رواية رفيق روحي
الفصل السادس والعشرون
# آيه عفيفي
مريم: السلام عليكم ازيكم يا حلوين عاملين ايه
الاطفال: الحمدلله يا ابله مريم
مريم: طب يلا يا شاطرين مين هيسمع الاول
ملك: انتي جيتي يا حبيبتي
مريم: اه يا ماما خلصت دروسي و جيت
ملك: ماشي يا حبيبتي
يوسف: انتي جايه ليه يا مريم انا هنا انا و ماما و انتي اقعدي ذاكري انتي ثانويه
مريم: مش وقت القران الي هيعطلني يا ابيه
يوسف: ربنا يوفقك
يوسف: يلا يا ولاد عشان نروح نصلي و البنات تصلي مع ابله مريم و ابله ملك
يوسف : بابا مش ده الدكتور عبدالله
عمر: اه هو
يوسف: و جاي ليه
عمر: جاي عشان يطلب ايد مريم
يوسف: ايه ازاي بس مريم لسه صغيره
عمر: قول لنفسك الصغيره بيجلها عرسان و انت مش عايز تخطب
يوسف: لسه ملقتش البنت المناسبه
خلينا في مريم قولتله ايه
عمر: لسه صغيره لما تخلص كليتها نبقي نفكر في الموضوع
يوسف: طب كويس
عمر: يوسف انت مخبي حاجه عني
يوسف: هخبي ايه
عمر: انت ابني و انا بفهمك كويس و عارف انك مخبي حاجه عني و الا كنت بصيت في عيني و انت بتتكلم
علي العموم انت حره بس وقت ما تحب تقول ان هكون جاهز اسمعك
......................
مريم: لسه يا بابا بتدخل تطمن عليا كل يوم حتي بعد ما خفيت
عمر: مكنش سهل عليا يا حبيبتي اشوفك بتتألمي قدام
مريم: الحمدلله انا خفيت
ماما انت لسه صاحيه انتي كمان
ملك: اه يا حبيبتي قولنا نيجي نفرحك يا احلي بشمهندسه
مريم: النتيجه بانت
عمر: اه يا حبيبتي و حققتي حلمك و هتدخلي هندسه عايزك تبقي اشطر مني من الواد يوسف كمان
مريم: طب و اسماء عملت ايه
عمر: ما تقلقيش يا حبيبتي هتدخلوا سوا الكليه
مريم: الحمدلله كده اقدر افرح
ملك: ربنا يفرحك يا حبيبتي دايما
عمر: قول لي يا حبيبتي نعملك حفله امتي
مريم: لا يا بابا انا مش عايزه حفله انا بس هخرج اتمشي بكره مع اسماء و نروح...
ملك: هتروحي المستشفي مش كده
مريم: اه يا ماما عايزه اروح افرحهم بنجاحي و قولهم ان ده كله بفضل دعواتهم ليا
ملك: ماشي يا حبيبتي
مريم: خلينا نصلي القيام مع بعض
عمر: ماشي يا حبيبتي
...............................
يوسف: انا جيت ابارك للبشمهندسه و قوللها انا مسطرتي بقت من نصيبها حافظت عليها عشانها
عمر: مريم هتفرح اوي
يوسف: امال هي فين
عمر: خرجت مع اسماء
ملك: كلي يا يوسف الكيكه الي بتحبها حلاوه نجاح مريم
يوسف: تسلم ايدك يا ماما حلوه اوي
ملك: بس مش انا الي عملتها مريم الي عملتها
يوسف: لا كبرت بقت بتعرف تعمل اكل
ملك:بنتي و هتطلع شاطره شبهي
عمر: طبعا
....................
