رواية #عشقت_بنت_استاذى
الفصل الحادى عشر والثانى عشر والثالث عشر
(يعنى لو انتى مصممه تعتذرى فانا مستنى يلا قوليها)
سلمى: ايه ده هو عرف ازاى ان انا اللى كتباها.....
لا انا مش هرد عليه
( هتمشى بكره الساعه كام)
سلمى ف نفسها : ايه ده وانت مالك همشى الساعه كام مهما تحاول مش هرد عليك
( هستناكى الساعه ٧ ف الموقف)
(بقلم :سلمى العطار)
(عارف انك صاحيه وبتشوفى المسدجات بس ع العموم تصبحى على فرحه يعقوب بيوسف)
كنت فرحانه ومش مستوعبه اللى بيحصل حاسه كانى ف عالم تانى اينعم مبردش عليه بس مكنتش عايزاه يبطل يبعت مسدجات كنت عايزاه يفضل يتكلم
سلمى: عيال انتوا نمتوا
مريم: عايزه ايه
سلمى: هقابلكوا الساعه ٧ تمام
مريم: ليه ٧
سلمى بتوتر : هاااا عادى يامريم
مريم: طيب هرن ع فايزه علشان تعرف
سلمى: ماشى سلام
مريم: سلام
سلمى: امتى هتيجى الساعه ٧ اى الهبل ده انا بفكر ليه اصلا انا مش مهتمه عادى مش مهتمه ايه بس انا فتحت الاكونت بتاعه وفضلت اعمل زوم ع صوره لحد ما نمت
طلعت الشمس وكان لازم اصحى صليت ولبست وطلعت كالعاده الفطار جاهز
سلمى: ربنا ما يحرمنى من فطومه حبيبة قلبي
فاطمه: ولا يحرمنى منك اقعدى افطرى يلا
سلمى: حاضر
وموبايلى رن
فاطمه: ردى يا حبيبتي
سلمى: لا مش مهم
(مش زى ما توقعتوا دى مريم انا عملت بلوك لارقامه )
ورنت تانى
(بقلم :سلمى العطار)
سلمى: خلاص يا مريم نازله
مريم: اى يا حجه ساعه بتقولى نازله
سلمى: خلاص انا ع السلم سلام
يلا يا ماما والله هتاخر كده
فاطمه: لسه محتطش الكيك
سلمى: يا ماما كفايه هو اسبوع
فاطمه: وايه يعنى اسبوع هتاكلى ايه ف الاسبوع ده
سلمى: والله الاكل اللى انتى عاملاه يكفينى شهر مش اسبوع وبعدين متنسيش مريم وفايزه كمان هيكون معاهم اكل والله هيترمى ف الاخر
فاطمه: خلاص اخر حاجه
سلمى: ومين هيشيل الشنط دى بقى
فاطمه: البنات معاكى وشيلوا مع بعض
سلمى: طيب طيب يلا بقى سلام
فاطمه: سلام يا ماما
وحضنتها ونزلت على السلم ودخلت السنتر علشان اسلم ع بابا قبل ما امشى
سلمى: احم احم
سعيد: تعالى يا بابا
سلمى: علشان تعرف بس مقدرتش امشى قبل ما اسلم عليك
سعيد: اه ما انا عارف عايزه كام
سلمى: دايما ظالمنى ( اللى يطلع من زمتك ياحج)
سعيد: ظالمك ماشى تعالى ( واخدت مصروفى )
سلمى: طيب تعالى وصلنى بقى علشان البنات زمانهم هيولعوا فيا
سعيد: يلا
وصلت الموقف وكانت الساعه ٦:٥٥ ولاقيت مريم واقفه لوحدها
سلمى: السلام عليكم
مريم: وعليكم السلام اتاخرتى ليه
سلمى: انتى اللى جايه بدرى امال فايزه فين
مريم: بتجيب حاجه من السوبر ماركت
ونزلت معايا الشنط وبابا مشى
وفضلنا واقفين وجه شوفته وغصب عنى ابتسمت لفيت علشان ما يخدش باله
سلمى: لا ودقيق ف مواعيده
مريم: بتقولى حاجه
سلمى: لا بقول فايزه اتاخرت
(بقلم :سلمى العطار)
مريم: هروح اشوفها
سلمى: تمام بس متتاخريش انتى كمان
مريم: ماشى
ومشيت ولاقيته جاى
