رواية ابن الجيران
الفصل الحادي عشر
بقلم نورسين
وبعد ان انصرف .. اتصلت نانسي بتامر
ألو .. ازيك يا حبي .. عامل اييه ؟؟
تامر : كويس 😠😠
نانسي : اييه ده .. هو انت كده كويس ؟؟
تامر : اه .. كويس
نانسي : طيب مالك متعصب كده ليه .. في حاجه حصلت عندك ؟؟
تامر : لأ ..مفيش 😠😠
نانسي : طيب انا زعلتك ف حاجه ؟؟
تامر : معرفش والله .. ده انتي ممكن تحكمي عليه بنفسك
نانسي : بس انا مش فاكره اني عملت حاجه تزعلك
تامر : طيب تمام .. طالما انتي مش شايفه انك عملتي حاجه تزعلني .. يبقاا اما تعرفي تبقي تكلميني .. انا هقفل دلوقت الولاد منتظرني في الملعب .. عندي ماتش كوره .. سلام
وأغلق الهاتف ولم يوضح لها سبب زعله منها .. تركها لتفكر ماذا فعلت .. بدأت تتحدث لنفسها .. هو اييه اللي انا عملته طيب انا مش فاكره اني عملت حاجه .. اييه يا ربي ده 😥😥
نغم : مالك يا بنتي .. اتجننتي .. بتكلمي نفسك ؟؟😂😂
نانسي : تامر زعلان مني وانا مش عارفه انا عملت اييه ومش قادره افتكر حاجه خالص 😭😭
نغم : طيب ليه مسألتيهوش ؟؟
نانسي : سألته بس قالي طالما مش فاكره .. خلينا نتكلم اما تعرفي
نغم : طيب متضايقيش نفسك .. هو مش هيقدر يستغني عنك ولا يتأخر عليكي كتير .. بعد شويه هتلاقيه بيكلمك
نانسي : ماشي
مرت ساعه من الزمن وفجأه
سلمي : هو في اييه الدوشه اللي ف الشارع دي ؟؟
حد يروح يشوف اييه صوت الناس اللي تحت دي
نيره تتوجه مسرعه تنظر من الشرفه وتعود لتبلغهم
نيره : إلحقي يا ماما ده تامر ابن طنط أمينه اصحابه شيلينوا ورجله متجبسه لحد الركبه وطلعوا بيه علي البيت
سلمي : يا ساتر يارب .. اييه الخبر ده علي آخر الليل كده
نانسي تنظر لنغم 😯😯 وتهمس .. تامر .. ثم تتوجه لغرفتها وتلتقط هاتفها وتتصل بهدير
ألو .. ازيك يا هدير .. هو تامر اييه اللي حصل معاه ؟؟
هدير : الحمد لله بسيطه .. وقع وهو بيلعب كوره ورجله اتكسرت .. اصحابه جريوا بيه علي المستشفي وعملوا اشاعه والدكتور جبسها وقال شهر في الجبس وراحه في السرير
نانسي : شهر في السرير 😯😯
هدير : الحمد لله انها جت علي قد كده .. هو اصلا كان نازل متعصب معرفش ليه .. وسألته مرضيش يقول حاجه وتلاقيه راح طلع عصبيته ف الكوره
نانسي : الحمد لله .. ربنا يتم شفاه علي خير
واغلقت هاتفها وسقطت دموعها خوفاً عليه .. فكرت كثيراً ان تتصل به ولكنها فضلت ان تؤجل الاتصال لوقت متأخر من الليل حتي يكون تامر بمفرده
انها الثانيه صباحاً .. هدأت الاصوات وساكن السكون سيد الموقف .. إلتقطت نانسي هاتفها وقامت بالاتصال بتامر
ألو 😥😥 انت تعبان صح 😭😭
تامر : بتعيطي ليه طيب دلوقت
نانسي : لا مش بعيط
تامر : لأ بتعيطي .. يا حبيبتي انا كويس متقلقيش علياا
نانسي : انا عارفه ان رجلك وجعاك وانت بتقول كده وخلاص .. طيب احكيلي اييه اللي حصلك .. ازاي وقعت علي رجلك ؟؟
تامر : ابداً كل اللي حصل اني كنت متعصب شويه وبدال ما اشوط الكوره شوطت الحجر فحصلي شرخ في وش رجلي وعلشان كده الدكتور قال لازم تتجبس لحد قبل الركبه
نانسي : وانت ليه كنت متعصب .. بسببي ؟؟
تامر : يعني انتي لسه بتسألي
نانسي : مهو انا مش عارفه انا عملت اييه معصبك ومزعلك مني .. قولي انا مش فاهمه حاجه
تامر : مين اللي كنتي واقفه معاه في البلكونه وبتهزي وبتضحكي وصوتك عالي .. انا شوفتك وانا داخل البلكونه ورجعت ومرضتش ادخل .. قولت اسيبك علي راحتك
نانسي : اااااه .. انت قصدك علي علي صح
تامر : معرفش انا علي ولا مين .. انا اللي بسألك
نانسي : ده علي ابن خالتي ويبقاا صديق مقرب لياا وكان بيحكيلي علي البنت اللي بيحبها وبس كده
تامر : طيب ما شوفكيش واقفه معاه او مع اي حد في البلكونه وتهزري وتضحكي بصوت عالي تاني .. عاوزه تقفي يبقاا من سكات .. سامعه 😠😠
نانسي : سامعه .. حاضر .. اقولك حاجه
تامر : قولي .. سامعك
نانسي : اول مره احس بغيرتك .. حاسه ان قلبي من كتر ما هو بيدق هيخرج من مكانه ..
