قصة #الممسوسة
الجزء الثالث
صحيت من النوم كلمت مديري وطلبت اجازة و نزلت مقلتش لماما حاجه و ركبت و روحت العنوان الي في الرساله علي طول من غير مقدمات
العنوان ف مكان عادي جدا مش ف مكان مقطوع ولا مهجور وولا في حاجه من الي مكن تيجي ف دماغك لا..عماره سكنيه عاديه والشقه فى الدور التالت رنيت الجرس فتحتلي بنت تقريبا ادي فالسن قلتلها
مساء الخير دا بيت خالد صح؟ -
اه انتي أينور صح اتفضلي ماما مستنياكي ؟-
دخلت جوه وزي اي بيت مصري صمموا يشربوني حاجه ف خدت شاي واعدت مع مامته ..انا شفتها قبل كدا اثناء التحقيقات لكن اول مره اكلمها شاورت لبنتها انها تطلع وتقفل الباب علينا عشان نتكلم لوحدنا
قلتلها حضرتك بعتيلي عنوانكو انا بعتذر جدا الرساله وصلتني متاخر جدا وماما مكانتش..
قاطعتني وقالتلي ولا يهمك يا بنتي المهم جيتي
بصي انا هكيلك باختصار وانا واثقه انك اول مره تعرفي الموضوع دا
واعدت تحكيلي و الدموع نازله من عنيها مبتقفش
خالد ابني الكبير كان عنده 26 سنه عندي بنتين كمان واحده عايشه بالامارات مع جوزها والتانيه ساره الي انت قابلتيها دلوقتي ابوهم اتوفي وهم صغيرين وانا ربيتهم انا كنت بشتغل مديرة مدرسة بس طلعت معاش مبكر لظروف صحيه ..المهم ولادي كلهم الحمد لله علي خلق ومستواهم الدراسي عالي ..خالد مخلص كليه صيدله و منار مخلصه طب بيطري وساره مخلصة كلية اعلام ..طول عمر خالد ابني من البيت للمدرسه او الكليه او الشغل عمره معمل اي حاجه وحشه تخليني أخجل منه او حتي ازعقله ..و من فترة بعد ما جه من الشغل قالي
يا ماما انا هروح مع صحابي نتعلم علي الكامنجا ..انا طول عمري نفسي يبقي ليا هواية غير المذاكرة والقراية ف صحابي لقو مدرس- كويس يعلمنا
فين يبني قريبه دي ولا هتتاخر قالي لا ياماما قريبه اوي دي في قصر ثقافه ..اعفيني من ذكر اسمه بس انتي هتعرفيه اما اكمل -
بس راح ورجع ومرت الايام والولد مش علي بعضه عمال يسرح ويفكر و يجي من الشغل ياكل و يعد يتمرن عالكمانجا ميقومش ابدا من مكانه لحد مينام ..قلت طالما لقي حاجه تبسطه خليه من وقت لتاني طبعا كنت اقوله يا حبيبي قوم شويهارتاح كان يقولي حاضر و يقوم ويرجع تاني بسرعه للكمانجا
مر شهر والولد مورهوش حاجه غير الكامنجا ليل نهار حتي بقي يغيب من شغله ..ف دخلت عليه مره وقلتله
ابني ؟ انت ايه حكايتك
قالي ياماما الحقيقه انا قابلت بنت اسمها أينور فالدرس بتاع الكامنجا وعايز اتقدملها..انتي ايه رايك
يعني هو دا بس الموضوع دا انت مبقتش تروح شغلك ومبتسيبش الكمانجا لحظة
معاكي حق انا بس علشان ابقي كويس فالدروس واستمر معاها في نفس الدروس لان هي بتعزف كويس جدا وبتنتقل من مرحلة لمرحلة بسرعه وانا بحاول اواكب معاها
فرحت طبعا دا حلم اي ام تشوف ابنها هيتجوز وهيكون اسره ويبقي سعيد ف حياته
وافقت طبعا من غير تردد بس قلتله يعني انت تعرف عنها ايه طب عنوان اهلها فين ؟ قالي متقلقيش انا جبت رقم مامتها وهكلمها احدد معاد وجاب رقم مامتك واتصل بيها وانا كمان كلمتها بنفسي علشان نحدد المعاد الي قلتلك عليه ..كانت مرحبة جدا جدا بينا و حددنا معاد فعلا نروحلكو البيت ..
