رواية : { قلبي سامح قسوتك } 🥀🧡
الحلقة الخامسة { ٥ } 🔥
بقلم سهيله سعيد
( تلاقي الماسدچ مليانة صور ليها مع طارق من ساعة م عرفته
قريبين من بعض ولما كانت ف بيته يوم م راحوا بعد المطعم )
زينة : يا نهار اسود 😱
( يرن فونها )
زينة : الو
رامي : ايه ي حبي
زينة : انت الي بعت الصور دي صح ؟؟
رامي : اه انا 😊
زينة : جبت الصور دي منين واتصورت امتي اصلاً 😦
رامي : البركة ف طارق 😏
زينة ب انفعال : انت عاوز مني ايه بقا سيبني ف حالي 😧
رامي : عاوز اتجوزك
( تتخض زينة )
زينة : تتجوزني 😳
رامي : انا طلبتك من اخوكي انهادة وبما اننا صحاب ف هو
موافق بس قال لازم ياخد رأيك .. وهو مروح دلوقتي
وهيفاتحك ف الموضوع ولو فكرتي انك ترفضي الصور الي
وصلتلك دي هتوصل ل عيلتك كلها وع الفيس بتاعك لكل
صحابك ول جروب الكلية كمان والانستا وفضيحتك من بكرة
هتبقي ب جلاجل .. وشخاليل 😁
( تنزل دموع زينة )
زينة : انت ايه ي اخي .. انت شيطان 😔
رامي : هو الشياطين بس الي بيتجوزوا 🙆🏻♂
زينة : ربنا ياخدك منك لله 💔
رامي : تسلميلي ي عروستي
زينة : انت مبتحبنيش انت لو بتحبني مش هتعمل فيا كل دة ✋
رامي : انا قلت كنت بحبك .. كنت .. اما حالياً مبكرهش قدك ☝️
زينه : يبقي تتصل ب ذياد تقوله انك غيرت رأيك
رامي : انا مش تحت امرك ع فكرة وخلاص طلبتك منه وقريب
هتجوزك ولو قلتي لا انتي عارفه انا هعمل ايه
( يخبط باب الاوضه ، تقفل زينة الفون بسرعه وتمسح دموعها )
زينة : ادخل
( يدخل اخوها ، تتخض )
ذياد : ازيك يا زوزه
زينه : الحمدلله
ذياد : كنت عاوزك ف موضوع كده
زينة : اه 😐
ذياد : انتي عارفه رامي صاحبي صح ؟
زينة : اه
ذياد : كلمني انهاردة انه عاوز يتقدملك وكده ف انتي ايه رأيك فيه ؟؟
زينة : الي انت شايفه
ذياد : انا شايف انه مناسب ليكي هو شاب كويس ومن عيلة كبيره
زينة : خلاص الي تشوفه
ذياد : واضح انك ميالة للموضوع ف انا مش هطول عليكي
وهروح اكلم بابا 🤷🏻♂
زينة : اوك
( يتكلم ذياد مع بباها ويوافق ويحدده ميعاد ييجي فيه رامي
واهله ، ف بيت رامي ، ڤيلا كبيرة شبه قصر ، رامي قاعد مع بباه )
الاب : طب هي بنت كويسة يعني ؟
رامي : اه تبقا اخت ذياد
الاب : لا بجد 😃
رامي : اها
الاب : طب والله كويس دة شاب محترم واكيد اخته زيوا
شوف عاوز تروحلهم امتي
رامي : بكره
الاب ب استغراب : بكرة !!! انت مستعجل ليه كده 🤷🏻♂
رامي : لا عادي بس عشان يبقي كل حاجه رسمي عشان هقري
فاتحه مش هعمل خطوبه جواز ع طول عاوز استقر بقا
الاب : خلاص الي فيه الخير يقدمه ربنا
( تاني يوم ، يروح رامي يتقدم ل زينة وبباها يوافق ويحدده
هتكمل دراسة بعد الجواز وزينة متقدرش تعترض ع اي حاجة
تتقال ، قبل الفرح ب اسبوع ، زينه ف اوضتها بتلم هدومها وبتظبط حجاتها )
زينة : انتي مخضوضه وزعلانة ليه دة كل البنات هتموت عليه
وف الاخر بقا ليكي انتي 😌 هههههههه يلهوي ع فرسة البنات
مني يوم الفرح 🤭 واهو بالمرة افرس طارق الحيوان عشان
يعرف انه بعد م سابني اهو هتجوز الي احسن منه ميت مرة
كأنه كان كبري مش اكتر 🤷 لا وكمان صاحبه ههههههه 😄
اتجننتي بتكلمي نفسك 😐
( تقعد زينة ع السرير )
زينة : طلع بيحبني 😊 م كلهم حبوني 😕 مسيطره طول عمري هههههه 🤣
( تدخل رويدا )
رويدا : بتضحكي ع ايه يا هبلة 🤷
زينة : ع الخيبة الي انا فيها تعالي 🙄
( تقعد جنبها )
رويدا : ظبطي حاجتك ؟
زينة : اه بلم اهو والمحل قال هيبعت باقي الهدوم ع البيت
رويدا : اوك خلصي ونخرج نحتفل ب اخر اسبوع ليكي قبل الجواز اتفقت مع البنات
زينة : اشطا قومي بقا ساعديني
رويدا : طااايب
( تقوم رويدا تساعد زينة ، تدق الساعة 8 ، تروح زينة تقعد ف
مطعم مع صحابها ، يرن فونها )
زينة : الو
رامي : ايه الي خرجك من غير م تقوليلي ؟؟
زينة : عادي مجاش ف بالي وبعدين اقولك ب صفتك ايه يعني
رامي : بصفتي هبقي جوزك
زينة : خلاص ابقي حاسبني لما تبقى 💁🏻
رامي : ماشي يا زينة .. يلا اطلعي عشان اروحك
زينة ب استغراب : انت برة !!!!
