قصة الساحر الجزء الثالث والاخير

قصة  الساحر 

الجزء الثالث والاخير 

شوفت معتز كان قاعد مع واحده وبتقوله انت سبتني ورحتلها بس انا مش هسيبك مش هتعرف تفرح مش هسيبها تاخدك مني 

معتز رد وقالها لا بقا انتي اتجننتي رسمي قولتلك انا مش عاوزك انا بحبها مش بحبك وسبها ومشي 

رد الشيخ مصطفى وقالي مين البنت دي 

قولتله مش عارفه ملامحها مش باينه بس صوتها مش غريب 

انا تعبت بجد يا شيخ مصطفي رد نبيل وقال يا شيخ مصطفي حاول تشوف حل    مسك الشيخ مصطفي دماغي وفضل يقرا قران بصوت عالي حسيت ان دماغي بتتقل وفقدت الوعي بس المره دي كنت شوفت نفسي في مقابر مقابر انا عارفاها كويس دي مقابر عندنا في البلد كانت ماشيه مسلوبه الاراده ووصلت عند قبر معين لقيت واحده بتحفر في قبر ونزلت جواه وكان معاها شخص منور ليها بكشاف نور واضح ان ده هو التربي بتاع المقابر خرجت الست دي ومعاها معاها عضمه بشريه كانت ملامحها مطموسه مش قادره اعرفها ادت التربي فلوس فلوس كتير ومشيت فوقت وانا باخد نفسي بالعافيه وحكيتلهم علي الي حصل الشيخ مصطفى قال يبقي لازم نروح المقابر وانتي يا ساره تجيلي بعد اسبوع من دلوقتي جيت اقوم لقيت نفسي دايخه سندوني ووصلوني البيت ونبيل قال انا هروح المقابر دي واشوف اي الحكايه وفعلا راح نبيل 

اما انا في حالتي كانت سيئه جدا مكنتش عارفه انام كنت بقاوم النوم نبيل متصلش اتصلت عليه كتير فونه مغلق قلقت عليه حاولت كتير اني منمش لكن مقدرتش ونمت وصحيت علي اصوات همس كتير فتحت عينيا انا مش في اوضتي انا علي رمل جيت اقوم راسي خبطت في حاجه فوق اه انا في قبر كل الي قادره اشوفه عضم ميتين حواليا في كل حته عايزه اتكلم مش قادره حتي القرأن مش قادره اقراها لساني اتشل وفي عز كل ده سمعت صرخات من كل حته في القبر وشوفته نفس الكائن الي شوفته قبل كده واقف وبصصلي وقالي انتي ملكي انتي دلوقتى ملكي محدش هيعرف يخلصك مني متروحيش لحد عشان ماذكيش 

صحيت وجسمي كله عرق وتعبانه كأن حد كان بيضرب فيا 

قومت لقيت عمي ومراته وبنته عندنا جايين يتطمنوا عليا بنتهم مي اقرب واحده ليا طفولتنا عشانها مع بعض بس ظروف الدراسه فراقتنا جات وقعدت جمبي وقلتلي مالك يا ساره فيكي اي 

حكيتلها كل حاجه قلتلي انتي اتجننتي يا ساره انتي روحتي لدجالين قولتلها وطي صوتك ماما هتسمع واحنا بنتكلم التليفون كان رقم نبيل رديت ايوه يا نبيل انت فين رد عليا واحد وقلي الاستاذ نبيل عمل حادثه وهو في المستشفى دلوقتي 

رديت عليه وقولتله حادثه اي طيب هو كويس رد وقلي هو بس عنده فقدان مؤقت في الذاكره ممكن حضرتك تيجي المستشفى نزلت انا وبنت عمي وكلمت الشيخ مصطفى وجيه معانا عشان نطمن علي نبيل كان كويس لكن مكنش فاكرنا ولا فاكر اي حاجه حسيت ان الوقت هيتاخر فاضطريت امشي نزلت اخدنا تاكسي ورجعت البيت دخلت اوضتي عشان اغير هدومي لاحظت انا جسمي عليه بقع زرقه كتير 

الايام الي بعد كده بقيت صعبه بطلت اكل مش بنام بقيت حرفيا جلد علي عضم ظهرت هالات سوده تحت عينيا وكنت بشوفه كل يوم نفس الكائن وبيكرر انتي ملكي انتي ليا محدش هياخدك مني 

لحد ما في يوم قررت اروح لهبه كان ليا فتره مزورتهاش كان شكلي تعبان روحت وخبطت فتحتلي مامتها قولتلها ازيك يا طنط اومال هبه فين 

قلتلي نزلت قالت هتتمشي وراجعه ادخلي يبنتي ارتاحي في اوضتها فعلا دخلت وفضلت قاعده ساعه اتنين ثلاثه اتاخرت اوي كنت همشي لقيتها جات 

قولتلها انتي كنتي فين يبنتي قلتلي كمت بتمشي 

قولتلها كل ده قلتلي اه اصل محستش بالوقت

هبه كانت متوتره مش عارفه ليه كلام الشيخ عوض جيه في بالي لما قال (حد سرك معاه اقرب الاقربين ليكي) 

معقوله تكون هبه السبب في ده في وسط سرحاني ده قلتلي انتي رحتي فين ساره يا ساره 

قولتلها مفيش انا لازم امشي قلتلي ماشي نتقابل بكره 

تاني يوم بقيت مستنيه هبه تنزل وعلي الساعه 10 بليل نزلت نزلت وراها وفضلت ماشيه لحد بيت قديم ودخلت سألت واحد هو ده بيت مين 

