رواية #عشقت_بنت_استاذى
الفصل العشرين والحادى والعشرين والثانى والعشرين
بقلم سلمى العطار
فايزه: هو ايه اللى ايه ماله محمود جراله حاجه انطقى
مريم: اهدى يا بنتى هو كويس حتى اسالى سلمى
بصتلى ومستنيه منى رد
سلمى: بصى يا فايزه انا مش هقدر اخبى عليكى اكيد هيجي يوم وتعرفى
فايزه بخوف وبدأت تبكى : ايه اللى حصله هئ هئ هئ
سلمى: يا حبيبتي ده قدر ومكتوب ومحدش بيعترض على قضاء ربنا
مريم: ياللى تتشكى وجعتى قلبنا انطقى
سلمى : يا جماعه بصراحه بقى محمود محمود
مريم: والله ما وقت بردوك ده اخصلى
فايزه: سلمى انا قلبى هيوقف
سلمى: لا سلامه قلبك يا روحى الموضوع وما فيه ان محمود بيحب
فايزه: اه اه يا ويلى كنت حاسه كنت حاسه انه هيضيع منى
(بقلم :سلمى العطار)
مريم: الخاين الندل هو الخسران ع فكره هيلاقى فين بنت بحلاوتك واخلاقك
فايزه بعياط : اهو لاقى يا اختى وبقيت انا الخسرانه
سلمى: خلصتوا ننزل الستاره بقى ونسقفلكوا ع المشهد الرائع ده
مريم: انتى ايه يا شيخه حجر البنت منهاره وانتى ولا ع بالك
سلمى: ويبقى ع بالى ليه بالعكس انا فرحانه جدا دا انا طايره من الفرحه كمان
مريم: طيب امشى من هنا وحدفتها بالمخده
سلمى: اه ياللى تتشكى ف قلبك وجعتنى هو انتى سالتى هو حب مين
فايزه: خلاص بقى انتى وهي انتوا مش حاسين بيا
مريم: شوفتى كله بسببك
سلمى: ولعيها ولعيها اكتر ماهي والعه انتوا لو تهدوا هتعرفوا هو قلبه ملك لمين
قامت فايزه وزقتنا انا ومريم علشان تطلعنا بره
فايزه: بره بره انتى وهي
سلمى: اهدى يا مجنونه اهدى ده طلع بيحبك انتى ومغرم بيكى كمان
فايزه بعدم تصديق: احلفى كده
بصيت لمريم
سلمى: عبيطه دى
مريم: لا انتى عايزه تجننيني
سلمى: ايه اللى يجنن محمود طلع بيحب فايزه اغنيها
فايزه: لا انتى تيجى وتحكيلى عرفتى ازاى ومسكت ايدى واخدتنى علشان نقعد
مريم: وهتكون عرفت ازاى اكيد من عمورى
حدفتها بالمخده اللى جنبى
مريم: سورى عمورك انتى
سلمى: لا يا قلبى انا بردهالك بس
مريم: مشكوره يا صاحبى
فايزه: يوه بقى قوليلى عرفتى ايه
سلمى: قبل اى كلمه الغدا ع حسابك
فايزه: اوك هاا
سلمى: لا مش كده بس هتسيبنى البس من هدومك عادى
فايزه: ماشى بس يلا
مريم: والجيبه الكشمير اللى منعتينى البسها هاخدها ومشفكيش لبساها تانى
سلمى: اه يا استغلاليه
مريم: امال هسيبك ف الخير لوحدك
فايزه: امضيلكوا تنازل ع ورثى بالمره
سلمى: لا بعدين بعدين
فايزه: قولى بقى هموت بسببك
سلمى: بصى يا ستى انا كنت مع عمرو وهو اللى..
مريم: العب كنت مع عمرو وبعدين يا قلبى
سلمى: مبدأياً كده البت دى تطلع بره
فايزه: بره يا بت
(بقلم :سلمى العطار)
مريم: بقى كده يا فوز تبيعى صاحبتك علشان خاطره وكمان من اول ما تعرفى انه بيحبك امال لما تتجوزيه هتعملى ايه
فايزه: يسمعك منك ربنا
مريم: خلاص يا سلمى مش هتكلم تانى بس خلينى والنبى
سلمى: امم ماشى بس ع شرط
مريم: متخلصى يا بت احنا هنتشرط
سلمى: يبقى...
