قصة #الممسوسة
الجزء السابع والأخير
ودارت اشنع معركة ممكن تتخيلها يا مازن …….
اتقاتلو ب اسلحة شكلها غريب كانت معركه شرسة جدا وكان ازراش هيموت بدل المره الف لحد مجري عليا وشدني من ادي وجرينا بعيد اول محس انه هيخسر
لقيت امي بتقول للشيخ قاسم انقذها يا شيخ بنتي بتروح مني
رد عليها
متقلقيش هننتصر بعون الله
"
اقسم عليك ايها الهارب الملعون أزراش بقسم اباك الملك باران ان تترك الانسية أينور و ان تخرج والا تعود والا احرقتك حيا او اسجنك حتي ياتي من هم مهتمون بمصيرك او اذبحك و اطعم جسدك للغيلان
"لا تستطيع أيها القاسم لا انت ولا أعوانك هذه الإنسية لي وستكون زوجتي و سنندمج في جسد واحد ونعيش حياة واحدة
وشدني من ايدي وفجأة المشهد كله اتغير ..لقيت نفسي في اوضتي ..واقفه جمب دولابي و ببص ناحية السرير ..لقيتني عالسرير ومربوطة … و عينيا !! عنيا لونها اصفر زي عنين ثعبان الكوبرا و جسمي كله كدمات زرقا رقبتي وايديا ورجليا ..وماما واقفة جمب السرير وبتعيط و في واحد قاعد مديني ضهره وماسك في ايده كتاب و بيقرا منه حاجه
وجسمي ابتدي يتنفض جدا جدا و يتشنج .. ازاي انا شايفه نفسي ازاي كدا ؟ ؟ انا مت؟ دي روحي ؟ بس لا الروح لا يعلم عنها لا الله ..كنت هتجنن يا مازن ؟ حسيت حاجه بتحط ايدها علي كتفي بتلفت لقيته ازراش
- شايفه الي بيحصل؟ القاسم دا اكبر عدو ليا اذاني واذي عيلتي كتير .وهو الي اتسبب في الي انا فيه دا كله .. كل الي محتاجه انك تساعديني علشان اعيش ..انا بحبك ..و انتي هتكوني ليا وهنتجوز ..بس ساعديني
- اساعدك ازاي
- قولي ورايا ...قبلت زواجك علي ان اهبك جسدي وروحي و ان نندمج بشكل كامل ..أردوس أسمااش زارداش أزراش بنيم كاران
- قققبلت ززوااج…ك علي ان اهبك جسدي ووو روحي .أردوس ..أأأأسمااش ..
كنت خايفة اوي اوي اوي وانا بقول بس مش عارفه ارفض ..كل الي بفكر فيه ان أزراش بيحبني و عايز يتجوزني وبيضحي علشاني ولازم نندمج .. زي مهو بيقول معرفش يقصد ايه بس هو كلامه صادق..كان مسيطر علي عقلي تماما
وفجأة صوت قران جاي من مكان..
"كَلا إِنَّ كِتَابَ الْفُجَّارِ لَفِي سِجِّينٍ"
حسيت بكهربا في جسمي كله ..
"وَمَا أَدْرَاكَ مَا سِجِّينٌ كِتَابٌ مَرْقُومٌ وَيْلٌ يَوْمَئِذٍ لِلْمُكَذِّبِينَ الَّذِينَ يُكَذِّبُونَ بِيَوْمِ الدِّينِ وَمَا يُكَذِّبُ بِهِ إِلَّا كُلُّ مُعْتَدٍ أَثِيمٍ "
حسيت بحرارة مش طبيعية ..كان جسمي كله بيتحرق ..فضلت اصرخ اصرخ ..مش ادره اسمع القران معقول؟ عندي صداااع رهيب رهيب دماغي هتنفجر
فضلت اصرخ واقول ياماماااااااااااا
المشهد اتغير تاني
لقيت نفسي انا الي اعده علي سريري كاني كنت نايمه وصحيت ومربوطة ايدي ورجلي و وماما واقفه عماله تعيط وماسكة المصحف في ايدها وبتقرا منه و قاعد علي طرف السرير الراجل الكبير بس المرادي انا شيفاه هو ..يشبه الشاب قاسم الي كان عايز يقتل ازراش بس مش هو او هو بس لما عجز مبقتش عارفه الحقيقة اختلطت بالخيال .... لقيته بيبصلي ويقولي
- متقلقيش يا اينور هخلصك من الي انتي فيه ..انا السبب في الي بيحصلك وهخلصك باذن الله
- ساعدني من فضلك انا مش فاهمه ايه الي بيحصل ولا انا فين ولا هيحصلي ايه
حط ايده علي راسي وبدأ يقرا
أعوذ بالله من الشيطان الرجيم بسم الله الرحمن الرحيم
وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُمْ بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنْفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنْفُسَهُمْ ۚ لَوْ كَانُوا يَعْلَمُونَ..
