رواية اصدقاء ولكن
الفصل الخامس5
بقلم شمس جمال
اول لما وصلوا الشارع
👤 1: شوفوا يجماعة الأستاذة شمس نازلة من عربية راجل غريب
👤 2: دي مش عامله اعتبار لاي حد
👤 3: طبعا مهي دايرة علي حل شعرها
شمس مستحملتش الكلام اللي بيتقال عليها وجريت بسرعه على شقتها وهي بتعيط ودخلت اوضتها ورزعت الباب جامد وهي اللي بتعيط ومنال واحمد اتخضوا
وجيمي تحت مسك العيال وضربهم جامد وقال اي حد هيتكلم عليها انا اللي هاقفله انا من النهارده اخوها اي حد هيتكلم عليها هشيله من علي وش الارض
بسبب العيال وطلع فوق عند شقه شمس
اول لما خبط الباب لقي احمد فتح
احمد بخوف وتوتر : خش يا ابني قول لي ايه اللي حصل بسرعه هي كانت كويسه وهي بتكلمني
جيمي حكالهم اللي حصل
اول لما اخلص شمس خرجت من الاوضه وقالت لهم على قرارها
شمس : انا خلاص نويت اني هلم هدومي وهروح اقعد عند منه صاحبتي لحد ما يجي معاد السفر
احمد : ماشي يا حبيبتي ما عنديش مانع اللي يريحك
جيمي : تسمحيلي اوصلك لحد هناك عشان اطمئن عليك وكمان عشان اعرف بيتها عشان ابقى اجي ازورك واخذ مامتك وباباكى يزروكي
شمس : ماشي ما عنديش مانع ربع ساعه واكون جاهزه
جيمي : احمممم طب انتي قلتي لصاحبتك دي علشان ما يبقاش فيها احراج
شمس : انا كلمتها وقولتلها وهي مستنياني
وراح جيمي ووصل شمس لمنة وحاولوا يعزموا علي حاجة لكن رفض لأنهم بنتين لوحدهم ودا مينفعش
منه : هو مين دا يا شمس
شمس : الضابط اللي كان بيحقق ف القضية
منه بتوهان : ااااااااه ططب يلا ناكل.
شمس : يلا
وكلوا وناموا
وعدت الايام وشمس خلصت إجراءات السفر بمساعدة منه وجيمي ومنه وجيمي قربوا من بعض اوي الفترة دي
وفي المطار
عمرو : بص البنت اللي هناك دي
سامر : مين قصدك شمس
عمرو : هي اسمها شمس
سامر : اه
عمرو : اسمها شمس وهي فعلا شمس
سامر : متسيبك منها يا عم
عمرو : خليك هنا دقيقه وراجعلك
وراح لشمس
شمس كانت واقفه لوحدها هو جه من وراها
عمرو : انتي معانا هنا ف البعثة
شمس اتخضت ولفت بسرعة ولما شافته بعدت شوية : ااااا اه ممعاكو
عمرو مد ايده بابتسامه خبيثه : انا عمرو وانتي
شمس مسلمتش عليه وقالت : اسفه مبسلمش علي ولاد
عمرو: ماشي سلاام
شمس اتنهدت براحه وراحت وقفت مع البنات
( ملحوظة قلبوظة : البعثة عبارة عن خمس بنات وخمس ولاد )
فضلوا ف المطار وبعدين مشيوا و سكن طلاب وهي كانت قاعدة مع واحدة اسمها جاسمين
جاسمين : انا جاسمين وانتي
شمس : انا شمس
جاسمين : عارفه انا عشت ف مصر 15 سنه
شمس : بجد عشان كدا لهجتك حلوة
جاسمين : انتي شكلك طيبة وجميلة كداا ممكن نبقي صحاب
شمس بابتسامه : ممكن طبعا وانا كمان اول ما شوفتك دخلتي قلبي علي طول
جاسمين : ماشي بصي بقي انا جاسمين 20 سنه عايشه ف انجلترا بقالي 10 سنين وعايشه لوحدي بقالي 4 سنين ومعنديش اخوات ها وانتي
شمس : اسمي شمس 20 سنه بردو عايشه طول عمري ف مصر و معنديش اخوات بردو
جاسمين : بس انا حاسه انك شايله هم كبير
شمس : بصي انا ارتاحتلك وهحكيلك
وحكتلها كل اللي حصلها
جاسمين : ياااه انتي اتحملتي كل دا لوحدك
شمس : الحمدلله على كل حال
جاسمين : طب يلا ننام دلوقتي وبكرا نكمل كلامنا
شمس : يلا
وناموا وصحيوا تاني يوم
جاسمين : صباح الخير
شمس بنوم : صباح النور هي الساعه كام
جاسمين : 9 يلا عشان نروح اي كافيه ونفطر
شمس: ماشي
ولبسوا وراحوا كافيه وفطروا ودفعوا الحياب ولسه هيمشوا
جاسمين : انا هروح التواليت واجي
شمس : اتفضلي
شمس كانت واقفه وشافت عمرو جاي وهي بتخاف منه و حست ان حد جه ووقف جنبها ف افتكرتها جاسمين ومسكت ايدها
شمس : يلا يا جاسمين نمشي بسرعة من هنا.
وحست ان دي مش ايد جاسمين ولفت عشان تشوف مين واتصدمت
كااااااااااااااااااات