خلود : ليه طيب احكي عادي 😕
امير : مش عاوز احكي
خلود : طب جرب والله حتى هترتاح و ..........
امير : لو ملاحظة انا لسة قايل متدبس فيكي ف اهدي هااا وملكيش دعوة ب حكاويا وحياتي ومتدخليش فيها
( تتحرج خلود ويتحرق دمها )
خلود ب ابتسامة : ع فكرة مش حاجة حلوة ان تحس انك مش مرغوب فيك .. او انك مش مهم عند حد 😅💔
( تربع ايدها وتبص للشباك جنبها وتنزل دموعها ، يندم امير ع كلامه ، يسرع العربية عشان الموقف ينتهي ، يوصلوا قدام البيت ، تفتح خلود باب العربية وتنزل اول م يقف وتدخل جوة ، يلاحظ امير زعلها ، ينزل م العربية وياخد الحاجة ويدخل ، يلاقي رؤية قاعدة )
امير : نام ولا ايه ؟
رؤية : اه سيبناه يريح شوية وبابا ومؤمن مشيوا
امير : اوك
( يدخل المطبخ يلاقي ريم بس ، يحط الحاجة ويطلع )
امير : فين خلود ؟
رؤية : دخلت التواليت
( يقعد )
رؤية : هو جرا حاجة شكلها متضايق 😕
امير : عكيت معاها
رؤية : اتخانقتوا ؟؟
امير : لا بس قلت كلام مينفعش اقوله 🤦
رؤية : ع فكرة خلود بني ادمة طيبة وخلوقة جداً .. افتحلها قلبك عشان لو خسرتها صدقني هتندم اوي لانك مش هتلاقي حد زيها صافي كدة
امير : كل اما بعمل كدة بقلب ٣٦٠ درجة مش عارف ليه !!!!!
رؤية : دة طبيعي مش هتعرف فجأة تبقا تمام بس حاول ع الاقل 🤷
( يشاورلها ب اه ، تقرب خلود تدخل المطبخ من غير م تبصلهم ، يبصلها امير )
رؤية : قوم اتأسفلها
امير : هقولها ايه هتحرج 😕
رؤية : خد الموضوع ببساطة انها قريبة هتلاقي نفسك بتتكلم بتلقائية .. حاول متعتبرهاش غريبة
امير ب تنهيدة : حاضر 😑
( يقوم امير يدخل المطبخ ، خلود واقفة مع ريم بتعمل الاكل )
امير : خلصتوا ؟
ريم : اه خلاص ع النار
امير : خلود
خلود وهي بتقطع تفاحة : نعم 😒
امير : انا اسف
ريم : اااا هروح اغسل ايدي 😬
( تمشي ريم )
امير : انا اسف تاني 😐
خلود : مفيش حاجة .. انا الي اتدخلت ف حاجة متخصنيش .. كنت عاوزة نبقا صحاب مش اكتر .. انا الي اسفة 😔
امير : عندك حق ف انك مش مرغوب فيكي دة احساس وحش .. انا عشت ب دة فترة ولسة بعيشه .. ماعدا اهلي طبعاً عشان بصعب عليهم 😅💔
خلود وهي بتقرب عليه : انا مبقاليش معاكم فترة طويلة بس تعرف ايه مشكلتك ؟
امير : ايه ؟؟
( تقف قصاده )
خلود : انك شايف نهاية العالم من عندك هنا .. شايف كل حاجة بعيدة قصادك قريبة .. شايف الغيب وبتتخيلوا .. رافض تعيش بالي انكتبلك .. رافض تقول الحمدلله .. الحمدلله اني لسة عايش اصلاً .. اني لسة موجود .. ان لسة في ناس حواليا بتحبني مش صعبان عليهم .. ليه رافض تعيش حياتك 🤷
امير : عشان دي مش حياتي .. حياتي دلوقتي المفروض كانت مع واحدة بحبها عايشين انا وهي ف البيت الي حلمنا بيه مع ولادنا .. لكن دلوقتي انا بني ادم مشوه عايش مع واحدة معرفهاش والمفروض انها مراتي والمفروض انها تصطبح ب وشي دة .. كل يوم .. دي مش حياتي .. دي عمرها م كانت حياتي 💔
( تدمع عيونه )
