(الفصل السادس)
أحببتك قبل أن التقيك❣️🌸
بقلم نجاة محمود
لحد ما وصلو المستشفى وعملو تحاليل واشاعات وجت
الصدمه ليهم عرفو أن عندها شريان مسدودف القلب
عبد الرحمن :ازي كدا اكيد في حاجه غلط
دكتور اسمه كريم وباباه دكتور عمرو الاتنين دكاتره قلب وهما اللي هيشرفو على حاله كارما
دكتور عمرو :ازي انتو متعرفوش لحد دلوقت هي محستش مثلا الكلام دا بقاله شويه مش جديد
أحمد :هي مقالتش انها تعبانه أو احنا حسينا بحاجه
كارما في اوضتها فاقت
دكتور كريم :حمدلله ع السلامه ازيك النهارده
كارما :انا فين
دكتور كريم :متقلقيش انتي ف المستشفى متتخضيش تعبتي شويه باباكي واخوكي بره
كارما :بعيط هما عرفو
كريم :يعني انتي كنتي عارفه انك تعبانه ليه سكتي على نفسك
كارما :انا كدا كدا هموت اقولهم واشغلهم ليه بعيط
كريم :خليكي مؤمنه متقوليش كدا كل حاجه وليها حل
كارما :انا مامتي توفت بمرض ف القلب واكيد انا كمان هموت زيها
كريم :مفيش حاجة اسمها زيها كل حاجه ليها علاج وسنك مش زي سن مامتك وكل حاجه في بدايتها بنقدر نحلها
كارما :انا مش مقتنعه بالكلام دا
أحمد وعبد الرحمن دخلو لكارما
عبد الرحمن :عامله ايه يا حبيبت بابي
كارما :انا كويسه بس عايزه اروح
أحمد :استنى شويه نطمن عليكي
وبالليل روحت كارما ومع مرور الوقت كارما بتتعالجومش راضيه تعمل عمليه عشان تبق كويسه
وشويه تبق كويسه مع عمر وشويه لا
وفي يوم من الايام عمر كلمها كان آخر يوم في امتحانات سنه تالته وعمر وكارما ف الجامعه
عمر :ايوا كنت عايزك في موضوع
كارما :قول
عمر :لا هشوفك بالليل وهقولك
كارما :ماشي
واتقبلو وقعدو في مطعم
عمر :كارما انا عايز اجي اتقدملك انتي خلاص داخله رابعه نتخطب سنه اتنين براحتك وبعدين نتجوز بس تبقى خطيبتي قدام اهلك وقدم الناس ومحدش يبصلك
كارما :اتصدمت نعم نتجوز
عمر : انا بحبك وانتي بتحبيني يبق ايه المشكله
كارما :مشكله طبعا انا مش هتجوزك
عمر :بيضحك ايه يا كارما اللي انتي بتقوليه دا مش هتتجوز يني ازي انتي بتهزري صح
كارما :لا مبهزرش
عمر :مستغربه من طريقه كلامها في ايه يا كارما مالك هو انا مزعلك في حاجه انتي مش بتحبيني ولا ايه
كارما :هو عشان بحبك يبق اتجوزك ولا ايه وبتضحك بسخريه
عمر :ايوا امال ايه يعني عمر متوتر ومخضوض من كلامها بطلي هزار يا كارما عشان خاطري
كارما :انا مبهزرش انا بحبك عادي بضيع وقت لكن اتجوزك انت مش هلاقي اللي انت وبتضحك بسخريه يوم مااتجوز هتجوز واحد من مستوايا مش هتجوزك انت
عمر :عنيه دمعت ايه اللي بتقوليه دا يا كارما انتي ازي تكلميني كدا
كارما :عايزني اكلمك ازي يعني حب اي وبطيخ ايه انا بكلمك عادي وبحبك يعني اهو بقضي وقت بس مش لدرجه اني اتجوزك
عمر :دا بجد بقا دانتي طلعتي ماديه اووي وحاجه تانيه غير اللي كنت اعرفها بقيتي باينه على حقيقتك
عمر سابها ومشي وكارما ماسكه نفسها بالعافيه اول ما خرج قعدت تعيط وأخذت شنتطتها ومشيت وصلت البيت ودخلت اوضتها
كارما :بتكلم في نفسها بتعيط انا اسفه يا عمر كان لازم اعمل كدا علشانك انا بحبك اووي والله وكان نفسي اكون مراتك بس انا مش عايزه ابوظلك حياتك مش عايزه آدمرهالك وبعد عياط كتير نامت
عمر :بيعيط ف اوضته هي ازي تعمل فيا كدا ازي ضحكت عليا كل دا انا ازي مكتشفتش ولا بأن عليها كل دا انا كان لازم اسمع كلام امي هي كان عندها حق....