مريم: خلاص خلاص اسفه كملى بقى
سلمى: طيب علشان صاحبتى بس هتغاضى عن الشرط
مريم: يكرم اصلك يا شيخه قولى بقى نشفتى ريقى
سلمى: يا ستى اللى عرفته انه بيحبك من زمان وكمان كلم والدك والحج زعقله وطرده من بيتكوا
فايزه: بس ده كان قبل الثانويه
سلمى: اه تقريبا وابوكى قاله يبعد عنك وإلا
فايزه: كان هيإذيه صح
سلمى: لا يا روحى ده كان هيإذيكى انتى
فايزه: انا
مريم: مش بعيده عليه اللى حبسك وكان بيضربك يقدر يعمل اكتر من كده
سلمى: مرييييييم
اينعم مريم كلامها كله صح بس انا مكنتش حابه انها تفكر فايزه بحاجه زى كده
مريم: سورى
فايزه: مفيش حاجه يا مريم كملى يا سلمى
سلمى :بصى هو مش عايز يقولك لاسباب انا معرفهاش
فايزه: بابا بيكره محمود مش بس محمود بابا بيكره اى حد من طرف ماما ده يمكن بيكره ماما نفسها انا مش عارفه ليه ربنا مدانيش اب حنين يخاف عليا احس معاه بدفى العيله وحبه وعطفه عليا تعرفوا انى دايما بلومه على تعب ماما اللى شافته منه مش من شويه تعرفوا اللى كنت بحكيهولكوا ميجيش حاجه ف اللى كنت بشوفه منه هئ هئ هئ هئ
معرفش ليه حسيت انها موجوعه اكتر من الاول انا كنت فاكره انها لما تعرف ان الشخص اللى بتحبه وبتتمنى قربه هو كمان بيحبها هتفرح لكن من الواضح ان محمود كان عنده حق لو عرفت هتتجرح وده اللى انا شايفاه صعب انك تشوف الناس اللى بتحبهم وبيحبوك بيبعدوا عنك علشان خايفين عليك اختاروا الاذيه وكسرة القلب ولا انهم يشوفوا دمعه ف عينك
(بقلم :سلمى العطار)
فوقت من شوردى ع صوت مريم وهى تصرخ
سلمى: ف ايه
مريم: معرفش دى تقريبا اغمى عليها
سلمى: فايزه فايزه
حاولت افوقها مفيش فايده
مريم: احنا لازم ناخدها المستشفى
سلمى: حاضر ظبطى هدومها بس وانا هكلم عمرو
مريم: ماشى متشغليش بالك
_____________
اتصلت بعمرو علشان يلحقنا
الو
عمرو: لحقت اوحشك
سلمى: عمرو الحقنى
عمرو بقلق : مالك يا سلمى
سلمى بتوتر: فايزه فايزه
عمرو: اهدى اهدى انا جاى
قفلت معاه وانا متؤتره وخايفه عليها يمكن ميته رعبه اول مره اشوف صاحبتى ف الحاله دى
مريم: كلمتيه......سلمى هو انا مش بكلمك
سلمى: ها
مريم: ايه اللى ها كلمتيه
سلمى: اه جاى
مريم: طيب حاولى تقوميها معايا
سلمى: حاضر
الباب خبط جريت افتح وسبت مريم مع فايزه
سلمى: عمرو الحقنى
عمرو: اهدى اهدى بس خير ان شاء الله
سلمى: يارب
عمرو: هو ايه اللي حصل
مريم: مفيش كنا بتكلم وبعدين اضايقت واغمى عليها
لقيته بيبصلى وكأنه بيترجانى انى اخيب ظنه ومكنش عرفتها
شالها وطلع بيها وانا ومريم كنا ماشيين وراه وقف عند الباب وقفنا واحنا مستغربين
عمرو: اعدلى طرحتك
بصيت ع مريم ولقيت خمارها مظبوط عرفت انه بيوجهلى الكلام عدلت الخمار وانا ماشيه وراهم
وصلنا المستشفى وفضلنا وقت كتير ف الاستقبال لحد لما جات ممرضه ودخلتها قعدت قدام الاوضه وفضلت اعيط والوم نفسي ع اللى حصل
عمرو بعصبيه: قولتلك متعرفش ومع ذالك مكملتيش نص ساعه اللى وانتى قاليه كل حاجه
سلمى: عمرو انا
عمرو: انتى ايه عارفه لو جرالها حاجه انا هيبقى موقفى ايه قدامى صاحبى
كلامه كان زى السكاكين هو بيقولى كده ليه طيب ماهي كمان صاحبتى واختى انا اصل مخنوقه من اللى حصل دموعي كانت بتنزل مع كل كلمه بيقولها مقدرش شوف دموعها حتى ولو غلطت بس دموعها عذاب ليه
عمرو: سلمى خلاص متعيطيش هتبقى كويسه
سلمى: احلف
عمرو: ايه
سلمى: هئ هئ هئ
عمرو: ايه شغل العيال ده
موبايله رن ومن صدمته لما شايف الاسم انا عرفت انه محمود
عمرو: عن اذنك
الو
محمود: ايه يا عم مختفى فين هى جنبك
عمرو: مش جنبى بس معايا
محمود: حلاوتك يا نجم مصر مسيطر انت
عمرو: احنا ف المستشفى
محمود: انت كويس
عمرو: الحمد لله
محمود: سلمى جرالها حاجه
(بقلم :سلمى العطار)
عمرو: محمود اهدى انا وسلمى كويسين بس
محمود: بس ايه يا ابنى قلقتنى
عمرو: فايزه اللى ف المستشفى
محمود: فايزه.....مستشفى ايه
عمرو: مستشفى (.................)
