الفصل الخامس عشر والسادس عشر
بقلم شهد طارق
طلعت سلالم البيت وهى مش عارفة هيستقبلوها ازاى .. بس وحشوها جداا بقالها اكتر من سنة ماشفتهومش ..
طلعت وخدت نفس عميق وخبطت على الباب ..
فاتن : أيوة جاية اهو ..
وفتحت الباب ..
فاتن بصدمة : شهد ..
شهد اترمت فى حضن مامتها وانهارت فى العياط ..
شهد : وحشتينى وحشتينى اوى يا ماما ..
فاتن : يا روح ماما وحشتينى اوى اوى ..يا طارق طارق ..
طارق : فيه ايه يا فاتن .. شهد ..
جريت على باباها ..
وفضل حاضنها وبيبوس فيها .. حبيبة بابا وحشتينى يا شوشة .. انتى ادامى بجد يا شهد ..
شهد : أيوة يا احلى بابا فى الدنيا ... وحشتنى اوى اوى ..
وحشتونى انتو الاتنين جداا ..
راحوا قعدوا ..
كنتى فين يا شهد ..
شهد : بابا ماما انا بعدت سنة تقريبا ونص .. حصلت حاجات كتير غيرت حياتى ..
أولهم انى كنت مخطوفة ..
الاتنين بصدمة .. مخطوفة ..
شهد: أيوة ... آخرهم الورقة ديه ..
فتحوا الورقة وكانت قسيمة جواز شهد وصقر ..
فاتن : نهار اسود يا شهد اتجوزتى امبارح ..
طارق بإنفعال وزعيق : انطقى كنتى فين الفترة الفاتت ..
شهد : الورقة ديه فيها كل حاجة من قبل ما اختفى لغاية دلوقتى .. اقروها كويس .. ولو فهمتوا وسامحتونى انا فى فيلا صقر المنياوى بيت جوزى ..
واتمنى انكوا تسامحونى وتعرفوا أن كل حاجة كانت غصب عنى ما عدا جوازى من صقر .. دة رقم تليفونى ... مستنية موافقتكم .. واول ما توافقوا صقر هيعملى فرح كبير جداا .. .
لانه يهمه سعادتى ..
هتوحشونى ..
ونزلت جرى وهى دموعها مغرقة وشها ..
وركبت العربية ..
صقر بفزع : مالك يا شهد .. أهدى حبيبتى أهدى ..
وحضنها جامد اوى ..
شهد بدموع : عايزة عايزة اروح اليخت ..
صقر : من عيونى بس أهدى ..
طلع بسرعة.. على اليخت...
صقر : وصلنا اهو وحياتى اهدا لو بتحبينى أهدى ..
شهد بصريخ : لأ مش بحبك انا بكرهك بكرهك يا صقر .. ابعد عنى بئا جيت بوظتلى حياتى انت ايه يا شيخ .. ابعد عنى بئا ..
ونزلت جرى على اليخت ..
صقر اتصدم للحظات بس قدر انها اكيد اتصدمت مع اهلها .. قرر يمشي شوية لغاية ما تهدى ويرجعلها تانى ..
###########################
بعد ساعتين ...
قرر أنه يرجعلها ..
اول ما دخل.. اتصدم من ال شافه ..
شهد واقعة فى الارض مغمى عليها ..
صقر : شهد ..يا شهد فوقى حبيبتى ..
راح جاب برفان وابتدا يفوقها ..
شهد بصوت ضعيف : انت هنا يا صقر ..
صقر : أيوة يا قلبى انا هنا ..
شهد بدموع : انا .. انا اسفة مكنش اصدى اى حاجة من القولتها والله .. انا بعشقك عمرى ما اكرهك عشان خاطرى سامحنى .. أن لما طلعت اعتذرلك لقيتك مشيت افتكرتك سبتنى ..
صقر : انا اسيب روحى بردوا .. عمرى ما اسيبك .. انا مشيت عشان تهدى ومتتعصبيش اكتر ..
شهد : يعنى مش زعلان منى ..
صقر : مقدرش ازعل منك ..
شهد : بحبك ..
