رواية بنت السارق
الفصل الحادى عشر .....
بقلم سلى مصطفى
سهر مصدومة : مهما كان انتقامك من سليم مش بالبشاعة دى
ياسيف .... البنت ملهاش ذنب سليم لو عرف المصيبة دى
ممكن يقتلك فيها واكيد حيعرف .......
سيف بضحكة : متخافيش عليا ياسهر انا مرتب كل حاجة
....... وبعدين سليم دلوقتى روحه بقت فى ايدى خلاص ..... بنته معايا ...
سهر بقلق : انت عملت مصيبة كبيرة ياسيف وحتوديك فى
داهية ..... انت متعرفش سليم كويس ولا تعرف ممكن يعمل ايه؟؟
سيف بثقة : لا عارف ياسهر ........ عارف كويس كمان .......
اقفلى دلوقتى بقى عشان ملك صحيت من النوم .... سلام دلوقتى ....
ونهى سيف المكالمه مع سهر وبص لملك وقالها : صباح الخير يااحلى عروسة ...
ملك : صباح الخير ياسيف .... كنت بتكلم مين على الصبح كده ؟؟؟
سيف : احنا مش الصبح ياملك .... انتى بس اتاخرتى فى النوم شوية ...... ده سليم ابوكى ياملك ....
اترعبت ملك اول ماسيف قالها اسم ابوها وقالت : ايه ... كنت بتكلم بابا ؟؟؟ سالك عليا ياسيف ؟؟
سيف بضحكة : متخافيش اوى كده ياملك وجمدى قلبك شوية .... مسالنيش عليكى خالص احنا كنا بنتكلم فى شغل .....
وبعدين حتى لو سالنى عليكى ...... انتى روحتى لامك وانا معرفش اى حاجة عنك ...... صح ياملك ولا ايه ؟؟؟
ملك بخوف وقلق : صح ياسيف .... حقوم البس بقى عشان اروح كليتى ....
ضحك سيف وقال : كليه ايه ياملك اللى حتروحيها ؟؟؟ مفيش كلية تانى ياحبيبتى ....
ملك مصدومة : انت بتقول ايه ياسيف ؟؟؟ مروحش كليتى ؟؟؟
سيف بغضب : بقول اللى سمعتيه ياملك .... وبعدين كل الناس هنا عارفين انى ساكن لوحدى حيبقى شكلك ايه بقى لما الناس تشوفك نازلة وجاية عليه علطول .........
ملك مصدومة : يعنى ايه ياسيف ؟؟؟ انا مش حخرج من هنا خالص .... انا اتحبست هنا خلاص كده .....
سيف بخبث : انا خايف عليكى يا حبيبتى ومش عاوز حد يتكلم عليكى ....
ملك مصدومة ومدمعة : يعنى مش حشوف اختى ماسة .... ولا حروح لبابا تانى .... مش حقدر ياسيف ....
سيف بعصبية : يااادى ماسة دى ..... وبابا ؟؟ ماانتى مكنتيش حبة عيشة ابوكى دى .... انتى اللى اخترتى ياملك انك تعيشى معايا وانا مضربتكيش على ايدك عشان توافقى ......
وانا بعمل كده عشان خايف عليكى ..... الموضوع ده خلاص خلص كده ...... ومش عاوز مناقشة تانى فيه ......
ملك مصدومة : طب اقول لاختى ماسة ايه ؟؟ مبروحش الكلية ليه ؟؟؟ اكيد حتكلمنى وتسالنى ......
سيف بغضب : قوليلها اى حاجة بقى تعبانة زهقانة ..... مش شغلى انا بقى ....
ملك بوجع : اتغيرت معايا اوى ياسيف ...... مكنتش كده ...
سيف بخبث : انا متغيرتش معاكى ياحبيبتى ..... انا بعمل كده عشان خايف عليكى ...... وكفاية كلام بقى وامسحى دموعك دى وقومى حضرلنا الفطار ولا انزل منغير ماافطر ؟؟؟
ملك : حاضر ياسيف ...... حقوم .... وقبل ما تقوم ملك عشان تحضر الفطار لقت موبايلها بيرن .... وراحت بصة لسيف بخوف وقالت : الحقنى ياسيف ده بابا ......
سيف بعصبية : ردى عليه ياملك ومتخافيش ......... عشان ميحسش بحاجة ولو سالك انتى فين قوليله انك عند ماما ......
ملك بخوف : الوووو ايوه يابابا ....
