رواية ابن الجيران الفصل السابع7بقلم نورسين

رواية ابن الجيران

بقلم نورسين

ما زالت المقابله بين تامر ونانسي لم تنتهي بعد 

نانسي : انت كنت مرتبط وبتقول كنتوا بتحبوا بعض .. هل الاحساس اللي بتحسه تجاهي محستهوش قبل كده معاها ؟؟

تامر : هتصدقيني لو قولتلك لأ محستهوش علشان كده اما سابتني وفضلت علياا ابن خالتها .. أتأكدت انه مكنش حب ده كان مجرد اعجاب شويه بالشخصيه او بطريقه الكلام والمعامله وخلاص انتهي بزوال المؤثر ذي ما بيقولوا .. 

نانسي : تمام .. انا معنديش أسأله تاني .. كفايه اجابتك علي سؤالي .. وانا هجاوبك كمان .. انا كمان معجبك بيك ومعنديش مانع اننا نتعرف علي بعض اكتر الاول وبعد كده نآخد قرار بالارتباط .. انت لسه قدامك سنتين دراسه 

تامر بإبتسامه😊😊 : الحمد لله .. ماشي انا موافق .. ممكن أطلب طلب واحد ؟؟

نانسي :أكيد طبعاً .. اتفضل 

تامر : ممكن آخد رقم التليفون .. مش هكلمك الإ اذا لقيت الوقت مناسب 

نانسي : امممم .. ماشي و كتبت له رقم هاتفها .. وعادت تتحدث من جديد 

طيب انا عندي محاضره دلوقت مضطره استأذن علشان لازم احضر .. الدكتور بيكتب اسماء الطلبه علشان الدرجات وهشوفك اكيد اما ارجع البيت 

تامر : بس ممكن نتفق علي وقت محدد تخرجي فيه البلكونه ولو دقيقه واحده اشوفك واطمن عليكي او اقولك انا بحب اسمع اغاني بصوت عالي بس جواا الاوضه انا بقاا هفتح البلكونه علشان تسمعي الصوت ووقتها تعرفي اني عاوز اشوفك وتحاولي بأي طريقه تخرجي .. هاه .. اتفقنا ؟؟ 

نانسي 😍😍 : هحاول .. همشي انا بقاا .. سلام 

تتركه وتصعد للمدرج لحضور المحاضره وقلبها يكاد يخرج من صدرها معلناً للجميع انه يحب وان من يحبه صرح بهذا ❤ الحب وما إن انتهت من المحاضره التي لم تسمع منها اي كلام ولا فهمت ما قاله الدكتور حيث كانت تعيش مع قلبها الذي يدق بحب تامر 

عادت نانسي لبيتها وتحدثت لرانيا هاتفياً واخبرتها ما حدث 

رانيا : 😀😀 بجد .. يعني قال انه بيحبك ؟؟

نانسي : انتي عبيطه يا بت 😂😂 ايوه قال ما انا حكيتلك علي كل حاجه 

رانيا : ايوه بقاا واخيراً حبيناا وقلبناا دق .. مبروك يا حبي ربنا يوفقكم ياارب ويجعله من نصيبك وتعيشي وتتهني معاه .. الواد تامر ده اصله جدع وراجل وكل الناس بتحبه وبتتمناله الخير .. وعمره ما اتأخر عن اي حد طلب منه اي حاجه وانا نفسي اشوفه سعيد وفرحان وف اي مناسبه من وقت ما كبرت ووعيت علي الدنياا .. تحسيه راجل يعتمد عليه بيبقاا موجود في المناسبه الحلوه والوحشه قبل الناس الكبيره .. شدي حيلك وحافظي عليه انتي بقاا .. الواد خساره يروح لحد تاني 😍😍 وتبقي تحكيلي علي غراميات الليل وآخره بقاا حيث اضواء القمر التي ستشهد علي لحظات حبكم حين تتلألأ اضواءه في السماء المظلمه 😂😂😂😂😂

نانسي : 😂😂😂 اييه ده قلبتي شاعره من غير ما اعرف ولا اييه يا بنتي 

رانيا : هيييييح .. الحب .. انه الحب يا اختي الذي يصنع المعجزات 😂😂😂😂 ياله سلام أجميييل اشوفك غداا بإذن الله 

نانسي : سلام أيتها الشاعره المدفونه .. هستناكي بكره 

انطوت ساعات النهار ليحل الليل وينشر القمر خيوط النور ويجتمع الاحبه تحت ضياؤه وتخرج نانسي الشرفه حين سمعت الاغنيه التي يسري صوتها ليطرب اذنها 

تبدأ حكايتي لما كنت بشوف عنيكي 

يخلص كلامي لما ايدي بتلمس ايديكي 

بسرح بفكر ازاي هوفي وعودي ليكي 

تبقي انتي ليا بكل غالي انا مشتريكي 

انا كنت راسم صوره لينا احلي كتير 

في دنيا تانيه كنت ملكه وانا الامير 

فستان وبدله بلون كسوفك فرحانين

ويخرج تامر ليري حبيبته ويروي حنينه إليها بنظرة منها ثم يطفأ الاغاني ويشير إليها بهدوء علي انه يريد ان يتصل بها ويسمع صوتها .. فتبتسم وتشير له لا ويعاود ويشير لها بالتوسل فتوافق وسريعاً يمسك بهاتفه ويتصل بها .. ألو 

نانسي بهدوء وصوت منخفض يكاد ان لا يُسمع : ألو 

تامر : ازيك ؟؟

نانسي : الحمد لله وانت ؟؟

تامر : انا بخير طول ما انتي بخير .. صوتك حلو اووي في الفون .. في دافاا غريب وحنيه محستهاش قبل كده

