رواية تنازلت عنك
(الفصل الرابع)
بقلم هدي زايد
ترجلت من السيارة وهى ترتجف ظلت تقلب يمنيأ ويسارآ
وجدتها على قيد الحياة
تنفست الصعداء حمدالله
قامت بمساعدتها حتى وصلت إلى السيارة اتجهت بها مسرعه إلى المشفى الخاص بها
تم عمل الإجراءات اللازمة لها مر اكثر ساعتان ونصف وهى تحت تأثير المخدر
بينما هي كانت تقف أمامها تراقب وضعها الصحي حتى اردفت بصوت خفيض
نورسين: انا فين
تنهدت بارتياح شديد ثم اردفت بمزاح
حمدالله على السلامه انتي يعني يوم ماتقرري تنتحري يبقى على أيدي انا
انتي فى مستشفى بتاعتي والحمد لله كل اللي عندك إصابات سطحيه يومين وتكوني زي الفل
سوري اتكلمت كتير ونسيت اعرفك بنفسي انا الدكتورة "آسيا"
وانتي اسمك ايه وايه حكايتك ليه عملتي كده انا مستعدة اسمعك لو تحبي
نورسين: نورسين اسمي نورسين وانهاردة اول يوم لاامي
آسيا: فى ايه !!
نورسين: فى القبر
آسيا بحزن: لا حول ولا قوه الا بالله البقاء لله بس انا شايفكي لوحدك ومفيش حد معاكي هما اهلك فين
نورسين: انا مليش أهل ولاصحاب ولا حد امي كانت كل حياتي
آسيا: ربنا يصبرك
كادت تكمل حديثها ولكن قاطعتها الممرضه وهي تتحدث بمزاح
الممرضه: دكتورة استاذ يونس هيييح منتظر حضرتك
آسيا: ههههههههه طب يالمضه روحي وانا جايه حالا
نظرت الى "نورسين" مردفه بصوت رقيق
آسيا: اسيبك وهرجعلك تاني عشان اطمن عليكي
نورسين: ماشي
تركتها وذهبت إلى غرفه بالمشفى دلفت وهي تتحدث بجدية مصطنعة
آسيا: أهلا وسهلا بالاستاذ اللي راح وقال عدولى
يونس: أهلا بالدكتورة اللي بقت بتعرف تلقح بالكلام ونسيت كانت ايه زمان
آسيا: ههههههههه والله تنفع مطلع اغنيه على العموم نورت تشرب ايه قهوة ساده برضو
يونس: ياريت احسن مرات عمك طيرت البرج اللي فاضل فى دماغي عامله زي الاطفال وممتنعه عن الدوا وبتاخده بطلوع الروح ارجوكي ارحميني وشوفلي سجانه مش ممرضه عشان تقدر تتحكم فيها
آسيا: هههههههههههه هفتن عليك
يونس بمزاح: واهون عليكي ده انا ابن عمك الكبير
آسيا: اممم خلاص سماح المرادي بس عشان اقدر اقفل بوقى اعزمني على غدا محترم
يونس: حاليا مش هقدر ولكن وعد مني انا وانتي والممرضه الجديدة هنتغدا سوى قبل مانروح الفيلا لقيتها ولا لسه
آسيا: للاسف الشديد محدش عندي متفرغ الموضوع ده او بمعنى اصح كلهم متجوزين وعندهم ولاد ومسؤولية يعني لازم يروحوا بيوتهم اخر الليل
يونس : والعمل ايه دلوقتي احتمال اسافر وعايز اطمن على كل حاجه قبل ماامشي
آسيا: خلاص سبني يومين تاني وانا أن شاءالله هحاول اجبلك ممرضه أن شاءالله بشكل مؤقت
يونس: لا هو بكره معادنا بكره الساعه 5العصر هنتغدى سوى اتفضلي ده قبل ماامشي شيك صغير كده تبرع مني للمستشفى
آسيا بمزاح: أدعو للعمده
يونس: ماشي يالمضه اسيبك بقى
&&&&&&&
كانت تجلس في غرفتها لاتصدق مامرت به هل هذا صحيح هل ترقد بالمشفى والدتها ترقد تحت التراب هل استطاعت صديقتها الوحيدة طعنها فى ظهرها من اين اتت بهذه القوة لتطعنها هكذا وهو أيضاً اين الحب الذي حدثها عنه اين العهد الذي قدمه عند اعترافه لها