وبعد شهر كارما ف النادي هي وساره
ساره :كارما مش هتلعبي اي حاجه ولا هتجري
كارما :هتمشي معايا يبق تمشي ساكته غير كدا يبق تروحي احسن انا مبقتش عندي حاجه اخاف عليها
كارما :روحي التدريب بتاعك انا همشي شويه
ساره :ماشي متعمليش حاجه مش هتاخر عليكي
كارما راحت لبست لبس الرياضه تجري وبدأت سرعتها ف الجري تزيد وهي بتجري قابلت عمر في وشها قعدت تنهج وهي بتجري وعرقانه وجسمها بيترعش وبتكح جامد عمر متجاهل كارما ولا أكنها موجوده وبطل جرى ومشي
كارما بدأت تهدي السرعه مبقتش قادره تجري خلاص
وراحت الجيم لساره
ساره :كارما مالك عملتي ايه
كان وشها احمر جامد ومش قادره تاخد نفسها
كارما :عايزه اروح
عمر اخد باله حس انها تعبانه
عمر:في نفسه هي مالها شكلها تعبانه أووي هو لسه بيحبها بعد كل اللي عملته فيه وقلقان عليها اروح اشوفها لا يا عمر هتحرجك
ساره :قولتلك متعمليش حاجه يا كارما ياريتني ما سبتك لوحدك واخدتها وصلتها ألبيت كارما طلعت اوضتها ارتحت شويه وبعدين اخدت شور وغيرت ونزلت
عبد الرحمن :مالك يا حبيبتي
كارما :مفيش حاجة
عبد الرحمن :طيب اي رئيك نسافر نعمل العمليه بره
كارما :بابا لو سمحت انا خلاص مش هعمل عمليات انا كدا كدا هموت وانا بعملها سبني اعيش شويه
أحمد :يا حبيبتي مفيش كدا دي نسبه نجاح العمليه 90٪
كارما :وممكن اكون من 10٪اللي هيموتو
أحمد :خليكي متفائله شويه يا كارما
كارما :بعيط الحاجه اللي كنت هعيش علشانها خلاص مبقتش موجوده انا خلاص مش عايزه حاجه ومحدش يكلمني ف الموضوع دا تاني
عمر كل يوم بيروح النادي ومبيلاقيش كارما شاف ساره قرر يروح يسألها
عمر :ساره لوسمحتي ممكن اخد من وقتك دقيقتين
ساره :اتفضل يا دكتور
عمر :مش عارف اجبهالك ازي بس مش من حقي اسأل بس كارما بقالها فتره مبتجيش وكان شكلها تعبانه آخر مره كانت هنا
ساره بتفكر تقول لعمر بس افتكرت وهي بتقولها مستحيل يعرف اوعي تقوليلو حاجه
ساره :كانت تعبانه شويه بس وهي مبقتش تيجي بتقول مليش نفس بس هي كويسه انت لسه بتحبها
عمر :لا مفيش الكلام دا انا بس بسأل عليه بعد اذنك معلش عطلتك وأخدت من وقتك
ومشي عمر
وساره :بتفكر عمر شكله لسه بيحبها وهي كمان بتحبه ياارب اجعلهم من نصيب بعض ياارب ما تفرقهم
أحمد :الووو ازيك يا عمور عامل اي
عمر :انا كويس اخبارك انت
أحمد :انا بخير يا حبيبي بقولك عايزك تيجي تتعشي معايا النهارده وحشتني اووي وعايز اشوفك
عمر :معلش يااحمد مش هقدر اجي
وبعد محايله من احمد عمر رافض برضو
أحمد :لا يا عمر هتيجي لو مجتش هيبق في زعل جامد اووي انا مستنيك مع السلامه
بالليل في بيت كارما عمر جيه
أحمد :انت مبتجيش غير بالعين الحمره نورتني يا صديقي
عبد الرحمن :ازيك يا عمر عامل ايه في شغلك
عمر :كويس الحمدلله
عبد الرحمن :ربنا يصلحلك الحال يا حبييي أحمد جيب كارما تتعشي وتقعد معانا بدل ما هي قاعده لوحدها
أحمد :حاضر يابابا
كارما متعرفش أن عمر تحت
عبد الرحمن :اخيرا القمر نزل يقعد معانا
كارما شافت عمر اتصدمت ومش قادره تتحكم في عصابها
كارما :مساء الخير يا بابي ازيك يا دكتور عمر
عبد الرحمن :مساء الخير يا حبيبت بابي عامله ايه النهارده
