قصة الساحر
الجزء الثاني
قولتله حل اي وهو الي بيحصل انت شايف اي
انت يا استاذ انت شايف اي لقيته وقف العربيه ونزل وكان
بينهج ومبرق وكأنه شاف الشيطان بعينه
نزلت من العربيه وقولتله مالك في اي
قلي الي شوفته في العربيه ده لا يمكن يكون من الانس انا
شوفت كتير لكن اول مره اشوف الشئ ده
قولتله اوصفلي شكله
قلي اصلع عينيه واسعه شفايفه سوده سنانه كمان سوده علي
وشه ابتسامه سخيفه ومستفزه وكان قاعد جمبك
لما استعذت بالله ملامحه بقيت كلها غضب وانا حسيت نفسي بيتقل ونزلت عشان اقدر اتنفس
هو في اي انا عاوز اعرف حكايتك قولتله تعالي نقعد في مكان عام ونتكلم
وصلنا كافيه مشهور وقعدنا وبدأت احكيله كان بيسمعني
باهتمام ودهشه وحسيته بدأ يخاف قولتله اي الحل بقا هتعرف تساعديني قلي مفيش شيخ هنا في بلدك تعرفيه
قولتله اعرف واحد اسمه
الشيخ عوض وده ممكن يساعدنا ركبنا العربيه وقولتله الي اعرفه ان الشيخ ده انه ساكن في قريه اسمها موط وده شيخ مبروك وليه كرمات وناس كتير رحتله ورجعت زي الفل
قلي انتي ازاي دكتوره ومتعلمه وبتفكري كده
قولتله معنديش حل تاني انا لازم اروحله لاني مش عارفه اعيش
وفعلا وصلنا بعد 3 ساعات القريه كانت قريه صغيرة معظم الناس الي في الشوارع خايفه وقلقانه وكانت بتبص لينا بحذر لحد ما وصلنا لبيت قديم بابه خشب هو ده بيت الشيخ عوض
دخلنا لقينا واحد في وشنا بيقولنا في معاد مع الشيخ بصله نبيل وقاله لا بس انا هدفع
كتير احنا مستعجلين ابتسم بخبث كده وقال ماشي اتفضلوا دخلنا مش قادره اوصفلكم الريحه المقرفه الي جوه حاجه لا تطاق وفي اخر الاوضه قاعد الشيخ عوض كان لابس عمه كبيره علي دماغه وجلبيه وكان موطي بدماغه
نبيل قال يا شيخ عوض رفع وشه وبصلنا كان راجل كبير في السن وشه مليان تجاعيد وقال اهلا يا ساره نورتي
قولتله انت عارف اسمي قلي مش اسمك بس انا عارف كل حاجه حصلتلك بس متخفيش هساعدك اقعدي اقعد يا نبيل قولتله انت عارف نبيل كمان قال طبعا الاسياد بلغوني بكل حاجه
وقعد قدمنا وقلي هاتي ايدك وحطيها في الميه دي وقولي ورايا بحق من رفض السجود بحق من ادعي الخلود بحق كل جن متمرد بحق كازوم وعصود وظام وبطرش ابلغوني كيف الخلاص
حسيت بايديا كانها في نار مش في ميه ابدا سلت ايديا الي كانت كلها جروح وكنت بتالم قلي العمل الي معمولك ده من حد قريب منك سرك معاه اقرب الاقربين
سالته اسمه اي
قلي مقدرش دي اسرار
نبيل قاله طيب واي الحل لازم يكون في حل
الشيخ عوض نادي علي واحده اسمها سيده وجات وقعدت قدامي قالي بصي في
عينين سيده وركزي بصيت وركزت وبدأ الشيخ عوض يتمتم بكلام مش مفهوم كل ده وانا مركزه عينين سيده بقيت بيضه تماما وفجأة وبدون مقدمات الشبابيك والبيبان بدأت تتفتح
وتتقفل وتترزع كأنه في اعصار دخل الاوضه نبيل اترزع في الحيطه وسيده وقعت في الارض وفضلت تتشنج اكتر وتتلوي وكأنها بتموت هديت سيده وكل حاجه رجعت لوضعها قومت نبيل الي كان مجروح في ايده وقلي انا كويس
بصلنا الشيخ عوض وقال روحي يا ساره وهتبقي كويسه رد نبيل يعني كده خلاص قال اه خلاص كل حاجه انتهت
كنت حاسه بصداع رجعت البيت ونمت نوم هادئ مفهوش كوابيس
مر اسبوع ومفيش حاجه حصلت وكنت انا وهبه صحبتي بنخرج سوا نغير جو
لحد ما في يوم رجعت البيت وكأني فتحت باب صحرا واضح انا بابا وماما نايمين بصيت في الساعه كانت 7
لسه بدري ناموا بدري اوي
دخلت اوضتي وقلت اريح جسمي شويه سمعت صوت زي عضمه بتتكسر ولحم بيتقطع فضلت اتلفت حواليا قومت عشان اخرج من الاوضه
وانا بعدي من قدام المرايا شوفت حد واقف ورايا لما ركزت كان معتز معتز بس ملامحه بشعه عينيه
دمويه شايفيه سوده جدا وقلي بصوت مبحوح انتي كنتي فاكره نفسك هتخلصي مني انتي ملكي انتي ليا صرخت وفقدت الوعي وفوقت علي ايد امي بتصحيني لقيت نفسي علي السرير معقول كل ده كابوس
قومت غسلت وشي ورحت اتصلت بنبيل وقولتله قبلني ضروري وفعلا اتقابلنا حكتله علي الي حصلي قلي يا ساره ده مجرد كابوس
طيب بقولك انا اعرف شيخ كويس اسمه الشيخ مصطفي الهلالي تعالي نروحله وفعلا كان ساكن في السيده زينب رحنا بصراحه كنت حاسه براحه نفسيه دخلت وقعدت قدامه وقلي غمضي عنيكي
وفضل يقرأ قرأن ويكرر ويقول اعوذ بكلمات الله التامات من شر ما خلق وقلي شايفه
اي دلوقتي ركزي لما ركزت شوفت نفسي في مكان واسع زي اوضه واسعه وبنت قاعده قصاد واحد بس كانت الملامح
مش ظاهره قربت منهم
اكتر واكتر ومره واحده فتحت وفضلت ابكي قلي شوفتي اي قولتله وانا مصدومه شوفت
......