عمرو: صباح الخير
سلمى: بصيت ومردتش ( كان عندى كميه برود والله ما اعرف جت منين)
عمرو: احم السلام عليكم
سلمى اتكسفت: وعليكم السلام
عمرو: حلو الون ده عليكى
سلمى: نعم يا حضرت مش علشان رديت عليك السلام يبقى ده يسمحلك تتمادى
عمرو: انا اسف عن اذنك
(ايه التخلف ده بقى يعنى هو انا مش ينفع اتعامل معاه كويس لا كويس ايه يستاهل بس هو معملش حاجه)
مريم: الجميل سرحان ف ايه
سلمى بخضه: بسم الله الرحمن الرحيم
فايزه: اتخضيتى يا بطه
سلمى: ابو الروس حد وجهلك كلام
فايزه: ماشى يا.......( مش هقول بتقولى ايه طبعا علشان ميتمسكش عليا)
مريم: ما تتلمى انتى وهي
فايزه: خرابه خليك ف حالك (خرابه ده اسم ولد عندنا ف الشارع متسول)
( احنا مسخره خلاص ربنا يحمينا من العين)
_______________
محمود: صباحوا يا زميلى
عمرو بغضب باين : ازيك
محمود: مالك ع الصبح
عمرو: مردش وفضل يبص علينا واحنا بنضحك
محمود: اه هى الحلوه هنا
عمرو بنرفزه : محمود
محمود: انت بتغير يا عمورى
عمرو: معاك سجاير
محمود: انت يا ابنى مش بطلت
عمرو: اخلص يا عم مخنوق
مع انى كنت باضحك مع البنات بس كنت ببص عليه من وقت للتانى واستغربت اول ما شوفته بيشرب سجاير ايعنم هو كان سايبها ف ايده اغلب الوقت يعنى مكنش بياخد منها كتير بس حسيته نزل من نظرى وركبنا وهو كان قاعد ورانا
مريم: علينا اول محاضره تدريب ميدانى صح
فايزه: مش عارفه الجدول مع سلمى
مريم: بصتلى ومستنيه رد
فايزه: شيخه سلمى
سلمى بعصبيه : مريم مبحبش اسم شيخه ده ( الاسم ده كان دايما مستر احمد بيقوله علشان يضايقنى)
مريم: خلاص خلاص علينا اى اول محاضره
سلمى: تدريب ميدانى
فايزه: طيب بالراحه علينا
سلمى: ايه يا فايزه شايفانى بشد ف شعرى
مريم: اهدوا فى ايه وبعدين مالك يا سلمى قالبه بوزك ليه
سلمى: مفيش عادى
مريم: جبتى الكيك
سلمى: اه
(بقلم :سلمى العطار)
فايزه: ورينى كده
سلمى بضحك: مش قادره تصبرى يا مفجوعه
عارفه انهم بيحاول يخرجونى من مود الاكتئاب الثلاثى المرح هههههههههههه
عمرو: خمسه لو سمحت
محمود: لا يا ابنى انا هدفع
عمرو: خلاص يا ابنى المره الجايه عليك
سلمى: اتفضل يا عمو اربعه
عمرو: انا بقول خمسه
ولا كانه بيتكلم اربعه لو سمحت
عمرو: هو انا مش بكلمك
مبصتلوش: انا مبحبش حد يكون له حاجه عندى
عمرو: هو انا حد
سلمى: بالظبط لا اكتر ولا اقل
عمرو: ف نفسه مالها دى هو انا عملتلها حاجه ورجع فلوسه تانى
محمود بهزار: ايه يا عم علشان هى دفعتلك مش هتدفعلى ولا ايه
عمرو بصله بكيد وقاله: لا
وصلنا ونزلت وطبعا ركبنا مواصله تانيه علشان الشنط اللى معانا
حطيت الحاجه ف السكن ونزلت الجامعه
وحضرنا المحاضرات النهارده اخدنا ٣ محاضرات وكان اليوم صعب
مريم: انا على اخرى مش قادره
سلمى: والله وانا هموت وانام
فايزه: اه دبسونى انا ف الاكل
مريم: فوز
فايزه: بلا فوز بلا بتاع هو انتوا كنتوا بتاخدوا محاضرات وانا كنت بلعب باليه ولا ايه