ببص ورا امي لقيت أزراش واقف ومكشر جدا في قمة الغضب ..و المشهد كله اتبدل تاني
كنت واقفة المرادي ادام مجموعه شباب حوالي 5 وادامهم قاعد الشيخ قاسم
بيتوسلو اليه ..و الي بيتكلم دا ..دا بابا ..الله يرحمه انا فاكراه كويس و عارفاه من الصور ..كنت صغيره كان عندي خمس سنين لما اتوفي بس مقدرش انسي شكل ابويا
- ياشيخ بالله عليك الي في المقبرة دا من حقنا ..احنا في بدايه حياتنا و محتاجين الفلوس ..ساعدنا هم قالو انك واصل ومحدش هيقدر علي الجن الي بيحرسها غيرك
- انا بطلت خلاص الامور دي ودلوقتي بعالج بس بالقران
- بس انت كمان محتاج فلوس علشان علاج بنتك ؟ مجتش من المره دي
- اعوذ بالله من الشيطان الرجيم
والمشهد اتبدل تاني
الشيخ قاسم واقف ومعاه واحده عماله تعيط وتصرخ وتقوله بنتي بتروح مني لازم نعملها العمليه
سامعه صوت قران جاي من بعيد اوي
قُلْ مَنْ كَانَ عَدُوًّا لِجِبْرِيلَ فَإِنَّهُ نَزَّلَهُ عَلَىٰ قَلْبِكَ بِإِذْنِ اللَّهِ مُصَدِّقًا لِمَا بَيْنَ يَدَيْهِ وَهُدًى وَبُشْرَىٰ لِلْمُؤْمِنِينَ
مَنْ كَانَ عَدُوًّا لِلَّهِ وَمَلَائِكَتِهِ وَرُسُلِهِ وَجِبْرِيلَ وَمِيكَالَ فَإِنَّ اللَّهَ عَدُوٌّ لِلْكَافِرِينَ
وَلَقَدْ أَنْزَلْنَا إِلَيْكَ آيَاتٍ بَيِّنَاتٍ ۖ وَمَا يَكْفُرُ بِهَا إِلَّا الْفَاسِقُونَ
والمشهد اتبدل .. واضح ان الشيخ وافق يفتح المقبرة ..دا فعلا الي ماما حكيتهولي
لقيت ابويا والناس الي معاه داخلين بيت ضلمه جدا عمالين يبصو حواليهم طول ماهم ماشين و دخلو وقفلو عليهم ووصلوا لجنينة البيت ووقفو ف عز الضلمه كان ف اديهم أدوات حفر فاس و ادوات تانيه و الشيخ قاسم كان قدامهم و معاه كتاب في ايده وايده التانيه شايل شنطة صغيرة
وقفو حوالين الشيخ قاسم علي شكل دايرة وهو فالنص وهو فتح الشنطة و طلع لفة وفردها فالارض و طلع ازازة وفضل يرش الي فيها عالارض و رفع ايده لفوق و قال
كريير كريير فيراث فيراث نعلليط نعلليط ترقب ترقب مزجل مزجل قلنهود قلنهود برشان برشان ...بحق العهد الماخوذ عليكم احضرو ما بالداخل و احرقو كل من حرسها
فجاة ظهر وراه جيش كبير من كائنات مريبة دول لايمكن يكونو بشر ابدا .. كائنات كلها قصيرة جدا طول الواحد لا يتعدي المتر و لونهم اسود وعنيهم لونها احمر و شعرهم طويل جدا واصل للارض و ضوافر اديهم ورجليهم طويلة جدا و قربو من المكان الي رش فيه السائل علي الارض ووطو وابتدو يحفرو يحفرو بكل قوتهم
صوت القران مبقاش بعيد حاساه بيقرب اوي اوي اوي
آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ ۚ كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ ۚ وَقَالُوا سَمِعْنَا وَأَطَعْنَا ۖ غُفْرَانَكَ رَبَّنَا وَإِلَيْكَ الْمَصِيرُ
لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ
المشهد اتبدل برده انا تعبت اوي يارب ارحمني من الي انا فيه دا كنت عماله اقول
ياااااااااااااارب
لقيت نفسي واقفه تاني جمب الدولاب في اوضتي و جسمي موجود عالسرير مربوط برده و امي ماسكه ايدي وبتقولي
- قاومي يا بنتي قاومي ربنا هينجيكي
والشيخ قاسم عمال يقرا قران و أزراش واقف في مقدمة السرير وموطي وماسك دماااااااااااااغي وعمال يتكلم
- اوعي تسيبيني يا اينور هيموتوني انا عملت كل دا عشانك
لقيت نفسي بقوله
- مش هسيبك مش هسيبك ابدا يا أزراش
فجأة امي طارت من مكانها واتخطبت فالحيطة ووقعت فالارض مبتنطقش و الشيخ قاسم قام من مكانه و فضل يخنقني يخنقني يخنقني ويصرخ
- انت لازم تموت يا ازارش لازم تموت
وبعدين راح فتح شباك الاوضه ونط منه
…………………………..