قاطع شرودها دخول "آسيا" وعلى ثغرها ابتسامه رقيقه
آسيا: الجميل عامل ايه دلوقتي
نورسين: الحمدلله
آسيا : ممكن نتكلم اصل انا بحب الرغي اوي ومش لاقيه حد اتكلم معاه نورسين: انا معنديش حاجة أقولها غير أن اليوم اللي اي بنت بتستناه طول عمرها هو نفس اليوم اللي عرفت فى معنى كلمه الغدر والخيانه والفراق
آسيا بتعجب: ياااه كل ده ليه يعني الحزن ده
نورسين: عندك صحاب قريبين منك لدرجه النفس اللي بتتنفسي
آسيا: اه يونس ابن عمي
نورسين: لا قصدي بنات
آسيا: للأسف الشديد لا
نورسين: يبقى احمدي ربك لان اللي انا فى ده سببه صاحبتي أو اللي كنت فاهمه كده غدرت بيا
صمت عن باقى الحديث وهى تغير مجراه لكى لاتبكي مره اخرى
نورسين: احم قوليلي بقي انتي حاجه عن نفسك
آسيا: اممم ماشي بصي أنا" آسيا الحديدي" دكتورة نساء وتوليد ههههههههه
وصاحبه المستشفى دي ونفسي اتجوز والله ههههههههه
نورسين: هههه احسنلك بلاش
آسيا: انا سمعت أنه حلو قولت اجرب حظي انا عندي 28سنه اعااااااا
نورسين: هههههه ضحكتني ربنا يسعدك أن شاءالله هيرزوقك باابن الحلال هو انا المفروض اخرج أمتي
آسيا: بصي المفروض تخرجي من دلوقتي لو حابه بس انا بقول تصبري لحد بكره على الأقل قوليلي انتي بتشتغلي
نورسين بحزن: للاسف لا لان امي الله يرحمها كانت مريضه قلب وانا كنت بقعد جنبها وكنت بشتغل من البيت
آسيا بعدم فهم: ازاي يعني
نورسين: يعني كنت بفصل لبس وفساتين سهره وببعها للمحلات والجيران والحمد لله كانت مستورة بس كل ده راح خلاص سبت البيت والمنطقة كلها
ومش عايزة ارجع هناك تاني أن شاءالله من بكره هبدا ادور على شغل
آسيا: واللي يجبلك شغله ومكان في نفس الوقت تعملي ايه
نورسين بتعجب: ازاي يعني مش فاهمه
آسيا: بصي يا ستي الحكايه ومافيها
ظلت تقص عليها ماتريده حتى انتهت من حديثها ثم نظرت الها تريد ردت فعلها
تنهدت ثم اردفت بجدية
نورسين: وانا موافقه شوفي ينفع نروح امتى وانا هروح معاكي
آسيا: بجد والله بصي انا عارفه ان انا مش عاقله فى كلامى وممكن تلاقني بتكلم زي الاطفال بس ده مش مع اي حد يعني اللي برتاح معاهم وبصراحة انتي تاني شخص ارتاحلو بعد "يونس"
على العموم بكره الساعه 5 هنكون معاه وبنتفق على كل حاجه تمام
نورسين: تمام
آسيا: اسيبك انا بقى وبكره على معادنا سلام
تركتها وذهبت لتفكر فى قررها للمره الأخيرة على هى مخطئة ام مافعلته هو الصواب
تنهدت بقوة شديدة ثم اردفت بسخرية
نورسين : يعني هيحصل اكتر من كده ايه يالا اهى حاجه مؤقته
&&&&&&&&&&&
فى صباح اليوم التالي
كان يجلس فى شرفه غرفته يرتشف قهوته للمره الثانيه
نظر إلى ساعه يده وجدها الثانية ظهرا
ظل بمكانه اكثر من ساعتان ونصف ثم تحرك الى أحد المطاعم الفاخرة
بحث بعينه حتى وقعت عينه عليها ذهب إليها جلس امامها وتحدث بنفاذ صبر
يونس: يالا بسرعه عشان مستعجلة وفي إلا خر جايه لوحدك طمعانه فى الغدوه يامفجوعه
آسيا: ههه خفه هي فى الحمام وزما
وزمانها المهم زي مافهمتك فى التليفون البنت ملهاش حد ولا مكان
يونس: اوك اوك المهم دلوقتي هى ممرضه شاطرة