نانسي تبتسم : اممم ميرسي هو انت ليه طفيت الاغنيه ؟؟ دي حلوه اووي 

تامر : ههههه انا بحب النصف الاول منها بس لان الباقي بيتكلم عن الفراق واحنا لسه بنقول يا هادي ربنا ميجيبش فراق ياارب 

نانسي : ههههه امممم قولتلي 

تامر : طيب بقول اييه .. ما تغني انتي .. انا سمعتك يوم فرح هدير وعارف ان صوتك حلو 

نانسي : هاه .. اغني انا .. لااااا 

تامر : طيب ولو قولتلك علشاني انا حته صغيره .. عاوز اسمع صوتك وهنام علي طول وتبقاا آخر حاجه سمعتها 

نانسي : طيب علشان خاطرك بس حته صغيره 

وغنت نانسي 

يا اعز و اغلى واطيب قلب 

فسر للعالم معنى الحب 

وان شاوروا وقالو عليك طيب 

خليك هنا من قلبي قريب 

وكفايه تكون انسان في زمان 

فيه طيبه القلب بتتعيب 

يا .. يا طيب 

ثم توقفت للحظات وتحدثت لتامر .. كفايه عليك كده 

تامر : لا.. لاااااا .. كملي كملي .. وحياتي يا نونه 

نانسي : هيييييح .. واستكملت 

حبيتك انا مع ان الحب اللي جمعنا 

مبقاش له مكان زي زمان ابدا ولا معنى 

خد قلبي وهات قلبك هاته 

يا ابو قلب حياتي بدقاته 

الحب ده عقد من الياسمين وقلوب العشاق حباته 

والحب ده عمري وغيرك مين يقدر يسعدني باوقاته 

صبح اللي يحب في ايامنا طيب وكمان على نياته 

ايه يعني يقولو عليك طيب 

بس انت تكون مني قريب 

يا اعز واغلى واطيب قلب 

فسر للعالم معنى الحب 

وان شاوروا وقالو عليك طيب 

خليك هنا من قلبي قريب 

وكفايه تكون انسان في زمان 

فيه طيبه القلب بتتعيب...يا طيب

تامر : الللللله الله .. الله عليكي .. اييه الجمال ده 😍😍صوتك حلو وحبك حلو و قلبك اللي بيحبني حلو اوووووي .. ربنا يخلياكي لياا وعلي فكره انا لازق متقلقيش 😂😂 مش هبعد عنك ولا عن قلبك 

تامر : عندك بكره محاضرات كتير ؟؟ 

نانسي : لأ مش كتير اتنين بس 

تامر : آجي اوصلك الصبح ؟؟ 

نانسي : هاه .. مش عارفه 

تامر : يبقاا هقابلك الصبح هوصلك وبعد كده هروح الكليه واما ارجع هطمن عليكي .. انتي هتنزلي الساعه كام ؟؟

نانسي : الساعه 9 ان شاء الله 

تامر : تمام من 8 ونص هتلاقيني مستنيكي .. اول لما تنزلي هنزل وراكي علي طول .. ذي النهارده كده 

نانسي : ااااااه .. قولتلي بقاا ذي النهارده .. يعني مكنتش صدفه 😂😂

تامر : لأ  طبعاً صدفه .. بس صدفه مترتبه 😂😂

نانسي : طيب ياله بقاا ننام علشان نقدر نصحاا بدري للكليه .. اشوفك بخير بكره ان شاء الله .. احلام سعيده 😍😍 سلام 

تامر : من النهارده مش احلامي بس اللي هتبقاا سعيده .. حياتي هي اللي سعيده وقلبي سعيد علشان اتأكد انك جواه و ان شاء الله هتفضلي جواه لحد آخر يوم ف عمري .. تصبحي علي حبي يا حبي 😍😍 في امان الله 

نانسي تغلق باب الشرفه وتدخل غرفتها لتجد نيره قد غلبها النعاس وذهبت في ثبات عميق فدخلت 

 واغلقت الباب وبعد دقائق دق الباب وفتحت نغم ودخلت 

نغم : قري واعترفي بالحقيقه .. كنتي بتعملي اييه في البلكونه لحد دلوقت وشكلك مبسوطه اووي كده ليه .. هاه .. هاه 🤔🤔 ياله احكي 

نانسي : طيب هحكي .. تامر 💕💕

نغم : امممم قولتيلي .. تامر 🙄🙄 ماله بقاا تامر 😂😂

نانسي : 😂😂😂😂 كنت سهرانه مع تامر .. بصراحه انا كنت معجبه بيه من زمان بس مكنتش متأكده اذا هو كمان كده ولا لأ بس الحمد لله النهارده اعترفلي انه معجب بياا من زمان والموضوع قلب معاه بحب ❤❤💞💞💘💘 

نغم : هييييح .. مبروك يا حبيبتي .. بس انتبهي علشان الجيران .. لو حد شافك ممكن يقول لبابا او ماما ووقتها مش هيبقاا قلب حب لا ده هيقلب حاجه تانيه وممكن ماما تزعل مع طنط امينه وهتكونوا انتوا سبب الزعل .. فلازم تآخدوا بالكم كويس وكمان كلام الناس مبرحمش .. ربنا يستر ومحدش من الجيران يآخد باله 

نانسي : ماشي ربنا يسترها .. انا مش بكلمه من البلكونه ولا بيشاورلي ولا انا بشاورله .. احنا بس بنشوف بعض وخلاص وهنتقابل في الجامعه 😀😀 

نغم : ماشي ربنا يسترها .. انا هروح انام وهسيبك تحلمي بسي تاااامر 😍😍 تصبحي علي خير 

نانسي : وانتي بخير ...يتبع........

             الفصل الثامن من هنا

لقراءة باقي الفصول من هنا