حور &آدم
الفصل الثالث
حور :ايه الي جاب البني ادم الغتت دا .
ادم :هو انتي طالعالي في البخت يابت انتي .😤
كادت حور ان ترد عليه قاطعتها منة بسرعة:حور دا آدم اخويا .
حور بصدمة : دا اخوكي .
منة: ايوة .
ادم بنرفزة : منة اخلصي يالا .
منة وهي تودع حور هامسه لها: اكلمك بالليل اعرف انتو تعرفو بعض من فين .
حور: ماشي .
غادر آدم هو وأخته حاملا ورد علي نائمة علي كتفه .
داخل سيارة ادم .
ادم :تعرفي البنت دي من فين .
منة:صاحبتي .
ادم : صاحبتك اذاي انتي في سنة اولي وهي في سنة رابعة .
منة:اتعرفت عليها اول ايام في الجامعة .
ادم: ولحقتي تصاحبي عليها جامد كدة .
منة: هو انت بتحقق معايا ليه .
ادم : ولا بحقق ولا نيلة
عايزك تقطعي علاقتك بالبت دي.
منة :مين حور .
ادم : ايوة سي زفته دي .
منة : لا طبعا دي البيست فريند بتاعتي .
وغير كدة انت مش طايقها كدة ليه .
ادم وهو ينزل من سيارته وهو يحمل ابنته وتتبعه منه : اسمعي الكلام والا هتشوفي معاملة تانيه خالص يازفته انتي .
منة 😡: انا مخصماك علي فكرة .
وتركته مندهش وذهبت الي غرفتها .
ادم 😲: والله دي ورد اعقل منك.
عند حور هاتفت والدها وأخبرته انها سوف تتأخر
فإنها سوف تدرس مستغلية هدوء المكان .
عند منة بعد ما ابدلت ملابسها تناولت هاتفها وهاتفت صديقتها.
منة بعبوس :الو
حور: ايه مالك .
منة :اتخانقت مع آدم .
حور: هو هولاكو الي عندك دا ميعرفش غير يتخانق.
منة بابتسامة :عارفة لو سمعك كان نفخك .
قوليلي تعرفو بعض من فين .
حور : ما هو دا اللوح بتاع الصبح .
منة بضيق : حوووور عمالة تغلطي من الصبح دا اخويا يا ماما .
حور: جاتك القرف انتي واخوكي .
غوري يلا مش فاضيالك .
وقفلت السكة .
منة بصدمة: يابت ال .....
ماشي ياحور والله لاربيكي بكرة .
عند حور .
حور : قال اخويا قال
وهو عامل زي الطور علي هيئة بني ادم .
اوووووف قفلولي اليوم عيال نصر الدين ربنا ياخدهم😠😠
*************************************عند ادم في غرفته
ادم وهو يتكلم بهاتفه : عايز ايه يامعتز .
معتز:وحشتني يا قلبي .
ادم :جاك وجع في قلبك
اتعدل ياض انت.
معتز بضحك :خلاص يا عم انت خلقك ضيق ليه .
المهم هعدي عليك بكرة متمشيش ليا فترة مش عارف اتلم عليك .
ادم وهو يتثائب:تمام . سلام .
معتز المحمدي (صديق ادم من ايام الدراسه
وتخرجا معا .دكتور في الجامعة ،شخصية مرحة عكس ادم ، يحمل ملامح غربية العيون الخضراء .والبشرة البيضاء )
************************************أغلقت المحل في ساعة متأخرة فإنها انكبت علي مذاكرتها مستغلية هدوء المكان وقد سرقها الوقت .
سارت متجهة الي منزلها وهي تصعد سلالم المنزل فوجئت بأحد يجذبها إليه مكمما فمها الي مكان مظلم تحت السلم .
أخذت ترتجف تحت يدها وتحاول إفلات نفسها
هو بفحيح بجانب اذنها: بس اسكتي فاكرة نفسك هتقدري تفلتي مني .
حور بدموع وترتجف بين يديه :سبني الله يخليك انت عايز مني ايه .
