رواية عشقت بنت استاذى
الفصل الخامس والسادس والسابع
بقلم سلمى العطار
نزلوا جرى فى ايه؟
ايه الصوت ده مين اللى بتصوت بالطريقه دي
فايزه: دى اروى مغمى عليها ومش عارفه فى ايه
مريم: طيب وسعى كده
قعدت مريم وسلمى يفوقوا ف اروى وطلعت طنط ع الصوت وبتزعق
طنط بعصبيه: مين المتخلفه اللى بتصوت دى
فايزه: اروى اغمى عليها
طنط: لا اله الا الله
سلمى بلهفه: فاقت اهى
(بقلم :سلمى العطار)
مريم: ايه يا ست اروى خضتينا عليكى
طنط: ايه يا اروى عامله ايه
اروى: فضلت تعيط ومتكلمتش معاهم
طنط: طيب يا بنات ممكن تطلعوا بره
سلمى: حاضر يا طنط يلا يا بنات حمدلله على سلامتك
__________________
طنط: ايه اللى حصل يا اروى احكيلى
اروى: مفيش
طنط: يا حبيبتي لو ف حاجه مضايقاكى قوليلى
اروى: لا انا كويسه لو سمحتى يا طنط عايزه انام
طنط: طيب يا اروى تصبحى ع خير لو احتاجتى حاجه كلمينى
خرجت وهى شايله هم اروى وخاصه انها محكتش حاجه ولا اتكلمت معاها
_________
مريم: ايه يا طنط
طنط: انتوا واقفين كده ليه
سلمى: قلقانين عليها
طنط: هى كويسه سيبوها ترتاح
فايزه: هى البنت اللى ف اوضتها مش هتيجى
طنط: لا دينا بتيجى تانى اسبوع ف الدراسه انا هنزل وخلى بالكوا منها
ايمان: حاضر يا طنط
ونزلت وسابتهم
سلمى: ها هنعمل ايه
مريم: قهوه
سلمى: هنهزر يا مريم انا بتكلم ع اروى
فايزه: اهدى يا سولى مش كده....... مريم اكيد متقصدش يعنى وخبطت مريم ف كتفها
ايمان: تعالوا ندخل نطمن عليها ونقعد معاها
سلمى: يلا
عند اروى ف الاوضه كانت فاتحه عنيها وبتدمع ع مخدتها واول ما خبطوا عليها مسحت دموعها
ايمان: عامله ايه اروى
اروى: متكلمتش بس اكتفت انها بصتلها بصه تطمنها وخلاص
سلمى: طيب يا ست اروى لو تسمحى نغلس عليكى شويه ونقعد معاكى
اروى: لا معلش انا عايزه انام
مريم: خلاص يا بنات يلا
فايزه بهمس اخرصى بقى
مريم: انتى مش شايفه اسلوبها ايه قله الذوق دى احنا غلطانين ليكى يا ست هانم
سلمى بصت لاروى : تمام بس احنا بره لو احتاجتى حاجه نادى علينا
اروى: مردتش
سلمى: يلا يا بنات وقفلت الباب
جيهان بنوم : ايه يا عيال انتوا بتعملوا ايه
مريم: انتى يا بت ازاى مصحتيش ع الصوت
جيهان باستفهام: صوت ايه
فايزه: لا دى مكنتش هنا خالص
سلمى: اروى كانت تعبانه يا جيهان
جيهان بلا مبالاه: بجد اه وبعدين
سلمى: ايه اللى اه وبعدين يا بنتى دى كان مغمى عليها
جيهان: ماشى ايه الصويت بقى اللى حصل
مريم: مش عارفين تقريبا هى اللى صوتت
سلمى ف نفسها فعلا ايه اللى يخليها تصوت وبعدين لما دخلنا كانت بتعيط اكيد ف حاجه
جيهان: انا هصلى وادخل اكمل نوم
مريم: يا بنتى انتى لسه صحيتى لما هتدخلى ده ايه ده بس ياربى
(بقلم :سلمى العطار)
فايزه: انا كمان هدخل انام الوقت اتاخر
سلمى: الساعه لسه عشره
مريم: عندنا جامعه بكره لو مش واخده بالك
سلمى: طيب ادخلوا انا هقعد ف البلكونه شويه
ايمان: تمام تصبحى ع خير
سلمى: وانتوا بخير