سلمى: خلاص متتخانقوش ناكل لما نصحى
دخلت صليت وغيرت ونمت من التعب وقومت الساعه ١٠ عملت ساندوتش جبنه وطلعت البلكونه وشغلت اغانى بصوت عالى وسرحت معاها وللمره التانيه سمعت صوت باب البلكونه اللى جنبنا بيتفتح بس المره دى فضلت مكانى ومتحركتش ومن صوتهم عرفت ان عمرو وواحد اسمه على هما اللى ف البلكونه
على: مين اللى شاغل دماغ الكينج
عمرو: مفيش
على: ع اخوك برضوا امال طالع البلكونه ليه
عمرو: تتوقع مش عارفه تنام دلوقتي
على: بضحك يا حنين علشان كده طالع تغنيلها
عمرو: وانت عرفت منين
على: بس قولى ف عماره ايه وانا اجيبهالك لحد عندك
عمرو: لا بقولك ايه دى بالذات فكك منها علشان منزعلش مع بعض
على: سيبك هتعمل ايه ف رحله السنادى
عمرو: لما يجى وقتها نبقى نتكلم
سلمى: هو شاغل نفسه بيا قوى كده ليه معقول يكون اللى ف دماغى
احم احم سلمى
سلمى: انتى.......
يتبع
#عشقت_بنت_استاذى
البارت الثانى عشر
سلمى: انتى
اروى: كويس انك صاحيه
سلمى: خير ف حاجه
اروى وهى بتحرك ايديها ( الحركه اللى دايما بنعملها لما بنكون متوترين) سلمى انا محتاجه اتكلم معاكي شويه
سلمى: طبعا يا حبيبتي
اروى: ممكن جوه
سلمى: ماشى اللى تحبيه
اروى: شكرا
(بقلم :سلمى العطار)
سلمى: هااااا يستى دخلنا هاتى اللى عندك
اروى: انا خطوبتي الخميس الجاى
سلمى: الف مبروك يا حبيبتي دا احنا هنخربها ليكى عليا انا والبنات نعملك احلى خطوبه
اروى بدموع : المشكله مش ف كده
سلمى: ايه ده انتى بتعيطى
اروى: اعااااااا اعااااااااا
سلمى: اهدى بس ف ايه انتى مش عايزاه
اروى: لا هو انا اعااا اعااا
سلمى: طيب اهدى واتكلمى بوضوح
اروى: بص هو انا كنت بحب واحد وا وا
سلمى: كملى يا اروى
اروى: وهو دلوقتى معاه صور ليا وبيهددنى بيها وانا خايفه ومش عارفه اعمل ايه
سلمى: صور يا نهار والصور دى عامله ازاى يعنى وضعها
اروى: هى والله يا سلمى كانت صور عاديه بس هو فبركها وبعتلى نسخه منها وبيهددنى لو مرجعتش اكلمه واقابله هيبعت الصور دى لاهلى او لخطيبي
سلمى: طيب انا مطلوب منى ايه
اروى: مش عارفه بس انا مليش صحاب ومفيش حد اتكلم معاه ولا ف حد بيحبنى وكل البنات بيتجاهلونى
سلمى: طيب حاولى مترديش عليه دلوقتى لما نشوف هنعمل ايه
اروى: لو مردتش هيجيلى هنا سلمى انا مبنزلش الجامعه علشان خايفه منه
سلمى: لحظه بس يوم ما صرختى كان بسبب كده
اروى: اهاااا
( سيبها بظروفها ما يمكن تانى منشوفهاش ويمكن وقت ما نشوفها منعرفهاش احنا من الاول يا قلبى ازاى مصدقناش بقيت بتمنى اكون فعلا محبتهاش نفسى اعاتبها ع اللى انا فيه ده ولا بلاش اعاتب مين وانا اصلا مقولتلهاش قولى يا قلبى مش احنا حاولنا معرفناش ليه دايما باجى قدامها ومنطقهاش طب اشمعنا دى تفرق ايه دى عن غيرها متستغربش رد عليا رد عليا تعرفها خلاص صدقت عارف ليه مليش غيرها عشان انا وانتى كل شويه كل شويه نوصفها.....)