صقر : وانا بموت فيكى ..
شهد : عايزة اروح ل روان ..
صقر : طب ترتاحى شوية ..
شهد : عشان خاطرى نفسي اشوفها ..
صقر : حاضر يلا قومى ..
قاموا هما الاتنين من على الأرض ..
وركبوا العربية وطلعوا على بيت روان ...
...........
طلعت رنت الجرس وروان هى ال فتحت ..
شهد بدموع : وحشتينى ..
روان بدموع وسط فرحتها راحت حضنتها : شهد .. انتى قدامى .. بجد..
شهد : أيوة بجد. ...
روان : وحشتينى وحشتينى .. تعالى ادخلى ..
روان : كنتى فين يا شهد هنت عليكى تسبينى كل دة ..
شهد : والله كان غصب عنى .. انا جيت دلوقتى عشان اقولك حاجتين ... لكن كل التفاصيل فى الجواب دة ..
اول حاجة يا روان اليوم ال اختفيت فيه انا كنت مخطوفة ..
روان : مخطوفة ..
شهد : أيوة وخدى اقرى الورقة ديه ..
خدت روان الورقة ..
روان بصدمة : اتجوزتى يا شهد .. امبارح يوم عيد ميلادك ..
شهد. : أيوة .. انا رحت ل بابا وماما اديتهم الجواب دة والقسيمة ..
مستنية منكم انكم تقروا الورقة ديه وتسامحونى لو كنت فى يوم سبب فى زعلكم ..
انا يا روان فى فيلا صقر المنياوى جوزى .. ودة رقم تليفونى .. نفسي ارجع اعيش حياتى معاكم تانى .. لو قرايتى الورقة وفهمتيها .. يا تتصلى بيا .. أو تعالى الفيلا .. هتوحشينى ..
ونزلت ...
###############################
فاتن وطارق اعدين مصدومين من القرأوه ..
معقول شهد حصلها كل دة .. احنا لو فى فيلم مش هيحصل كدة ..
فاتن : هنعمل ايه يا طارق ..
طارق : مش عارف .. مش عارف .. بس ال اعرفه انى لازم اشوفه ..
#####################
عند روان ..
روان لنفسها : معقول شهد اتجوزت .. ازاى .. انا مش مصدقة لغاية دلوقتى .. وكمان كل التفاصيل ال فى ورقة ديه مش ممكن .. ديه حاجة فى الخيال ..
انا لغاية دلوقتى مش مصدقة ان ال ادامى كانت شهد
######################
فى قصر الصقر....
من بعد ما عدت الساعات الفاتت ..
شهد متحركتش من على الكرسي ال فى بلكونتها ..
شاردة للمنظر ال ادمها ..
كل شوية صقر يروح يبص عليها يلاقيها بنفس الوضع ..
.................
دخل صقر عليها .. وحضنها من ضهرها ..
صقر : حبيبتى مش هتأكل ..
شهد : معلش يا حبيبى مليش نفس .. كل انت ...
صقر : طب هو انا يبقى ليا نفس ازاى وشوشتى ملهاش نفس ..
ابتسمت ابتسامة بسيطة ..
شهد : اااااه يا صقر شوشتك قلبها واجعها اوى ..
صقر : سلامة قلبها .. انشاء الله هيسامحوكى ..
شهد : يارب يا حبيبى يارب ..
صقر : طب يلا قومى كلى بئا ..
شهد : بجد مليش نفس شوية كدة وممكن اقوم .. روح انت عشان خاطرى ..
نزل المكتب بتاعه ..
وبعد شوية جاله اتصال من آمن القصر أن فى حد عايز يقابله ..
صقر : مين دة ..
الامن : .....
صقر : مين !!!
الفصل ال ١٦ ..
نزل المكتب بتاعه ..
وبعد شوية جاله اتصال من آمن القصر أن فى حد عايز يقابله ..
صقر : مين دة ..
الامن : ......
صقر : مين !!! دخله فورا ..
بعد ٥ دقايق.....
صقر : اهلا بحضرتك ...
اهلا بيك .. حضرتك صقر المنياوى ..