قلي ده بيت الست مبروكه ست واصله وليها علاقه بالجن 

خلاص انا كده اتاكدت انها هبه بس ليه عملت فيا كده رجعت البيت واتصلت بيها وقولتلها بكره هتيجي معايا لنبيل عشان اطمن عليه معلش مش هينفع اروح وحدي 

تاني يوم روحت لنبيل وكانت معايا هبه الشيخ مصطفى كان موجود اطمنا علي نبيل الي كان لسه مش فاكر اي حاجه اخدناه واحنا خارجين

الشيخ مصطفى قالي اي ده يا ساره الي متعلق في رقبتك قولتله ده شيخ اسمه عوض ادهوني عشان يحميني قالي انا عاوز اشوفه بصيت لهبه وقولتلها هتيجي معانا كانت مرتبكه وقالتلي ماشي بصوت مهزوز ركبنا العربيه انا ونبيل والشيخ مصطفى وخبه واتحركنا علي بيت عوض واول ما وصلنا نبيل مسك دماغه ورحع لورا واتنفض وبصلي ساره احنا اي الي جابنا هنا  الشيخ مصطفى قال حمدلله على السلامة يا نبيل هو اي الي حصل 

قال نبيل بعد ما سبتكم خدت العربيه وروحت المقابر قابلت التربي الي انكر انه يعرف اي حاجه اديته فلوس لقيته فرح وقالي علي انه فعلاً في بنت خدت عضمه من رجل جثه ووصفلي شكلها وقلي هيا هتيجي كمان ساعه عشان تديني بقيه حسابي اخدت عربيتي وقولت هعدي عليه بعد ساعه لكن لما رجعت كان التربي مقتول في اوضته اخدت العربيه وسوقت باقصي سرعه لكن وانا في الطريق انا لقيت الكائن ده جمبي وصرخ ومع صرخته العربيه اتقلبت بيا لكن وانا في المستشفى انا شوفت البنت الي وصفها التربي كانت هتقتلني رديت عليه وانا بشاور علي هبه هيا دي البنت بصلها وقلي لا مش دي 

ردت هبه وقلتلي انتي بتشكي فيا انا قرب واحده ليكي 

الشيخ مصطفى قال مش وقت عتاب تعالوا ندخل ودخلنا كان نفس الراجل وقال الشيخ معاه حاله طلع الشيخ مصطفى فلوس وادهالوا وقالوا اوعي من سكتي ودخلنا 

نبيل قال هيا دي البنت 

وانا بصيت وانا مصدومه وقولت مي انتي الي عملتي فيا كده ليه ده انا بنت عمك ليه انا اذيتك في اي 

ردت عليا وقالت انا هقولك من3 سنين كنت في كليه هندسه وكان ليا واحد معايا في نفس الكليه كنا بنحب بعض اسمه معتز وكنا راسمين مستقبلنا مع بعض لحد حفله تخرجي فاكره يا ساره لما جيتي معايا 

ودي كانت اول مره يشوفك معتز شقلبتي حاله وبقي يسأل عليكي وبعد عني بالتدريج لحد ما سبني وفي يوم جالي خبر اسود انه اتقدملك واتخطبتوا حبست نفسي كنت قربت علي الجنون وطلبت اني اقابله وهددته انه لازم يسيبك رفض

جيت للشيخ عوض طلب مني عضمه بشريه وجبتها دبح خنزير وخد منه عرق ولف بيه العضمه وفضل يردد في طلاسم كتير وكان معايا حاجه من هدومك وصورتك وكان العهد ان معتز يموت وانتي هتموتي لكن تتعذبي وتموتي بالبطئ لما نبيل راح للتربي كان سري هيتكشف قتلت التربي لانه خاين واتصلت بالشيخ عوض الي امر الجن انه يقتل نبيل 

واتدخلت هبه وقالت وانا كنت جايه المستشفى لنبيل سمعتها بتقول ممتش يا شيخ عوض انت لازم تتصرف 

اضطريت اني اروح للشيخ مبروكه دي واحده اعرفها وخليتها عن طريق تسخير الجن عرفتالي حصل معاكي 

كنت خايفه اقولك اخسرك وتقولي عليا كدابه سامحيني 

بص الشيخ مصطفى لعوض وقاله العمل ده هيتفك دلوقتى عشان نسيبك قاله لو نقضنا العهد كازوم هياخد مي لعالمه صرخت مي وقالت لا ارجوكم الشيخ عوض او الدجال لقي نفسه هيفلت قام وكتف مي وحط ايده علي راسهاوفضل يردد طلاسم كتير ظهر من العدم كازوم بشكله البشع وقال لقد نقض العهد وعليكم بالعواقب وفي لحظه اتحول لدخان ولف حولين مي وكانت اخر حاجه بنسمعها صرخات مي 

رد عوض وقال انا نفذت الاتفاق يلا بقا امشوا رد الشيخ مصطفى وقالوا لا مفيش اتفاق مع واحد زيك وهجم عليه الشيخ مصطفى ونبيل وكتفوه 

قولت لنبيل اربطه كويس يا نبيل 

هنعمل اى دلوقتى يا شيخ مصطفي 

اقعدو قدامي هنا 

يا من الجمت كل متمرد سلم يارب سلم 

مالك يا شيخ مصطفي 

اعوذ بكلمات الله التامات من شر ما خلق 

مالك يا شيخ مصطفي في اي 

كان الشيخ مصطفي بيبص علي حاجه ورانا بصيت وكانت الصدمه

الدجال عوض اختفي 

الشيخ مصطفى قال عوض عامل عهد مع الشيطان لكن انامش هسيبه 

                        النهاية

لقراءة باقي الفصول من هنا