آسيا: هااا
يونس : هااا قوليلي يابنتي هي ممرضه ولالا
جلست امامه وعلى ثغرها ابتسامه رقيقه وتحدثت بصوت رقيق
نورسين:انا نورسين الشيخ ومعايا دبلوم تجارة وعندي خبرة كبيرة مع مرضى القلب وعلاجهم
يونس : انتي بتهرزي صح
آسيا: افهمني بس
وضعت" نورسين" يدها على يد" آسيا" وتحدثت بهدوء
نورسين : استاذ يونس اظن ان التمريض مش محتاج دراسه لان انت مش عايزة ممرضه انت عايزة جليسه لمامتك
تنحنح بحراج كيف فهمت مايريد هكذا كاد يتحدث ولكن تحدثت هي بهدوء
نورسين: على حسب مافهمت من دكتورة" آسيا" أن مامتك بتاخد الدوا بعد عذاب وأن طول الوقت حضرتك بره وان هي برضو قاعدة فى البيت مبتخرجش غير بسيط يعني تقريبا كده للمستشفى وبس
انت بقى عايز واحدة تكون بتفهم فى التمريض وتعرف مواعيد العلاج وتعرف تديها الحقن ونفس الوقت تكون قاعدة 24ساعه معاها صح
يونس:٠٠٠٠٠
آسيا : نورسين انا مكنتش اعرف ان الموضوع كده
نظرت اليها ثم تحدثت وهي تنظر إليه
نورسين: وانا موافقه
آسيا: قولتي ايه
نورسين: قولت موافقه شوفوا تحبوا نبدأ من أمتي وانا معاكم
يونس: ياريت انهاردة لاني مسافر انهاردة الفجر والمرتب مش هنختلف عليه
نورسين: وانا موافقه
آسيا بمزاح: انا بقى عايزة اتغدى عشان عندي حاله مستعجلة
يونس: ماشي يامفجوعه تاكلي ايه
آسيا: اي حاجه اللي يجي منك احسن منك هههههه
ابتسمت لها وهي تتحدث كانت تفعل هكذا مع حبيبها ورفيقه دربها
ظلت تنظر يميناً ويسارا كى لاتبكي مره اخرى اقسمت على أن لاتبكي مره اخرى
جحظت عيناها المصبغه بالاحمرار وهى تراهم ينظرون إليها بغيظ شديد
ابتلعت ريقهابصعوبه شديده حاولت الهروب من عيناهم وهى تنظر الى "آسيا" التى فهمت من نظراتها بأن صديقتها المقربة تجلس معه ربت على كتفها بحنو وحب وتحدثت بصوت رقيق
آسيا: ارمي وار ضهرك وبصى قدمك
نورسين: حاضر
كان لايهتم لحديثهن ظل شاردا فى اللاشيء حتى قاطع شروده هتفها المستمر
آسيا: يونس يونس يونس
يونس: نعم بتقولي حاجه
آسيا: كنت بقولك همشي انا بقى ابقى سلملي على طنط تروح وترجع بالسلامه
يونس: الله يسلمك استني هو صلك
آسيا: لالا خاليك انا همشى معايا العربيه
يونس: طب اوك خلي بالك من نفسك
آسيا: حاضر
ثم نظرت الى "نورسين" وتحدثت بصوت رقيق
آسيا: مش عايزة حاجة يا نور
نورسين: سلامتك وشكرا مره تانيه
آسيا بمزاح: انا اللي بشكرك خلتيني اتغدى مع الرجل الغامض بسلامته
ههههههههه يالا باااى
تركتهم وذهبت مرت الدقائق وهي تختلس بين لحظه والأخرى كانت تتابع ضحكاتهم وحديثهم الهامس كانت تشعل بداخلها نيران تشعل عالم بأسره
ابتعلت ريقها بصعوبة ثم تحدثت بصوت محشرج
نورسين: ممكن اروح الحمام
يونس بتعجب: كلتي خلاص
نورسين : الحمد لله عن اذن حضرتك
يونس : اتفضلي
ذهبت الى المرحاض ظلت تبكى كثيرا ظلت تتذكر مامرمن ذكريات جميله
حتى دلفت إليها صديقتها السابقه وتحدثت
وفاء: برفوا عليكي مضيعتيش وقت روحتي وشوفتي غيره لا بجد شابووو
نورسين: مش طبعي ولا أخلاقي تسمحلي اعمل اللي انتي عملتي
انا بستغرب ازاي جالك قلب تعملي فى كده هونت عليكي