مريم: انا فرحانه اوي يا سمسم اننا هنبقي مع بعض
اسماء: و انا فرحانه اكتر منك عملنا كل حاجه سوا و هندخل نفس الكليه
فاكره اول يوم ليا بالخمار لما انتي جبتيه ليا و لبسناه سوا
و اول يوم لينا بالنقاب سوا
مريم: كانت ايام حلو و انا مش هنساها ولا هنسي وقفتك معايا لما كنت في المستشفي و كنتي بتيجي تذاكري ليا الي فاتني في الدروس
اسماء: يا قلبي احنا اخوات و انتي دايما واقفه معايا بتشجعيني
مريم: ربنا يديمك في حياتي يا سمسم
يلا خلينا نروح عشان منتأخرش
اسماء: ماشي
مريم : اسماء
اسماء: لا لا
مريم: انتي عرفتي انا عايزه ايه
اسماء: عايزه ايس كريم مش كده
مريم: اه يا سمسم عشان خاطري خلينا نجيب
اسماء: النقاب هيتبهدل
مريم: احنا خلاص وصلنا البيت هناكله فوق
اسماء: ماشي يلا مش هزعلك
مريم: احلي سمسم
يوسف شافهم و ابتسم لما شافها بتشتري ايس كريم
لسه زي ما انتي بتحبي الايس كريم
........................
ملك: آيس كريم يا مريم
اسماء: قوللها يا طنط اصرت نجيب ايس كريم
مريم: بس يا بت اسكتي
مافيش اكل ولا ايه يا غاليه البت اسماء جعانه
اسماء: انا الي جعانه بردو ولا انتي الي نفسك مفتوحه النهارده
ملك: اقعدوا مع بعض و انا هجهزلكم الاكل
ملك: محمد جه يا سمسم عشان ياخدك
مريم: اخوكي جه ليه خليكي باتي معايا
اسماء: يا بنتي انا معاكي طول اليوم ما زهقتيش مني
مريم: ما بشبعش منك يا سمسم
اسماء : هجيلك تاني يا جميل بس عشان اشوف طنط القمر
مريم: بقي كده بتبعيني ماشي
اسماء: انا اقدر بس انتي عارفه انا بحب طنط اكتر منك
مريم: امي تتحب اصلا
اسماء: يلا تصبحوا علي خير
مريم: و انتي من اهله يا سمسم
.................................
عمر: مريم يا حبيبتي
مريم: نعم يا غالي
عمر: جهزي ورقك انتي و اسماء و عمر هيروح يقدملكم في الكليه
مريم: بلاش يتعب نفسه انا هروح انا و اسماء اصل احنا متحمسين نشوف الكليه اوي
عمر: ماشي يا حبيبتي اهم حاجه تكوني مبسوطه
يوسف: السلام عليكم
عمر: و عليكم السلام
يوسف: قولت اجي عشان اخد ورق البشمهندسه عشان اقدم لها
عمر: ملوش لزوم يا ابني راحت هي و اسماء النهارده و قدموا كانوا متحمسين يشوفوا الكليه
يوسف: لسه زي ما هي بتحب تكتشف الاماكن ربنا يوفقهم
عمر: اللهم آمين
........................
ملك: مريم يا حبيبتي
مريم: نعم يا جميل
ملك: يوسف عارف معيده عندك في الكليه اسمها ريهام هتقابلك بكره في مسجد الكليه
مريم: و يوسف يعرفها منين
ملك: مش عارفه يا بنتي جايز كانت زميلته
مريم: هو يوسف بيكلم بنات من امتي
ملك: بس مريم بلاش سوء ظن جايز معرفه مش شرط يكون بيكلمها يعني
مريم: انا مالي اصلا هو حر في حياته انا داخله انام عشان اصحي بدري عشان نشوف البشمهندسه ريهام هانم
ملك: في ايه مالها كده البت دي ربنا يهديها
.....................................