امير : انا مش كئيب ونكدي .. انا واحد مر ب كتير اوي ف اتغير .. واحد اضغط عليه اوي ف انفجر .. كلنا وقت الحزن ضعاف وانا ياما ضعفت ودة كسرني .. مكانش ينفع افضل زي م انا .. مكانش ينفع متهزش .. مينفعش اي حد ييجي وعاوز ب ضغطة ارجع تمام .. انا عمري م هرجع زي الاول 💔
خلود : عشان طول م انت حاطط شكلك ف بالك عمرك م هترجع زي الاول 🤷
( يقرب عليها امير ويمسك سكينة من وراها )
امير : يعني لو خدت السكينة دي وجيت عند وشك الجميل دة وفتحت من تحت عينك ل عند دقنك بس وعملت كدة ف خدك التاني .. هتعرفي تعيشي عادي ؟
خلود وهي بترفع حواجبها : وشي الجميل .. دي تاني مرة تعاكسني ع فكرة وتقول اني جميلة 🤨
امير : ههههه اه اعتبريها معاكسة 😄
خلود : لا لا انت ارقى من انك تعاكس ☝️
امير : لا انا صايع اوي ع فكرة 😎
خلود : هههههههه 🤭
( يبتسم امير ويبصلها )
امير : ضحكتك حلوة 🙂💚
خلود : انت احلى 💛
امير : هنكدب بقا انتي شيفاها اصلاً !!!
خلود : مش لازم اشوفها بس حساها .. الشخص الي بترتبط بيه هو الانسان الوحيد الي بيشوفك كامل مش بس نصك الحلو 🙂♥️✨
امير : عاوزة تفهميني انه مش فارق معاكي شكلي ؟؟؟
خلود : الشكل اول حاجة بتشد اي بني ادم .. مهما عملت عمر م تصرف هيشدك ل شخص شكله وحش .. هتبص ع الموقف من برة مش ع صاحبه ودة الي بننخدع فيه دايماً ان شخص حلو من برة ومن جواه سواد وجحيم .. لكن تخيل كدة لو كلنا مشوهين او معندناش ملامح .. تفتكر هنحب بعض ازاي ؟؟
امير : اظن مش هنعرف نحب 😕
خلود : غلطان ☝️
امير : ازاي م انتي لسة قايلة اول حاجة بتشد الشخص هي الشكل 🤷🏻♂
خلود وهي بتحط ايدها ع صدره : ودة اتخلق ليه .. مهو لسة بيدق اهو ✋🧡
( يتوتر امير ويتحرج )
خلود : دة الي بيحب مش عيونك .. عيونك مجرد لفت نظر والعين بتنسى .. لكن دة مبينساش .. عمروا م بينسى 💚✨
امير : ع اد م تباني تافهه من برة بس بتقولي كلام كبير 🤨
خلود وهي بتشيل ايدها وتبتسم : ههه انا مازالت تافهه بردوا ع فكرة 🤷
امير : لا لا متقوليش كدة
خلود : صدقني والله انا معرفش جبت الكلام دة منين اصلاً هههه 😅
امير : م الي اتخلق عشان يحب 🙂💜
( يفضلوا باصين لبعض ، تدخل ريم )
ريم : معلش بس الاكل ريحته طلعت 🤷
( تجري ع جوة تقلب الشوربة )
خلود : لينا قاعدة سوا ☝️
امير ب ابتسامة : اوك 😄
( يعدي الوقت ، الكل قاعدين برة ، تقرب ريم وف ايدها طبق الشوربة )
ريم : انا خلصت لازم يشربها سخنة
امير وهو بيقوم : طب تعالي هصحيه نام كتير كفياه كدة
( يطلع امير ووراه ريم ، يدخلوا ل محمد نايم ، يقرب عليه امير )
امير : حمو .. حمو كفياك كدة اصحى بقا
محمد : حاضر حاضر .. دقايق بس 😞
امير : قوم اشرب الشوربة طب ونام تاني
محمد ب تعب : مش عاوز سيبني والنبي ي امير تعبان 😔
ريم : لو شربتها هتخف 😊
( يتخض اما يسمع صوتها ويفتح عينه )
محمد ب استغراب : ريم 😕
امير : من بدري هنا جت تعملك اكل
محمد : لا والله !!!!!!