رامي : ايوة
زينة : دة انت مراقبني بقا 🤷
رامي : انجزي
( يقفل رامي ، تطنش زينة ومتطلعش ، رامي ف عربيته ، يبص
للساعة ، يجيب اخره ينزل م العربية يدخل المطعم )
سما : يا خراشي ع المززز الي داخل 😍
رويدا : دة خطيب زينة ع فكره
سما : لا والله !!!
( تتخض زينة وتبص وراها تلاقي رامي مقرب عليها ، يسحب
كرسي من ع ترابيزه تانية ويقعد وسطيهم )
رامي : هاي 😊
البنات : هااااي
سما : مبروك ☺️
داليا : مبروك 😄
هدير : مبروك 😀
رامي : ميرسي عقبالكم 🙂
( يبص ل رويدا ، تضير وشها )
رامي : لسة قافشه مني .. انا اسف 😐✋
رويدا : حصل خير ومبروك 😒
رامي : لا مش من قلبك شكل صاحبتك لسة زعلانة قوللها متزعلش يا زوزة 💁🏻♂
رويدا : لا والله مفيش حاجة
رامي : زوزه
( تبصله زينة ، يمسك ايدها ، تتخض )
رامي : مالك يا قلبي انتي تعبانة 😕
زينة : لا .. كويسة 😐
رامي : اتعشيتوا ولا لسة ؟
رويدا : لا لسة كنا هنطلب
سما : اتعشا معانا بقا 🤷
رامي : اشطا انا عازمكم
( ينده الجرسون ويطلب العشا ويقعد يتعشي معاهم ومقضيها هزار وضحك مع البنات )
رامي : الشيك لو سمحت
( يحاسبه الجرسون ، يقوم يقف ويمسك ايد زينة )
رامي : حبيبي هستناكي برة اوك
زينة : اوك
( يبوس ايدها ، تتحرج ووشها يقلب الوان ، يمشي رامي )
سما : خطيبك دة عسل 😍
( تتنهد زينة 😑 )
رويدا : م تقومي ي بنتي قالك مستنيكي
زينة : طيب 🙄
( تقوم زينة تطلع تركب مع رامي ويمشوا )
رامى : عندك كلية بكرة ؟
زينة : اكيد
رامى : اوك من بكرة تجبيلي جدول محاضراتك
زينة : ليه ؟!!!
( يبصلها )
رامى : من غير ليه 💁🏻♂
زينة : طيب
رامى : اعدى عليكي بكرة اوصلك ؟
زينة : مفيش داعي السواق بيوديني
رامى : اوك .. احنا رايحين البحر انا وصحابي بكرة تعالي معانا
زينة : اوك ماشي هقول ل ذياد 😒
رامى : سيبيهولي انا هقوله
زينة : اوك
( يوصلوا قدام البيت ، تدخل زينة ويمشي رامى يتصل ب ذياد
يقوله وذياد يوافق ، تانى يوم ، الساعة 12 الضهر ، زينة تجهز
ورامى ياخدها ويمشوا ، ف الطريق )
زينة : هو مين الي جاي معانا ؟
رامى : شوية من صحابي
زينة : يعنى شباب ؟
رامى : شباب وبنات
زينة : انت لسة مصاحب بنات ؟؟
رامى : عندك مانع ؟
( تبصله بغيظ )
زينة : لا ابداً 😐
رامى : هاتى موبايلك
زينة : لية !!
رامى : هاتى الموبايل 👋
( تديهوله ، يقعد يقلب فيه بيدور ع حاجة معينة الي هي رقم
طارق وميلاقيهوش )
رامى : مين اسر ؟
زينة : ابن عمتى
رامى : اها .. ومحمد ؟
زينة : محمد مين ؟
رامى : انا الي بسألك
زينة : ايوة يعنى مكتوب محمد ايه ؟؟
رامى : محمد طاهر
زينة : دة ابن خالي وباقي المحمدات صحابي ف الكلية
رامى : من بعد انهاردة مفيش حاجة اسمها صحابي ف الكلية