- وبعدين يا أينور
بس كدا يا مازن دي نهاية الحكاية الغريبة الي حصلتلي خلال ٢٨ يوم المهم ربنا نجاني من الشر بس خسارتي كبيرة اوي وحزني لا ينتهي امي توفت ربنا يرحمها ومبقاش ليا حاجه فالدنيا حاليا عايشة لوحدى زي ماحكيتلك فالتليفون مبشوفش ناس كتير بروح الشغل بس وارجع
- وفكرتي ليه تتصلي بيا و تيجي تقابليني و تحكيلي النهارده
- علشان انت الكاتب الوحيد الي اعرفه و بقالي مدة معجبة بكتاباتك فقلت أبهرك بقصة حقيقية تكتبها و كمان انا افضفض شوية زي مبقولك مبقابلش حد خالص من ساعة ما امي اتوفت وعايزة الناس تسمع حكايتي
- معاكي حق
- ياااه انا اتاخرت اوي الساعه بقت 1 بليل
- اه فعلا انا مستغرب ازاي حتي قفلو الكافيه ومقالولناش قومو
- لا مش هيقولوك انت صاحب مكان بقي
- عندك حق انا دايما باجي هنا واسهر بحب اكتب هنا و بريح اعصابي جدا وبعرف اركز عموما تمام خلاص اوعدك اكتب حكايتك وانشرها
- ياريت ..بعد اذنك انا هقوم لازم امشي دلوقتي
- مفيش مشكله اراكي عن قريب ان شاء الله
- اكيد طبعا
- في رعاية الله
- استني استني يا مازن في حاجه بس نسيت احكيهالك علشان متوهش منك التفصيلة دي اثناء كتابة القصة
- ايه هي؟
- بحب احكيهالك كل يوم؟ ههههه
- كل يوم؟
- اه
- ازاي يعني ؟ طيب ايه هي؟
- انت عارف ازراش قتل 2 قدمهم قرابين علشان يقدر يتجسد و يتجوزني و يفك لعناته الاول قتل جاري الي اسمه محمود دبرله حادثه علشان يكون القربان الاول
- اه والتاني زميلك فالجامعه
- عارف قتله ازاي؟
- ازاي ؟
- كان بيحب كل يوم يعد ف كافيه هادي جدا بليل في ش فؤاد يكتب ف وسوسله وصورله اني اتصلت بيه علشان اقابله فالكافيه واحكيله حكايتي علشان يكتبها .. او يمكن انا اتصلت فعلا منا كنت بنسي كل حاجه بعدها .... وو ولع بيه الكافيه دا
- ؟؟
- اه مستغربش كان كاتب بيحب قصص الرعب اوي
- كويس
- متنساش تكتبها دي يا مازن
- حاضر
- أينور
- نعم؟
- هو زميلك دا كان اسمه ايه؟
بصتلي وابتسمت ابتسامه مخيفة وعنيها بقي لونها اصفر زي عيون القطط. او لو عايزين وصف ادق. زي ثعبان الكوبرا وسمعت صوت فحيح خارج منها وقالت
- اسمه مازن..هاهاها
النهاية