سلمى: قالك ايه اكيد هو كمان هيلومنى ع اللى حصلها
عمرو: ممكن تهدى بقى انا هنزل اقابله تحت هي مريم فين
انتبهت انها مش موجوده جنبى قومت زى المجنونه ادور عليها
سلمى: لو سمحتى مشفتيش بنت لابسه خمار وجيبه كحلى
الممرضه: هي سالتنى ع مكان للصلاه وانا دالتها
سلمى: طيب ممكن تقوليلى فين المكان ده
الممرضه: اه طبعا اتفضلي معايا
سلمى: شكرا
الممرضه: العفو
عمرو جه جنبى ومسك ايدى قبل ما ادخل: حبيبتي انا هنزل لو احتاجتى حاجه كلميني
بصيتله وانا محتاره من طريقته مش مستوعبه انت قاسى وكلامك يجرح ولا حنين وبتلطف الجو علشان متضايقنيش
عمرو: سلمى انتى معايا
سلمى: امم
عمرو: طيب انا نازل
سلمى: تمام
سيبته ودخلت وقلبى وجعنى من منظر مريم وهى ساجده وصوت عياطها سابق صوت دعائها بدات احداث كتير تدور ف دماغى وكلها كانت وحشه اينعم حالة فايزه مش خطيره للدرجادي بس احساس الفراق والوحده مراودنى واحساسى انى سبب ف وجودها هنا كمان مخوفنى فضلت ابص على مريم وانا مكانى لحد ما خلصت
سلمى: م ر ي م
مريم من غير ما تلف وشها : نعم
(بقلم :سلمى العطار)
سلمى: انتى كمان معتبرانى سبب اللى حصلها
لفت وشها ليا
مريم: ايه اللى بتقوليه ده انتى ازاى معتبره نفسك سبب ف اللى حصل كلنا عارفين ان مشكله فايزه مع باباها يعنى لا انا ولا انتى ولا اى حد ليه دخل ف حاجه
سلمى بعياط : بس هي هتبقى كويسه صح
قامت مريم وحضنتها : اه ان شاء الله
_________________
تحت ف الاستقبال وصل محمود ف زمن قياسى
محمود: هي فين
عمرو: طيب اهدى
محمود: حسابك معايا بعدين ازاى متقوليش انها ف المستشفى
عمرو: محمود انا لما عرفت جبتها هنا ع طول وبعدين مكنش ف وقت اعرفك او اعرف غيرك
محمود: اطمن عليها الاول وبعدين ابقى اشوف الموضوع ده بعدين
طلعنا انا ومريم واستنينا الدكتور يطلع
سلمى: لو سمحت هى عامله ايه
الدكتور: كويسه جدا ضغطها كان عالى شويه بس هي فاقت وتقدر تروح معاكوا كمان
سلمى: الحمد لله
مريم: طيب الاغماء ده هيتكرر تانى
الدكتور: ان شاء الله مع المحافظه هتبقى كويسه انا كتبتلها شويه ادويه ياريت تواظب عليها
مريم: شكرا ي دكتور ممكن ندخلها
الدكتور: اه طبعا عن اذنكوا
سلمى: اتفضل
دخلنا وكان شكلها هلكان جدا
سلمى : كده تخضينا عليكى
فايزه: معلش يا حبيبتي
مريم:ونصرفها فين دى اعملى حسابك مش علشان تعبتى شويه هتصعبى عليا واسمحلك تلبسى الجيبه الكشمير بعينك احنا اتفقنا خلاص
فايزه: هههههه خديها وانتى كمان يا ستى مش ناسيه الغدا بتاعك........ لاحظت أن سلمى مش معاها ..... بت يا سلمى
سلمى: امم
فايزه: مالك
مريم: يا ستى الموضوع وما فيه انها معتقده انها السبب ف اللى حصلك
فايزه: يا روحى مدت ايديها ليا
فايزه: تعالى
اترميت ف حضنها وانا بعيط
سلمى: انا اسفه لو اعرف انه...