(بقلم :سلمى العطار)
اروى: سكتى ليه صوتوا حلو مش كده
سلمى بدون وعى : لا واحساسه احلى ايه ده لا عادى ع فكره
اروى بضحك: بيحبك
سلمى: مين
اروى: اعملى مش واخده بالك
ترن ترن ترن.......
سلمى: موبايلك
اروى: ده هو
سلمى: مين .. الولد اللى بيهددك
اروى: اه
سلمى: هاتى الموبايل
اروى: اهو امسكى
سلمى: اسمه ايه
اروى: احمد
سلمى: الو
احمد: مساء الورد يا جميل
سلمى: مساء الزفت ع دماغك يا مهزء يا عديم الربايه انت فاكر نفسك راجل يالاه دا انت متسواش حاجه يا.........
احمد: اهدى ع نفسك يا قمر لتموتى مننا
سلمى: اسمع يالاه دى اخر مره تتصل ع الرقم ده ولو اتكررت تانى هتشوف منى حاجه عمرك متتمناها
احمد: بصى يا بت انتى انا مش عايز لعب عيال ولو فاكره انك بكده بتهددنى فانا الجو ده مش هياكل معايا.......( قال كلمه حيائى يمنعنى من انى اقولها) وقفل ف وشى
سلمى: السافل انتى ازاى كنت بتحبى واحد زى كده
اروى: سلمى انا خايفه
سلمى: اروى انا اسفه بس انا مش هعرف اتعامل مع الاشكال دى
اروى: خلاص انا اسفه انى دوشتك بمشاكلى دى غلطتى وانا لازم اتحمل تصبحى على خير
سلمى: استنى طيب انا اعمل ايه
اروى: خلاص يا سلمى
سلمى: يا اروى خلينى افكر
(بقلم :سلمى العطار)
- مفيش غير عمرو
سلمى: ايه
ايمان: انا اسفه انى بتدخل بس الباب كان مفتوح وصوتكوا كان عالى
اروى: عمرو
ايمان: اه عمرو
سلمى: واشمعنا عمرو
اروى: عمرو من الاصدقاء المقربين ل احمد
سلمى: طيب وده هتكلموه ازاى
ايمان: انتى اللى هتكلميه
سلمى: نعم ايه ده لا استحاله
اروى: علشان خاطري يا سلمى انا لو الصور دى انتشرت مستقبلى هيضيع لو سمحتي والله جميلك ده مش هنساه طول عمرى
سلمى: خلاص ماشى بكره بقى
ايمان واروى: ماشى تصبحى على خير
سلمى:وانتو بخير
ايمان: تفتكرى هتواقف
اروى: قولى يارب
ايمان: يارب
اروى: هى طيبه وتستاهل كل خير انا داخله انام بقى
ايمان: وانا كمان
يالاا يالاا يا انسه انتى وهي الساعه ٨
فايزه: اوف بقى سبونى شويه
سلمى: مين اللى بتزعق ع الصبح كده ف حاجه اسمها احترام خصوصيه النايم افهموا بقى
مريم: طيب قومى بقى علشان منتاخرش ع محاضره الدكتور علاء ده مبيدخلش حد بعد منه
