رواية ابن الجيران
الفصل التاسع
بقلم نورسين
*** فلاش باك ***
من اسبوعين اتصل زين بمحمود والد نغم وطلب منه مقابله بعيداً عن البيت
اتفق معه محمود انه يقابله في العمل حتي يستطيعوا الكلام بحريه
وفي اليوم التالي تمت مقابلة زين و محمود وتحدثوا معاً بخصوص نغم وحكي زين له عن كل حياته وكل ظروفه .. ووقتها تقدم لخطبة نغم من محمود وكان رده انه سيفكر ويعرض عليها الامر ثم يعود ويبلغه الرد و ما كان من زين الإ أن رفض أن يبلغها محمود بذلك الخبر فهو يريد أن تكون مفاجأه لها وتتم الخطبه يوم زفاف نورهان .. فوافق محمود علي الفكره وقال له سوف أفكر واعطيك الرد قريباً
انهي محمود المقابله مع زين وبعد انتهاء الوقت المحدد للعمل عاد لبيته وبعد ان تناول طعام الغداء مع الاسره ثم انفرد بسلمي في غرفتهم ليتحدث إليها
محمود : انتي فاكره امبارح لما دخلتي علياا وقولتيلي انت بتكلم نفسك
سلمي : اه وانت قولتلي الشغل
محمود : بصراحه هو مكنش الشغل ولا حاجه
سلمي : طيب في اييه قلقتني
محمود : لأ مفيش قلق ولا حاجه .. في واحد من زملاء نغم اتصل بياا وقابلني النهارده في الشغل وشرحلي كل الظروف وطلب انه يتجوزها و انا قولتله هفكر وهرد عليك ان شاء الله .. بس خلي بالك هو مش عاوزها تعرف لو وافقناا عليه .. عاوز يعملها مفاجأه ويقدم لها الشبكه يوم فرح نورهان
سلمي : طيب وانت رأيك اييه في الموضوع ؟؟
محمود : انا مش شايف ان الولد في اي حاجه تخلينا نرفضه .. انا من بكره هسأل عليه ولو اتأكدت من كلامه هطلب مقابله والده علشان نتفق علي كل حاجه وانتي متحكيش اي حاجه لأي حد ده طلب الولد انه نفسه يشوفها فرحانه
سلمي : خلاص ماشي انا مش هتكلم وبعدين طالما عاوز يعملها مفاجأه يبقاا هما عارفين بعض كويس ويمكن بيحبوا بعض من زمان كمان .. هييييييح بيفكروني بأيام زمان لما كنت بفضل واقفه بالساعات وراا الشباك ف عز البرد علشان استناك اما ترجع واطمن عليك ومكنتش بنام غير اما اشوفك والإ بقاا لما روحت الجيش عدت علياا ايام ما يعلم بيها غير اللي خالقها .. ايام كلها قلق وتوتر وقلة نوم .. ياله المهم انك ف الآخر جيت واتقدمتلي واديني اهوه عايشه بحمد ربنا علي كل دقيقه بعيشها معاك
محمود : الحمد لله علي كل حال .. ربنا يديم علينا الهدوء والاستقرار ونفرح بالبنات ..
