قصة #ابنةالشيطان
الجزء الرابع
سناء ممكن تحكيلي قصتك؟
لقيت الكتابه بتظهرلي تاني
اسمي ……. .. بعد وفاة اختي عاش ابي وامي في منزل بيطل عالمقابر .. ماتت امي وانا صغيرة و بقيت مع والدي وانا فالسابعة عشر تزوجت فاروق … مكنتش اعرفه فيوم لقيت بابا داخل عليا بفستان ابيض وبيقولي يلا الفرح انهارده ...فرح ايه مش عارفه . . لقيت نفسي بوافق وبحضر الفرح وانا مش متحكمة في نفسي ..مسلوبة الارادة تماما ...اتجوزنا فنفس البيت الي انا عايشه فيه انا ووالدي ومن بعدها.ابتدت تحصلي حجات غريبه ..بقيت كل يوم اول منام احلم ب عفريته شعرها طويل بتقولي انا الزبيدة متخافيش مني انا عايزه اكون صحبتك انا ساكنه هنا فالبيت من قبلكو وبقيت اصحي من النوم الاقيها اعدة جمبي عالسرير فعلا يعني مكنش حلم ..كنت بكتب كل دا ف مذكراتي .فالاول كنت بخاف بعد كدا فعلا بقت صحبتي وبقيت اتكلم معاها اكتر من فاروق ومن بابا بكتير واقضي ساعات فالاوضه و احكيلها وتحكيلي عرفت انها فالبيت هنا من سنين طويله وان اهلها ماتو فالحرب بس هي بتحب بني الانس اوي ونفسها تعيش معاهم فقلتلها عيشي مع ان محرم عندهم انهم يظهرو بهيئتهم لاي انسان ولكنها هي معندهاش مشكله اهم حاجه تعيش مع البني ادمين مرت سنتين وخلفت تؤام وسافرت الكويت انا وفاروق
لكن من اول محملت و الزبيدة اتغيرت معايا ..مبقتش صحبتي بقت نظراتها كلها شر بقت بتقولي ...البنتين الي انتي حامل فيهم مش ليكي في واحده منهم ليا ...لحد ما ….
الكتابة وقفت
كتبت لحد ما ايه يا سناء .. ...رفعت راسي وبصيت قدامي لقت العفريتة ف وشي..الزبيدة هي . بشعرها الطويل وعنيها الحمر وقرونها ..
لحد ما قتلتها يا ياقوت واستنيتكو تكبرو انتو كمان و هاخد منكو واحده يا انتي يا اختك اختاري .. الحقيقه انا عايزاكي تعيشي و اخد اختك بس انا رحيمة ف اختاري انتي ….انتي بتقولي ايه
اه زي مبقولك كدا واحدة كانت ليها ..هتستخدم كقربان وواحدة ليا ..انا كنت بحاول اتعرف عليها علشان كنت فاكرة اني هلبسها هي و هتفقد التحكم فنفسها تماما لكن تبقي عرفاني .هههههههههه انا رحيمة ..علي فكرة دا كان حقي عليها زي ما ابوها وهبها لينا و وعد بابا انها تكون لينا ... بس عرفت بعد كدا بالتغير الي حصل في شروط اتمام العزيمة بس وحاولت اصاحبها فالاول عشان يكون الموضوع منطقي لكن فالنهاية ابتدت تخاف مني وقالت لابوكي وانا مبحبش الخيانة ...ف اتخلصت منها بطريقتي ..لكن لازم اخد واحدة منكو حالا لان التعويذة الي استخدمتها عشان …اعيش بعد ما اخويا حاول يقتلني ….. ليها اثار جانبيه عليا وعشان كدا انا محتاجه جسم البسه حالا . حاولت كذا مرة وفشلت انا مستنياكو بقالي فترة لكن وقتي بينفذ .. انا حتي الان كنت صبورة لكن مفيش وقت اختاري دلوقتي ..يانتي يا مرجان
خفت جدا ولقيت نفسي بقولها طيب سيبيني افكر
ماشي موعدنا غدا قبل الشروق ..فلتختارين من منكم ستكون لي ..انتي او مرجان
قمت جريت ياجدي ياجدي ياجدي ..وفضلت اصرخ اصرح
جدي ومرجان جم يجرو عليا ..في ايه في ايه يبنتي
انا هموت يا مرجان ..مين الزبيدة ومين العزيز دا انا بشوف جن اسمه العزيز بيقولي انا جدك وجن اسمها الزبيدة بتقولي اناهاخدك و مين سناء تؤام امنا دي كمان ..يعني ماما زهرة مش امنا؟ امنا هي سناء ..احكيلي احكيلي انا مش هختار مرجان الي تموت انا الي هموت ..بس قولي ..وفضلت اعيط اعيط لحد ما مرجان جريت عليا وحضنتني. وفضلت تقولي ..تاني ياياقوت ااه ..يا اختي يا حبيبيتي .. ياريتني انا ..وفضلت تعيط .. وجدي فضل مكانه واقف مبينطقش
هدوني هي وجدي ودخلوني الاوضة وجدي جابلي كوباية ميه اشربها وقالي ...انا هحكيلك يبنتي اخر مره الموضوع دا ...انا اسف كل دي غلطتي انا السبب فيها كلها ..انا السبب فاللي انتي فيه ..هحكيلك تاني يبنتي يمكن المرادي متنسيش اللي حصل ...