سلمى بنوم : قال يعنى هندخل الجنه
مريم: طيب قومى اخلصى
سلمى: قومنا يكش نخلص الواحد مش عارف يرتاح وقمت بنرفذه
يلا خلصوا كل ده بتلبسوا
مريم: ايه النشاط ده يا فوز
سلمى: انا جاهزه يالاا
اروى: صباح الخير
فايزه: صباح الورد يا عمرى
سلمى: ايه الحنيه دى
اروى: احنا بقينا صحاب
سلمى: ربنا يديم المحبه
فايزه: هتكلميه
مريم: ف نفسها يا اللى تتشلي فضحتينا
سلمى: وانتى عرفتى منين
فايزه بندم : ايه
اروى: انا قولتلها علشان تساعدنا وكده
سلمى: انا مش عارفه اصلا اكلمه ازاى ده وبعدين هو اكيد مضايق منى
مريم: امسكى دى
سلمى: ليه بقى
(بقلم :سلمى العطار)
مريم: البسى السماعه دى علشان نسمعك وانتى بتكلميه ونساعدك
سلمى: ماشى ربنا يستر
نزلنا وحضرنا اول محاضره وطبعا قعدنا ف الكافتيريا علشان نفطر
مريم: يالاا عمرو هناك اهو قومى
سلمى: طيب ما نستنا لما يجى انتوا مش شايفين معاه ناس
اروى: قومى بقى
سلمى:اوف خلاص
فايزه: السماعه
سلمى: حاضر
________
سلمى: عايزاك
عمرو: نعم
سلمى بتوتر : يعنى لو سمحت
عمرو: عن اذنكوا يا شباب.....اتفضلي
طبعا قعدنا وطلبلى عصير وليه هو قهوة ساده
عمرو: اتفضلى عايزه ايه
سلمى: هو هو ( مريم ع السماعه: انطقى بقى ،فايزه: يالاا يا سلمى مش حوار قولى الكلمتين اللى عندك)
سلمى: ما تسكتوا بقى
عمرو: نعم انتى شايفنى كام واحد
سلمى: مش انت
عمرو:هههههههه ماشى ع العموم مش محتاجين سماعه انا ممكن اعلى صوتى
اتحرجت جدا وكنت بتمنى الارض تتشق وتبلعنى وقتها انا ازاى مغفله كده
سلمى: هااااا لا خالص وقفلت الموبايل ( يعنى والله وقتها حسيت براحه هما اللى كانوا دوشينى )
سلمى: بص هو انا كنت عايزه يعنى انا كنت حابه لا هو يعنى لو حضرتك تتكرم يعنى و
عمرو: انتى شاربه حاجه
سلمى: نعم
عمرو: لا لا كملى انتى عايزه وحابه ولا انا اتكرم ايه بقى
سلمى: ممكن تسمعنى وانت ساكت
عمرو: اتفضلى وعمل بايده حركه كانه بيقفل بوقه
سلمى: بص هو ف واحد صاحبك يعنى انا مش عارفه صاحبك ولا بس زميلك المهم معاه صور لواحده صاحبتى وبيهددها بيها
عمرو: واحد صاحبى انا لا لو سمحتى انا صحابى كلهم محترمين انا اصاحب واحد
....