عملت نسكافية وطلعت البلكونه كلمت بنت صاحبتى من ايام الثانوى بس دخلت جامعه تانيه وفضلنا نتكلم شويه وقفلت معاها فتحت الواتس لاقيت مسدج من رقم غريب
- انتى كويسه
سلمى: مين
- مش مهم بس انا قلقت من الصوت وخوفت عليكى وادام رديتى يبقى انتى كويسه
سلمى: انا سؤالى واضح مين حضرتك
- هيجى يوم وتعرفي
سلمى ف نفسها عبيط ده ولا ايه وعملت بلوك
ايه الملل ده بقى سمعت صوت البلكونه اللى جنبى بتنفتح وخوفت قوى نزلت ف الارض مع انى بعملش حاجه غلط بس معرفش ليه عملت كده
__________
انت يا ابنى رد ع الزفت ده انا قرفت من معجبينك شوف يا عم موبايلك ده
عمرو: فكك
محمود: ايه يا ولهان مالك هى حلقتلك ولا ايه
عمرو: مش عمرو السيوفى يالا اللى يتحلقله
محمود: عمرو السيوفى وكمان يالا
دا انت حته بت مدوخاك بقالها سنتين
عمرو: تلاته وحياتك
محمود بضحك : ها وهتعمل ايه
عمرو بشرود: ولا حاجه لحد الان معرفش
وصلنى اشعار من بيدج كنت متابعه عليه روايه اتخضيت وطلع منى صوت والله كان غصب عنى بس انا فعلا اتخضيت
محمود: ايه الصوت ده
عمرو: الصوت جاى من الاتجاه ده
محمود: ده مسدج اطفال يا بنتى
(بقلم :سلمى العطار)
رديت عليه وانت مالك هو كان حد اخد رايك
عمرو: البس ههههههههههه
انا وقتها مشيت ف الارض علشان محدش يشوفنى ودخلت اوضتى وانا مكسوفه وهفصل من الضحك وف نفس الوقت اضياقت هو ماله بصوت المسدج دى حاجه تخصنى
ودخلت اوضتى اقراء الروايه واتشديت للاحدث جدا وانا بقراء سمعت صوت بيتكلم ومتعصب قومت اشوف مين
سلمى:انتى.......
#عشقت_بنت_استاذى
السادس
سلمى: انتى كويسه بتزعقى ليه ف حاجه
اروى: وانتى مالك
سلمى: انا غلطانه انى سالتك يكش تولعى
ودخلت اوضتى وكنت بحاول افضل صاحيه علشان لو جرالها حاجه يكون ف حد جنبها مع انها متستاهلش مسكت الموبايل وفضلت اقلب ف صورى القديمه مع ماما وبابا جاتلى رساله من رقم مش متسجل ع الواتس
(بيقولو ان الحب اعمى وانا شايف انى فتحت على ايديكى)
سلمى: ايه ده مين اللى يكتب كده ويعرفنى منين ده او جاب رقمى منين
وصلتنى رساله تانيه من نفس الرقم
(طب والله عيب تبقى اون لاين وتشوفى رسالتى ومترديش اى حاجه طيب)
لا ده شكله عبيط فعلا ايه التخلف ده ماله هو اون لاين ولا اون زفت ايه الناس الغريبه دى
بعتله مسدج( معقول مردش عليك لا طبعا ازاى ) ورزعته حته بلوك محترم
_____________
امسك يا عم موبايلك
محمود: حاول من الرقم التانى
عمرو: انا تعبت معاها والله امال لو مش قمور واتحب كانت عملت ايه
محمود:هى عارفاك اصلا
عمرو: لا
محمود: الصبر من عندك يارب هيشلنى وانا ف عز شبابى
عمرو: اهدى يا حوده يا حبيبى
على: بتتكلموا ف ايه يا ابنى انت وهو
محمود: ف الحب يا بنى ادام انت متسمعش عنه
على: لا يا اخويا اسمع عن عشا عايز يتعمل انا جعان يا ناس
عمرو: يا ابنى انت ع طول جعان
على: عارف يلا يا عمرو لولا انى شامم ريحه اكل ف العماره اللى جنبا ومش قادر اقاوم كنت رديت عليك