وفاء بغضب: ياسلام وانا اللي هونت عليكي لما تاخدي واحد فضلت احب فى
نورسين: مكنتش اعرف ولاانتي قولتلي واهو سبيتهولك اشبعي بي
وفاء: لا تعرفي هو ده الواد اللي كلمتك عنه وقولتلك أنه تقيل مفيش يومين والقيكي بتقولي أنه خطبك كنت هتجنن ازاي يبص لوحده زيك انتي وانا احلي منك ومتعلمه عنك وغنيه عنك بمراحل ازاي يبص لوحده زيك انتي واناااا لااا استغليت زعلوه منك وبدائت ادخلوا من نقطة الصداقه وبدأ يقولي انك قفل وان دائما تقولي عيب حرام مقولتش لاامي كل حاجه انتي كنتي بتقولي لا أنا كنت بعملها لحد اللحظه اللي جه واعترف بيها أنه بيحبني وروحنا واختارنا الفستان اللي انتي اختارتي مقدرتش استحمل حسيت اني ممكن اموت ومكنش ينفع اسيبك تاخدي مني كل حاجه فى لحظه
نورسين: ياااه كل ده قلبك انتي عملتي انا انا مش قادرة اصدق انا ممكن اضحي بعمري وحياتي عشانك وانتي كنتي عايزة تتدمرني كده
الحمدلله أن ربنا كشف حقيقتكم قبل فوات الاوان
انا بجد مصدومه فيكم
تركتها وذهبت وهي تجفف بقايا دموعها بظهر يدها وقفت امامه وتحدثت بصوت محشرج
نورسين: استاذ يونس ممكن نمشي دلوقتي
يونس بتعجب: هو فى حاجه حصلت حضرتك
قاطعته وتحدثت بحده
نورسين: ارجوووك خلينا نتحرك من هنا حالا
يونس : حاضر
ذهب من المطعم وهو فى حاله من الذهول
انتظروا قليلا حتى تصل سيارته ركض إليها وتحدث بندم
كريم : نورسين ممكن نتكلم
نورسين: مبقاش فى كلام امشي من هنا
كريم: ارجوكي اسمعيني لو لحظه واحده انا ندمان
نورسين : ارجوك انت كفايه كده واتفضل مع السلامه
كاد يكمل حديثه ولكن أوقفه وتحدث بجديه
يونس: هي مش قالتلك خلاص اتفضل بقى من هنا
كريم : وانت مالك انت ماتخليك في حالك
يونس: تصدق انك مش محترم انا هعلمك ازاي ترد اسيادك كده
كريم : وانت بقى زبون جديد صح ماهو ينفع امال عامله فيها شريفه ليه
قوليلي دفعلك كام وانا ادفع اكتر
كاد أن يلكمه ولكن أوقفته وتحدثت بصوت غاضب
نورسين: من فضلك يا يونس بيه متوسخش ايدك مع واحد زي ده انا وهو يونس بيه أنصف من أننا نضيع لحظه واحده معاك مش انا اللي تبيع نفسها عشان فلوس الرخيص اللي زيك هو بس اللي دايما بيفكر أن الدنيا كلها رخيصه اووووي زيه امشي من هنا ومتحاولش تاني مرة تكلمني ايا كانت الاسباب اللي بيني وبينكم مااااات
جاءت السيارة استقلت وهى ترتجف كانت تبكي دون صوت نظر إليها حاول أن يتحدث ولكن فضل الصمت والسبب هو أنه لايريد التدخل فيما لا يعنيه
وصل اخيرآ إلى منزله دلف واذن لها بالدخول
كانت تجلس على المائدة ذهب إليها أخذ يدها بين يده وطبع قبله رقيقه علي يدها مردف بحنو
يونس: وحشتيني ياست الكل
سميرة: انت اكتر ياحبيبي قولي مين القمر اللي واقفه دي انت اتجوزت من واريا ياواد
يونس بهمس: بس تسمعك وبعدين انا مقدرش اعمل كده من
من واركي ياجميل دي الممرضه الجديده
نظرت اليها وجدتها تبتسم لها ابتسامه رقيقه تحدثت بمزاح
سميرة: تعالى ياحبيبتي واقفه بعيد ليه انتي عليكي اقساط ههههههههه
تعالي اقعدي جنبي
جلست بجانبها وهي ترتجف
سميرة: انتي اسمك ايه
