قصة
لعنية سحر الدماء-دهناشين
الجزء الرابع
انا مبقتش فاهم ايه الي بيحصل خالص ؟والبوليس بيستجوبني وانا مش عارف ليه ..يعني ايه دنيا ماتت وانا الي قتلتها ازاي ؟
اهلي وزمايلي وحسام صاحبي جابولي محامي وبعد التحقيقات تبين ان ساعت ما دنيا اتقتلت انا كنت فالشغل ..بس الغريب ان في شهود اني دخلت العمارة برده وطلعت شقتي فالوقت الي هي اتقتلت فيه .. الي بيحكيه الشهود ان البواب شافها طالعه عالساعه 11 كدا العمارة وانا روحت البيت الساعه 1 و الجيران سمعو صويت جامد جدا من البيت و صوتي وصوتها والبواب شافني وانا خارج علي الساعه 2 بس واحدة من الجيران قررت تنزل تطمن علينا يعني برده وتلطف الجو مابينا عريس وعروسه جداد وكدا وواجب نصحهم لما نزلت لقت باب الشقه مفتوح دخلت لقت دنيا متعلقه في مشنقه ف وسط الصالة ومدبوحة وحواليها فالارض دايره من الدم و فران ميته!
انا عقلي وقف عن التفكير فقدت النطق لمدة يوم مبقتش عارف اتكلم ولا احكي حاجه... طول منا اعد الوقت دا كله فالتحقيقات شايف الجن دهناشين واقف ورا الظابط مش عارف اصررخ ولا اسكت اصل قاتل وكمان مجنون؟
فالنهاية خرجت لان انا كنت فالشغل ف نفس الوقت وفيه شهود على دا وفيه اجتماع مع مديري كنت حاضره من الساعه 1 ونص ل 2 فنفس الوقت بتاع ارتكاب الجريمة ..
نزلت مع حسام نشم هو و اعدنا علي قهوه وحكيتله كل حاااااااااااجه من الأول فضل يسمع يسمع يسمع وميعلقش فالاخر قالي انا اعرف واحد ممكن يساعدك اسمه ظافر هو مش مصري بس بيتكلم مصري كويس لان حكايتك دي ياما مرض نفسي وهلاوس ودي اشك فيها يا انت اتلبست من الجن فالحل نروح للظافر ..
وافقت لان مقداميش اي حلول منطقية تانيه وجه اليوم الموعود وروحنا وصلنا لبيت من دورين في منطقة نائية جدا ..خبطتنا فتحلنا طفل صغير وشاولنا ندخل وقالنا اتفضلو دخلنا جوه لقينا واحد قاعد وادامه ترابيزه سفرة مدوره حواليها 5 كراسي هو اعد علي واحد منهم وعليها طبق غويط فيه ميه وجمبيه قماشة لونها احمر ..الراجل قالنا اعدو
فاعدنا
ف ظافر اتكلم وقال
حسام حكالي حكايتك يا احمد .. انا كل الي محتاج منكم انكو تسمعو الكلام الي بقوله من دون اي جدال
حاضر
لوسمحتم هقولكو اي حاجه تنفذوها يعني غمضو عنيكو تغمضوها ومتفتحوهاش ابدا الا اما انا اقول والا مش هعرف انقذكم من الي ممكن يحصل
حسام اتوتر شويه وبصلي لكن حاول يكمل ف دور البطل الشجاع الي بيساعد صحبه وقاله حاضر
حط ايده الاتنين جوه طبق الميه وقال حاجه ف سره وبعدين مسح وشه بالميه و اديه كانه بيتوضأ و جاب القماشه وفردها وغطي بيها الطبق وقالنا هاتو اديكو و غمضو عنيكو وزي مقلت اتبعو تعليماتي
غمضنا عينينا سمعته بيقول
بايغموش أيغموش مر عموش مر عموش موش مرش مريوش جل الجليل صاحب الاسم الكبير ان تكشف لي المستور والمحجوب