امير : ايوة يلا قوم بقا عشان الشوربة متبردش
محمد وهو بيقعد : مقلتوش ليه طيب 😐
امير : ي عم قوم انت ف ايه ولا ف ايه 🙄
( يقوم محمد يقعد ، تقرب ريم )
ريم : هتقدر تشربها ولا اشربهالك ؟
محمد وهو بياخدها منها ب احراج : لا هقدر 😐
ريم وهي بتديهاله : اوك
( تلف ولسة هتمشي ، محمد يشاور ل امير بسرعة )
امير : ااا استني
( تقف ريم )
امير : خليكي بس معاه وهو بياكل ل يحتاج حاجة وانا دقتين وجاي
ريم : اوك
( يمشي امير ، تقعد ريم ب احراج ع كرسي بعيد ، يحط محمد الطبق جنبه )
محمد : انتي كويسة ؟؟
ريم : اه انا فل 😊
محمد : انا مبسوط انك موجودة 💚
ريم ب احراج : تسلم .. الف سلامة عليك انت بقيت كويس ؟؟
محمد : كويس اما شوفتك 🙂🧡
( تبتسم ريم ب احراج )
ريم : ااا مكالتش ليه .. أأكلك ؟؟
محمد : مش عاوز اتعبك بس 🤷🏻♂
ريم وهي بتقوم : مفيش تعب ولا حاجة 😄
( تاخد الطبق وتقعد قصاده ع السرير وتبدأ تأكله ، تحت ، خلود ف المطبخ بتعمل سلطة فواكه ، يدخل امير ياكل فيها )
خلود : جعان ؟
امير : لا بس برخم 🥱
خلود : هههههه اااه !!
( يتخض امير )
امير وهو بيمسك ايدها : اتعورتي ؟؟؟
خلود : لا كنت هتعور 😅
( يسيب ايدها )
امير : خلي بالك طيب 😕
خلود : حاضر 🙂
الحلقة الثانية والعشرون { ٢٢ } 🌘
( تدخل رؤية )
رؤية : امير انا هروح بقا عشان الولاد زمانهم رجعوا م النادي
امير : استني بس ريم تخلص عشان تروح معاكي هي وخلود عشان انا بايت مع محمد
رؤية : طيب ماشي
خلود : طب عاوزة اقول ل محمد سلامتك قبل م امشي
امير : تعالي
( يطلع امير وتطلع وراه خلود ، يدخلوا عند محمد )
امير : خلود عاوزة تسلم عليك
محمد : اه تعالي 😃
خلود وهي بتسلم ع محمد : الف سلامة عليك 😊👋
محمد : الله يسلمك ويخليكي 👋
خلود : هتبقا كويس ان شاء الله
محمد وهو بيبص ل ريم : لا انا بقيت زي الفل خلاص 😁
( تتكسف ريم وطبعاً خلود وامير فاهمين )
خلود : ههههه يارب دايماً 😄
محمد : الولا دة عامل معاكي ايه اكيد خرة طبعاً 🤷🏻♂
امير : م تحترم نفسك ي معفن انت !!