انهوا حديثهم وتوجهت سلمي للمطبخ اما محمود فألتقط الجريده ليتصفح ما بها من اخبار جديده
وبعد ثلاث ايام من البحث تأكد محمود من ان كل كلام زين مظبوط اتصل وابلغه رده بالموافقه وانه لابد من مقابله مع والده ليتفقوا علي كل شئ وقد كان
بعد يومين تقابلوا جميعهم واتفقوا علي اتمام الخطبه يوم زفاف نورهان ومازن
نرجع لأحداثنا تاني
نغم دمعت عيناها ثم ضحكت و هزت برأسها فأقترب منها زين وألبسها خاتم الخطبه وقبل جبينها وصفق الجميع وعلت الفرحه والابتسامه وجوههم وعلت الموسيقي من جديد لتملأ المكان وتراقصوا علي كلمات
صدقيني لما اقول .. ان النهارده بدات اعيش
والي فات من عمري قبلك كان مفيش
يالي اسمك ايوه مكتوب فوق جبيني
صدقيني لما اقول .. ان الليلادي عليا عيد
حاسس اني ف دنيا تانية ويوم جديد
اتولدت لما انتي حبتيني
اقترب تامر من نانسي وهمس لها
تامر : ما تيجي اخطبك انا كمان دلوقت من بابا عشان ترقصي معايا 🤗🤗
نانسي : اييه ده 😯😯 هو انت عاوز تخطبني عشان ترقص بس 😂😂 مش عشان بتحبني
تامر : لا مش بحب انا دلوقت انا عاوز ارقص معاكي 😆😆
نانسي : طيب امشي بقاا انا مش برقص مع حد .. انت وحش وانا زعلانه منك .. كفايه عليك تتفرج وخليك فاكر كمان ف الفرح مش هرقص معاك
وتستكمل الموسيقي
كنتي فين من زمان .. كنت عايش ليه ف مكان
انتي مش موجودة فيه
كنت شايفك بس فين .. عشت مستني ف سنين
صوتك الى اصحي عليه
كنت خايف بس شايف ... حبي ليك دايما بيكبر
برجع اتطمن وعارف عمري .. ما ابقي معاكى بخسر
كنت شايفك بس فين .. حلم عمرو ما كان بسيط
ولما بصحي بقول ياريا .. يبقي ليا وليكي بيت
دا الى كان مرسوم ف بالي .. انك تبقي ف يوم
حلالي
وعند انتهاء الاغنيه احتضن مازن نورهان ورفعها ودار بها فتعالت الصيحات وصفق الجميع فرحاً بسعادتهم .. امسك زين يد نغم وقبلها
تامر : اقترب من نانسي .. عقبالنا يا قمر .. عقبال اما اشيلك ف عيوني مش تبقي جواا حضني بس .. وهمس لها .. بحبااااااك
لمعت عين نانسي فرحاً بما سمعته وشعرت به من حب تامر لها
انتهي حفل الزفاف و توجه العروسين مازن ونورهان لقضاء شهر العسل في الغردقه
اما باقي افراد الاسره فعادوا لبيوتهم داعين لهم بالسعاده والهناء والاستقرار ..
عند وصل اسرة محمود للبيت .. دخلت نيره غرفه نورهان وجلست علي فراشها ونزلت دموعها .. فأقتربت منها نانسي تحتضنها وتسأل ما يبكيها
نيره : مفيش حاجه انا بس زعلانه انها مشيت .. اصلها وحشتني اووي
نانسي : متزعليش حبيبتي .. هي هتيجي تاني وهتزورنا كتير وهتبات معانا كمان بس هي دلوقت فرحانه وسعيده .. ادعيلها انها تفضل فرحانه علي طول وربنا يرزقها بنونو قريب علشان نلعب بيه 😂😂😂
نيره : 😂😂😂 اه والنبي ياارب تجيب نونو بسرعه علشان نلعب بيه
تدخل عليهم نغم والسعاده تكاد ان تقفز من عينيها
نغم : انا مش فاهمه حاجه .. هو انا فعلا اتخطبت لزين وهنتجوز ولا انا بحلم
نانسي : لا يا ستي مش بتحلمي .. انتي فعلا اتخطبتي لزين حبيب القلب .. وكانت الليله جميله اوووووي .. اوعدني ياارب هييييح
نيره : ايون اتجوزوا بقاا كلكم وسيبوني ذي قرد قطع كده لوحدي 😂😂 مع ماما والمنفصده واكتب قصه حياة نيره والمنفضده