فايزه: هشش انتى عارفه انا بسببك عرفت احسن خبر ف حياتى كلها وكفايه انه طلع بيحبنى ومشاعرى ليه كل ده مكنتش ع الفاضى
الباب خبط ودخل محمود وعمرو
عمرو: حمدلله على سلامتك
فايزه: الله يسلمك
نظرات فايزه كانت ع محمود بتعاتبه انه مقلهاش واتحمل كل حاجه لوحده ازاى يبقى بيحبنى ويعاملنى المعامله الجافه دى طيب ممكن سلمى تكون فهمت غلط لا نظرة الخوف اللى شايفها ف عينه غير قطع تفكيرها صوت محمود
محمود: ممكن تسيبونا لوحدنا
عمرو بتفهم :اه طبعا يلا
طلعنا وانا متؤتره وخايفه عليها
سلمى: مكنش مفروض نسيبها معاه انا خايفه عليها لا تتعب تانى
عمرو: اولا ده مش عدوها اللى متعرفهوش انها حب عمره اللى عاش يحلم بيها وبعدين غير كده ده قريبها
سيبته ومشيت مش حابه افتح مجال للكلام معاه
ف الاوضه
محمود: حمدلله على سلامتك
فايزه: الله يسلمك
محمود: تعرفى انى خوفت عليكى
فايزه:........
محمود: هو اللى حصلك ده بسببى
يتبع
#عشقت_بنت_استاذى
البارت الحادى والعشرون
فايزه: ...........
محمود: انا بكلمك
فايزه: نعم
محمود: اللى حصلك ده بسببى
فايزه: لا
محمود: مش مقتنع بس ماشى
_________
قومى معايا عايزك
سلمى: ليه
عمرو: من غير ليه....بعد اذنك يا مريم
شدنى من ايدى
مريم: اتفضل
مشيت معاه وانا عارفه ان الموضوع مش هيخلص ع كده
سلمى: نعم
عمرو: حلو قوى انا مرضتش اضغط عليكى علشان عارف انك مضايقه علشانها ودلوقتي هي كويسه
سلمى: والمطلوب هتحملنى نتيجه اللى حصل
عمرو: انا كلامى دلوقتي ع نقطه معينه انا قولتلك فايزه متعرفش واتفقنا ع كده وقولتى خطه ومش خطه
(بقلم :سلمى العطار)
سلمى: وعرفتها اى تانى
عمرو: اى تانى هو انتى بتتكلمى كده ليه
سلمى: علشان يا مستر عمرو صاحبه الشأن وقالت ان اللى حصلها مش بسببى وانها فرحت لما عرفت انه بيحبها يعنى انا كده مليش ذنب ف حاجه لكن انت لازم تعمل حوار
عمرو: حوار... لمعلوماتك الموضوع كله مش فارق معايا انا كلامى معاكى اننا اتفقنا ع حاجه ما بينا وانتى قولتيلها
سلمى: تقصد ايه
عمرو: ولا حاجه عن اذنك
سلمى: يوه بقى
طيب وده قصده ايه
مريم: بتكلمى ف نفسك
سلمى: عايزه ايه
مريم: سلامتك
سلمى: فايزه..... انتوا ماشيين ولا ايه
محمود: اه هي كويسه وملوش لزوم انها تفضل هنا
عمرو: يلا
ركبنا العربيه وطول الطريقه مستنياه ينطق كلمه مفيش
محمود: هطلعك فوق
مريم: ملوش لزوم احنا معاه
سلمى: متقلقش هتبات معانا ف الاوضه
محمود: انا واثق انكوا هتاخدوا بالكوا منها
عمرو: اه وانت الصادق
سلمى: يلا
مريم: عن اذنكوا
فايزه: طيب وبعدين
مريم: ايه
فايزه: وبعدين احنا راجعين القاهره بكره.