انا جدك سليمان يبنتي ابو امك زهرة.. كنا وقتها بعد الحرب ١٩٧٣ اتعرفت ف الجيش علي شاب جدع اسمه ميمون العزيز حارب معايا وبقي صحبي و اخويا الي مخلفهوش اهلي وفضلت علاقتنا مستمرة ..كان عنده ابن اسمه فاروق بيحكيلي دايما عنه لما رجعنا اشتريت البيت دا وهو سافر الصعيد لاهله وفضلنا علي تواصل برده وانا اتجوزت جدتك وخلفنا بنتين تؤام سناء وزهرة بس سناء ماتت بعد متولدت ب ١٣ شهر جالها مرض معرفناش ايه سببه واحتار الدكاترة فيه وجربنا كل العلاجات ..وماتت والدكاترة قالو احتمال اختها التؤام تكون عندها نفس المرض ... احلي حاجه فحياتنا واحدة راحت منهم ... امك كانت هتموت هي كمان لحد ما لقيت ميمون بيزورني هو وابنه بدون خبر وقالي انا هساعدك تعالج بنتك ..مبقتش مصدق ..قالي هو حل انا لجئتله ..ابني فاروق كان هيموت وجاله مرض ..ولجئت لحل وحيد..قلتله ايدي علي كتفك ..قالي انا هبات معاك الليله مليش مكان ابات فيه..قلتله تنور بيت اخوك ...مسالتوش عرفت منين وازاي جيت انا عمري مقلتله عنوان البيت انا كنت بكلمه ف التليفون من بعد مرجعنا من الجيش ..محطتش ف دماغي ..وبات الليله ..جدتك كانت خايفه منه بس قلتلها دا ربنا بعتهولنا اوعي تفتحي بؤك .. صحينا الصبح كان مختفي طول اليوم هو وابنه وظهر بعد المغرب ..قالي هات البنت .. قلتله انت كنت فين ..قالي هات البنت دلوقتي وخلي فاروق فالبيت مع مراتك..قلتله حاضر عنيا ..يلا بينا ..خدنا امك زهرة و مشينا ..ف طريق المقابر الي ف وشنا دي..مكنش مقابر فالاول كان ارض فاضيه.. وفضلنا ماشيين ..اقوله ياميمون ..ميردش يشاورلي ب ايده يعني استني وامشي وانت ساكت ..لحد ملقينا كهف ف وشنا معرفش جه منين دخلنا لقيت واحد عجوزززز اوي اوي وضهره محني ..شعره ابيض ..شاورلي ميمون ..اديله البنت ..قلتله مين دا ..قالي اسمع الكلام ..اديته زهرة وخدها ومشي ادامنا واحنا وراه ..نزلنا كدا درجتين لقيت ٥ اشخاص لابسين بالطوهات حمرا ومغطين راسهم ..وواقفين علي شكل دايرة حوالين رسمه عالارض علي شكل نجمة سداسية ومكتوب حواليها حروف وارقام مش فاهمها ..اول ماشافو ميمون ..سجدوله ..استغفر الله العظيم ..والله سجدوله ..قلتله ايه دا يا ميمون ..لا انا لايمكن الجأ لحاجه تغضب ربنا للدرجادي ..انت ساحر ..قالي لا انا مش ساحر ..ونزل … شكله اتغير اول منزل لهم بقي كائن طويل جسمه كله شعر وليه قرون بصلي عنيه صفرااا وقف فنص الدايرة وخد البنت من الراجل العجوز ..