سلمى: ماخلاص يا بتاعه انت انت هتحور
عمرو: بتاعه
سلمى: انا اسفه بص انا متوتره
عمرو: والمطلوب
سلمى: يعنى تجبلنا الصور منه
عمرو: تدفعى كام
سلمى: نعم
عمرو: بهزر معاكى
سلمى: طيب هتساعدنا ولا ايه
عمرو: عندى شرط
سلمى: قول
عمرو: تطلعى معانا الرحله
سلمى: رحله ايه
عمرو: دى رحله بعيد عن الجامعه انا المسؤول عنها وحابب تكونى معانا
سلمى: لا انا اسفه
عمرو: طيب ليه اعتبريه رجاء مش شرط
سلمى: لا بابا مش هيواقف
عمرو: ملكيش دعوة سيبها عليا وجهزى شنطتك الرحله يوم الخميس عن اذنك علشان اقنع مستر سعيد
قام وسابنى وطبعا الكتيبه اتلمت
مريم: ها قال ايه
اروى: وافق
فايزه: انطقى يا بنتى
(بقلم :سلمى العطار)
سلمى: وافق بس بشرط اطلع معاه رحله
مريم: رحله فين وامتى
فايزه: ياه انا كمان لو عملوا رحله هطلع
سلمى: ما تهدى انتى وهي انا اصلا معرفش فين الرحله دى اللى اعرفه انها ملهاش علاقه بالجامعه
اروى: طيب هتطلعى
سلمى: بابا مش هيوافق اصلا وبعدين انا رميت الكوره ف ملعبه يعنى بابا يعترض وانا اطلع منها وناخد الصور وخلاص
عمرو جه عليهم : جهزى الشنطه بقى
سلمى: ايه
عمرو: اه انا عامل حسابكوا كلكوا
اروى: ياه انا كنت هموت واطلع الرحله دى من زمان
سلمى: هو انتى مش خطوبتك يوم الخميس
اروى:.........
يتبع
#عشقت_بنت_استاذى
البارت الثالث عشر
اروى: خطوبتي اها بس ممكن تتأجل عادى يعنى يا سلمى
سلمى بشك: تمام عن اذنكوا
عمرو: ع فين
سلمى: رايحه عند...... ايه ده انت مالك
عمرو: مغروره قوى
مريم: عن اذنك
فايزه: يلا
اروى: هنعمل ايه
ايمان: مش عارفه
فايزه: هكلم محمود
مريم: ماشى
_____
الو
محمود: ايه الاخبار
مريم: افتحى السبيكر
فايزه: كله تمام ايه الخطوة الجديده
محمود: لازم تقتنع ان ف صور
(بقلم :سلمى العطار)
مريم: ايوه ازاى يعنى
محمود: اسمعوا الكلام ده كويس (..................)
فايزه: تمام
ف الوقت ده انا كنت بأستلم اوردر ( اكستاسي واتلف دفتر يوميات كان عليهم عرض)
سلمى: واقفين كده ليه
مريم: مفيش مستنينك جبتى حاجتك
سلمى: اه اهم
فايزه: طيب يلا
سلمى: استنوا عايزه اجيب حاجات من السوبر ماركت
فايزه: لا
سلمى: ايه
فايزه: اقصد هنبقي ننزل بالليل
سلمى: يا بنتى ما احنا تحت ايه اللى يخلينا ننزل تانى
مريم: لا يلا وبالليل نبقى ننزل
سلمى: ماشى
طلعنا فوق وقابلنا طنط ع السلم وسلمنا عليها ودفعنا فلوس النت وطلعنا ( احنا عندنا راوتر ف الشقه وكنا بندفع الاشتراك لطنط)
سلمى: اوف انا خسيت النص بسبب السلم ده
مريم: اااه ااانا هموووت
فايزه: والله مش اكتر منى
سلمى: هتتغدوا دلوقتى
مريم: اه انا جعانه
سلمى: طيب هصلى واغير واجهز الاكل
(بقلم :سلمى العطار)
فايزه: وانا هساعدك
سلمى: ماشى
اتغدينا وخلصنا وكان المغرب وقتها اذن قمت صليت وقرات قران وفضلت ف الاوضه شويه بكلم ماما واطمن عليهم وعرفت منها انها عند خالى علشان خطوبة بنته يوم الاربع وطبعا لازم انزل وحصل خلاف انى عندى محاضرات وهى مصممه انى انزل من الصبح علشان ابقى معاها
وف الاخر برضوا مقتنعتش ولازم اسافر يوم الاربع الصبح
فايزه: انتى يا حجه انتى هتنامى ولا ايه
سلمى: ايه يا بنتى الدخله دى
فايزه: قومى البسى علشان نازلين
سلمى: مش قادره والله انزلى انتى ومريم وجابيلى معاكى
فايزه: طيب تمام عايزه ايه
سلمى: اكتبى عندك...............