وروحنا ..الغريب انها مبقتش نفس الشخص الي كنا بنكلمه فالتليفون كانت مش طيقانا وقالتلنا انك مش موجوده فى البيت ومعندهاش بنات للجواز وكلام غريب وتقريبا شبه طردتنا .. بس طول مهي بتتكلم كان كانها خايفه من حاجه او متهدده ..ومشينا يابنتي واحنا مكسورين وخالد كان تعيس بالمعني الحرفي..اول مره اشوفه كدا يا حبيبي ..
انا كنت بسمع الكلام وانا مذهوله !! ماما مقالتليش اي حاجه عن الموضوع دا خالص ! ولا حتي قالتلي حد اتقدملك ولا انا رفضه ؟ طب وايام الحادثه والتحقيقات مفتحتش بقها ولا قالتلي ولا عملت نفسها تعرفهم اصلا ؟كل دا كان بيدور جوا دماغي
لقيت مامت خالد بتقولي انتي معايا يا بنتي سمعاني.
قلتلها اه يا طنط كملي
المهم خالد وصلني البيت انا واخواته البنات و نزل عالساعه 9 بليل لحد2 بليل مفيش ولا خبر منه
انا استغربت كلمته كتير اوي اوي موبايله مقفول
فضلت استني استني واقول يارب يرجعلي بالسلامه يارب ميكونش حصله حاجه يارب احميه
بس الساعه 3 الفجر رجع البيت
فتح باب الشقه ودخل علي اوضته علي طول وقفل وراه
جريت وفتحت باب الاوضه
صرخت من المنظر
لقيته شعره منكوش ووجهه ورقبته كلها طين معرفش ازاي وعينه حمرا جدا و هدومه مقطعه وكلها طينه ..صرخت تاني وقلتله خالد
فتح بوئه وحاول ينطق بس صوته مكنش بيطلع ..الكلمات بتطلع علي هيئة حشرجة كان في حاجة في زوره فضلت اصرخ اصرخ و روحت مسكت فيه وحضنته وفضلت اعيط
لقيته كح جامد جدا ووقع من بوئه لفه مدوره ّ! هي دي الي كانت محشورة ف زوره مش عارف يتكلم يا حبيبي فضلت اعيط اعيط من الخضة والخوف عليه لحد ما ساره صحت من النوم ودخلت وقومناه عشان يغير هدومه و استحمي و نام ف سريره بس وعدي اليوم
وحال خالد اتغير تماما مبقاش بيتكلم خالص ولا بيروح شغله
كنت اصحي بليل لاقيه اعد باصص للحيطه وبيكلم نفسه كانه بيرد علي حد.
.وفي مرة لقيت اصوات طالعة من الحمام مش صوت ابني لوحده لا كان معاه حد تاني ..قربت من الباب و سمعت محادثه بين خالد كان بيعيط وهو بيتكلم وكان في حد بيرد عليه !!!
انت عايز مني ايه انا خلاص مش هتجوزها
انت مش هتقدر تتجوزها ولا انت ولا غيرك انا محكوم عليا علشان بحبها مش هقدر ارجع بيتي تاني ولا اشوف اهلي ..وفنفس الوقت مش هقدر اتجوزها الا بشروط وانت هتساعدني فيها
سيبني ف حالي من فضلك انا عمري ما اذيت حد
انا عارف انه مش ذنبك بس دايما في ضحايا وانا كنت فحرب مع اهلي وخسرتها وخسرتهم بس مقدرش اخسر اينور ابدا
كل دا بسبب درس الكامنجا ؟
اه انا كنت براقبها كل يوم وبس مكنتش اقدر اطلع بره الحمام انا محبوس وملعون لحد منت دخلت فالوقت المناسب ..البداية كانت اني وسوست لك بالمعزوفه ..ودي مش من العالم بتاعك ..دي من عالمي انا ..ودي بتقويني وليها دلالات اخري ..وبعدين انا ابتديت اقوي و اقدر يبقي ليا تجسد ف عالم البشر بس لسه في خطوات تانيه كتير ..المهم انت تسمع الكلام افضل لك علشان محدش يتأذي لا مامتك ولا اخواتك البنات وانت عارف انا ممكن اعمل ايه ..
حاضر بس انت عايزني اعمل ايه دلوقتي؟
عايزك تعزف المعزوفة الي علمتهالك دلوقتي
فالحمام
اه
وهتستفاد ايه
دي حاجه ترجع ليا .انا مش قلتلك المعزوفة دي مش من العالم بتاعك ..دي معزوفه من عالم الجان
ونور البيت قطع كله ………..