رواية المراة المسكونة
الفصل الرابع .....
بقلم سالى مصطفى
نهلة بخوف شديد : ايه حكاية الست دى ياماياا اللى انتوا
بتشوفوها ........ انا مبشوفش اى حاجة فى اوضتك ولا بحس باى حاجة .........
ماياا بخوف : مش عارفة يانهلة بس انا حاسة بحاجات مش
طبيعية بتحصل فى اوضتى الايام دى ....... واصوات لناس غريبة اول مرة اسمعها ......
وفجأة صرخت مى جامد وقالت بخوف : اهيه .....اهيه..... ياماما واقفة هناك اهيه فى آخر الطرقة هناك عند اوضة خالتوو .......
بصت نهلة بسرعة على آخر الطرقة ملقتش اى حاجة وقالت باستغراب : فين دى يامى ؟؟ انا مش شايفة اى حاجة ياحبيبتى ......
مى : كانت واقفة هناك دلوقتى ياماما ........ ولما شافتنى دخلت اوضة خالتوو علطوول ..... شوفتيها ياخالتو صح ؟؟؟
ماياا بخوف شديد : شوفتها ياحبيبتى .... شوفتها .......
نهلة باستغراب : شوفتيها ؟؟؟ اشمعنا انا اللى مش شايفاها يعنى ؟؟؟
ماياا بخوف شديد : خلاص يانهلة بقى اقفلى بابا الاوضة ده دلوقتى ويلا ننام ........عشان انا بجد خوفت اوى ..........
وعندى بروفة كمان بكره من بدرى ......... وعاوزة انام كويس عشان ابقى مركزة الصبح .........
وتانى يوم قامت ماياا بكل نشاطها وبسرعة جهزت نفسها للبروفة ....... وفضلت مستنية الفرقة والملحن لحد ماييجواا .........
وفجأة الباب خبط جامد راحت قايمة ماياا تفتح بسرعة ........ واتصدمت بمراد قدامهاا بصتله باستغراب وقرف جامد وسابته ودخلت على جوه ......
دخل مراد وراها علطول وقال : مالك ياماياا ؟؟ شكلك مش مبسوطة انك شوفتينى يعنى ...........
ماياا بقرف : ايووه كده بالظبط يامراد ...... انا مش مبسوطة انى شوفتك .....
مراد بضحكة : ليه بس كده ياماياا ؟؟؟ وانا اللى سايب كل اللى ورايا وجايلك ........... عشان احضر البروفة بتاعتك واسمعك وانتى بتغنى ........
ماياا بغضب : وانا مطلبتش منك تعمل كده ........ وعشان تبقى عارف بقى انا عملتها فى البيت مخصوص عشان منزلش معاك ومتوصلنيش .........
تقوم تيجى ورايا هنا انا مشوفتش برود اكتر من كده الصراحة ..........
مراد بغيظ : لسانك طويل اوووى ياماياا ...... بس مشكلتك انى بحبك ومبحبش ازعلك ولا بعرف ازعل منك برضو ......
ماياا باستغراب : اه ماهوه واضح جدا يامراد ......... ده انت حتى ايديك لسة معلمة على وشى لحد دلوقتى !!!! ...... انت اللى بتكرهنى فيك بسبب تصرفاتك الهمجية دى ......
ضحك مراد وقال : ميبقاش قلبك اسود بقى ياماياا ...... احنا خلاص خطوبتنا الاسبوع الجاى ......... واوعدك ان ايدى دى مش حتتمد عليكى تانى ابدآ ........
ماياا مصدومة : خطوبتنا الاسبوع الجاى؟؟ مين اللى قال الكلام ده ؟؟؟ انا مش حتخطب ليك يامراد ابدآ ولا حتجوزك ...... مستحيييل ........
وفى اللحظة دى خبط الباب مرة تانية جامد وورا بعض .......
راح باصص مراد لماياا وهوه متعصب ومتغاظ وقال بغضب : طب روحى افتحى الباب دلوقتى ياماياا ومتعصبنيش عليكى ........ شكل كده فرقتك جت ونتكلم فى الموضوع ده بعدين بقى ........
خافت منه ماياا اوووى وجرت بسرعة عشان تفتح الباب ....... لقت الملحن والفرقة ومعاهم اخوهاا احمد كمان على الباب .........
احمد بفرح : شوفتى بقى ياماياا .......جبتلك الفرقة وسيبت شغلى وجتلك عشان متزعليش واحضر معاكى من الاول .........
ماياا بفرح : ميرسيه اوى يااحمد ...... انا فرحانة انك حتحضر معايا البروفة دى بجد ........
احمد : طب يلا ظبطى حالك بقى عشان نبدأ ........ واخد احمد ماياا والفرقة ودخلوا على جوه بسرعة ...... واتفاجأ بمراد قدامه علطوول ......