فايزه: ماشى مش هنتاخر
سلمى: تمام
طلعت اقعد مع البنات شويه موبايل اروى رن بصتلى طلعنا انا وهى البلكونه
اروى: ده هو
سلمى: طيب ردى وافتحى السبيكر
اروى: حاضر
__________
الو
اروى: الو
سلمى: عايز ايه يا حيوان
- هههههههه عسل الكتكوته
اروى: اخلص يا احمد عايز ايه
- اسمعى بقى معاكى نص ساعه وتكونى ف الكافيه اللى كنا بنتقابل فيه
(بقلم :سلمى العطار)
سلمى: تبقى مجنون لو فكرت انها هتقابلك تانى يا......
اروى: خلاص يا سلمى قفل
سلمى: انتى هتنزلى
اروى: لو منزلتش انتى عارفه ممكن يعمل ايه
سلمى: وانتى تعرفى ازاى انك لو نزلتى ميعملش حاجه
اروى: انا هنزل وخلاص يا سلمى
سلمى: خلاص براحتك
اروى: براحتى ايه انتى هتيجى معايا
سلمى: لا اعفينى انا مقدرش
اروى: هتسيبنى انزل لوحدى
سلمى: خلى اى حد تانى ينزل معاكى
اروى: ما انتى عارفه ان البنات اللى عارفين نزلوا وانا مش حابه الموضوع يكبر اكتر من كده لو سمحتى يا سلمى حطى نفسك مكانى
سلمى: خلاص ماشى
اروى: انا هروح البس وانتى كمان اجهزى
سلمى: طيب
عند اروى ف الاوضه
كله تمام
- برافوا كده مش قدامنا غير نعرف محمود عمل ايه
_________
انت يا ابنى انا جعان تعالى ننزل ناكل
عمرو: مش قادر يا عم انزل انت
محمود: اخلص بس ع حسابى
عمرو: يا عم انت هتستهبل تلاقى جيبك مفهوش غير عشره جنيه
محمود: هو انا هتحايل عليك ولا ايه
عمرو: مترسينى ع الحوار علشان ابقى معاكوا
محمود: حوار ايه
عمرو: خد بالك انت بتصيع ع صايع
محمود: طيب اذا كان كده انزل قابلها ف كافيه......
عمرو: كنت عارف انك وراك حاجه
محمود: طيب يا اخويا اتحرك
عمرو: فوريره
____________
بعد نص ساعه
اروى: اوبا ايه القمر ده
سلمى: قمر ايه يا بنتى عادى
اروى: عادى ايه بس ( دا انا والله لو مش عارفه انك متعرفيش بالموضوع كنت فكرتك عامله كده علشانه)
(بقلم :سلمى العطار)
سلمى: بتبرطمى ب ايه
اروى: ها لا مفيش يلا علشان منتاخرش
سلمى: انتى منشكحه قوى كده ليه امال لو مش ف مصيبه
اروى: يعنى اقعد اندب حظى يا سلمى
سلمى: لا يلا يا اختي
وصلنا الكافيه وفضلنا مستنين سيادته لما يشرف
سلمى:انا زهقت ايه هو مش مفروض يكون هنا من عشر دقايق
اروى: شويه ويوصل
سلمى: لما نشوف اخرتها
اروى: بصى انا هدخل التوليت ومش هتاخر
سلمى: ماشى
فضلت اقلب ف الفون شويه لما ترجع ولقيت حد بيخبط ع كتفى
سلمى: انت
عمرو: ازيك
سلمى: الحمد لله كويسه
عمرو: تسمحيلى
سلمى: ها بس
عمرو: شكرا كنت عارف انك مش هتعارضى
سلمى: لا حول الله
عمرو: ها تشربى ايه
سلمى: ميرسى
عمرو: اتنين قهوة لو سمحت
بتحبى القهوه
سلمى: هاااا
عمرو: اكيد بتحبيها ساده زى ما انا بحبها
سلمى: انت ب......