صقر : أيوة انا ..
جوز بنتى ..
صقر : أيوة ..
طارق : بص يا استاذ صقر انا قريت كل الكلام ال بنتى كتبته .. انا جاى عايز اسمع الحكاية كلها منك انت ..
وياريت تبقى صريح ..
صقر : حاضر ..
ابتدا يحكيله من اول ما شاف شهد فى الشارع .. واهانته ليها ومشاعره وواتفاقه ... وكل حاجة مسابش حاجة محكاهاش ..
بص حضرتك انا جوازى من شهد كان شبه عادى .. تقريبا احنا أعدنا انا وشهد مخطوبين ما يقارب السنة ونص ... سبتها تدرسنى .. وتحبنى .. وسيبتلها القرار من غير ضغوطات ..
وفى الاخر اختارتنى .. يا عمى .. انا عشقت شهد بمعنى الكلمة وو بحاول أسعدها بكل الطرق .. اى حاجة شهد عملتها كانت غصب عنها لأنى كنت بهددها بيكوا .. طبعا كان تهديد اى كلام عشان اخليها جمبى .. رغم انى اتجوزت قبل كدة بس عمرى ما حبيت قبل كدة .. اتمنى يا عمى انكم تسامحوا شهد .. تخيل يا عمى شهد بعد شهر من اختفائها طلبت منى انها تشوفكم من بعيد ولما لقت الحزن مالى وشكم اول ما روحت جالها صدمة عصبية ..
شهد بتحبكم اوى وأصرت تبعتلكم جواب تطمنكم بيه وبعدها قالتلى عايزة اشوف الجواب اثر فيهم ولا لأ وفرحت جدا لما لقت الحزن قل كتير من وشكم ..
ارجوك سامحها من ساعت ما مشيت من عندكم ومن عند روان وهى ولا كلت ولا شربت ومتحركتش من كرسي البلكونة .. والحزن ماليها وانا بحس بقمة عجزى لما القيها حزينة ومش قادر. اعملها حاجة ..
ارجوك يا عمى سامحوها ..
طارق بتنهيدة : سامحتها يا صقر سامحتها ..
صقر بفرحة : ممكن اطلع انديها ..
طارق : ممكن انا ادخلها ..
صقر : طبعا يا عمى البيت بيتك ..
طلع طارق اوضتها ...
دخل لقاها فعلا اعدة على كرسي فى البلكونة وشاردة ..
شهد حست بحد افتكرته صقر ..
فى حاجة يا حبيبى ..
طارق : وحشتينى يا حبيبة بابا ..
لفت بسرعة وقامت ..
بابا ..
انت انت هنا ..
قام بفتح ذراعيه .. تعالى فى حضنى ..
اترمت فى حضنه فورا .. حقك عليا سامحنى ..
طارق : مسامحك يا حبيبتى ..
شهد : بجد يا بابا ..
طارق : بجد يا عيون بابا ..
يلا ننزل بدل ما الصقر يقعد لوحده ..
شهد : ههههه عندك حق يلا ..
طارق : بتحبيه يا شهد ...
شهد بتلقائية : بعشقه ... احم ..
طارق : اااه كبرتى يا عيون بابا ..
شهد : عندى ليك خبر حلو اوى ..
طارق : ايه ..
شهد : انا جبت ٩٨% وصقر قدملى فى كلية اعلام زى ما كنت بحلم واتقابلت ..
طارق : مبروك يا حبيبتى ..
ونزلوا تحت ...
شهد : نعمات نعمات ..
نعمات : نعم يا هانم ..
شهد : فين صقر ..
نعمات : فى الجنينة يا هانم ..
شهد : ماشي يلا يا بابا ..
طارق : هو انتى بتخليهم يقولولك هانم ..
شهد : ابدا والله اتحايلت على صقر أنهم يبطلوا يقولوا كدة رفض ..
يلا بئا نطلع ...
شهد : صقر ..
لف صقر ليهم وابتسم لما لاقهم حاضنين بعض ..
صقر : اتفضلوا اقعدوا ..
بعد ما أعدوا ..