سلمى: امم
مريم: ايه اللى امم وايه اللى بعدين ف ايه
سلمى: عارفه ياريت ما جينا
فايزه: المهم اللى جاى هنعمل ف ايه
سلمى: ولا حاجه سيبيها بظروفها
مريم:ههههههه
فايزه بتضحكى ع ايه يا بت انتى
مريم: اسفه اسفه والله بس شكلكوا حلو قوى وانتوا بتندبوا حظكوا كده
سلمى: طيب قومى من هنا
مريم: ههههههه خلاص خلاص
فايزه: يلا ننام علشان انا تعبانه وبعدين بكره ف سفر وانا هلكانه
سلمى: يلا
قومت بعد الفجر بنص ساعه صليت وصحيت البنات وجهزنا الشنط واستنينا تعليمات الباشا
فايزه: تمام نازلين اوك سلام
سلمى: مين
(بقلم :سلمى العطار)
فايزه: ده محمود بيقولى ننزل الاتوبيس تحت
سلمى:امممم ماشى
مريم: يلا
نزلنا الشنط وركبنا ف الاتوبيس كنت انا جنب اروى ومريم وفايزه ف الكرسى اللى جنبنا من الجهه التانيه
محمود: كله تمام
عمرو: اه سلمى فين
محمود: مع البنات
عمرو: وده ليه بقى ان شاء الله
محمود: معرفش انا قولتلها مكان مع عمرو زى ما جينا قالتلى اركب انا معاك وهي هتفضل مع البنات
عمرو: شغل العيال ده
محمود: اهدى مش عايزين مشاكل
عمرو: انزلى
سلمى: نعم
عمرو: انزلى مفيش وقت نضيعه
سلمى: انا هفضل مع البنات
عمرو: ومحمود هيركب فين
سلمى: واضحه يعنى معاك
عمرو: لا حضرتك اللى هتركبى معايا
سلمى: وانا مش عايزه اركب مع حضرتك
عمرو: انا مش مموت نفسى ع الركوب معاكى الفكره ان لازم واحد مننا يبقى مع الاتوبيس
سلمى: والله ف شباب هنا كتير يقدروا يتصرفوا وبعدين لو لقدر الله حصل حاجه هنبقى نتكرم ونبلغ حضرتك
عمرو: انا مش ناقص استفزاز انزلى احنا هنلعب ما قولنا واحد مننا لازم يبقى مع الزفت
سلمى: متعليش صوتك
محمود: ايه ايه هدى نفسك واسبقنى ع العربيه وانا هتصرف
عمرو: اللهم طولك يا روح
محمود: سلمى لو سمحتى بلاش مشاكل
سلمى: انا اللى باعمل مشاكل انا صح اقولك ع حاجه انا هنزل وهروح لوحدى ولا راكبه معاك ولا معاه
محمود: ام الجنان ده
سلمى: انتهى الموضوع لو سمحت نزلى شنطتى
مريم: سلمى بلاش هزار
سلمى: مريم خلاص
محمود: شنطتك ايه مفيش حاجه نازله اعقلى بقى اقولك اركبى وانا هقف ع الباب خلصينا من ام القرف ده
سلمى: قرف انا هيرحك من القرف ده خالص اوعى كده اقولك خلى الشنطه مش عايزاها
فايزه: سلمى اهدى بقى
عمرو: متوقعتش انك تقنعها ف اقل من خمس دقايق... رايحه فين المجنونه دى
محمود: يا سلمى يا بنتى
عمرو: ايه يا بنى ف ايه
محمود: بقولك ايه شوف المجنونه بتاعتك دى
عمرو: ايه اللى حصل
محمود: هتروح لوحدها
(بقلم :سلمى العطار)
عمرو: ازاى بقى
محمود: اتصرف يا عم انا مش قادر للمحن ده
عمرو: طيب اخلع انت وانا هتصرف
محمود: طيب احنا هنتحرك وابقة طمنى
عمرو: متقلقش....... يارب صبرنى
محمود: يلا ياريس
مريم: رضيت
محمود: ادعى لسه عمرو هيتصرف معاها
فايزه: يعنى احنا سبناها وماشيين وتقولى عمرو هيتصرف
محمود: اعمل ايه يعنى يا فايزه انزل ابوس ايديها علشان تتكرم وتركب معانا وبعدين هي جايه معاه مفهاش حاجه لو روحت معاه انا عارف مالها
مريم: هو ايه اللى مالها سلمى عنيده ومش هتقتنع بسهوله
محمود: متشغليش بالك عمرو مش هيسيبها
عمرو: يا بنتى اهدى
سلمى: ملكش دعوه بيا انت جاى ورايا ليه
عمرو: طيب اقفى ونوقف نتكلم زى الكبار كده
سلمى: والله ده ع اساس انى بتكلم زى العيال الصغيره
عمرو: لا ستى انتى كبيره وعاقله وكل حاجه
سلمى: اه كل بعقلى حلاوه
عمرو: طيب يلا بقى
سلمى: لو سمحت سيبنى ف حالى وامشى
عمرو: يا سلمى والنبى بطلى بقى
سلمى: هو انا عملت حاجه
عمرو: طيب اعملك ايه علشان ترضى
سلمى: لا تعملى ولا اعملك امشى وسيبنى بسيطه يعنى مش حوار
عمرو: بصى بقى انا مش رايق انتى مش هينفع معاكى غير كده
سلمى: هتعمل ايه يعنى
عمرو: هتعرفى
سلمى: هتكلم مين يعنى
عمرو: حد مهم يعنى زى مستر سعيد مثلا
سلمى: ملكش دعوه ب بابا فاهم
عمرو: الو
سعيد: الو ازيك يا عم عمرو عامل ايه
عمرو: الحمد لله يا مستر بخير
سلمى: اقفل
عمرو: هششش
(بقلم :سلمى العطار)
سعيد: ايه يا بنى
عمرو حط ايده ع السماعه هتركبى معايا
سلمى: ماشى اقفل
عمرو: حلو الكلام........اااااه يا مستر كنت بطمن عليك بس وبعرفك اننا جايين النهارده
سعيد: طيب يا حبيبى سلمى معرفانى
عمرو: تمام يا مستر مش عايز حاجه
سعيد: لا يا بابا سلام
عمرو: سلام...... يلا
سلمى:...........