خلود : ههههههه 🤭
امير : بتضحكي ع ايه انتي كمان 😐
محمد : انا بقول الحقيقة تلاقيك مطلع عينها
خلود : لا والله بالعكس .. ياريت كل الناس زي امير 🙂💛
( يبصلها امير )
محمد : اوبااااا ايدا في ايه ي جدعان انتي بتتكلمي عن امير متأكدة 😂
خلود ب احراج : ههههه ايوة 😅
امير : اهبط بقا 😊
محمد : اه اهبط ب امارة نوم الكنبة 😗
خلود : لا بنام ف اوضة
محمد : عقبال م توصلي ل اوضته اكون جالي شلل رعاش 🥴👨🏻🦽
الكل : ههههههه 😂
امير : انت حتى وانت عيان مش عاتق حد يلا ي بنتي انا غلطان اني طلعتك هنا اصلاً يلا 🤦
خلود : ههههه حاضر 😄
محمد : اصبر بس
امير : اخرس خالص .. ريم خلصي وانزلي عشان تروحوا
ريم : حاضر
( يطلعوا م الاوضة )
خلود : شكلوا مشكلة 😄
امير : امممم .. استني ثواني هنا
خلود : اوگ
( يدخل امير عند محمد تاني ودقيقة ويطلع )
امير : امسكي
خلود : ايه دة ؟!
امير : دة رقمي اول م تروحي كلميني من فون البيت اطمن بس انكم روحتوا
خلود ب فرحة : اه حاضر اوك 😍
( عند محمد ، تخلص ريم اكله )
ريم : همشي انا بقا
محمد : اوك .. خلي بالك من نفسك 💖
ريم : وانت كمان ومتنساش علاجك اوك
محمد : اوك .. هتوحشيني 🧡
( تبتسم ريم ب احراج )
ريم : باي 😅♥️
محمد : باي 🙂♥️
( وتمشي ريم وخلود مع رؤية ، قرب البيت ، تلمح خلود شاب واقف بيشرب سجاير ، تتخض اول م تشوفه وهو يفضل باصصلها لحد م العربية تبعد ، يوصلوا البيت )
خلود : مش هتدخلي ؟
رؤية : لا زمان الولاد وصلوا البيت هبقا اجي بكرة
خلود : ابقي هاتيهم معاكي والنبي 🥺
رؤية : هجيبهم والله حاضر 😄
خلود : خلي بالك م الطريق
رؤية : حاضر تصبحوا ع خير ✋
ريم وخلود : وانتي بخير ✋
( تدخل ريم وخلود وتمشي رؤية )
ام ريم : كنتي فين ي بت ؟؟
ريم : اااا ..........
خلود : كانت معايا ي طنط بنجيب حاجات
ام ريم : اااه طيب ام حضرتك جوة
خلود : امي انا !!!!
ام ريم : اه
( تجري خلود ع جوة ، تشوف كرم )
خلود ب حب : ي روحييييي 😍
( يجري علها كرم ، تشيله وتحضنه )
خلود : وحشتني اوي 💜
كرم : وانتي كماااان 😄♥️
( تنزله وتروح تسلم ع مامتها وتقعد وكرم ع رجليها حضناه )
خلود : عاملين ايه طمنوني عليكم
الام : اهو كويسين الحمدلله
خلود ب تردد : هواااا سالم خرج ؟؟؟
الام : طليقك ؟!
خلود : اه 😐
الام : مش عارفة والله ي بنتي .. بتسألي ليه ؟!
خلود : اتخايلت بيه وانا جاية !!
الام : اكيد حد شبهوا 🤷
خلود : لا .. مظنش حد شبهوا 😐
الام : لو خرج كان ابوكي قالي
خلود : المهم هو عامل ايه معاكي ؟
الام : كويس بس مبيتحركش م البيت من ساعة م حماكي اداله الفلوس وهو شايلها وبيصرف منها وهو قاعد
خلود : المهم انه ملهي عنكم ✋
الام : جوزك عامل معاكي ايه ؟
خلود : كويس الحمدلله
الام : يعني كويس معاكي بيعاملك حلو ولا بيمد ايده عليكي ؟؟
خلود : ولا لمسني اصلاً
الام : ايه دة ليه ؟!!!!