صقر : عمى عايزين نحدد معاد الفرح ..
طارق : انا معنديش مانع اى وقت ..
صقر : خلاص نخليها بعد اسبوعين ..
طارق : نشوف رأى عروستنا ..
شهد : موافقة ..
طارق : على بركة الله ..
استأذن انا عشان سايب فاتن لوحدها ..
استنى ثوانى يا بابا ..
راحت همست فى ودن صقر ..
ممكن اروح ابات مع بابا ..
فرح جداا صقر انها بتستأذنه .. مع أنه مش عايزها تبعد عنه بس مرضيش يزعلها ..
طبعا ممكن ..
باسته من خده : شكرا ..
ابتسم طارق على حال ابنته وعرف ان فعلا ابنته تعشقه هذا الصقر ..
##########################
وعدى اليوم على الجميع بخير ...
ومازال مروان غارق فى الفتاة التى رأها من سنة ونصف .. ومنذ سنة وهو يراقبها .. احبها لكن لا يعرف كيف يصرح بحبه إليها ..
#########################
وجاء يوم جديد ...
صقر فى التليفون : وحشتينى ..
شهد : انت اكتر يا حبيبى ..
صقر : انتى عارفة انى منمتش ..
شهد : ليه يا حبيبى ..
صقر : عشان مش موجودة جمبى ..
شهد : كلام فى سرك .. انا كمان معرفتش انام ..
عشان انت مش جمبى ..
صقر : طب مش هتيجى عشان ننام بئا ..
شهد : على الاساس انى بنام جمبك يعنى ..
صقر : على الأقل عارف انك معايا فى نفس المكان دة يكفينى ..
شهد : ماشي يا سيدى .. المهم ما تيجى تقضى معانا اليوم ونروح مع بعض ..
صقر : قولتى لباباكى ..
شهد : اولا بيتى هو بيتك يا صقر ثانيا انا قولت ل بابا عشان عارفة انك هتسأل السؤال دة ... ماما عاملة عزومة للكل بمناسبة رجوعى .. ينفع بئا جوزى ميبقاش موجود .. شكلك عايزهم يقولوا دة مبيحبهاش ..
صقر : دة انا اجى اقطع لسان ال يقول كدة واقوله دة أنا بعشقها ..
شهد : وهى كمان ..
صقر : هى كمان ايه ..
شهد : بتعشقك ..
صقر: بقولك يا شوشتى ايه رأيك نقضي يوم تانى مع أهلك .. اصل انا عايزك فى مشوار مهم ..
شهد : مشوار ايه ايه يا حبيبى ..
صقر : هتعرفى .. المهم جهزى نفسك وانا ١٠ دقايق واكون عندك ..
شهد : حاضر يا حبيبى ..
............
بعد شوية كان وصل صقر ..
واول ما شافها خدها فى حضنه بقوة ..
شهد بخجل : حبيبى انت وحشتنى والله بس احنا فى الشارع ..
صقر : ههههه سورى بس انتى وحشتينى اوى ..
شهد : انت اكتر والله .. ها هتودينى فين ..
صقر : اركبى بس وانتى هتعرفى ..
شهد : ماشي ..
بعد شوية وصلوا مكان ..
شهد : المكان دة قريب من مدرستى اوى ... دة كمان المكان ال ...
صقر : ال ايه ..
شهد : ال شوفنا بعض فيه اول مرة ..
صقر : ويا ترى فرحانة بالذكرى ديه ولا لأ ..
شهد بتهرب: انت مش هتقولى جايين هنا ليه ..
صقر بتنهيدة لانه خايف من اجابتها ..
صقر : تعالى ..
نزلوا من العربية وهما ماسكين ايدين بعض وطلعوا عمارة ..
شهد مش عارفة ليه مجاوبتش هل هى بتتبسط بالذكرى ديه ولا لأ ..
خبط على الباب وفتحت ست كبيرة ..
الست : صقر حبيبى .. وخدته فى حضنها ..
صقر : اذيك يا تيتة وحشتينى ..
شهد فى نفسها : تيتة !!..
الجدة : ادخلوا يا حبيبى ...