ركبت العربيه وانا عينى ع الطريق طول الوقت ودموعى خلاص هتغلبنى وتنزل يمكن ضعف منى او انه قدر يمسكنى من الايد اللى بتوجعنى انا مكنتش هقدر اتكلم مع بابا ف حوار انى ارجع لوحدى اينعم انا مكنتش هعمل كده وف الاخر كنت هركب معاه بس متوقعتش انه يدخل بابا ف الموضوع
عمرو: هتفضلى ساكته
سلمى: هئ هئ هئ هئ
عمرو: يا ريتك ما تكلمتى
سلمى: ممكن تسوق وانت ساكت
عمرو: حاضر
سلمى: هئ هئ هئ
عمرو: طيب بتعيطى ليه دلوقتي
سلمى: ملكش دعوه
عمرو: حاضر
سلمى: ايه اللى حاضر
عمرو: حاضر
سلمى: ههههههه متقولش حاضر
عمرو: ههههههه حاضر
سلمى: هو انت كنت هتقول لبابا
عمرو: ليه زى ناس انا وبطلع الكلام اللى ما بينا بره
سلمى: من امبارح وانت بتقول اللى ما بينا اللى ما بينا هو ايه اللي ما بينا
عمرو فرمل العربيه بسرعه: يعنى انتى مش عارفه
سلمى: هااااا ايه الهمجيه دى وبعدين اعتبرنى مش عارفه
عمرو: اعتبرينى مقولتش حاجه
سلمى: يعنى ايه
عمرو: الموضوع انتهى
سلمى: براحتك سحبت الوصله من العربيه وشغلتها ف الموبايل تحب تسمع حاجه معينه
عمرو: كتاب حياتى يا عين
سلمى: ههههههه
عمرو: ههههههههه
سلمى: يالهوى هموت مش قادره
عمرو: عجبتك
سلمى: اه اه قوى ههههههه
عمرو: طيب اهدى داخلين ع لجنه ليمسكونا اداب
سلمى: احم حاضر
عمرو: تعرفى ان ضحكتك حلوه
سلمى: شكرا
وقفنا والظابط عمل حوار قدامى علشان يلفت الانتباه
الظابط: رخصك يا ابنى
عمرو: اتفضل
الظابط: اممم بطاقتك يا استاذه
سلمى: اتفضل
الظابط: انسه سلمى اسمك حلو
عمرو: خلصت حضرتك
الظابط: اممم والقمور بقى ايه علاقته بالانسه يعنى من الواضح انها مش اختك ولا مراتك
عمرو: اممم الموضوع ميخصكش بس دى تبقى خطيبة القمور
الظابط: خطيبك
سلمى:.....
#عشقت_بنت_استاذى
البارت الثانى والعشرون
الظابط: خطيبك
سلمى: امم
بصيت ل عمرو قول حاجه انقذنى من الموقف الزفت اللى حطيتنى فيه بس الحمد لله رفع حاجبه وبصلى : ردى
سلمى: احم اه
عمرو: الف سلامه عليكي ياروحى ف حاجه بتوجعك
الظابط: ههههههه اه ايه
سلمى: اه خطيبى نقدر نمشى
الظابط: اكيد اتفضلوا
عمرو: ع فكره كان ممكن تقولى لا بس انا عارف انى حلو وانتى لما صدقتى
سلمى: بطل عبط يالا
(بقلم :سلمى العطار)
عمرو: هو انتى شتمتينى ولا انا مسمعتش صح ولا ايه
سلمى: نينينينينينيني انت متبقاش ممحون وتعملى فيها حاجه مهمه وبعدين مش انت اللى قولت خطيبتى ومش خطيبتى مش ناقصه وجع دماغ
عمرو بصدمه : انا...