خلود : م انتي عارفة انه متدبس فيا 🤷
الام : ياربي عليكي ي بنتي ملكيش نصيب ف فرح ابداً 😕
خلود : لا بالعكس دي اول مرة احس اني مرتاحة .. هو بيعاملني كويس واهله بيعاملوني كويس وبيحترموني وليا اوضة خاصة بيا .. حاسة انه ب اذن الله مع الوقت هنبقا كويسين انا وهو 😃
الام : دي اهم حاجة انك مرتاحة واي حاجة تانية تيجي بالوقت
خلود : الحمدلله ع اي حال 🙂
( عند محمد ، يقوم امير يطلع البلكونة ، ياخد نفس طويل ويقعد فيها ، يقرب عليه محمد )
امير : ايه الي صحاك ؟!
محمد وهو بيقعد : ايه الي صحاك انت ؟
امير ب تنهيدة : منمتش اصلاً 😑
محمد : مش قادر تنام بعيد عن العروسة ولا ايه 😏
امير : قوم ي حمو نام الله يهديك 😒
محمد : ايوة اكمني بقول الحقيقة 🤷🏻♂
امير : ي بني انت هتفوق عليا !!!
محمد : عندك مانع 💁🏻♂
امير : لا معنديش 🙄
محمد : بس شكلها طيبة
امير : جداً
محمد : امممم .. شكل في قبول من نحيتك 🤔
امير : مش حكاية كدة بس هي انسانة كويسة
محمد : امممم .. من انهي اتجاه ؟؟
امير : يعني طيبة زي م قلت .. وتحس ف كلامها مثقفة او مش مثقفة يعني تحس انها مش من مكان زي مكانهم تحسها بتتكلم بهدوء وب عقلانية تحسسك انها مثلاً حد مهم .. حبيت جداً الكلام معاها .. مريحة اوي ✨💚
محمد : امممممممم .. م الواضح انك بتقع ي حبيبيييي😊
امير : بقع ايه ي عم انا بحكيلك 🤦
محمد : احكي احكي 🤭
امير : انت شكلك بتتريق مش مكمل 😒
محمد : كمل وحيات امك انا اسف ✋
امير : حمو هو انا ممكن ارجع احب تاني .. ولا خلاص كدة 😕
محمد : ممكن طبعاً مفيش حاجة اسمها خلاص كدة طول م ليك قلب بيدق 💁🏻♂
( يفتكر موقف القلب مع خلود لما حطت ايدها ع قلبه )
*( ودة اتخلق ليه ، مهو لسة بيدق اهو ♥️✨ )*
محمد : ي بني !!!
امير : نعم ؟
محمد : سرحت كدة ليه 🤨
امير : لا عادي بس افتكرت حاجة 😅
محمد : اممممم 🤔
امير : م تقوم تنام
محمد : ي عم هو انا ورايا مدرسة الصبح مش عاوز انام 🤦
امير : طاااايب خليك اقرفني 🙄
محمد : م تقوم انت تنام
امير : مستني تكلمني
محمد : مراتك ؟
امير : مراتي .. حلوة الكلمة دي 💚✨
محمد : ههههاي لا دة انت واقع واقع 😂👏
امير : انا شكلي كدة 😐♥️✨
محمد وهو بيقوم ب انفعال وصوت عالي : ي دين النباااااااااااااااي 😆👏🏻
امير : بس بس يخربيتك اقعد 😬
محمد : اقسم بالله م مصدق 😂
امير : محمد اوعا تجيب سيرة لحد ☝️
محمد : مستحيل اجيب سيرة لحد يحسدك ترجع تاني تتعقد 🤷🏻♂
امير : ههههه ليه يعني مش للدرجة 😄
محمد : داخل ف ٦ سنين ي مفتري وتقولي مش للدرجة !!!!!
امير : بس انا حاسس اني ظالمها 😕
محمد ب استغراب : ظالمها .. ليه ؟!!!!