.......
الجدة : مين دى يا صقر ..
حاوط شهد من كتفها واخدها فى حضنه ..
صقر : مراتى يا تيتة ..
الجدة بفرحة : بجد ..
صقر : اه والله لسه كاتبين كتابنا امبارح ..
الجدة : تعالى فى حضنى يا حبيبتى ..
راحت فى حضنها واد ايه حاسة براحة ..
الجدة : لا قمر يا واد .. عرفت تختار ..
شهد بخجل : ميرسي يا تيتة ..
الجدة : يا قلب تيتة .. من انهاردة انتى عندى زى صقر بالظبط .. لو زعلك قوليلى وانا اشدلك ودنه ..
شهد : ههههه حاضر ..
صقر : عجبتك اوى ..
شهد : اوى اوى ..
الجدة : هقوم احضر لكم الغدا انا عاملة الاكل ال بتحبه ..
شهد : اساعدك يا تيتة ..
الجدة : لا يا حبيبة تيتة اقعدى انتى مع صقر ...
...........
كان صقر طلع البلكونة وشرد ..
راحت حضنته من ضهره ..
شهد : حبيبى سرحان ف ايه ..
صقر بتنهيدة : مفيش يا شهد ..
شهد : ماشي ..
حست أنه متضايق ومش عايز يتكلم .. فقررت تكلمه لما يروحه ...
وبعد مدة .. اتغدوا مع الجدة وراحوا على اليخت ..
#############################
شهد دخلت غيرت هدومها وطلعت على سطح اليخت لقت صقر سرحان اوى لدرجة أنه محسش بيها ..
......
جت حضنته من ضهره وقالت : حبيبى انا مردتش اضغط عليك عند جدتك .. بس بجد قولى مالك انت متضايق من ايه..
لف ليها وقال بكل هدوء ..
صقر : شهد انتى ندمانة انك اتجوزتينى أو قابلتينى ..
شهد : ليه بتقول كدة ..
صقر : جاوبى على سؤالى ..
شهد : انا يمكن فى الأول ندمانة انى وقعت فى طريقك أو كلمتك اساسا ..
لكن .. لكن بجد ما حبيتك حمدت ربنا انى قابلتك .. واخدت وقت كبير جدااا عشان اتأكد انا فعلا بحبك وانت كمان بتحبنى .. ولما اتأكدت النتيجة اننا اتجوزنا وعمرى ما هندم انى اتجوزتك يا صقر ..
بس .. أكملت بحزن ودموع ..
بس عمرى ما هنسي اول فترة اتقابلنا فيها .. انت ضربتنى واهنتنى يا صقر اوى .. وخلتنى اترعب مش اخاف منك ..
كان يسمع هذا الكلام ويشعر بغصة فى قلبه ..
جرحتنى اوى يا صقر انا بحاول انسي لما بشوف حبك وحنيتك معايا بيخلونى انسى شوية ..
شدها لحضنه جامد اوى ..
وقال : حقك عليا انا اسف والله اسف .. انا عمرى ما كنت أتمنى اعمل كدة فى حبيبتى وروحى وقلبى ..
حقك عليا سامحينى ..
شهد : صدقنى والله مسمحاك .. انا عشقتك يا صقر والله عشقتك .. عشان كدة سامحتك ..
صقر : انتى الهوا ال بتنفسه يا شهد انتى قلبى ..
مقدرش اعيش من غيرك .. اوعى تبعدى عنى ..
شهد : عمرى ما هبعد عنك ..
طلعها من حضنه وباسها من خدودها الاتنين ..
وهى ابتسمت بخجل ..
صقر : انا هكتفى بدول دلوقتى بس بعد الفرح مش هكتفى بيهم .. ها ..
شهد بخجل : مماشي .. ممكن تغمض عنيك ..
صقر : حاضر .. اهو ..
رفعت نفسها وباسته وجريت ل جوه اليخت ..
فتح عينه بسرعة وفرح ل فعلتها وقال ..
اها بعشقك يا شهد والله بعشقك ..
الفصل السابع عشر من هنا
لقراءة باقي الفصول من هنا