محمود: اهو اشتغل كلب حراسه
على: يعنى كان لازم نسكن جنب عماره بنات هنعيش ازاى مع الروايح دى يا ناس
عمرو: محمود قوم سد بوزه بحاجه احسن يفضحنا
محمود: مفيش غير جبنا تاكل
على: اه يا اماااااااا فينك وفين اكلك اعمل يا بنى
عمرو: بطل طفاسه بقى
على: متسمعنا حاجه يا حبيب
عمرو: اغنيلك
على: غنى يا حنين بلهجه احمد عز ف الممر
عمرو: جيت ع بالى كده من كام يوم قولت اما اسال فينك وكلام بينى وبينك مقدرش انسى ايامى معاك وبتوحشنى عنيك سلملى ع عنيك الاتنين ده لحد ما نتقابل مهما الواحد قابل عمره ما ينسى اعز الناس لا متقولش ناسيك
___________
سلمى: يا ابنى ارحمنى من ام صوتك ده ايه الاحساس الفظيع ده ف ناس ممكن تحب وتطلع الاحساس ده والله يا بختها بيك
ونمت وانا بدندن الاغنيه معاه
صحيت ع صوت مريم وايمان بيتخانقوا
سلمى: ف ايه ع الصبح
مريم: من غير صباح الخير دلوقتى انا اللى صحيت الاول تمام
سلمى: تمام
مريم: هى عايزه تكوى قبلى ليه بقى
ايمان: يا بنتى انا عندى المحاضره الاولى وانتى عندك التانيه يبقى مين اللى يكوى الاول
مريم: مش مشكلتى مصحتيش بدرى ليه
ايمان: الساعه 8:5 وكده مصحتش بدرى ايه هروح اكمل نوم عند باب الجامعه
مريم: مليش علاقه انا لو مكوتش دلوقتى مش هكوى ولو مكوتش مش هنزل يلا بقى
ايمان: متنزليش دى حاجه تخصك وسعى بقى بطلى رخامه
مريم: انا رخمه طب ايه رايك مش هوسع وانا اللى هكوى الاول
سلمى: يارب نكون خلصنا
ايمان: انتى لسه واقفه
سلمى: سبيها تكوى يا مريم وتعالى احكيلك ع حاجه مهمه حصلت امبارح
مريم: لا يا سلمى متحاوليش واصلا مفيش حاجه حصلت امبارح
سلمى: طيب متزعليش بقى لو حكيت لفايزه سر المسدجات اللى كانت بتوصلنى وانتى لا
مريم: المسدجات المسدجات
سلمى: اه المسدجات المسدجات
مريم: انا هسيبك تكوى الاول بس علشان الموضوع مهم غير كده بعينك
ايمان: يا شيخه روحى بقى
مريم: ها يلا احكيلي
سلمى: انا مش هتكلم اقرى بنفسك
مريم: يا عينى يا عينى بس ايه فتحت ع ايديكى دى هو كان اعمى لا سمح الله
سلمى: بنت محبش حد يغلط ف الناس اللى بتكرش عليا
مريم: طيب يا ماما ده ع اساس انك تعرفيه
سلمى: يا شيخه فكك ولا عايزه اعرفه اصلا انا ناقصه وجع دماغ
مريم: يا جامد هى البت فايزه لسه مصحيتش
سلمى: سبيها يا بنتى لسه بدرى واحنا عندنا التانيه
مريم: مش انا صحيت
سلمى: اه
مريم: يبقى الكل لازم يصحى
سلمى: ايه الغل والحقد ده يا شيخه
مريم: قدامى
سلمى بضحك: الله يكون ف عون اللى هيخدك والله هتشليه
مريم: شوفى والنبى نايمه زى الاستوبيس المقلوب ازاى
سلمى: اتهدى بقى انا هصحيها فايزه يا بنتى فوز
مريم: انتى لسه هتقولى فوز وقلبت مايه عليها
فايزه: يالهوى ف ايه وملقتش غير سلمى ف وشها
سلمى: فوز وربنا مريم انا ميطلعش منى كده
ومكملتش كلام وقامت فايزه تجرى وراهم وفضلوا يجروا ويضحكوا
طلعت اروى ايه قله الادب دى الواحد ميعرفش ينام شويه ف المخروبه دى