سلمى: والله يا عمرو كلمه تانيه وهصوت والم عليك الناس واقول خاطفنى واطلب تدخل السفاره بتاعتى
عمرو: السفاره ده ع اساس اننا ف بلجيكا
سلمى: تعرف تسوق وانت ساكت
عمرو: حاضر
سلمى: متقول حاضر دى بتنرفذنى اااااااااه
عمرو: بسم الله الرحمن الرحيم انتى ملبوسه ولا ايه الله اكبر الله اكبر
سلمى: ههههههه ههههههههه
عمرو: عليا النعمه هبله
سلمى: مين دى اللى هبله
عمرو: السماعه اللى وره بتشتغل لوحدها مش عارف ليه
سلمى: عمرو وقف العربيه وقف العربيه
___________________
مريم: مالك
فايزه: مفيش داخيه شويه
مريم: طيب اجبلك حاجه تاكليها يمكن علشان مفطرتيش
فايزه: لا يا مريم مش جعانه
مريم: اخدتى دواكى
فايزه: امم امم كلمتى سلمى
مريم: لا
فايزه: طيب كلميها
مريم: حاضر
___________
يعنى ايه مشغول هو انا كل ما اقولك ع حاجه تقولى مشغول خطوبة ايه دى
عماد: ف ايه يا هبه هو انتى كل حاجه بتزعقى عليها
هبه: اصلها مش طريقه دى يا عماد تقدر تقولى بقالك قد ايه مخرجتنيش
عماد: اسبوعين تقريبا
هبه: اسبوع اسبوع يا عماد واحنا لسه مخطوبين لا خرجنا ولا حتى كلفت نفسك وجيت تشوفنى امال لما نتجوز هتتشغل عنى بالشهر بقى
عماد: يا حبيبتي والله شغل الشركه وبعد ما اخلص بروح اشوف الناس اللى شغاله ف الشقه وكل ده علشان ايه مش علشان نخلص بدرى ونتجوز
هبه: ايوه انا مالى بكل ده دا انت حتى لما انا بكلمك تقولى هبهوبه انا تعبان وعايز انام شويه يا اخى هب ف وشك كلب
(بقلم :سلمى العطار)
عماد: خلاصة الكلام عايزه ايه دلوقتى
هبه: اتصرف يا عماد خد اجازة متروحش الشغل مش ذنبى انا عايزه اخرج معاك وانقى حاجات الفرح معاك زى اي اتنين عرسان
عماد: لو لاقيت وقت يا هبه
هبه:......
عماد: انتى بتقفلى السكه ف وشى هى وصلت لكده
ف امريكا
مش هتبطل المسخره دى
فادى: عايز ايه
محمد: ف واحد محترم يقول لابوه عايز ايه
فادى: اوف انا مش ناقص فلسفه اللى عندك قوله
محمد: الظاهر ان انا معرفتش اربى اخر مره اسمع انك روحت الزفت ده تانى
فادى: ليه ان شاء الله هيقفل
محمد: انت مش مكسوف من نفسك لما تبقى ابن راجل اعمال كبير وعارض ازياء مشهور وبتسهر ف اماكن رخصيه زى كده وكمان متصور مع بنات زباله لو مش خايف ع نفسك خاف ع منظرى قدام الناس
فادى سقفله: حلو اهو كده بقى خايف على منظرك اللى مفيش حاجه بتهمك غيره اما ابنك لا.. جبتنى هنا علشان منظرك وتثبت نفسك وتبينلها انك احسن منه انت مش هامك غير الفلوس وبس
محمد مستحملش ورزعه كف يحكى بيه طول عمره
محمد: اخرس يا كلب الفلوس اللى بتتكلم عليها دى عملتك راجل خليتك قبل ما تطلب الحاجه تبقى عندك
فادى: مش عايزها الفلوس اللى خلتك تضربنى مش عايزها مش عايز ابقى مشهور ولا الصحافيين يبقوا ماشيين ورايا يصور اى حاجه باعملها انا عايز اعيش زى اى حد وسط عيله وصحاب بجد مش ناس بتخرج معاك علشان تحاسبلهم ع المشاريب انا قرفت قرفت من عيشتى ومن نفسى من ريحتى اللى كلها خمره وحشيش ومن كل حاجه قرفت انى ابنك
محمد: اطلع بره اطلع بره وزقه ورماه بره القصر وقفل الباب
ركب عربيته ومشى ف الشوارع يضحك ع نفسه وعلى صوره اللى مغرقه شوارع امريكا بعد اعلانه الجديد
عند عمرو وسلمى
عمرو: ايه يا بنتى مالك خليتينى اوقف ليه
سلمى: مش ده فادى
عمرو: فادى مين
سلمى: اللى صوره مغرقه الشارع
عمرو: والله انتى موقفانى علشان كده
سلمى: استنى بس هو الواد ده محلو كده ليه
عمرو:انتى يا حجه سايبه زين الرجال جنبك وبتتغزلى ف صوره كلها فلاتر
سلمى: لا بامانه فادى قمر ع الطبيعه
عمرو: وانتى شوفتيه فين ع الطبيعه
قطع كلامها رنه الموبايل
سلمى: لحظه بس