حسيت بحر شديد جدا و ان انا بتخنق مش ادر اتنفس فضلت اقول حسااااااام انت سامعني مبيردش
محدش بيرد وبعدين لقيته قال
اقسم عليك بحق مورص مريوقد قانش صمدرش قرهش
ان تطيعني في ما امرك به
قالي فتح عينك يا احمد
فتحت لقيت دهناشين واقف جمب حسام وحاطط ايده علي كتفه و حساام مبرق و عنيه بيضا تماما ومتخشب
قاله بحق ما اقسمت عليك به ان تسرد ماحدث
لقيت حسام بيتكلم بصوت غليظ مش صوته ابدا
يا سيدي ظافر انا خادم مطيع ..و قد وكلت بمنع زواج انسية
ما اسمك
دهناشين ابن الابارزة
و ما السبب في توكيلك
السبب ان الانسية دي عملت جريمة في حق انسية اخري قريبة لها ابنة خالة - ف استعانت بمن وكلني من اجل الانتقام
و بعدين
تم عمل سحر الدماء وكان يجدد كل عام بحيث تصيبها لعنة فلا تستطيع الزواج ابدا واذا تزوجت ينعكس عليها وتموت هي وزوجها
وما اسم ابنة خالتها
منار
وهل عملك انتهي يا دهناشين
لا لم ينتهي لان السحر قائم طالما زوجها علي قيد الحياة ان لم يموت فهو قائم ..حتي من تسببت بهذا السحر ستموت هي الاخري وكل من من دمائها سيموت هذه هي لعنة سحر الدماء علي كل من يقوم به ..لقد مات من ساعدها ..مات من استعانت به لتوكيلي ..قد لعن ايضا بلعنه سحر الدماء.. انه سحر سفلي لايجب القيام به ..لانه يتسبب فالموت المحتوم للكل من له صلة بالامر ..وانتم ستموتون ايضا
صرخ حسام فجاه ودهناشين اختفي
وبعدين بصلي وقالي في ايه؟ شفتو حاجه ؟ سكتنا انا وظافر مردناش عليه
بس لقيت ظافر اتوتر بانت عليه علامات الغضب وقال
اقذر انواع السحر هو سحر الدماء
قلتله والحل؟
نبطله
ازاي؟
سحر الدماء دا عباره عن الاستعانة ب خدام من اقذر انواع الجن بيعيشو علي اكل القذارة و بيقدملهم قرابين من دماء الحيوانات زي الفران الي بتعيش فالمجاري او غيرها من الحيوانات القذرة و القاء عزائم وقسائم محددة ..من افظع انواع السحر واستخدم منذ قديم الاذل ..بيتم القسم علي هؤلاء الخدام ب ملوكهم للطاعه وبتكون وظيفتهم غالبا التفريق بين المرء وزوجه لكن المرادي الموضوع اكبر ..لازم نبطله لان انت كمان هتموت ومنار نفسها هتموت لازم هي الي تبطله لانها المتسببه فيه طالما الساحر الي استعانت بيه مات فهي تعتبر القائمة بالسحر دلوقتي ..اي حد بيقترب من سحر الدماء بتصيبه لعنة اي حد ليه صلة بالامروحتي من بعيد ..اي حد حكيتله عن الامر بتصيبه ..لازم تنعكس كل الطقوس اللي اتعملت علشان يبطل السحر دا ولازم التضحية
تضحية؟
اه التضحية علشان نبطل السحر ولكن لازم يتم ذلك في نفس المكان الي بدا فيه السحر
والاقيه فين؟
دي سيبها عليا انا ..انتو قومو روحو دلوقتي وانا هوصل للمكان والا انت ادمك ايام معدوده وهتحصل مراتك
روحت البيت نمممممت وصحيت تاني يوم علي اتصال من رقم غريب رديت لقيته ظافر
قالي انت لازم تجيب منار باي طريقه وتيجي ادامك 3 ساعات وتكون فالعنوان التالي....