مريم علشان عارفه انها تعبانه اتعتزرت بس سلمى رت لها كلمتها اللى قالتهلها امبارح
سلمى: وانتى مالك
اروى اضايقت بس حاولت ترد لانها متعودتش ان حد يقف قصادها: انتى هنا ف سكن يا ماما جو كيجى ده مش هنا انا عارفه ايه اللى رماكوا علينا بنات مش متربيه
وسابتهم ودخلت
سلمى: والله مفيش حد مش متربى هنا غيرها
فايزه: خلاص يا سلمى بس انتى عارفه انها تعبانه وكان مفروض نراعى ده
سلمى: يا بنتى انا مقصدش امبارح سمعتها بتزعق بسالها لو ف حاجه قالتلى وانتى مالك وبعدين نراعى ايه ما انتى شايفاها عامله زى المجانين ع الصبح
فايزه: انتى شوفتيها امباح اصلا
مريم: يا اختييييييي انتى فايتك كتير بصى يا سولى سبيلى الطلعه دى واخدت فايزه تقولها ع الحصل وانهم كده اتاكدوا ان اللى بيبعت الرسايل حد معجب بسلمى
فايزه: يلا خلى نحس الشله يتفك اوعدنا يارب
سلمى: اتنمروا ليكوا يوم يا ظلمه
ع الساعه 10،5كان البنات لبسوا ونازلين ع المحاضره
مريم: بالراحه يا حبيبتي وانتى نازله السلم علشان انتى مهمه دلوقتى وف ناس بتخاف عليكى
سلمى: مريم والله هزعل بجد متخلنيش اندم انى بقولكوا ع كل حاجه
مريم: ايه يا سلمى بهزر والله ما اقصد اضايقك
سلمى: ماشى بس الكلام ده ما بينا اصلا مفيش حاجه وانا عملت بلوك يبقى خلاص بقى
فايزه: بالحق يا رومه هو ده البلوك رقم كام اصلى نسيت
مريم: مابعدش يا چيمى
سلمى: بقى كده وجريت واراهم ع السلم
فايزه: بس ريلاكس بقى احنا نازلين ع الشارع الوش الخشب ضرب البوز يا بنات البرستيج حبايبى اللى بيسمعوا الكلام
مريم: خلى الكشكول ده معاكى اظبط الخمار
سلمى: يادى الخمار هاتى
فايزه: عيال هو الواد ده بيشاور علينا ولا انا بيتهيألي
سلمى: واد مين
فايزه: الواد القمر ابو اصفر ده
مريم: يا بت ده من عندنا
سلمى: بلدنا فيها ناس حلوه كده
فايزه: شوفتى يا اختى بس انا لفت البلد كلها عمرى ما شوفته يعنى
مريم: دى من قريه(........)
سلمى بغمزه: وانتى تعرفى منين بقى يا مريومه
مريم: اتلمى يا بت انتى ناسيه ان بيت جدى هناك وشوفته كذا مره
سلمى: اه تمام
فايزه: سايبين المهم ف الموضوع وبتتكلموا ف حاجات شبه قفاكى منكى ليها
سلمى: وايه المهم ف الموضوع يا بنت صبرى
فايزه: كان بيشاور علينا يا بنت سعيد
سلمى: بت مستر سعيد انتى اتهبلتى ده استاذك يا كلب البحر
لو سمحتى يا انسه
لفوا فجأة انت......
يتبع
#عشقت_بنت_استاذى
البارت السابع
لو سمحتى يا انسه
انت
عمرو: نعم
سلمى: خير يا كابتن
عمرو: القلم وقع من حضرتك
سلمى: شكرا
مريم: شكرا يا
عمرو: عمرو
مريم: بس انت شكلك مش غريب عليا
سلمى لفايزه البت دى هتشلنى وهى مالها
عمرو: اه انا من عندكوا وكنت باخد درس عند مستر سعيد
لفته فجأة
سلمى: انت تعرف بابا
(بقلم :سلمى العطار )
عمرو: طبعا
سلمى: ع العموم فرصه سعيده يا مستر عمر
عمرو: مستر
سلمى: عندك اعتراض حضرتك
عمرو: لا خالص بس لو احتاجتوا حاجه متترددوش
مريم: شكرا يا عمرو
سلمى: عن اذنك وشدتها من ايدها
.......
