قصة
لعنة سحر الدماء -دهناشين
الجزء الخامس والاخير
روحنا مقابر كانت قريبة من المكان الي كنا فيه دخلنا ووقفنا قدام قبر مكتوب عليه دنيا عبد الرحمن ..دا مش قبر دنيا الحقيقي فالست خالة دنيا قالت
ياشيخ دا مش قبر دنيا بنت اختي
قالها الجن نقل جثتها هنا
سكتنا كلنا
ظافر كان معاه شنطة فتحها وطلع قفص فيه فران وكيس فيه حاجات وقالي ساعدني
وانا بطلع الحاجه معاه سالته هنعمل ايه؟
نفذ الي بقوله بس عشان السحر
راح فتح القبر ونزل جوه وطلع معاه لفة لونها ابيض فتحها وطلع منها عضم ف منار ومامتها صرخو
زعقلهم قالهم اخرسو
قال منار اقفي هنا ادام القبر و حط العضم حواليها رصه علي هيئة دايرة و جاب القفص الي فيه الفران والكيس وطلع سكينة منه جيبه مسك فار ودبحه وفضل يلف حوالين منار ويكون من دم الفار دايرة تانيه حواليها
وحط القفص الي فيه الفران جمبها و طلع من الكيس علبه فيها بخور تقريبا و ولع فيه وحطه جمبها وقالي تعالي
هات ايدك ومسك السكينه قلتله هتعمل ايه ؟ قالي لازم هنحتاج دمك
عورني ف ايدي وجاب كبايه صغيره وفضل يعصر ف ايدي عشان تنزل دم كتير بس وخد الدم و رش نصه جوه الدايره حوالين منار ونصه علي منار نفسها غرقها بيه وقالي تعالي اقف بره الدايره بس وشاور لمامتها انها تقف بعيد شويه طول الوقت دا منار بتعيط وعماله تقول انا اسفه اسفه اوي يارب سامحني انا غلطانه وتقول الشهاده وتعيط ..فالحقيقه صعبت عليا بس مش عارف اعملها ايه انا كمان مليش ذنب ف كل دا
قالها اسكتي
وقالي انت متتحركش ووقف هو ادام الدايرة وغمض عنيه وقال
كرنفيش مرواديش كوانقوش مرهوبشاش مرهوبشاش شاروميش بكهيارش نردش رب رب لا يخاف دركا ولا يخشى حرست نفسى وجسدي وجسد احمد من الابارزة
قالها7 مرات
وبعدين قال
برهيولا برهيولا نموشلخ نموشلخ خوطير خوطير بسر بجوح اجهزط اقسمت عليكم ايها الارواح بان تجيبو دعوتي و تنهو ما بدات به وان تقبلو هذا القربان ك انهاء لسحر الدماء
بلاهيولا يرهيولا مزجل مزجل
سمعت صوت مش عارف اوصفه صوت رهييب الارض كانت بتتهز بينا بصيت علي منار لقيتها فتحت بؤها عاالاخر وصرخت صرخة عليا اوي واتخشبت مكانها ..ظهر كائن طويل جدا وضخم جدا وليه قرنين كبااار وجناحات كبيرة عنيه كبيرة جدا ولونها احمر ..جسمه جسم انسان بس راسة شبه كبش ...مسكها من رقبتها ورفعها فوووق ...فضلت تصرخ تصرخ ..بصلنا وقال
قبلت قربانكم ..
و الارض انشقت ادامنا وخرج منها ايادي كتير اوي سوده صغيره وقام الكائن رامي منار فالشق دا فالايادي مسكتها وفضلت تشدها لجوه وهي تصرخ تصرخ.. فاللحظه دي لقيت دهناشين الجن واقف معرفش هل كان موجود من الاول ولا دلوقتي ..
قام الكائن وجهله الكلام وقاله
وانت يا دهناشين قد عفيت ولم تعد موكلا بشي فلتتحرر ولتعد الي عالمك... فقد ابطل سحر الدماء ..
سمعا وطاعا ايها الملك المبجل ..
اتقفلت .الارض .واختفت كل حاجه
مامت منار فضلت تصرررررررررررررررررخ ووقعت مكانها . ..جريت عليها مفيش نبض ومبتتنفسش يبدو ان .جالها سكتة قلبية مستحملتش
بصيت لظافر لقيته ساكت مبينطقش
قلت لظافر ايه دا فين منار ومامتها ماماتها ماتت انت ازاي ساكت
ظافر قالي
منا قلتلك لازم التضحية انت هتعيش و السحر تم ابطاله وانا مش مسئول عن الباقي..واختفي من اادامي ..اتبخر
جريت عالعربية واتصلت بالبوليس عبال مجم كنت كملت كل تسجيل اللي حصل وبعت لحسام الريكورد وطلبت منه ينشره فكل مكان عشان الناس تعرف حكايتي ..