شاب : لو سمحت ما تعرفش الاقي البشمهندس عمر خيري فين قالوا ليا هلاقيه هنا
يوسف: عايز بابا
الشاب: هو حضرتك اخو مريم
يوسف: و انت تعرف مريم منين
عمر: يوسف يا حبيبي في حاجه
الشاب: حضرتك البشمهندس عمر
عمر: ايوا يا ابني في حاجه
الشاب: عايزه اتكلم مع حضرتك
عمر: اتفضل يا ابني
الشاب: اعرف حضرتك بنفسي انا عبدالله طالب في كليه هندسه اخر سنه و كنت عايز اطلب ايد مريم بنت حضرتك
هي بصراحه محترمه جدا و مميزه عن الي حواليها و في حاجه شدتني ليها و بتمني تكون شريكه حياتي و ياريت حضرتك توافق و انا اوعدك اني اسعدها
عمر: باين عليك يا ابني ابن ناس و محترم و شكلك بيقول انك شاري بنتي بس انا لازم اسأل عنك و اتكلم مع اهلك و اخد رأي مريم في الموضوع
عبدالله: خد وقتك يا عمي و ان شاء الله اهلي هيكلموا حضرتك بس انا حبيت اتعرف علي حضرتك الاول عايز اشوف الانسان الي ربي مريم علي الاخلاق واضح جدا ان حضرتك شخصيه محترمه جدا
عمر: ده من ذوقك يا ابني
عبدالله : عن إذنك يا عمي نتقابل مره تانيه ان شاء الله
عمر: مالك يا يوسف شكلك مضايق
يوسف: لا ابدا مفيش تعبان شويه هروح انام
مش قادر اتخيل ازاي واحد يتكلم عنها كده قدامي كان هاين عليا اخنقه بإيدي يعرف ايه هو عن مريم عشان يتكلم كده عنها و بيقول انه بيحبها قدامنا عادي يعني
.......................
مريم: مين هيسمع الاول يا حلوين
ساره: انا يا ابله
مريم : يلا يا جميل
يوسف: مريم
مريم: نعم يا ابيه
يوسف: تعالي عايز اتكلم معاكي
مريم: في حاجه يا ابيه
يوسف: انتي عرفتي اني في واحد معاكي في الكليه جه يتقدملك
مريم: اه يا ابيه بابا قالي
يوسف: و انتي كنتي عارفه انه هيجي
مريم: لا هعرف منين
يوسف: يعني ما اتكلمتيش معاه
مريم: لا هتكلم معاه ليه
يوسف: امال عرفك منين
مريم: و انا اعرف منين يعني و بعدين ايه الاسلوب الي بتكلمني بيه ده انا لاخلاقي ولا تربيتي تسمحلي اني اكلم حد انا عارفه حدودي كويس يا ابيه
وبعدين انا مش شايفه انه عمل حاجه غلط واحد اعجب بواحده و جه عشان يتقدم لها ايه الغلط في ده
يوسف: انا الي كونت غلطان لما فكرت انك.......
و سابها و مشي
.......................
عمر: مريم يا حبيبتي
مريم: نعم يا بابا
عمر: ايه رأيك في الشاب الي اتقدملك انا سألت عنه و طلع كويس و من عيله محترمه و انا موافق عليه شوفي رايك ايه يا حبيبتي
مريم: لسه بدري يا بابا لما اخلص الكليه الاول .شكلك زهقت مني و عايز تخلص مني ولا ايه يا غالي
عمر: ازهق منك يا حبيبتي ده انتي نور عيني
مريم: يبقي خلاص لما اخلص الكليه
عمر: خلاص يا حبيبتي زي ما انتي عايزه
.............................
مريم: ايه الشياكه دي يا جميل انتي رايحه فين كده شكلك خارجه مع الحاجه في مشوار
ملك: بس يا بكاشه
يا ستي احنا رايحين نخطب ليوسف
مريم: ايه!! يوسف هيخطب مين
ملك: البشمهندسه ريهام عشان كده سألتك عنها و لما قولتي انها كويسه و محترمه عمر كلم اهلها و حددنا معاهم معاد
مريم: و يوسف وافق؟
ملك: اه يا حبيبتي الحمدلله وافق اخيرا و هنفرح بيه