مريم: ايه يا سولى
سلمى: ايه يا مريم ناقص تقوليله هات رقمك
مريم: طب وليه لا احنا بنات هو من عندنا يعنى ممكن نحتاجه ف اى وقت وبعدين انتى مش شوفتى كان بيشاور علينا ازاى يبقى اكيد عارفنا وكمان كان بياخد درس عند والدك
سلمى: والله متشوفى يا بنتى البت اللى هتشلنى دى.. فايزه! انتى مش معانا ولا ايه
سلمى: يا بت
فايزه: هاااا ايه مالكوا
مريم: سيبك مننا سرحانه فى ايه
سلمى: انا لو مش عارفه انك بتحبى كنت قولت انتى كمان عينك ع الواد
فايزه: لا مفيش
مريم: لا ده الموضوع بجد بقى فى ايه يا بنتى
فايزه: خلاص بقى
سلمى: ماشى بس هتحكيلنا لما نرجع
فايزه: تمام
(بقلم :سلمى العطار )
دخلنا المحاضره والدكتور مجاش او الدكتوره والله ما بنبص ف الجدول ولا عارفين اسم الماده ادينا بنمضى حضور وانصراف وخلاص وكله بيقول مفيش حاجه بتتاخد اول اسبوع وانتوا سنه اولى وهتزهقوا وكلام فاضى كده
سلمى: عيال انا مليت يلا نخرج وبعدين اكيد مفضلش كتير والمحاضره اللى ماخدنهاش تنتهى
مريم: يلا
وطلعنا ع الكافتيرا والله حاسه اننا بنروح الجامعه علشانها مش اكتر
فايزه: هو الواد ده مالوا
مريم: اه صحيح ده عينه علينا من وقت ما نزلنا من السكن
فايزه: علينا برضوا وبصت لسلمى
ف الوقت كانت سلمى بتكلم مامتها ع الواتس بصتلها
سلمى: لا حول ولا قوة الا بالله
مريم: طب اقطع دراعى ان ما كان جاى علينا
سلمى: .........
فايزه: ششششسش
عمرو: السلام عليكم
فضلت سلمى مركزه ف الفون ومدتهوش انتباه
مريم: وعليكم السلام
عمرو: ده حتى السلام لله يا انسه سلمى
سلمى: ف حاجه يا كابتن
عمرو: كابتن كابتن ع فكره عمرو اسهل
سلمى: عن اذنك ولميت حاجتى وهمشى
عمرو: لحظه بس انا ومسك ايديها علشان يوقفها
سلمى: ايدى لو سمحت
عمرو: انا اسف بس انا كنت عايز رقم المستر بعد اذنك
سلمى: وليه بقى ان شاء الله
عمرو: لانه اتمسح من عندى وانا اختى ف ثانوى وكنت عايز اتابع معاه و.....
سلمى: خلاص انت هتحكيلى قصه حياتك واتحركت علشان تمشي
عمرو: انسه سلمى عيب انى اكون بكلمك وتمشى وتسيبينى
سلمى: استاذ عمرو عيب ان يكون الرقم مع كل الطلبه وحضرتك سايب اهتك وجاى تسألنى عليه وبعدين هو موجود ع البيدج بتاعت بابا يعنى بلاش حوارات كتير والمره دى فعلا مشيت
مريم: احنا اسفين
عمرو: ع ايه محصلش حاجه
فايزه: انا ممكن اديك الرقم
عمرو: لا شكرا معايا
مريم: هاااا
عمرو: عن اذنكوا
فايزه: عبيط ده ولا ايه
مريم: سيبك منه وتعالى نلحق المجنونه التانيه
(بقلم :سلمى العطار )
_____________
مريم: سلمى سلمى استنى مش هنفضل نجرى وراكى
وقفت اخلصى انتى وهى
فايزه: ايه يا حجه مالك
سلمى: مفيش حاجه
مريم: طيب ليه قالبه بوزك وكمان ايه الاسلوب ده فى واحده محترمه تعلى صوتها ف وسط الجامعه وكمان ع شاب لا ومين عمرو يا ناس عمرو دى اخره تربيتى
سلمى: مريم متأفوريش وبعدين ايه عمرو ده
مريم: قوليلها يا بنتى ايه عمرو