الشخص وهو يلمسها بطريقة قذرة : انت مش عارف انا بحبك قد ايه أرضي انتي بس وتلاقي نفسك ملكة .
حور بقرف: ابعد عني والا والله اصوت وألم عليك الناس .
الشخص بضحكة مستفزة: ولا تقدري تعملي حاجة هتسكتي زي كل مرة .
انا هسيبك بمزاجي بس المرة الجاية مش هسيبك إلا وانتي مراتي سلام .
تركها وغادر
حور وهي تجلس علي السلالم وهي تبكي بقهر فلم تعد تحتمل تلك الآلام .
فهي تمتلك ذكريات بشعة مع ذلك الشخص .
نهضت بتثاقل متجهة الي منزلهم .
دلفت الي غرفتها وحمدت ربها كثيرا أن والديها كانوا نائمين .
وتكورت علي نفسها علي الفراش متخذه وضع الجنين
وأخذت تجهش في البكاء وهي تتذكر محاولات ذلك القذر فيها منذ الصغر لم تسلم من مضايقة ابن خالتها سامح وكل مرة تحاول أخبار والدتها تنهرهاوالدتها غير مصدقة لها وكيف لا وسامح ابنة أختها الذي من وجهة نظرها الشخص المثالي فإنه لديه وظيفة محترمة حيث يعمل مهندسا في احدي الشركات ومهذب ومتدين لا تعلم أن ذلك قناعا وليس إلا فقط صدقته بسذاجتها وطيبتها وكانت الضحية تلك المسكينة حور .
*************************************في الجامعة .
منة وهي تري حور قادمة نحوها .
منة بحدة :اهلا اهلا بست الهانم كدة ياكلب البحر تقفلي في وشي السكة .
حور أخذت تبكي.
منة بخضة:حور حبيبتي مالك .
مش قصدي والله .
ارتمت حور في حضنها وأخذت تبكي .
أتت مي :فيه يامنة مالها حور .
منة ببكاء:مش عرفة .
مي حضنت حور من الخلف وأخذت تبكي معهم أيضا .
ركن ادم سيارته وتقابل مع صديقه معتز .
معتز : ايه يا عم مش باين ليه .
ادم : مشاغل يابني ولا فاكرني صايع زيك .
معتز بضحك : لا خالص .
معتز وقد توقف عن السير وهو يشير الي حور وشلتها:هو فيه ايه هناك
.
ادم بحدة :في ايه يامنة، منة هي لا تعرف ربما تجيب اخاها
حور وهي تمسح دموعها :احنا هنمشي يامنة ونتقابل بعد المحاضرة .
ادم وقد لاحظ علي حور ملامح وجها المتعبة وعيونها المنتفخة :مالها دي .
منة بهروب: عن إذنك معايا محاضرة واتاخرت جدا عليها
وتركته ورحلت .
ادم: ماشي يامنة حسابك معايا بعدين .
ذهب ادم الي معتز الذي كان يتكلم في هاتفه وبعد أن فرغ من مكالمته :انت تعرفهم يا دم .
ادم بضيق:معرفة سودة بعيد عنك .
يالا أمشي انا بقي سلام .
*************************************
داخل قاعة المحاضرات التي بها معتز
معتز بدأ بالشرح وهي يتحاور مع طلابه لفت نظره تلك الفتاه التي رآها تبكي وهي زملائه
معتز :الانسه الي هناك
منة وهي تشاور علي نفسها : انا يا دكتور .
معتز:ايوة
اتفضلي قوليلي الفرق بين التدريس والتعليم والتعلم .
منة ببلاهة:العجل في بطن أمه .
معتز :نعم حضرتك بتقولي ايه .
منة بخجل : ولا حاجة يا دكتور .
معتز :اتفضلي واسمعي زميلك هي قول ايه .
منه بخمس : روح جاتك الارف بحلاوتك دي .
زميلتها التي بجانبها بضحك :يخربيتك فظيعة .
منة : قوليلي امتي المز دا بي دينا .