سليم : عاملة ياحبيبتى ..... انتى كويسة ياملك؟؟
عيطت ملك جامد اول ماسمعت صوت ابوها وقالت : ايوه يابابا انا كويسة ...... انت وحشتنى اوووووى .....
سليم باستغراب : مالك ياحبيبتى بتعيطى ليه ؟؟ جوز امك عملك حاجة ؟؟ قولى وانا اجيلك دلوقتى ؟؟
ملك بخوف : لا .... لا يابابا ..... انا كويسة محدش عملى حاجة متجيش عشان ميحصلش مشاكل مع ماما ..... بس انت وحشتنى اوى .....
سليم : ومدام انا وحشك كده .... مش ناوية تيجى تعيشى مع ابوكى تانى ياملك انا زعلتك فى حاجة يا حبيبتى .... سهر انا حبعدها عنك خالص .....
ملك باكية : مش حينفع يابابا .... مش حينفع اجى عندك تانى ....
سليم : بيت ابوكى مفتوح ليكى ياملك فى اى وقت ..... انا حسيبك على راحتك ولو بتحبى ابوكى حتيجى .... مش حغصب عليكى فى حاجة ياحبيبتى .....
زاد عياط ملك جامد وقالت : سامحنى يابابا ....
سليم بغضب : انتى صوتك مش مريحنى ياملك .... فيه ايه ؟؟؟ ايه اللى حصل ؟؟
ملك بوجع : مفيش حاجة يابابا اطمن ... انت وحشتنى بس .... مفيش حاجة .....
سليم : طب ابقى طمنينى عليكى يا حبيبتى ..... ماشى ......
ملك باكية : حاضر يابابا ......
ونهت ملك المكالمة مع ابوها وهيه بتعيط برده ......
اتعصب سيف جامد من طريقتها فى الكلام وقال بغضب شديد : دى طريقة تكلمى ابوكى بيها ياملك ...... ده انا حسيت انى خاطفك كده حيشك فيكى طبعا وحتبوظى كل حاجة .....
ملك باكية : مقدرتش ياسيف .... ده ابويا .... واللى انا عملته معاه ده مش حاجة سهلة .......
سيفة بغضب : انا قايم ماشى ياملك ومش عاوز افطر ......... عشان انتى كلامك حيعصبنى .......... ونزل سيف من البيت وقفل على ملك الشقة بالمفتاح ....... منغير ماتحس بحاجة عشان متنزلش من وراه ومشى ........
قلقت ماسة على اختها ملك جداا لما راحت الكلية وملقتهاش جت ...... استنت بعد المحاضرات ماتخلص وراحت متصلة بيها علطوووول .....
ماسة : الووو ايوه ياملك ...... مجتيش الكلية ليه النهاردة ؟؟؟
ملك بقلق : تعبانة شوية ياماسة معلش .... ومليش مزاج الصراحة ....
ماسة بقلق : عاملة ايه مع جوز امك يا ملك ..... حصل حاجة ؟؟ عملك حاجة زعلتك ؟؟
ملك بوجع : لا ياماسة محصلش حاجة ...... انا كويسة متخافيش عليه ......
ماسة : ماشى ياملك خلى بالك من نفسك بقى انا بطمن عليكى بس ....... انا حقفل معاكى دلوقتى عشان جاسر بيتصل ماشى .... سلام دلوقتى .....
ماسة بلهفة : الوو ايوه ياجاسر انت فين ؟؟
جاسر : عاملة ايه ياماسة وحشتينى ياحبيبتى ... انا حوصل بكره ان شاء الله القاهرة ....
ماسة بفرح : الحمد لله ....... تيجى بالسلامة ياجاسر مستنياك ...... انت كمان وحشتنى اوى ....... على فكرة انا قولت لبابا كل اللى انت قولتهولى ونفسه يشوفك اووى .....
جاسر : انا كمان نفسى اشوفه اوى ..... خلى بالك من نفسك ياماسة لحد مااجى واوعى تروحى بيت امك تانى وانا اول مااوصل حكلمك ....
ماسة : حاضر ياجاسر .... مش حروح .... مستنياك .....
ونهت ماسة المكالمة مع جاسر وروحت على البيت ...... ودخلت علطوول على اوضتها منغير ماتتكلم مع سهر خالص .....