بت يا فايزه
سلمى: مالك يا بنتى
فايزه بعياط: مفيش يا بنات انا هطلع الاوضه اغير
مريم: طيب متتاخريش علشان الغدا
فايزه: اللى هو ايه
مريم: مكرونه وبنايه
سلمى: عيال دى تالت مره ناكل مكرونه ف الاسبوع ده
فايزه: يا اختى اهو انتى مروحه بكره يبقى اشبعى من اكل البيت
سلمى: والله ماما وحشانى جدا وبابا هيموت وانزل النهارده قبل بكره
فايزه: ايوه يا عم انا عمك صبرى هيموت وميشوفش وشى
وقت الغدا
سلمى: عايزه انزل اجيب هديه لماما وبابا
مريم: ليه يا حبيبتي جايه من عمره
سلمى: بطلى استظراف يا مريم واجهزى علشان ننزل
مريم: هتنزلى معانا يا فوز
فايزه: مش قادره يا بنات انزلوا انتوا
سلمى: انتى مش على بعضك ليه
فايزه: اصل انا شوفته النهاره
مريم: مين
سلمى بلهفه: محمود انتى شوفتيه
مريم: بصت لسلمى وبعدين لفايزه اللى ملامح وشها اتغيرت
فايزه: كان واقف وحتى معبرنيش هو ليه بيعمل كده طيب انا عملتله ايه علشان يعاملنى بالطريقه دى
سلمى: فايزه انتى عارفه انك هتشوفيه ف يوم من الايام سواء كان هنا او ف اى مناسبه ف العيله وبعدين متنكريش انك اخترتى تبقى ف نفس الجامعه علشان تبقى قريبه منه وتشوفيه ويوم ما تشوفيه تعملى كده
(بقلم :سلمى العطار )
مريم: سلمى عندها حق وبعدين انتى متعرفيش الخير فين
سلمى: يلا ناكل علشان ننزل قبل المغرب
مريم: لا خلينا نصلى الاول وننزل علشان لو اتاخرنا
سلمى: تمام
اوف سلمى ظبطيلى الخمار ده
سلمى: مظبوط يا بنتى انتى ع طول كده
فايزه: انتوا لسه مخلصتوش
سلمى: اعمل ايه ف الست مريم لازم تقرفنى معاها كل مره
فايزه: الست مريم برضوا وانتى بقى خمارك فين
سلمى: انا بلبس بسرعه يا بنتى هاتيلى بس الخمار اللى لون الدرس ده من اوضتكوا
فايزه: حاضر بس اخلصوا
هاااا حلو كده يا اختى
مريم: مش بطال
سلمى: يلا يابت من هنا
فايزه بصوت عالي: اخلصى يا سلمى
سلمى: ماشى بس شوفى لو حد من البنات عايز حاجه من تحت
فايزه: حاضر
سلمى بعد وقت: يلا يلا يلا اخرتونى
مريم: شوفى البت
فايزه لسلمى : احنا برضوا
سلمى: معلش والله ايه الورقه دى
فايزه: دى حاجات البنات عايزينها
سلمى: كل ده ورينى كده.......
الله اكبر ايه الكميات دى هما ناويين ينتحروا ولا ايه وعلت صوتها بقى هو ده الدايت يا اختي منك ليها
نزلنا وفضلنا نلف ونتاخر حاجات جبت لماما سلسله عليها اسمى علشان افضل معاها وجبت بابا ساعه وقلم بس كان تحفه وكان متغلف بطريقه فظيعه
فايزه: عيال حلوه الساعه دى
مريم: تحفه بس دى رجالى
فايزه: عيد ميلاد محمود قرب ف... اتكسفت انها بتفكر فيه
سلمى علشان متحرجهاش اكتر من كده: جميله جدا
مريم: جيبتى حاجه العيال اللى فوق
سلمى: اه بس فى حاجه مش عارفه اقراها مين اللى كاتب الحاجات دى
فايزه: ايمان
سلمى: شوفى كده ايه دى
مريم: هى تقريبا اولها شين فاحنا نشوف اي حاجه بتبدا بالشين وكده تمام
ممكن لو سمحتوا تورونا الورقه
هاااا......