جاي اقول بسم الله ..بصلي تاني وقالي لا ياسليمان بنتك هيتكتبلها عمر جديد متخاطرش،بيها . لفو حواليه و الراجل العجوز مسك كتاب وفضل يقرا منه .سكتت ..وسمعت صفارة فودني جامدة جدااا وعيني زغللت وفقدت الوعي تقريبا ..فتحت عيني لقيت نفسي فالبيت وحواليا جدتك و ف ايدها امك زهرة وبتقولي الحمد لله البنت كويسه ..اصحي بقي بقالك يومين نايم انا مقدرتش استناك وروحت للدكتور وكشف عليها كويسه ..اشكر صحبك ربنا يعمر بيته ..هو طلب مني طلب قلتله والله مايحصل غيره ..زهرة لفاروق والله ماتتجوز حد غيره اما تكبر ..نطيت من مكاني ايه عملتي ايه
..زهرة مين الي ل فاروق الله يخربيتك
وطي صوتك الراجل بره
هو فيين
جريت عليه لقيته اعد بمنتهي الهدوء بيشرب كباية شاي وفاروق اعد جمبه وعلي حجره كلب اسود صغير اوي بيطبطب عليه
تعالي يا سليمان احنا ماشيين خلاص ..عايز بس اسلم عليك ...قلت لجدتك روحي انتي وسيبيني اتكلم معاه لوحدنا..استغربت وبصتلي بصه بمعني انت بتزعق ليه الراجل انقذ بنتنا
قلتله
هسالك وجاوبني وتحكيلي كل الحكاية
حاضر اتفضل اسال ؟
انت جن؟
ايوه انا كنت زعيم احد العشائر
وعايز مني ايه
كنت محتاج بنت صغيرة اوهب لها الحياة
انت هتستعبط؟
لا بجد
وانت عرفت منين بيتي ومكاني ومشكله بنتي
بصلي وضحك
انا عايش هنا دا بيتي
ازاي يعني ؟
فعلا انا عايش هنا انا و ابني فالبيت دا انت الي جيت سكنت فيه
انا اتعرفت عليك فالجيش
فعلا ..كنت هناك بدور علي قرابين لبنتي
بنتك؟
اه اظن مفيش مكان هيبقي مليان جثث طازة متجمعة مع بعض اكتر من مكان فيه حرب وقابلتك لقيتك شخص شجاع ومعلوماتي القليلة عن المستقبل ..افادت بانك هتخلف بنتين تؤام ودا الي انا محتاجه علشان بنتي .بس
وبعدين؟
انقذتك مليون مرة كنت هتموت فيها ولما رجعت انا الي سيبتلك شنطة الفلوس الي اشتريت بيها البيت دا وانا اللي اتشبهت بالسمسار الي باعلك البيت بس ..
انت للي موتت بنتي؟ سناء
انا اسف اوي يا سليمان انا مكنتش اقصد انا القيت عليها عزيمة علشان بنتي الزبيدة تتلبس في جسمها ولكن كانت ضعيفه ومرضت وانا نفسي معرفتش اساعدها وماتت ..حاولت مع زهرة لنفس العزيمة لكن كانت هتموت هي كمان فقررت اظهرلك لان كدا اثبت فشل التعويذة الاولي فلازم استعين ب سحرة من بني الانس كنت استعنت قبل كدا بيهم … بس واستخدمنا تعاويذ وعزائم مختلفه. ولكن شروطها مختلفة .ونجحت ..زهرة كويسه ...ودا الي انت عايزه
انا مش هسيبك هقتلك ..