حست سهر بتانيب الضمير جامد بعد اللى حصل لملك ......... وحست بالذنب ان هيه السبب فى اللى حصلها وهيه اللى خلت سيف يعمل كده ........ راحت رايحة لماسة وخبطت عليها الباب وقالت : ممكن ادخل ياماسة ؟؟
ماسة : اتفضلى ياسهر .....
دخلت سهر الاوضة وبصتلها بكسوف وقالت : متزعليش منى ياماسة ..... انا مقولتش لاختك تسيب البيت وتمشى ومكنش قصدى ازعلها ولا اضايقها ...... مش عاوزاكى تزعلى منى انتى كمان ......
ماسة : انا مش زعلانة منك ياسهر اللى حصل حصل بقى ...... وهيه مرتاحة عند ماما دلوقتى .....
سهر : ماشى ياماسة انا رايحة على اوضتى ...... ولو احتجتى اى حاجة قوليلى انا زى مامتك ياحبيبتى ....
ماسة بابتسامة : حاضر ياسهر ..... وفى نفس اللحظة دخل سليم عليهم الاوضة وقال : غريبة ........ اول مرة اشوفكم بتتكلموا مع بعض حلو كده ......
ماسة بفرح : انت جيت يابابا .....
سليم : لسة واصل دلوقتى اهوه ..... عشان اشوف قعدتكم الحلوة دى .....
سهر : ماسة زى بنتى ياسليم ..... ربنا يعلم انا حبيت بناتك اد ايه دلوقتى ...... ومكنش قصدى ازعل ملك منى ولا كان قصدى امشيها من البيت .......
سليم : خلاص ياسهر الموضوع عدى ........ وابقى اطمنى على اختك ياماسة بقى ..... انا كلمتها النهاردة وصوتها مش عاجبنى الصراحة .......
ماسة بلهفة : كلمتها انا كمان النهاردة ...... اطمن هيه كويسة حكلمها واطمن عليها كل يوم متقلقش .....
سليم : تمام ياماسة .... ومشى سليم بره اوضة ماسة ........
وفى اخر الليل وبعد ماماسة وسهر نامواا .... قام سليم وكلم سيف على الموبايل بليل ......
سليم : الووو ايوه ياسيف فاضى اليومين اللى جايين دول ولا لا ؟؟؟
سيف : فاضى ياسليم فى عملية جديدة عاوز تعملها ولا ايه ؟؟
سليم : اه ياسيف .... ملياردير سعودى حيوصل بكره القاهرة ....... الراجل ده بنك متنقل ومش بيشيل فلوسه فى بنوك ......
حينزل فى اوتيل بكره علطول .....و اول ماينزل حبلغك بمكانه بالظبط ورقم اوضته ........ والمطلوب منك انك تعرف تدخل اوضته وتقلبه فى كل الفلوس دى ........
ورينى شطارتك بقى ياسيف ........... واحنا على اتفاقنا برده المرة دى الفلوس كلها لحسابك ايه رايك ياسيف مبسوط ؟؟
سيف بفرحة : اه طبعا مبسوط ...... واطمن كل حاجة حتتم زى ماانت عاوز .....
سليم : بس انت لازم حد يساعدك المرة دى ....... ويبقى معاك ويأمنلك المكان عشان تعرف تدخل اوضته مينفعش لوحدك ......
سيف : متخفش ياسليم ...... انا حتصرف ......
سليم : بس خد بالك ياسيف جاسر حيوصل بكره من السفر ..... يعنى حيبقى موجود هنا وانت عارف جاسر كويس ........
عاوز عينك تبقى فى وسط راسك وتاخد بالك كويس من نفسك .... ماشى ياسيف .......
سيف : متخفش عليا ياسليم ...... انا عندى طريقة حدخل بيها اوضته متخطرش على بال حد ولا على بال جاسر نفسه ........
وفى نفس اللحظة دى قامت ملك من النوم على صوت سيف وهوه بيتكلم فى الموبايل ......... راحت قايمة من على السرير بالراحة منغير مايحس بيها عشان تسمع بيتكلم مع مين ؟؟؟
سمعت ملك كلام سيف على الفلوس ...... وسمعت اسم الظابط جاسر استغربت وافتكرت اختها ماسة عن جاسر ..........
وبعد ماخلص سيف المكالمة مع سليم قفل الموبايل واتصدم بملك قدامه استغرب وقال بقلق : انتى صحيتى ياملك ؟؟؟
ملك بغضب : كنت بتكلم مين ياسيف بليل كده ؟؟؟ ومين جاسر اللى كنت بتتكلم عليه ؟؟