رواية بنت السارق التوام
الفصل الثانى عشر .....
بقلم سالى مصطفى
سيف مصدوم : انتى بتتجسسى عليا ياملك .... دى مكالمة شغل ....
ملك باستغراب : شغل؟؟ شغل ايه ده بقى اللى آخر الليل كده ؟؟ وفلوس ايه اللى انت كنت بتتكلم عليها دى؟؟ انا عاوزة اعرف طبيعة شغلك بالظبط ياسيف .....
سيف بغضب شديد : خشى نامى ياملك وخلى يومك يعدى النهاردة على خير ملكيش علاقة بشغلى .....
ومتحاوليش تعرفى عنى حاجة انا مش عاوزك تعرفيها ......... ماشى ياملك ...... ده لو عاوزة تبقى ايامنا حلوة احنا الاثنين مع بعض ......
اتصدمت ملك جامد من طريقة سيف معاها فى الكلام ..... ومشت من قدامه علطووول وهيه خايفة منه ومرعوبة منغير مناقشة .......
ومنغير ماتنطق كلمة واحدة ودموعها على خدها وبتقول لنفسها بخوف : اتسرعت وآمنتلك ياسيف ........
ياترى فلوس ايه دى اللى انت كنت بتتكلم فيها ........ وايه علاقتك بالظابط جاسر بالظبط .......
شكلك كده بتعمل مصيبة انا مش عارفاها ...... مش انت سيف اللى انا اعرفه ابدا ..... وفضلت كتيير تفكر كده لحد ما نامت .....
وتانى يوم علطووول .... صحيت ملك من النوم وهيه لسة زعلانه من اللى حصل وموجوعة ودموعها على خدها .....
وتجنبت سيف نهائى وفضلت اعدة لوحدها بعيد عنه ...... عشان متتكلمش معاه وفضلت تعيط لوحدهاا جامد .......
وحس سيف من طريقتها انها متجنباه جامد وزعلانه من اللى حصل منه امبارح ...... ومن طريقته واسلوبه معاها ...... ولاحظ عياطها الجامد ده .....
راح قاعد جمبها وقال : مالك ياملك ؟؟ بتعيطى ليه ياحبيبتى ؟؟ قوليلى مالك .....
بصتله ملك ودموعها فى عنيها وقالت بوجع : اتجوزتنى ليه ياسيف ؟؟
سيف باستغراب : ايه السؤال ده ؟؟؟ عشان حبيتك ياملك ....
ملك بوجع : كدااااب ..... انت محبتنيش ياسيف .......... تصرفاتك كلها بتقول كده انا مش حسة انك بتحبنى انت ضحكت عليا ومثلت عليا الحب .......
عشان ارضى اجوزك واسيب اهلى ...... انت دمرت حياتى ...... ليه عملت كده ياسيف ؟؟
سيف بغضب : ايه الكلام اللى انتى بتقوليه ده ؟؟ مين قالك كده ؟؟ انا حبيتك ياملك ولحد دلوقتى لسة بحبك .....
ملك بوجع : تانى حبيتك ....... انت مش سيف اللى انا اعرفه انا حساك واحد تانى غريب عنى ....... مش انت سيف اللى انا حبيته طول المدة دى .........
انت اتغيرت معايا اوى وكل حاجة كانت بينا اتغيرت ...... وعاوزة اعرف دلوقتى اتجوزتنى ليه ياسيف ؟؟ رد علياااا .....
فكر سيف وسرح شوية وقال : انا حريحك ياملك ...... وحجاوبك على كل الاسئلة اللى فى دماغك دى ..... فاكرة يوم ماسالتينى وقولتيلى ...... هوه انت وبابا بتشتغلوا ايه بالظبط مع بعض .......
ملك بلهفة : اه فاكرة طبعآ .......... وقولتلى فى شركة كنت بتضحك عليا ياسيف ؟؟
سيف بخبث : مش كنت بضحك عليكى ياملك ..... بس مش كنت عاوز اصدمك فى ابوكى .......
ملك باستغراب : تصدمنى فى بابا ؟؟؟ مالو بابا ياسيف ؟؟
سيف بثقة : ابوكى اكبر تاجر مخدرات ياملك ....... مهرب ..... وعليه احكام كتير بالسجن فى اكتر من قضية سرقة ونصب وهربان منهم ....
ملك مصدومة : انت بتقول ايه ياسيف ؟؟؟؟ مش ممكن بابا يكون كده ابدآ .....