تامر : وانتي شايفه ان لياا حق اغير ولا لأ
نانسي : اكيد ليك طبعاً ..بس انا مكنش قصدي اني اضايقك .. انا اتصرفت بتلقائيه وذي ما انا متعوده .. انما الحمد لله الموقف ده أكدلي حاجات كتير .. كل اللي مزعلني ان رجليك وجعاك بسببي واني مش هعرف اشوفك لمدة شهر .. ده كتير اووي علياا 😭😭
تامر :خلاص الحمد لله انها جت علي قد كده .. بسيطه
وبعدين مين قالك اني هقعد في السرير شهر ده انا اموت من الخنقه .. يعدوا بس الكام يوم اللي ف الاول وبعد كده هتشوفيني عادي .. هسند علي العكاز وهقوم .. انا مقدرش مشوفكيش .. ده انا يجرالي حاجه
نانسي : بعد الشر عليك .. مش تقول كده تاني 😥😥 .. طيب انا سهرتك اووي .. ياله ارتاح ونام والصبح هكلمك اول لما اصحاا
تامر : هستناكي .. متتأخريش علياا .. سلام
نانسي : حاضر ..سلام
وأغلقت هاتفها وأحتضنت عروستها باربي وذهبت في ثبات عميق حيث أحلامها بمن يسكن فؤادها
انقضت ساعات الليل واقبل النهار بشروق شمس صباح اليوم الجديد
استيقظت نانسي وعندما فتحت عينيها إلتقطت هاتفها لتتصل بتامر
ألو .. صباح الخير حبيبي .. عامل اييه النهارده .. رجلك عامله اييه ؟؟
تامر : صباحك سعاده يا قلبي .. انا بخير الحمد لله طول ما انتي جواا قلبي .. متقلقيش انا تمام
نانسي : الحمد لله يارب دايما تكون بخير .. هروح اغسل وشي وافوق وافطر وهبقاا اطمن عليك تاني .. انت فطرت ؟؟
تامر : اه يا حبيبتي فطرت من بدري واخدت الدواا .. روحي شوفي اللي وراكي واما تخلصي كلميني
نانسي : ماشي .. سلام
مر اسبوعين ونانسي دائمة الاتصال بتامر ليلاً ونهاراً ..
في مساء ليله من اليالي .. اشتاقت ان تراه .. فسجلت له اغنيه بصوتها
وحشت قلبى .. لما غبت علية ثوانى
وحشت قلبى .. ياللى قلبك مخلوق عشانى
وحشت قلبى .. وأنت جمبى هعوز اية تانى
صورتك ف عنيا شايفها ملاك
معشتش دنيا غير وياك
دورت عليك أنا ولقيتك
من بين الناس أنا حبيتك
وأخترت هواااااااك
وبموت فيك وانت بتلمسنى
وبحبك ليا محسسنى
ان انت حبيبى بقيت ليا
قدامى وشايفك بعنيا
وحياتى معااااااااك
وحشت قلبى .. لما غبت علية ثوانى
وحشت قلبى .. ياللى قلبك مخلوق عشانى
وحشت قلبى .. وأنت جمبى هعوز اية تانى
وعندما انتهت من الاغنيه تحدث إليه .. انت وحشتني اووي ووحشت قلبي .. نفسي اشوفك .. الاسبوعين مروا علياا و كأنهم سنتين .. بدعي ربنا ليل نهار عشان تخف وترجع تاني ذي الاول واقدر اشوفك وقت ما احب ❤
وعندما انتهت ارسلتها له
وبعد دقائق سمعت صوت الموسيقي ينبعث من غرفة تامر ..
خليك حبيبى هنا جنبى
هنا جوة قلبى
هنا يالى روحى فى هواك
ليالى وانا على حالى
ودايما فى بالى
بحبك وهفضل معاك
ليك حق ياحبيبى فيا
واكتر مالية
حياتى متغلاش عليك
يارب اعيش العمر كلة جنبك
فى حضنك فى قلبك
فى ضحكة بشوفها فيك