وبعدين؟
ولاحاجه و من ساعتها وانا مش بنام طول الييل الجن دهناشين ادامي طول الليل اعد عمال يضحك ..ودنيا ومنار طول اليل واقفين جمب الشباك وبيتكلمو مع بعض ..ومش بيوجهولي كلام خالص..ف مش عارف انام ..بابا كلم دكتور ودخلت هنا المستشفي ..بقالي 9 شهور ..ومستني انام ..الدوا مش بيعملي حاجه اعمل ايه يادكتورة ريناز؟
انا هكتبلك دوا تاني يا احمد ا هيريحك وهتنام
ياريت
وهنعد مرتين فالاسبوع جلسات نتكلم مع بعض
ايدي علي كتفك..
في حاجه تانيه عايز تقولهالي؟
لا شكرا ..اقوم انا دلوقتي اروح اوضتي ..
اتفضل
سماح
ايوه يادكتوره ريناز
فين التسجيلات الي جايه مع ملف احمد؟
فالدرج عند حضرتك الفلاشه وفيها كمان والملف كامل و التقارير الي كتبها دكتور كريم قبل .... قبل ميتوفي ..الله يرحمه
تمام ..روحي انتي
التسجيل رقم 1
بسم الله الرحمن الرحيم
انا الدكتور كريم مراد المكلف بعلاج الحاله بالغرفه 33
دا مش تقاريرر دي رسالة موجهه لاي حد هيجي بعدي يعالج حاله احمد
احمد قتل مراته ...كل الي بيحكيه دي هلاوس ناتجه عن اخطائة الماضيه ..عقله مش راضي يصدق انه قتلها وقدمها قربان للجن ..هو حكالي بنفسه عدة مرات ..بس بيرجع ينسي ويحكي نفس الحكاية ... بتاعته منار و ظافر
التسجيل رقم 2
انا بيحصلي حجات غريبة ..من ساعت قصه احمد ..مبقتش عارف اركز في شغلي طول الييل بحلم بدهناشين لحد ما في مرة لقيته ظهرلي فالحماام...
التسجيل رقم 3
انا مبقتش انام ..وخايف من كل حاجه ..انا روحت بيت احمد ..واهله ناس طيبين سمحولي ادخل اوضته ..ولقيته كاتب مذكراته..
التسجيل 4
بقالي 4 ايام بقرا مذكرات احمد ومبنامش ..مور البيت عمال ينور ويطفي ...دهناشين بشوفه فكل حته ..اول مبرفع عيني من المذكرات ...بيقولي ان انا كمان هموت علشان بقي ليا علاقه بلعنة .. بسحر الدماء
التسجيل 5
دا اخر تسجيل هسجله ..انا بشوف دهناشين كل يوم وبقي بيتكلم معايا..قالي ان احمد هو الي عمل سحر الدماء علشان يتجوز دنيا لانها مكانتش موافقه بيه وبتحب زميلها شريف فقرر ينهي حياتهم ..بس معرفش يتخلص من دهناشين بشكل نهائي و ويبطل السحر فعمل تعويذه تحميه مؤقتا من دهناشين بس بتخليه يسلطه علي اي حد تاني . وبعد ما شريف ودنيا ماتو سلطه علي منار علشان يحمي نفسه مؤقتا .وسلطه عليا ..انا همووت بس بحذر اي دكتور تاني ...هيعالجه انه يسيب المستشفي ويهرب..متعالجش احمد. متصدقش حكايته ...سيبه يموت علي ايد دهناشين ..اعزله ف غرفه ميقابلش حد ...في دكاترة ماتو قبل كدا بس محدش بيجيب سيرتهم ... ...دهناشين ...
صوت غليظ غير مفهوم : لقد حان موعد موتك الان
صوت صرااااااااااخ
..
ذعرت الطبيبة و حاولت القيام والفرار من المشفي بعد ما سمعته ولكن ..لعنة سحر الدماء تصيب كل من يقترب من الامر
وجدت جثة الطبيبة ريناز صباحا .... في مكتبها ملقاة علي الارض وجاحظة العينين ..يبدو انها قد اصابتها سكتة قلبية عقب رؤيتها لشي مفزع...
لعنة سحر الدماء تصيب كل من يقترب من الامر
..احترس انت ايضا فقد قرات عنها
النهاية