سيف بضحكة : هيه دى الحقيقة ياملك اللى كنت مخبيها عليكى طول الفترة دى ...........
وعلى فكرة كمان اللى كان بيكلمنى امبارح بالليل ده يبقى ابوكى ....... كان بيتفق معايا على عملية سرقة جديدة ...... وكويس انك سمعتى الكلام عن الفلوس عشان متقوليش انى بكذب عليكى ......
ملك مصدومة : مش ممكن بابا يعمل كده ....... مش ممكن بابا يكون كده ....انا مش قادرة اصدق ......
سيف : لا صدقى لان ابوكى كده ياملك واكتر من كده كمان ..... انا اعرف ابوكى من زمان وعارف كل حاجة عنه ........ وده كان سبب اساسى لطلاقه من امك ......
فريدة امك كانت عارفة كل حاجة عنه ومرضتش تقولكوا .........عشان متتصدموش فى ابوكم وتفضل صورته حلوة فى نظركم علطوول لكن الحقيقة غير كده خالص ......
ملك مصدومة : ماما كانت عارفة معقول ؟؟ وانت زيه برده ياسيف ....... متفرقش حاجة عنه صح ......
سيف بثقة : طبعآ ياملك ......... ده شغلى انا وابوكى واحد فى كل حاجة ......
ملك بوجع : ومقولتليش كده قبل الجواز ليه ؟؟ ليه معرفتنيش حقيقتك دى قبل كده ........ خدعتنى ياسيف ودمرت حياتى وبعدتنى عن اهلى انا بكرهك بكرهك ياسيف .......
سيف بضحكة : انا مقدر الصدمة اللى انتى فيها ياملك ومش زعلان من اى كلام حتقوليه لان معاكى حق فى كل حاجة حتقوليها .........
بس افتكر كده انا جاوبتلك على كل اسئلتك وكل حاجة كانت بتدور فى دماغك وبقيت صريح معاكى عشان متزعليش ........
ملك : لسة فى حاجة مجاوبتنيش عليها ياسيف ....... مين الظابط جاسر اللى كنت بتتكلم عليه ؟؟؟ وايه علاقتك بيه بالظبط ؟؟؟
سيف : الظابط جاسر ده اخطر ظابط شرطة فى مكافحة المخدرات ...... وبيدور على ابوكى من زمان وابوكى بيهرب منه كتير ......... ونفسه يوصله او يعرف مكانه عشان الاحكام اللى عليه .......
ملك مصدومة : مش ممكن ........ الظابط جاسر عاوز يقبض على بابا ويسجنه ؟؟؟؟
سيف باستغراب : ومستغربة ليه كده ياملك ...... انتى تعرفى الظابط جاسر ولا ايه ؟؟
ملك بخوف : ايه ..... انا .....لا ......وانا اعرفه منين يعنى ؟؟
سيف بدهشة : مش عارف ..... اصلك استغربتى لما قولتلك انه حيسجن ابوكى ......
ملك بخوف : لا ياسيف مستغربتش ....... انا خايفة على بابا بس ....
سيف : متخافيش على ابوكى ياملك ....... سليم واعى جدآااا ..... وبياخد باله من نفسه كويس ده مدوخ الظابط جاسر عليه بقاله سنين ......
سرحت ملك فى كلام اختها ماسة عن جاسر وحادثة السرقة اللى حصلتلها ...... وفى مقابلة جاسر لابوها واللى ممكن يحصل بعدها وبان عليها الخوف جامد ......
سيف باستغراب : مالك ياملك سرحتى فى ايه ؟؟؟ انتى خايفة من حاجة ؟؟
ملك : هاااا مفيش حاجة ياسيف ..... بس مكنتش متوقعة كل اللى قولتهولى ده ......... ولا كنت متوقعة ان بابا يكون كده ابدآ ....
بصلها سيف باستغراب وسكت .........
وفى اخر اليوم ......... قامت ملك فى نص الليل ....... بعد سيف ما راح فى النوم واتسحبت من جمبه بالراحة وطلعت على البلكونة عشان ميسمعهاش واتصلت علطوووووول باختها ماسة .....
وفضلت ترن على اختها كتير مبتردش عليها وهيه بتقول لنفسها بقلق : ردى ياماسة ردى قبل مانروح كلنا فى داهية ردى ياماسة .....
ماسة والنوم واخدها : الووو ايوه ياملك ....... فى حاجة ولا ايه ؟؟
ملك بقلق : معلش ياماسة صحيتك من النوم ....... بس فى حاجة مهمة كنت حقولهالك ......... جاسر قابل ابوكى ولا لسة ياماسة .....