نورسين: نورسين اسمي نورسين
سميرة: الله اسمك حلو اووووي بس يعني ايه
نورسين: ضوء القمر
سميرة: اسمك حلو ومعناه احلى واجمل ولايق جدا عليكي
نورسين: شكرا لحضرتك
سميرة: انا اسمي سميرة وبلاش حضرتك ممكن
نورسين بحزن: سميرة
سميرة بتعجب: مالك يابنتي فى حاجه
نورسين: اصل امي كان اسمها سميرة الله يرحمها
سميرة: حبيبتي انا بقول نتعشى سوا وبعدها نتكلم براحتنا
يونس: كلوا انتم انا هطلع احضر شنطتي لان فاضل كام ساعة وتسافر مش عايزة حاجة ياست الكل
سميرة: سلامتك يا حبيبي
صعد الدرج بخطوات ثابتة بينما هي أخذت بيدها وذهبت الى حديقه المنزل
وظلت تتحدث معها كثيرا
نورسين: وهى دي كل حكايتي لحد ماجيت هنا
سميرة: ياحبيبتي انتي اتعذبتي كتير اوي بس ارجع واقول الحمدلله أن كشف حقيقة اللي حواليكي صحيح الصدمه صعبه وقويه بس برضو الضربه اللي مبتقتلش صاحبها بتقوى
نورسين: بس انا اتوجعت اوي
سميرة: المهم وجعك ميبقاش سبب وقوعك خلي سبب نجاحك يونس على طول يقولي كده وبصراحة معاه حق يالا قومي اغسلي وشك ومعلش نطلب منك طلب
نورسين: طبعا اتفضلي ياسميرة هانم
سميرة بحزن مصطنع: يعني انا بقولك بنتي وانتي تقولي ياهانم ده انا حتى اسمي على اسم مامتك ولا احنا مش قدم المقام قوليلي ياماما
نورسين: لا طبعا ازاي حضرتك مقامك عالى والعين متعلش عن الحاجب
سميرة: بلا عين بلا حاجب قومي يالا هاتيلي التليفون بتاعي فوق فى الاوضه بتاعتي على ايدك اليمين
نورسين: حاضر من عينا
ذهبت الى غرفتها كانت حائره بين الغرف لاتعرف اي منهم غرفتها ظلت تحدث نفسها
نورسين: ياتري انهى واحدة كلهم شبه بعض احسن حاجه اخبط قبل مافتح الاوضه
فعلت ماتحدثته ولا احد يجيب عليها ظنت أن هذه هي الغرفه المنشودة
دلفت الغرفه وهي تنظر باارجائها صورتها فى كل مكان فوق فراشه وبجانبه فوق الكومود لن تشعر بشئ سوى أن قدمها تأخذها الى الداخل اكثر تريد معرفه من هي المراه التي تعدت حدود الجمال نظرت الى المرأه عطورها مساحيق التجميل الخاصة بها مدت يدها لتشتم عطرها الجذاب الذي غمر الغرفه ماان فتحته كادت تضعه مره اخرى ولكن سرعان ما وقعت منها فتنثرت فى الغرفه بأكملها
ارتجفت كثيرا حاولت أن تلملم ماتبقى منه بسرعه فائقه
ولكن فى ذاك الوقت خرج من المرحاض وهو يلف حول خصره منشفه وقف امامها وتحدث بغضب شديد
يونس: انتي مين قالك تتدخلي هنا
نورسين: انا انا اسف والله كنت عايزة اجيب تليفون ماما سميرة بس بس
قاطعها بحده وهو يشير إلى باب غرفته
يونس : دي اوضتي انا وممنوع دخول الخدمين هنااا امشي اطلعي بررررره ومشوفش وشك تاااني انتي مطروده
نورسين: ارجوك اسمعني والله ماكنت اقد واذا كان على ازازه البرفيوم انا مستعدة اجيب غيرها لمرات حضرتك
ضغط بيده على راحه يدها متجه بها خارج غرفته وهو يردف بغضب شديد
يونس: انتي لو قاعدتي عمرك كله مستحيل تعرفي تجيبي الازازه دي
من الواضح اني كنت غلطان لما شغلت عندي واحدة زيك برررره وماشوفش وشك تاااني
ثم القى بها أرضا
وقفت امامه وهي تجفف بقايا دموعها وتحدثت بحزن شديد
نورسين: ٠٠٠٠٠٠٠٠