#ابنةالشيطان
الجزء الثالث
انتي سامعه يا ياقوت ياقوت
الدنيا ضلمت فجاه ..حسيت بحرارة شديدة ..مرجااان مرجاان انتي فين ...مشيتي وسيبتيني … مرجان .
.مبقتش شايفه حاجه ..الدنيا ضلمه كحل ..مش عارفه هل انا فقدت حاسة البصر ولا ايه .. وكمان مش سامعه اي حاجه سامعه صوت زن ف ودني زي صفارة ...في هوا بيضرب ف وشي مش عارفه جاي منين .حسيت بحرارة شديدة جدا و .فجاه ظهرت ادامي تاني ..وشها فوشي ...طويله جدا وجسمها كله شعر ..شعرها طووويل وعنيها حمرا وليها قرنين صغيرين … رجعت لورا من الخوف ومش ادرة انطق
طالما انتي تقدري تشوفيني تبقي انتي المنشودة … مش مرجان .. انتو الاتنين تؤام بس واحدة ليا والتانيه لا …
اذن فجسدها ووروحها لي ..ولسوف اعود ..ولسوف اسود .. ولتكوني لي حياة و معاونة ولتكن هي وسيلة لانقاذي .. وقالت بصوت عالي
شهدت واشهدت علي نفسي اربعة عشر ارضا اهبطو ايتها الخدام و اعينوني للرجوع الي الارض كما كنت
عزبرش عزبرش بهت بهت فتور فتور يا عملون ياعملون اقسمت عليكم باسماء ملوككم بان تطيعوني و تنفذو اوامري
واختفت ….نور الشمعة رجع تاني ..بصيت لقيت اختي واقعه فالارض و بتترعش جامد و عنيها بيضااااااااااااااا و بيطلع من بوقها رغاوي بيضا جريت عليها ومسكتها ...وفضلت اصرخ اصرخ اصرخ لحد ما جدي جه ...ومش لوحده معاه العزيز جدي التاني الجن الي قابلته فالاول ..و الكلب معاهم واقفين مبيعملوش حاجه ..عيني جت عالحيطة الي وراهم لقيت خيال جدي وخيال الجن وخيال الكلب…..دا مش كلب دا جن ..لقيت خيال حد طوييل جدا وليه قرنين برده بس شعره مش طويل …
اختي بتننفض ...اختي بتمووت فضلت اصرخ اصرخ اصرخ لقيت العروسة وقعت عالارض لوحدها وبعدين طاااارت فالهوا واتهبدت فالحيطة اتكسرت جمبي ...محدش بيساعدني ..اختي بتموووت فضلت اصرخ تاني ياجدي ساعدني هات دكتور يا جدي ياجدي مفيش… الدنيا ضلمت تاني ...صوت الصفارة ف ودني …. ...وبدات افقد الوعي ببطي ..شفت حاجه واقعه فالارض زي كتاب صغير جمب العروسة المتكسرة… وفقدت الوعي تماما
فتحت عنيا …لقيت نفسي عالسرير و العروسه نايمه جمبي سليمة مش متكسرة واختي مرجان اعدة جمبي وشكلها قلقان
ياقوت انتي كويسة يا حبيبيتي
ايه الي حصل؟ انتي الي كويسة ؟ كنتي واقعة فالارض وبتتنفضي معرفتش اساعدك اعدت اقول لجدي والعفاريت الي معاه ساعدونا مفيش اي حاجه عملوها
لقيتها بتبصلي ب استغراب وفنفس الوقت قلق
متدايقيش نفسك يا ياقوت يا حبيبتي كله هيبقي كويس ان شاء الله انتي بس تعبانه شويه عموما احنا كلمنا الدكتور وجه شافك و قال كويسه الحمد لله بس كتبلك شويه ادويه هتاخديها وتتحسني وهو هيجي يشوفك تاني
يبنتي دكتور ايه بقولك البيت مليان عفاريت
برده عفاريت ماعفريت الابني ادم
خدي العروسه دي يا مرجان معاكي وانتي قايمه
حاضر
ولا اقولك سيبيها خلاص
طيب
هي مش كانت متكسرة فالمطبخ ازاي رجعت سليمة
مكانتش متكسرة انتي بيتهيالك
لا كانت متكسرة
يبقي جدي صلحها
ماشي سبيبها
حاضر انتي عايزه مني حاجه ؟
لا بس انتي ر ايحه فين
هجيبلك الدوا
سيبتها تروح عشان ابص ع العروسة الوادور عالكتاب الصغيره الي كانت معاها
شديت العروسه ..مسكتها لقيتها سليمه تماما ..فتحت الشنطة ..وزي متوقعت لقيت فيها فعلا كتاب صغير قمت واخداه وحطاه تحت المخده ومرجعه العروسه مكانها تاني
خدي يا حبيبيتي دواكي
ماشي هاتيه ..خدت من ايد اختي الدوا و قلتلها خدي خلاص العروسه مش عايزاها
