رواية #لست_ملكي
(الجزء الثالث)
#بقلم_آيه_عادل
قربت من خالد وهو كان بيضحك ومش في باله اي حاجه خالص حتي اختي رقيه كانت بتسقف ومش في دماغها اني بحب خالد اللي بقي خطيبها
امي لاحظت هي ورانيا راحت رانيا شديتني من ايدي وقعدت ترقص معايا ساعتها فوقت لما لقيت رانيا بتبصلي بنظره عتاب ولوم وراحت شديتني من ايدي وقالتلي : تعالي هنا انتي ايه اللي بتعمليه ده يا رنا انتي بتغيري من اختك عشان اتخطبت قبلك
رنا : لا طبعا ايه اللي بتقوليه ده انا اغير من اختي
رانيا : يا حبيبتي بكره نصيبك يجيلك ما انا قدامك أهو انا اختك اللي اكبر منك ومبسوطه وفرحانه ل اختنا دي رقيه يا رنا اللي عمرها كله بتضحك وتهزر وسايبه جوانا كلنا علامات من الفرحه والضحك انتي لازم تفرحيلها
رنا : بس بقي افهميني انا بحب خااالد
لحد كده وفجاه اتصدمت من اللي قولته رانيا بصتلي بصدمه وقالت
ايه اللي بتقوليه ده انتي مجنونه ده بقي خطيب اختك
رنا : عااارفه بس انا بحبه من زمان يا رانيا وعمري مافكرت في حد غيره خالد ده كل حاجه بالنسبالي انا رفضت كل اللي اتقدمولي علي أمل اننا نتجوز يا رانيا
رانيا : وليه ماقولتيليش او فهمتي رقيه من اول مااتقدملك
رنا : خوفت ، خوفت اجرحها او ابان قليله ومش مرغوبة هو اصلا مش حاسس بيا
رانيا : يبقي لازم تنسيه وتبطلي اللي انتي فيه ده وافتكري انه حرفيا بقي زيه زي رحيم اخونا ونحرم عليه يا رنا والموضوع يتقفل لحد كده وماتكسريش فرحه اختك
رنا : حاضر يا رانيا هعمل كده بعد اذنك
رانيا : رايحه فين
رنا : داخله امتلاك قوليلهم اني تعبت وجالي صداع
رانيا : لا انتي هتيجي معايا وهتقفي جانبي وافردي وشك وبطلي تعملي حركات هبله انتي عارفه لو رحيم حس بحاجه هيعمل ايه ؟؟ هيفسخ خطوبه اختك وهيبقي ولا انتي ولا هي اعقلي
رنا : حاضر
عدي اليوم بالطول والعرض و قعدو كلهم بعد ما الناس مشيت ومافضلش غير خالد وخديجه ومامتهم وانا ورانيا ورقيه ورحيم وماما اتعشينا ومشيو علي الساعه 2بالليل دخلت غيرت ونمت مكنتش قادره اتكلم او حتي اتحرك
تاني يوم
رقيه دخلت عليا الاوضه وقالتلي
رقيه : ايه يا ستي ماقولتيليش رأيك ايه في اليوم امبارح
رنا : كام يوم حلو يا حبيبتي ربنا يسعدك
رقيه : يارب يا حبيبتي
رنا : انتي بتحبي خالد او ابتديتي تعجبي بيه
رقيه : والله يا حبيبتي هو بيحبني اوي ومن حبه فيا ابتديت احبه علي فكره هو هيجي يتغدا معانا النهارده ، صحيح عرفتي ان رحيم هيكتب الكتاب خلاص علي خديجه الاسبوع الجاي
رنا : اها يا حبيبتي ربنا يتمملكم علي خير يارب انتو اتفقتو الفرح هيبقي امتي
رقيه : اها هيبقى كمان كام شهر كده هنعمل فرح واحد انا وخالد ورحيم وخديجه
رنا : طيب وجامعتك
رقيه : هكمل بعد الجواز عادي يا قلبي يعني
رنا : عمر ماكان تفكيرك أبدا يارقيه للدرجادي حبيتي خالد
رقيه : لما حد يلاقي الإنسان اللي بيدور عليه بيبقي كل شئ بعد كده بيجي سهل مادام مع بعضينا ومتفاهمين انا مبسوطه يا رنا ربنا يكرمك بإنسان يحبك ويحتويكي
بعد مرور 6 شهور كانو أصعب 6 شهور عدو علينا كلنا كنا بنحضر شقتين شقه رحيم وشقه رقيه شقه رحيم كانت في نفس البيت بتاعنا وشقه رقيه كان بعدينا بشارع في يوم كنا بننضف شقه رقيه انا وماما ورانيا وكان وقت امتحانات رقيه كنا بنروح احنا وبنخلص كل حاجه ونخليها هي في مذاكرتها كانت امتحانات آخر السنه بتاعت 3جامعه
الام : بقولكم ايه يابنات انا وضبت الدولاب بتاع الاطفال ورصيت النيش انتو بقي عليكم انكم تقسمو بعض وتشوفو هتعملو ايه انا هروح البيت اعملكم الغدا وابقي اجيلكم
انا ورانيا قسمنا بعض رانيا بتنضف الشقه وانا كنت بظبط دولاب رقيه وبطلع الهدوم من الشنط
رانيا : بقولك ايه انا خلاص هقع من طولي هروح اتغدي واجيبلك نصيبك واجي
رنا : ياستي بقي خليكي معايا انا مش بحب اقعد لوحدي
رانيا : بقولك ايه انا جعانه ولو فضلت كده هاكل عفش رقيه
رنا : روحي يا رانيا روحي يلا وهاتي وانتي جايه أكل وحاجه ساقعه
رانيا : طيب انتي بس خلصي اللي وراكي علي بال ما اجي
مشيت رانيا وفضلت في الشقه لوحدي كنت خلاص ابتديت انسي خالد
كنت مشغوله ومركزه في اللي بعمله فجأه سمعت باب الشقه
بيتفتح افتكرتها رانيا قولت اروح اخضها فضلت ساكته ولما
لقيتها بتفتح باب الاوضه صرخت في وشها لقيت خااالد هو
اللي في وشي وقعدنا احنا الاتنين نصرخ من الخضه