بصلي بنظرة كلها غضب وشر وقالي ..انت تجاوزت حدك انا مراعي ظروفك كل دا ..الي هقوله دلوقتي هو الي هيحصل
بنتك هتكبر ولما هتكمل ١٧ سنة هتتجوز ابني و خلفتهم هتبقي انصاف جن ودول افضل اجساد ممكن بنتي الزبيدة تتلبسها وترجع للحياة ..بنتي معلونه بسبب طيشانها ..لكن انا مش هتخلي عنها ..محتاجه تتلبس لجسد نصف جني من دماءعشيرتنا … ومفيش اقرب من دم اخوها ...ولو اللي بقوله اتغير لاي سبب..هتموت انت وبنتك ..
جدتك كانت واقفه ورا الباب تسمع وانا مش واخد بالي ..واول مسمعت صرخت جامد وعيطت قمت لقيت ميمون غضب و رفع ايده لفوق وقال حاجه انا مش فاهمها فجدتك طارت لفووووووووووووق واتهبدت فالحيطة ووقعت ...عنيها كانت مبرقه وجاحظة لبره وفاتحة بؤها عالاخر ..الدم غرق الدنيا ..انا جالي خرس مقدرتش افتح بؤي واتشنجت مكاني
شايف ياسليمان ..دا مصيرك انت وبنتك ...لو عملت اي حاجه عكس الي قلته..روح ادفن مراتك فالمقابر الي ادام البيت ..مش هتبقي اخر حد يدفن فيها لو حاولت تغدر بيا ...
واختفي
بعد وقت طويل عبال مستعدت قوتي وقدرت اتحرك قدرت ادفنها ..مكنش في مقابر ادام البيت زي مقلتلك يا ياقوت كانت ارض فاضيه ازاي اتحولت لمقابر وامتي مش عارف ..بكيت كتير كتير بس كان لازم اهتم ب امك ..ربيتها ومرت السنين ...وكبرت..مكنتش بشوف ميمون خالص ..كنت اوقات كتير بحس بحركات كتير بليل ..ابواب تتقفل ..ابواب تتفتح لوحدها ...نور يقفل لوحده.. التليفزيون مفتوح بليل ومفيش حد ادامه ...كنت بطنش ... الكلب الصغير فضل معايا وربيته ..سميته ميمون ..زي صاحبنا .. ابتديت انسي او اتناسي الي حصل . كان عند امك عروسه بتحبها اوي ..هي دي الي جمبك عالسرير ...و كانت دايما تكلمها ..كنت خايف عليها لكن كنت بحاول اتعامل عادي ….مرت الايام .وجه اليوم الموعود وزهرة كملت ١٧ سنة ..الساعه ١٢ بليل
لقيت الباب بيخبط ..فتحت لقيت ميمون معاه شاب واضخ انه فاروق ابنه بس كبر وشكله اتغير . ومعاهم الراجل العجوز و ف ايده كتاب ومعاهم شخصين شكلهم مرعب ماسكين شنط ف اديهم
ودخل قالي ..
انهارده الفرح زي متفقنا … مكنش ليا اي خيار كنت مسير مسلوب الارادة ..وتم الفرح وعاش فاروق معانا ..الغريب ان كانت حياتهم عادية لحد ما زهرة ابتدت تتبدل بتكلم نفسها وتعد تكلم العروسة بالساعات ومبتطلعش بره اوضتها ..ميمون مكنش بيزورنا خالص ..بس الاغرب ان فاروق كان مهتم ب امك و ف مرة اتكلم معايا وقالي
انا عارف ان احنا حطيناك ادام الامر الواقع وابي ميمون جبرك و في انتظار اكتمال التعويذة علشان اختي الزبيدة تلبس جسد بنتنا المستقبليه ..لكن انا مش موافق علي دا .وهاخر موعد الخلفة لاكبر وقت ممكن لحد ملاقي حل.. ومشي وسابني ..