صديقتها :من اول السنة بس انتي مش بتحضري .
منة :لا دا انا مش هاغيب ولا محاضرة تاني علي كدة😄.
معتز بزهق وهو يتحدث الي منة:كارنيهك يااستاذة
وتعاليلي .
منة بذعر:ليه يا دكتور انا معملتش حاجة .
معتز :يالا ياانسة معايا محاضرة مش فاضيلك.
منة وهي تسبه في سرها .
وخرجت الي كافيتريا الجامعة وكان لم يحدث شي (باردة اوي البت دي😂)
***********************************
اتجهت حور ومي الي تلك الجالسه وهي تأكل بشخصية مفتوحة .
مي وهي تجلس بجوارها :انت يا حجة مش كان معاكي محاضرة .
منة : اتطردت .
حور :وبتقوليها كدة ليه وانتي منشكحة .
منة :يعني اموت نفسي يعني ولا ايه .
حور : لا وعلي ايه .
منة:انا الي قاهريني أبو عيون اخضريكا دا
اخد مني الكارنيه وبطريقة درامية وهي عرف اني اخت ادم وبقوله ومادراكم ما ادم يابنات .
يابت ياحور انا هاجي هبات عندك النهاردة احسن ماتعلق في البيت .
حور بزهق:بس بقي ايه راديو اتفتح في وشي
اطفحي وانتي ساكتة .
مي بضحك :هاتي يابنتي دا انا ها موت من الجوع .
اهو رحمة علي روحك .
منة بطريقة مسرحية : كل اعوانك خانوك يامنة😳**********************
عند ادم
طرق معتز باب مكتب ادم
ادم :ادخل .
معتز:دومي وحشتني .
ادم :برا يامعتز .
معتز بضحك :خلاص متبقاش قفوش كدة .
ادم :اخلص عايز ايه
قص له معتز مع حدث اختة .
ادم :البت دي عيارها فلت .
انا ماشي .سلام
معتز:آدم استني .مشي الجزمة انا مش عارف مستعمله اذاي .
في منزل نصر الدين
دخلت منة بهدوء وهي تتلفت يمينا ويسارا حتي لا يراها أحد .
ادم من خلفها:منة .
منة صرخت :عاااااا خلعتني يا ادم .
مسكها ادم من هدومها (جابها من قفاها يعني ) .
ايه الي حصل في الجامعة دا .
منة بغباء:حصل ايه .
ادم :منننننننه .
منة :والله ما عملت حاجة ياابيه.
ادم :تركها ادم عقابا ليكي مفيش جامعة لمدة شهر .
منة :ايه لا طبعا يرضيك يا ادم مستقبلي يضيع .
ادم باستخفاف:مستقبل ايه يافاشلة.
تركها ثم غادر الي غرفته وجد ابنته تلعب بهدوء كعادتها .
ورد جرت عليه:باابي.
حضنها ادم :قلب بابي عاملة ايه .
ورد :تمام .
أتت منة:يا ادم والنبي بلاش العقاب دا .
ورد وهي تنظر الي عمتها: هنروح لحور امتي .
منة :قولي لابوكي يا اختي .
ادم قبل ابنته من خدها :روحي كملي لعب يا حبيبتي .
ادم :لا يا منه .
وقوليلي كنتو قالبينها مناحة ليه في الصبح .
منة:هاا
اص اصلي حور ومي آخر سنة ليهم السنة دي ومش هنشوف بعض تاني .
ادم :ياسلااااام المفروض اصدق الهبل دا
منة :هبل ايه دا الحقيقة .
ادم :هغير رأي لو قولتي الحقيقة
منة بدون تفكير اوكي
ادم :واطية احكي
قصت له منة كل ما حدث .
علي الرغم من ان تلك الحور تثير غضبه وتخرجه عن شعوره إلا انه غضب من أجلها فما لا يرضاه لأخته لا يرضاه لغيرها .
منة :بس يا سيدي آدي كل الحكاية .
ادم بشرود :روحي ذاكري يامنة .
منة علي مضض :حاض