عمرو: عارف انى قمر النهارده ايه تانى
سلمى: متفصل شويه مش عارفه اتكلم منك
عمرو: اسف
سلمى: الولد اللى معاه الصور جاى دلوقتى ف يا ريت تعمل معروف وتقوم تقعد ف مكان تانى
عمرو: افهم من كده انك بتطردينى
سلمى: لا مش قصدى بس
عمرو: عن اذنك
سلمى: عمرو
عمرو: نعم
سلمى: لو سمحت متزعلش انا مقصدش
عمرو: حصل خير اه القهوه ع حسابى
سلمى: طيب استنى نشربها مع بعض
عمرو: بجد
سلمى: هتقعد ولا اغير رأيى
عمرو: هواااا
سلمى: اسمع تشرب القهوه وتقوم
عمرو: أوامرك
الوقت عدى بسرعه جدا ومحستش اصلا بغياب اروى عمرو كان كلامه كتير عنه وعن عيلته وانا قاعده بسمعه
(بقلم :سلمى العطار)
سلمى: الوقت اتاخر هى اروى فين كل ده
قومت اشوفها ملقتهاش
عمرو: جربى اتصلى بيها كده
سلمى: ماشى
الو
اروى: ايه سلمى
سلمى: انتى فين يا بنتى
اروى: تعالى يا سلمى انا ف السكن
سلمى: نعم يا اختى ف السكن ومشيتى ليه من غير متعرفينى
اروى: لما ترجعى هعرفك
سلمى: خلاص سلام
عمرو: نمشى
سلمى: تمام
وصلت السكن والباب كان مقفول اتصلت بطنط الموبايل مقفول اتصلت بمريم علشان تتصرف وبرضوا مفيش فايده
البنات طلعوا البلكونه وفضلوا يكلمونى وانا محرجه من كم الشباب اللى كانوا ف الشارع وكلهم انتبهوا لينا ولكلامنا وما شاء الله كل واحده عندها كلمه حبت تقولها وانا تحت بس الحمد لله صوتنا جاب نتيجه وطلعت بنت من الدور الاول ادتنا رقم بنتها وبفضل ربنا كان معاها مفتاح ودخلت وانا بلعن حظى ع اليوم اللى عرفت فيه اروى ع الموقف السخيف اللى اتحطيت فيه
اروى: انا اسفه والله
سلمى: خلاص يا اروى
اروى: يا سلمى
سلمى: بلا سلمى بلا نيله انتى عاجبك منظرى كده وبعدين لما انتى مشيتى معرفتنيش ليه
اروى: انا كنت هقولك بس
سلمى: خلاص متبرريش اصلا معندكيش اجابه مقنعه
مريم ادخلت منقذه للموقف : سلمى هى دكتور سحر عندنا بكره
سلمى: اه المحاضره التانيه
مريم: طيب ذكرتى الحاجات اللى قالت عليها
سلمى: لا انا اصلا مسافره بكره
مريم: ايه ده هو احنا مش اتفقنا هنطبق الاسبوع ده
سلمى: خطوبة بنت خالى ولازم احضر
مريم: طيب والمحاضرات
سلمى: هبقى اخدهم منك
مريم: خلاص تمام
سلمى: جيبتوا الحاجات اللى قولتلكوا عليها
مريم: اه مع فايزه هجبهملك
سلمى: لا انا هقوم اجيبهم
مريم: لا
دخلت الاوضه
فايزه ع الموبايل: الخطه مشيت زى ما رتبنلها بالظبط
سلمى: خطه ايه