نانسي : 😂😂😂 ده انتي مصيبه .. قومي بقاا غيري فستانك ونامي بدال ما ماما تجيب المنفضده بجد وتكتبي اول فصل في روايتك النهارده 😂😂😂😂
نيره : لا و علي اييه هروح بالادب احسن .. تصبحون علي خير
نانسي ونغم : وانتي من اهل الخير
نانسي : هو انتي هتفضلي متنحه كدهون كتير أنغووووم 😂😂😂
نغم : الصراحه مش مصدقه .. انا كنت معاه لحد اول امبارح ومش قالي حاجه ومش عارفه هو عمل اييه بالظبط 😂😂
نانسي : روحي اتصلي بيه وحبوا ف بعض شويه وأسأليه عمل اييه .. بس كده بسيطه
نغم : عندك حق والله .. هروح
واخذت هاتفها تتصل بزين
خرجت نانسي وتوجهت لغرفتها لتبدل ملابسها و اذا بها تسمع صوت الاغاني يتخلل غرفتها من خلف النافذه
واذا بهاتفها يعلن عن استقبال رسالتين .. تسرع لتفتحهم .. انهم من تامر ومحتواها .. حملي دي واسمعيها معايا
في قلبي مكان مكانش بيوصله انسان
لإنه أمان، مكانش بيدي حد أمان
فتحته انا ليك، دخلته انت وقفلت عليك
بقى ملكك، ولا قبلك ولا بعديك
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد ماجربته خلاص، مقدرش أعيش غير بيه
بحس معاك حاجات مش حلوة الا معاك
بطعم هواك، جميلة وطالعة من جواك
ترد الروح، تنسي قلبي أي جروح
انا ملكك وآديني قلتها بوضوح
خليني معاك، دانا راحة قلبي معك
هو اللي يحس هواك في ايه بعده يكفيه؟
من بين الناس انا عشت معاك احساس
بعد ماجربته خلاص، مقدرش أعيش غير بيه
عاشت نانسي اجمل لحظات الحب وهي تستمتع بكلمات الاغنيه وكأن حبيبها هو من يهمس بها وبعد ان انتهت .. دق جرس هاتفها واذا بتامر يتصل بها
تامر : ألو .. كلمة وحشتيني بقت قليله اووي علي الاحساس اللي بقيت حسه دلوقتي .. وانتي معايا وقدامي في الفرح مكنتش عاوز حد يشوفك غيري كان نفسي اخبيكي جوايا و اقول لكل الناس دي بتاعتي انا .. حبيبتي انا وبس .. لأول مره احس اني غيران عليكي حتي من نظرات الناس .. مكنتش عاوز الفرح يخلص علشان مسبكيش
نانسي تدمع عيناها فرحاً تشعر وكأن قلبها يتراقص من سعادته
نانسي : اييه الكلام الحلو ده كله .. الظاهر الفرح عمل مفعول معاك يا حبي 😍😍
تامر : فرح اييه .. انتي جننتينااااااي .. مبقتش قادر خلاص لازم اخطفك 😘😘
نانسي : طيب ياله شد حيلك .. انا جاهزه امتي وفين والساعه كام 😂😂 هتلاقيني مستنياك أعثل 😍😍
تامر : تعرفي انا اول لما اخلص امتحاناتي هآجي اخطبك علي طول ومش هستني وهقول لعمي فاضلي سنه دراسه وهشتغل فيها جنب الجامعه وهجهز الشقه علشان نتجوز اول لما اخلص .. انا بقيت مرعوب حد يآخدك مني .. بس ربنا يسهل بقاا وعمي يوافق
نانسي : متخافش انا مستنياك ومش هوافق علي غيرك
وان شاء الله بابا هيوافق .. ما هو وافق علي زين ولسه فاضله باقي الترم التاني
تامر : يااارب يعدي الترم علي خير بعد اللي شوفته في الفرح ومحدش يتقدملك
نانسي : ان شاء الله هيعدي .. ياله بقاا ننام علشان انا هلكانه من الوقفه مع نورهان طول اليوم .. اول لما تصحاا ابعتلي وانا هخرج اشوفك
تامر : ماشي يا قلبي .. حاضر .. تصبحي علي خير وسعاده
اغلقت نانسي هاتفها بعد ان انهت المكالمه وبدلت ملابسها واستلقت علي فراشها وذهبت مع احلامها