مرت سنتين عالوضع دا هو كل يوم بيجيب كتب ويعد يقرا فيها بالساعات وانا جمبه بحاول اساعده ...بحاول اساعد جن متجوز بنتي عشان ننقذها من اخته الجنية!! وزهرة بالساعات عالوضع دا تكلم العروسة و تكتب تكتب مش عارف بتكتب ايه وتنااام ومتطلعش من الاوضه ..حتي الاكل بنحطهولها ادام الباب
لكن المحظور حصل و بقت حامل و جه معاد الولادة و خلفت تؤام ..يوم مخلفت دا كان اليوم المحظور ..لقيت فاروق قالي …
الزبيدة متعرفش ان اسمها زهرة فكراها سناء ولو عكسنا التعويذة فكدا هي هتلبس سناء و سناء ميتة وبكدا هنخلص منها مؤقتا لحد منلاقي حل دائم ..
ميمون؟
ابي ميمون ميعرفش حاجه خالص هو فاكرني بجهز واحدة من بناتي للزبيدة تتلبسها و بجهز التانية كقربان لاتمام التعويذة ..هيتفاجى باللي هعمله ومش عارف نتيجة دا ايه ..بس مش هقدر اضحي بيهم …
هتسميهم ايه يا فاروق يا ابني؟
ياقوت ومرجان
دخلنا باب الاوضه لقيت زهرة بنتي اعدة ومعاها طفلتين صغيرين ..احفادي ..زي القمر ..انتو يا حبايبي انتي ومرجان اختك الله يرحمها ...كنتو زي الملايكة
فالوقت دا...
الله يرحمها ؟ مرجان فين ياجدي؟؟ مرجاان فين
دخلنا لقينا طيف اسود واقف جمب السرير
ابوكي الفاروق دخل الاول وقال
السلام ..يا زبيدة
وعليكم اخي الفاروق
انه الموعد
وانا علي اتم الاستعداد ..من ستختار..ياقوت ام مرجان
ياقوت
اذن ستضحي بمرجان
اجل
فلتقرا فانها ليله قمرية ولم تمر دقائق كثيرة علي ولادة الطفلتين
مرجان فين يا جدي ؟ مرجااااان فين؟
الزبيدة مدت ايدها واديته خنجر غريب الشكل منقوش عليه اسماء باللغه العربية متفرقه
عزبرش بهت فتور عملون ارز مادين شمهور
وقالتله
فلتنهي الامر الان ...القي العزيمة
ياشيم انان اليش شولو اجناش يوهال اقسم عليكم ب اسماء ملوكم بان تنفذو ما تؤمرون به
ياران نفري سولكوس فيرا اليش مارياز شولو ياشيم ..فلينهي عزبرش هذا الامر ولتحرمي علي هذا الجسد ايها الزبيدة ابنة ميمون ابنة العزيز ملك الجن الاسود ..فلتلعني الي يوم يبعثون ولتحرمي علي جسد بني الانس…
سمعت صرخه عالية هزت البيت وفالوقت دا ظهرت بشكلها المخيف .عنيها حمرا زي الدم ...ليها قرون...جسمها متغطي بالشعر …. وقرب الفاروق منها وطعنها بالخنجر ...صرخت تاني وقالتله…
سيكون انتقامي اشد الانتقام فانت لم تعد اخي ابدا
بس واختفت … لقيت الباب بيخبط جامد روحت افتح لقيت ميمون بيبص بنظرة كلها غضب وحقد وبيزعق
الفاررروق … ايه الي عملته
اسف جدا يا والدي انا مش هقدر اضحي ب مراتي وبناتي..علشان اختي الانانية الي اتسببتلنا في موت كل العشيرة وموت اهلنا و فالنفي الي احنا فيه ..انا هحافظ علي سلالتي الجديدة ..نصف انسيين ونصف جن ...و همشي خالص بعيد عن هنا وهبتدي حياة جديدة تماما معاهم..اسف انت كمان ممنوع من دخول البيت دا ...وقد اقسمت عليك ايضا بقسم
عزبرش بهت فتور عملون ارز مادين شمهور
الا تستطيع الدخول لهذا البيت ولا المساس بنا ...
بصلنا بنظرة كلها غضب وبعدين مشي …
وقف فاروق وقالي
سيدي سليمان ..انا هاخد اسرتي الصغيرة وهسافر بره ..هنعيش هناك علي اننا اسرة مصرية عادية ..وهربي بناتي هناك وهينزلو كل اجازة ان شاء الله يزوروك
تمام يا ابني وفقكم الله ..سيب الكلب يونسني..
حاضر
وسافرتو يابنتي كلكو..