كارما :انا كويسه الحمد
عمر :الحمدلله كويس وانتي
كارما :انا كويسه
كارما باين علي وشها التعب اووي ومتغيره وعمر اخد باله وكلامها بقا قليل وبراحه ومبقتش بتضحك
أحمد :اقعدي يلا ست كارما عشان تاكلي مقعدتيش اكلتي معانا من زمان
كارما قاعده هي وعمر في وش بعض
بياكله وبيتكلمو
عبد الرحمن :بقولكم ايه انتو الاتنين مش هنفرح بيكو بقا
أحمد :انا هفاجكم قريب ان شاء الله وبيضحك
عمر :وانا قريب ان شاء الله
كارما :بصتلو وكانت هتعيط وعنيها جت في عنيه ووشها احمر وراحت باصه ف الطبق وايدها بدأت ترتعش
عمر :اخد باله هي مالها كدا هي متغيره كدا ليه
عبد الرحمن :عقبال ماافرح بيكي يا حبيبتي
ابتسمت ابتسامه خفيفه كدا وحست انها تعبانه
كارما :بابا بعد اذنك انا هطلع ارتاح شويه
عبد الرحمن :اقعدي معانا شويه انتي مقعدتيش معانا من زمان انتي لحقتي اكلتي
كارما :معلش يا بابا مش قادره
عمر :بعد ما كارما مشيت عمر كارما شكلها متغير اووي
عبد الرحمن :بص ف الارض وعنيه هدمع مش عارف مالها مبقتش تقعد مع حد ولا بتخرج ولا بتتكلم مع حد ولا بقت بتاكل دايما قاعده لوحدها
عمر :طيب ما يمكن في حاجه مزعلها
أحمد :بتقول مفيش حاجة
عمر :ربنا يهديها وترجع احسن من الاول
أحمد وعبد الرحمن :ياارب
عمر روح البيت
مامت عمر :حمدلله على سلامتك ياحبيبي
عمر :الله يسلمك
مامت عمر :ايه يا عمر انا عايزه افرح بيك قبل مااموت
عمر :بعد الشر عليكي يا ست الكل بس عشان خاطري مبتفتحيش الموضوع دلوقتي لو بتحبني
بعد اسبوع كارما قرارات تنزل النادي تاني وتخرج بس خرجت لوحدها وعمر كمان كان ف النادي عمر ماشي في النادي صوت بنت بتنادي عليه يا عمر
عمر :مين
انا إسراء مش فاكرني كنت معاكي ف الثانوي
عمر :إسراء مدحت ازيك عامله ايه فينك كنتي مختفيه
اسراء:كنت مسافره مع بابا ولسه راجعه
عمر :حمدلله ع سلامتك
إسراء :احكيلي عملت ف الدراسه واتجوزت ولا لسه وشغال اي
عمر :انا اتخرجت واشتعلت معيد في جامعه سينا وانا فاتح عياده وبقيت دكتور تخيلي وبيضحك ومتجوزتش وانتي بقا
إسراء :انا دخلت أدب انجلش وكنت شغاله بره مدرسه انجلش وحاليا نزلنا مصر ومتجوزتش كنت مخطوبه ومحصلش نصيب
عمر :ربنا يوفقك ويعوضك خير
كارما :شافتهم مع بعض ايه دا مين اللي قاعده مع عمر دي معقول تكون البنت اللي هيتجوزها معقوله لحق يحب غيري بتكلم في نفسها امال انتي عايزه يعمل ايه بعد كل اللي عملته فيه سبيه يعيش حياته سبيه يفرح خليكي مبسوطه لفرحه
عمر :شافها وهي بتبص ليهم وكمان إسراء اخدت بالها وسبتهم ومشيت
اسراء:مين دي هي بتبصلنا كدا ليه انت تعرفها
عمر :اه اعرفها دي كارما وعنيه هتدمع من بصتها ليه
اسراء: دي حبيبتك صح
عمر :بصوت هيعيط كانت
اسراء:ليه انت شكلك لسه بتحبها
عمر :عمر هي اللي مش عايزه
اسراء:أزي يعني دي عنيه كانت هتطلع لما شافتك قاعد معايا شكلها بتحبك
عمر :هي اللي قالتلي انا مش عايزك
اسراء:مش معقول اكيد في سبب
عمر :بقولك عايزك اساعديني في حاجه واسف اني هطلبها منك
اسراء:حاضر هساعدك
عمر :عايزك تعملي خطيبتي قدامها عشان قولت قدامها اني هخطب.....