .
جاسر : تمام يا دكتور ، انا اول ما اقعد مع هند هجيلك .
دكتور : ياريت تقابلها فى اسرع وقت ممكن ، احنا بنسابق الزمن قبل ما الحاله تدهور .
رند : متقلقش يا دكتور .
خرج جاسر ورند من عند الدكتور ، واتصل جاسر بوكيل اعماله حامد .
وحينما اجاب حامد على الهاتف قال له جاسر : عاوزك تعرفلى عنوان عارضه الازياء هند اللى كانت بحفله افتتاح المصنع .
حامد : خير يا باشا ، حصل حاجه ؟
جاسر : لا محصلش ، واعمل اللى بقولك عليه ، الكلام دا عوزه فى خلال ساعه بالكتير ، وعاوز كمان تجمعلى كل حاجه عن هند ، اى معلومه تخصها ، عاوز بيناتها كامله .
حامد : يا باشا لو حضرتك تفهمنى بس هعرف اجيب اللى حضرتك عوزه ، حددلى ايه اللى عاوز تعرفه وانا هجبهولك من تحت الارض .
فتعصب جاسر وقال له : انت تعمل اللى انا بقول عليه من غير ما تسئل ، تنفذ بس فاهم ؟
حامد : تمام يا باشا حاضر .
جاسر : وكمان كل حاجه تتعمل فى سريه تامه ومحدش يعرف حاجه عنها ، وخصوصا هند نفسها مش عاوز تحس انى بجمع عنها اى معلومات .
حامد : مفهوم طبعا يا باشا .
واقفل جاسر الاتصال مع حامد .
وقالت لها رند حينها : مالك يا جاسر قلقان كدا ليه ؟
جاسر : مش عارف حاسس انى متوتر شويه .
فامسكت رند بيده وقالت : متقلقش كل حاجه هتعدى على خير ، احنا مرنا بظروف اصعب من دى مليون مره ، وبنطلع منها احسن واقوى .
تبسم جاسر وقبل يداها وقال : ربنا مايحرمنيش منك ابدا .