لبست بسرعه ونزلت روحت شقتي اللي دنيا اتقتلت فيها كنت عامل زي المجنون بدور علي تليفونها علشان اجيب رقم منار واكلمها لقيته محطوط ع الكومودينو جمب السرير فتحته دورت باسم منار ملقتهوش ..دورت ب ابنة خالتي ..ملهتهوش ..فالاخر لقيته باسم اختي .....اد ايه كانت بريئة وعلي نياتها ..ربنا يرحمها .. فضلت اتصل اتصل اتصل
فالاخر ردت عليا
الو
الو منار
مين؟ مين الي بيتصل من رقم دنيا
وسمعت صريخ جامد اوي وعياط
فالاخر واحده ست تانيه ردت عليا
الو.. منااار
انا مامت منار
طنط انا احمد جوز دنيا الله يرحمها و انا محتاج منار ضروري جدا مسالة حياة او موت
مامتها عيطت وقالتلي
منار يبني تعبانة جدا ومش عارفين نعالجها طول الوقت صريخ وعياط زي منت سامع وتنادي علي دنيا
طنط ممكن تقوليلي عنوانكو انا هاجي اكلمها
ماشي يبني
قالتلي العوان وبسرعه روحت ادامي ساعتين علي معادي مع ظافر ومفيش وقت للتراجع
جريت عالبيت وخبطت فتحت مامتها
سلام عليكم يا طنط
عليكم السلام يبني اتفضل
عايز اقابل منار بسرعه
بس يبني
معلش ياطنط الحكاية كبيرة اوي ومعنديش وقت احكيلك
اتفضل يبني
دخلت الاوضه شفت منظر عمري متخيلته منظر صعب جدا
منار خست جدا جدا جدا بقت جلد علي عضم اول مره اشوف حد وزنه بالشكل دا لابسه فستان ابيض قصير وشعرها منكووش وطويل ا
واديها مربوطة فالسرير
قلتلها انتي عارفاني
عيطت وقالتلي اه يا احمد عارفااك وكنت مستنياك
قلتلها ممكن تساعديني
ياريت اقدر اساعدك او اساعد نفسي
انا ممكن اساعدك بس تيجي معايا لازم نبطل السحر الي عملتيه
مامتها كانت واقفه ورايا قامت صرخت لما سمعت سحر وفضلت تعيط
قلتلها طنط مفيش وقت لازم تيجو معايا
منار قالتلي انا مش هقدراجي انت مش عارف ممكن يعملو فيا ايه
لاعارف هيموتوكي وهيموتوني انا كمان
ااه
انا اعرف شخص كويس جدا وهو هيساعدنا بس تيجو معايا والله مقدامكيش حل تاني انتي السبب فاللي حصل دا واكيد ضميرك بيعذبك دنيا ماتت بسببك وانا هموت وانتي كمان هتموتي
انا عارفه دنيا .. وفضلت تعيط وتصرخ
قربت منها وضربتها بالقلم مش عارف عملت كدا ازاي انا اول مره اضرب بنت
فضلت تعيط وقالتلي حاضر انا جاية معاك
نزلو معايا وركبنا العربية وكلمت ظافر قالي العنوان وروحنا
طول الطريق منارعمالة تقولي اانا اسفة مكنتش عايزه اعمل كدا بس انا حاولت المحلها اني بحب شريف ومش عايزها تتجوزه انا بحبه بس هي مفهمتش تلميحاتي ابدا واتخطبتله برده ..انا كنت مدايقه وزعلانه ومكنش ادامي حل ..انا عارفة ان ربنا مش هيسامحني وان الي عملته دا حرام بس والله مكنت اعرف ان حد هيموت كل كان غرضي انها وشريف ميتخطبوش و شريف يشوفني انا ويخطبني انا اسفة انت كمان ملكش ذنب اسفة اوي اوي اوي
كنت بتجاهل كلامها لحد موصلنا العنوان الي قالي عليه ظافر
قلتلهم انزلوانتو وادخلو وانا جاي وراكو و فتحت الموبايل وسجلت ريكورد بكل الي حصل معايا من اول متقدمت ل دنيا لحد دلوقتي وسيبت الموبايل فالعربية وشيلت الباص ورد منه معرفش ايه الي مكن يحصلي ممكن اموت او اتجنن او مرجعش تاني لازم الناس تعرف حكايتي
نزلت خبطت عالباب فتحلي ظافر
لقيت جوه منار اعده وماماتها اعد ين علي الكنبة وادامهم برده ترابيزة عليها طبق فيه ميه و قماشة لونها احمر وجمبيها كتاب صغير لونه بني و حاجه كدا انا مش عارف دي ايه زي ايد مقطوعة وفيها مسامير مغروسة ومتثبته ف خشبه صغيرة
ظافر قالي احنا هنروح المكان الي اتعمل فيه السحر ونبطله بس عايزكو تكونوا مستعدين لاي شي ممكن نواجهه
ماشي
بصيت لمنار ومامتها يعني وافقو
قالولي طيب نروح