قصة الساحر
الجزء الاول
اربطه كويس يا نبيل
هنعمل اى دلوقتى يا شيخ مصطفي
اقعدو قدامي هنا
يا من الجمت كل متمرد سلم يارب سلم
مالك يا شيخ مصطفي
اعوذ بكلمات الله التامات من شر ما خلق
مالك يا شيخ مصطفي في اي
كان الشيخ مصطفي بيبص علي حاجه ورانا بصيت وكانت الصدمه
.....
الجزء الاول
انا اسمي ساره انا دكتوره جراحه عندي 25سنه عايشه مع بابا وماما مليش اخوات
ليا صديقه وحيده وفي نفس الوقت جارتي اسمها هبه
قصتي بتبدأ في يوم كنت راجعه من الشغل ولاحظت ان في حد ماشي ورايا
وقفت وبصيت ورايا كان شاب وسيم في التلاتينات من عمره قولتله هو حضرتك ماشي ورايا ليه هو في حاجه
قلي لا بس بصراحه انا كنت عاوز اعرف بيتك عشان عاوز اتقدملك في الاول كنت رافضه الموضوع لكن اصراره خلاني اديله فرصه انه يجي ويتقدملي كان شغال مهندس واسمه معتز واتخطبنا انا ومعتز وكانت الحياه شبه مستقره لحد ما في يوم كانا بنتكلم في الفون انا ومعتز وكانت الساعه 12 بليل وقلي انا هروح انام بقا عشان ورايا شغل قفلت معاه ونمت
حلمت اني واقفه في طريق كله شجر وكنت ماشيه وانا مسلوبه الاراده لحد ما بدأت اشوف مقابر كتير وقصاد كل مقبره واقف واحد واقف زي الصنم اتجمدت في مكاني لما لقيت قبر مكتوب عليه معتز حسيت بنفس ورايا خايفه اتلفت مش عارفه ممكن اشوف اي لكني بصيت كان واحد اصلع عينيه واسعه جدا شفايفه سوده
قولتله انت مين فتح بوقه عشان يتكلم بس فتحه لدرجه مفيش بني ادم يقدر يفتح بوقه كده كانت سنانه سوده معندوش لسان منظره بشع
وشاورلي علي حاجه بصيت لقيت جثه متغطيه او متكفنه شويه هوا حركوا الكفن من علي وش الجثه معتز لا معتز
قومت من الكابوس ده وانا بصرخ باسم معتز امي جات بسرعه وقلتلي مالك قولتلها معتز ياماما لازم اكلمه كانت الساعه 8الصبح اتصلت بيه رد عليا وقلي ايوه يا حببيتي انا في الطريق للشغل اهو
قولتله انت كويس قلي اكيد هو في اي
قولتله مفيش بطمن عليك
الصوت بدأ يقطع شويه وفجأه سمعت اااااااه وصوت العربيه بتتقلب صرخت معتز نزلنا بسرعه انا وبابا جري علي الطريق الي بيودي لشغل معتز كان فيه اسعاف وشرطه هناك نزلت من العربيه جري اشوف معتز
وكان المنظر بشع بشع جدا معتز فاتح عينيه علي الاخر بوقه مفتوح كأنه كان بيصرخ سمعت واحد بيقول الي كان في العربيه صرخ قبل ما العربيه تتقلب ومش منطقي ان العربيه تتقلب والشارع فاضي
ابويا اخدني كان عندي صدمه عصبيه حاده
فتره كبيره وانا بشوف كوابيس بطلها معتز كان بيتعذب قدامي وانا مش قادره اعمله حاجه
قررت اني ارجع شغلي يمكن انسي فات اسبوع في شغلي ومحصلش حاجه
لحد ما في يوم كنت قاعده في مكتبي دخل عليا واحد وقلي صباح الخير
قولتله صباح النور انت مين
قلي انا اسمي نبيل الصياد انا بشتغل صحفي انا مش جاي اديقك والله بس انا جاي اعرف اي حصل لمعتز
انهرت لما سمعت اسمه وجيت اقوم لقيت نفسي دايخه سندني وقلي رايحه فين
قولتله هروح وبعدين نتكلم
عرض عليا انه يوصلني بصراحه قبلت لاني كنت تعبانه جدا
وفعلا ركبت في الكنبه الي ورا لعربيته واتحركنا قلي انا مش هتناقش معاكي في حاجه دلوقتي انا بس عاوز اساعدك وهو بيتكلم رفع وشه للمرايا وقال اعوذ بالله من الشيطان الرجيم
اعوذ بالله من الشيطان الرجيم
قولتله مالك في اي قلي لا انا عندي حل في الي بيحصل ده قولتله حل اي
قلي
......