احمد باستغراب : انت هنا من بدرى يامراد ولا ايه ؟؟؟؟
مراد : لا يااحمد انا لسة واصل حالا ..... انا جاى عشان احضر البروفة بس .....
احمد باستغراب : ااااه ....... تحضر البروفة ......... ماشى يامراد ......
وبدأت ماياا تغنى اغنيتها الجديدة وكان اسمها ( حبيبى بحلم بلقاك ياحبيبى ) ومراد واحمد مركزين معاها على الآخر ومركزين اوى مع صوتها .........
ماياا بتغنى : حبيبى يا حبيبى بحلم بلقاك ياحبيبى وتاخدنى معاك يا حبيبى ......لدنيا بعيدة مفهاش غير إحنا الاتنين ........ لدنيا جميلة وياك تبقى احلى سنين ......... يااجمل عمر انا عيشته واجمل حب انا شوفته ......... واجمل حلم انا حلمته فى حضنك خدى خبينى متبعدنيش .......
احمد بفرح : براافوووووووه ماياا ...... رائعة ....
مراد بفرح : ممتازة يامايااا ....
تجاهلت ماياا مراد خالص وقالت لاحمد : بجد يااحمد عجبك صوتى ؟؟؟
احمد بفرح : راااائعة ياحبيبتى ..... ربنا يوفقك .......
اتغاظ مراد من طريقة ماياا معاه وقام وقالها بغيظ : ومين حبيبك ده بقى يا ماياا اللى انتى كنتى بتغنيله ؟؟؟؟؟
مايااا باستغراب : وانت مالك يامراد ؟؟؟ ايه علاقتك يعنى ؟؟؟ مزعلاك الاغنية فى حاجة ........
احمد باستغراب : اه صح يامراد .... ايه اللى مزعلك من الاغنية يعنى ؟؟؟؟
مراد بغيظ : مفيش حاجة يااحمد ...... انا ماشى ...... ومشى مراد ورزع الباب وراه جامد ..........
مايااا بضيق : اووووف .... انا مكنتش عاوزاه ييجى اصلا ........
احمد : خلاص يامايااا ......... الحمد لله انه مشى بدل ما كانت تحصل مشكلة تانى ........... يلا نعيد من تانى بقى ..........
ماياا : حاضر يااحمد ...... وبعد ما خلصت ماياا البروفة بتاعتها وعلى اخر اليوم كده ............ دخلت ماياا على اوضتها ونست موضوع الست المرعبة دى خالص وقفلت الباب وراها كمان ..........
وراحت مسكت موبايلها واتصلت بصاحبتها مريم .......
ماياا : الوووو ايوه يامريم وحشتينى ياحبيبتى ......
مريم : انتى كمان ياماياا وحشتينى ....... فينك مش بتيجى النادى ليه ؟؟؟
ماياا : اوامر بابا ياستى بس انا حعوضهالكم ........ انا حفلة عيد ميلادى بعد بكره علطوول ......... وحعملها فى النادى حضروا نفسكم بقى وقولى لبقية البنات .........
مريم بفرح : كل سنة وانتى طيبة ياماياا ......... اكيد حنستنى كلنا الحفلة دى على نار وحتبقى زى القمر كعادتك .......
ماياا : يارب يامريم وابقى مبسوطة اهم حاجة ....... نفسى نقضى يوم حلو زى زمان بقى ..........
مريم : ان شاء الله ياماياا حتبقى حفلة جميلة وحتنبسطى اكيد ..... وانا حالا حكلم باقى البنات عشان يجهزوا نفسهم ........
ماياا : تمام يامريم ..... سلام دلوقتى بقى ...... عشان انا عاوزة اتقتل نووووم وكان عندى بروفة من الصبح وتعبانة جداا ...........
مريم : ماشى ياماياا .......... نوم الهنا مع السلامة يا حبيبتى ........
قفلت ماياا التليفون مع مريم ....... وقامت وفتحت الدولاب عشان تغير هدومها وتنام ........ لقت هدومها كلها عليها نقط دم كتييير ومتقطعة زى هدوم الست اللى شافتها .........
صرخت ماياااا جااامد اول ما شافت الهدوم بالشكل ده وافتكرت منظر الست دى راحت بصة للمراية بسرعة وقالت بخوف شديد : انتى عاوزة منى ايه ؟؟؟؟؟؟؟ بتعملى فيه كده ليه ؟؟؟؟؟
وفى اللحظة دى شافت ماياا الست المرعبة دى قدامها فى المرايااا بوضوح جدآ ......... وصوت ضحكاتها عالية اوووى واتهزت المرايا مرة تانية جامد من صوتها ............
صوت مرعب لسيدة مع الضحكات : ماياااااااا ....... مايااااااااااا متروحيش حفلة عيد ميلادك دى يامايااا .............
لو خرجتى وروحتى حفلة عيد ميلادك دى حتمووووتى حتموووووتى ياماياااااااااااااا