يادي العروسة ..هاخدها خلاص معايا ارتاحي انتي بقي
حاضر هرتاح… استنيتها تخرج وطلعت الكتاب من تحت المخدة وفتحته .. كتاب صغير اد كف الايد ..وشكله قيم وعتيق كدا ..اما فتحته اكتشفت انه مذكرات مش كتاب ..اول صفحة مكتوب فيها
مذكراتنا .. سناء والزبيدة بتاريخ 1985 قلبت الصفحة الي وراها لقيتها فاضية والي وراها والي وراها .. ايه دا؟ مذكرات فاضية ؟
ونمت اي والله نمت مش عارفه ازاي
تاني يوم صحيت لقيت نفسي فالسرير و المذكرات تحت المخدة
قضيت اليوم فالسرير وبصرحة مرجان مهتميه جدا بيا وجابتلي الاكل والدوا ومردتش تخليني اقوم خالص ولا اتعب نفسي ..والدكتور جه و اتكلم معايا ف تفاهات و انا عامله ايه وحاسه ب ايه و باخد دوايا في مواعيده ولالا..مش عارفه دوا ايه الي باخده ف مواعيده اذا كان هو لسه كاتبهولي امبارح ..مهتمش كنت عايزه اليوم يعدي ويمشو ويبسيبوني عشان اشوف هعمل ايه فالمذكرات الي معايا
الحمد لله جت اللحظة الي بقيت لوحدي ..مسكت المذكرات فضلت اقلب فيها يمين وشمال لكن فعلا كل الصفحات فاضية
قررت اكتب انا
مسكت القلم وكتبت السلام عليكم ورحمة الله وبركات انا ياقوت
لسه هكمل لقيت زي ميكون حد كمان بيكتب معايا فالمذكرات ..اتكتب وعليكم .. ..انا الزبيدة
اتخضييت ورميت المذكرات من ايدي ...ينهار اسود ايه دا ..في عفريت بيكتب معايا فالمذكرات..بس مسكت نفسي وهديت و
قررت اتشجع المرادي واضح اننا معفرتين كلنا والبيت الي احنا فيه متنيل والعفريتة قالتلي انتي بنتي والتاني قالي انا جدك ..انا هكمل المذكرات وافهم ايه الحكاية
مسكت القلم وكتبت … احكيلي قصتك يا زبيدة
..وكتبت
اسمي الزبيدة بنت العزيز .. انا من الجن الاسود..والدي هو ميمون العزيز قائد احد العشائر .مات كل افراد عائلتنا ماعدا اخي فاروق اثناء حروبنا مع عشائر اخري لا داعي لذكر اسمائها وبقيت فقط ..عشنا في بيت مهجور امام المقابر لسنوات طويله حتي جاء رجل يدعي سليمان وزوجته وقد انجب ابنتين تؤام زهرة وسناء ..وعاشا في نفس المنزل لا يرونا ولا نراهم ماتت احدي بناته بعد فترة وبقيت اخري لا اعلم اسمها اعتقد انه سناء .. انا لست من النساء الجالسات بلا حيلة فلم تعجبني حياتي ابدا وقررت الدخول ف عالم البشر مرات عدة و تسببت في الكثير من المصائب لوالدي ..وانا من تسببت بالحروب . ولقد اصبحت ملعونة لا اري والدي واخي ولا يروني لاني فعلت كل ماهو محرم علي عشيرتنا من اجل تلبس جسد الانس وعيش حياتهم وقد حدث ما اردته ولكن فالنهاية انعكس السحر علي الساحر .. في نهاية الامر ماتت الشابة فاثالثة والعشرون من عمرها قبل ان احصل علي جسدها بشكل كامل ..ولكني قد ظفرت ب احدي ابنتيها ستكون لي حينما تكمل السابعة عشر سيكون جسدها وروحها لي واعود الي العالم ...لايمكن القضاء علي من هم مثلي ابدا ولكن النار فقط هي من تنهي كل شي كما بداته ...
الزبيدة بنت العزيز ! والعفريت قالي انا جدك العزيز ...وابويا اسمه فاروق العزيز ..انا مش فاهمه يعني الزبيدة دي عمتي؟ ؟ ايه دا ومين سناء دي ..طيب زهرة دي امي ؟ معقول سناء دي تبقي خالتي.؟ طب ومين التؤام ولاد سناء دول ؟ احنا ؟ انا ومرجان ؟ ؟ يعنيى زهرة دي مش امنا؟ خالتنا!!
حسيت اني هتجنن فعلا هتجنن قلبت المذكرة تاني وجبت اول صفحة
مذكراتي !
مسكت القلم وكتبت
سناء ممكن تحكيلي قصتك؟
لقيت الكتابه بتظهرلي تاني
اسمي......