ماسة : حرام عليكى ياملك ....... مصحيانى من النوم عشان كده ......حيقابله بكره ياملك حاجة تانى ......
ملك بخوف : اوعى تخلى جاسر يقابل ابوكى ياماسة...... ابعديه عنه نهائى .....
ماسة باستغراب : انتى بتقولى ايه ياملك ؟؟؟ انتى مدركة للى بتقوليه ده ؟؟
ملك بخوف : اسمعى كلامى ياماسة ....... انتى لازم تبعدى عن جاسر باى شكل ومتقابلهوش تانى .........
ومتخلهوش يقابل ابوكى ولا يعرف مكانه جاسر لو قابل ابوكى وعرف يوصله كلنا حنروح فى داهية ......
ماسة باستغراب : ليه ياملك بتقولى كده ...... ده اليوم اللى انا مستنياه وانتى عارفة كده انتى ايه اللى جرالك ؟؟
ملك بقلق : جاسر محبكيش ياماسة ......... جاسر عملك طريق وسكة عشان يوصل لابوكى بس.......... ويعرف مكانه ويقبض عليه ويرميه بقية عمره فى السجن .........
حتى حادثة السرقة اللى حصلتلك مش بعيد يكون هوه اللى مدبرها .... عشان يتعرف عليكى ومتشكيش فى اى حاجة ........
وبعد كده يعرف يوصل لابوكى كويس بطريق غير مباشر ويقابله بحجة انه حيجوزك ..... جاسر مش ساهل ياماسة ولا حبك زى ما انتى فاكرة ........
ماسة مصدومة : ويقبض على بابا ليه ياملك ؟؟ بابا عمل ايه ؟؟
ملك : ابوكى تاجر مخدرات ياماسة وجاسر بيدور عليه من زمان ....... انا عرفت كل حاجة من سيف واتصدمت برضوو زيك كده ......... ابعدى عنه ياماسة قبل مانضيع كلنا .........
ماسة مصدومة : بابا تاجر مخدرات ؟؟؟ مش معقووول ......... ومن ضمن الناس دى كلها يطلع الشخص الوحيد اللى انا اختارته وحبيته ......... بيدور على بابا عشان يقبض عليه ......
ملك : حب ؟؟؟ حب ايه ياماسة بس ........ الناس دى مبتعرفش تحب ......... احنا بس اللى بنصدق اى حد بسرعة ......
انا حاسة بيكى اوى انا اتصدمت فى سيف زى ماانتى اتصدمتى فى جاسر بالظبط سيف طلع حرامى زى ابوكى ياماسة ......
بس انتى فى ايدك تنقذى ابوكى .......... وتبعدى عن جاسر خالص وتبعديه عن حياتك نهائى ........ متضيعيش ابوكى ياماسة جاسر ضحك عليكى ......
وعاوزاكى تفهمى حاجة كويس اوى ياماسة ....... ان مفيش ظابط شرطة حيتجوز واحدة ابوها حرااااامى مستحيل .........
ومش بس كده ابوكى اكتر واحد جاسر بيكره ونفسه يوصله باى شكل من الاشكال عشان يرميه فى السجن ............
ابوكى عليه احكام تعيشه كل اللى فاضله من عمره فى السجن ..... اختارى بقى ياماسة ابوكى ولا الظابط ؟؟؟؟؟ فوقى ياماسة فوقى قبل ما تضيعينا كلنا وتضيعى كل حاجة .........
بكت ماسة من كلام اختها جامد وقالت : انا مش عارفة اعمل ايه بجد ؟؟؟ انا قلبى واجعنى اوى ياملك .......
ملك بقلق : تعملى اللى قولتهولك ياماسة ......... انا حاسة بيكى اوى بس مفيش قدامك اختيار تانى ......
ماسة بوجع : انتى شايفة كده ياملك ؟؟؟
ملك بقلق : مفيش حل غير كده ابعدى عنه يا ماسة ....... انا حقفل معاكى دلوقتى بقى احسن سيف يسمعنى .......
ماسة باستغراب : سيف يسمعك ؟؟؟ وايه اللى جاب سيف عندك دلوقتى ياملك ؟؟؟؟
اتلخبطت ملك وقالت بخوف : انا اتجوزت سيف ياماسة .......
ماسة مصدومة : انتى بتقولى ايه ياملك؟؟؟ اتجوزتى سيف؟؟؟؟؟؟