الو
مريم: الووووووو
سلمى: فايزه عامله ايه
مريم: كويسه جدا وباين من صوتك كمان انك كويسه
(بقلم :سلمى العطار)
سلمى: قولى اللى عندك يا مريم
مريم: بعدين اكيد جنبك ومش لطيف ننشر غسيلنا قدامه
سلمى: احم طيب يا مريم
مريم: مالك
سلمى: مفيش
مريم: طيب انتو قدامكوا كتير وتوصلوا
سلمى: لا نص ساعه تقريبا
مريم: طيب لما توصلى كلمينى
سلمى: حاضر سلام
مريم: سلام
ف البيت عند سلمى
فاطمه: حلو كده ولا ازود
سعيد: انتى عامله اكل يكفى فرح لمين كل ده
فاطمه: انت مش قولت انه جاى معاها يبقى هيتغدا معانا ولا عايزه يقول علينا ناس قليله واجب
سعيد: لا يا ستى لا قليله واجب ولا غيره اعملى اللى يريحك بس ف الاول والاخر القرار ليها
فاطمه: وهى هتلاقى احسن منه فين ما شاء الله الشاب ادب واخلاق وجمال وامه ست كويسه يعنى اى بنت تتمناه
سعيد: اى بنت سلمى لا
فاطمه: هو انا حظى ف البنت الحيله يبقى كده انا عارفه هى معقده من ايه
سعيد: ههههههههه لا يا روحى دى چينات
فاطمه: والله
سعيد: انا نازل مش فاضى لوجع الدماغ ده
فاطمه: ماشى
وصلوا وركن العربيه قدام البيت
عمرو: حمد لله على السلامة
سلمى: الله يسلمك
باى.... انت رايح فين
عمرو: نازل معاكى
سلمى: نعم ليه ان شاء الله مش عارفه طريق البوابه ولا ايه
عمرو: نينيى عسل وخطى اول درجه ع السلم
سلمى: اللهم طولك يا روح
انت يا كابتن
عمرو: حلو الاحترام ده فيكى الخير والله
سلمى: لا ولو انت هتسعبط بابا تحت ف السنتر ولو شافك هيعمل منك تلاته ف واحد
عمرو: ليه نسكافيه ههههههههه
سلمى: يا خفه
عمرو: معطلكيش يا انسه...... دخل وسابها بتغلى من كلامه المستفز
السلام عليكم
سعيد: وعليكم السلام ورحمة الله وبركاته حمدلله علي السلامة
عمرو: الله يسلمك
سلمى: الله يسلمك يا بابا وحضنته طبعا يعنى
سعيد وجهه كلامه لسلمى : يلا واقفين تحت ليه اطلعوا يابابا فوق
سلمى: نطلع فين معلش
عمرو: ايه ده هو انتى متعرفيش ان فوفه عازمانى ع الغدا نسيت اقولك يا سلمى انى اسف
سلمى: فوفه ف عينك وبعدين اى الاڤوره دى
عمرو بهدوء: بعد اذنك يا عمى
سعيد: اتفضل يا حبيبى وانا هخلص الحصه واطلع
عمرو: ماشى
طلع ع السلم ومداهاش اى اهتمام
سلمى: انت يا اخ
عمرو ببرود: قدام مرايتها عادى بتدعلى براحتها ورن الجرس افتحى يا فوفه انا جيت
سلمى: بطل تقول فوفه
عمرو بصلها: غيرانه
سلمى: ايه الهبل ده اغير من ايه وبعدين هي قدك يا ابنى انت علشان تقولها فوفه
فتحت فاطمه: حمد لله على السلامة هتفضلوا تتخانقوا ع الباب كده
سلمى: الله يسلمك يا حبيبتي وحضنتها
عمرو: الله يسلمك يا فوفه
فاطمه: يا قلب فوفه عامل ايه وحضنته انت خاسس قوى
(بقلم :سلمى العطار)
سلمى: خاسس ويا قلب فوفه طيب عن اذنكوا يا جماعه
فاطمه: اتفضل يا حبيبى اتفضل
دخلت غيرت ولبست اسدال اسود وطلعت اساعد ماما ف الاكل وياريت ما طلعت لقيته قاعد وامى نبع الحنان بتاكله بأيديها فاطمه: كل دى يا ماما
عمرو: خلاص يا فوفه مش قادر
فاطمه: اخر واحده اخر واحده
عمرو: علشان خاطرك بس
سلمى: هو ف ايه
عمرو: يا فضيحتى اوعى تفهمى غلط
سلمى: لا والله ده انت واخد راحتك ع الاخر
عمرو: شوفتى
سلمى بغيظ : اه يا ماما مش انا شوفت اعلان لفادى هنا ف مصر بس كان ايه يجنن
فاطمه: اللهم صل على النبى
عمرو وسلمى: عليه افضل الصلاة والسلام
فاطمه: ربنا يحميه حبيبي
سلمى: يارب يا ماما لا وايه ده بقى قمر قوى
فاطمه: هو طول عمره قمر يا حبيبي يا ابنى والله واحشني كلميه يا سلمى اباركله على الاعلان الجديد
سلمى: يا حبيبتي حاضر بس الضيف اللى هنا يمشى ونكلمه براحتنا
عمرو: ضيف
سلمى: اه ضيف.....