روايةما وراء الخيانه
الجزء الثالث
حنان: لا بالله عليكي والله ياهانم ما عملت حاجه والله ما
اتفقت معاها سامحيني ياهاانم بالله عليكي...
كارما اخدتهاا برا القصر وقربت منهاا وهددتهاا انها لو اتعاملت
مع صفا او حاولت تقرب من القصر تاني هتقتلهاا
سحر كانت متابعاهم من ورا الشباك وهتتجنن وتعرف كان في
اي في الظرف وياترا صفا قالت اي لصقر
بليل
صقر: مساء الخير ياماما
سحر: مساء الخير ياحبيبي
صقر: فارس نايم
سحر: ااه نام وكارما طلعتو اوضتو
صقر: بيرجع راسو لورا وبيغمض عيونو في تعب
سحر: انت كويس ياحبيبي
صقر: هتجنن مش عارف افكر في حاجه
سحر: خير ياصقر في حاجه في الشغل
صقر: صفا مخانتنيش يا ماما في حد ورا كل داا هو الي اتفق مع الشاب الي شوفتو معاها
سحر بنظره قلق اا حد مين
صقر: مش عاارف والاغرب من كل داا ان لقيت الشاب دا في الشركه عندي بشكل متغير تنكر يعني
سحر: اي البجاحه دي ازاي بعد كل داا بيشتغل عندك
صقر: بحاول افهم ومش عارف بس هفهم قريب
طلعت علي اوضتي وقعدت علي السرير ومسكت الورقه الي كانت مع الصور وفضلت اقرأ فيهاا كتير اي ياصفاا للدرجادي مقدرتيش تفتحي الباب وتشوفيني قدرتي تتحكمي في قلبك ومفتحتيش وسبتيني انا وابنك واقفين قدام الباب مهونتش عليكي حتي
للدرجادي انا قسيت عليكي وبترديلي الي عملتو
بس انا مضربتكيش ولا أهانتك ولا شتمتك انا مقدرتش اجرحك بكلمه واحده بس انا سبتك ومشيت ودموعي كانت مسابقه دموعك لما شوفتك معاه مقدرتش استحمل انك مع واحد غريب في اوضتناا مقدرتش اقف اسمع منك حاجه لان الموقف كان صعب اوي علياا كان لازم تعذريني وتديني فرصه زي ما انا قررت اديكي فرصه وجتلك لحد عندك..
تاني يوم الصبح
صقر: صحيت علي خبط خفيف علي باب الاوضه وبعدين الخبط قطع وكأن حد خبط ومشي من غير مايستني رد مني مهتمتش كتير و قومت غسلت وشي ولما خرجت شوفت ظرف بنفس اللون علي الارض قدام الباب ف قربت منو وكان بنفس الطريقه اللون الخشبي والشمع الاحمر الي مطبوع عليه اسم صفاا
لما فتحتو لقيت صور ل 3 رجاله مقتوله
الاول مقتول بسكينه
والتاني بينزف من راسو
والتالت كان في الشارع ف الاستنتاج الي استنتجتو من شكل الجثه انو يا اما منتحر من فوق عماره يا اما مقتول وحد حدفو من عماره بردو لان المكان الي متصور فيه مفهوش طريق سير فضلت باصص علي الصور بذهول وبحاول افهم الصور دي بتعمل اي عندي وليه صفا بعتهالي واي اللي عاوزاني افهمو ثم ان جوده الصوره قديمه مش جديده وشكل البيوت تراث قديم انا ليه فجأه بقيت بحقق في قضيه قتل
مال افتراقي انا وصفا بالجثث دي وليه اصلا بعتتهوملي اناا
دورت علي رساله منها ملقتش..
كنت مستغرب وخايف ومش مركز ومش قادر افهم حاجه رميت الصور علي السرير وخرجت اطمن علي فارس
كارما: مداام سحر لقيت الصور دي في اوضه صقر
سحر اتسعت عيونهاا وقالت اي دول و و مين جابهم وليه
كارما: مش عارفه بس الصور جت في نفس الظرف
سحر بذهول قصدك ص صفاا طيب وهي جابتهم منين وبعتاهم ليه
كارما: مش عارفه ومش فاهمه مين الناس دي انا خوفت ف جبتهم ليكي ارجعهم الاوضه ولا اعمل اي
سحر: لاا هاتيهم انا هعنهم
كارما: اتفضلي
سحر: كارماا ثانيه واحده ازااي الظرف داا وصل لصقر تاني هو مش حنان مشيت
كارما: اااه صحيح انا ازاي مفكرتش في كداا معقول يكون في حد كمان في القصر تبع صفا
سحر: فتحي عينك كويس لازم نعرف مين الي بيوصل الحجات دي لصقر مش عاوزه اي اظرف من صفا توصل لصقر
كارما: حاضر ياهانم
صقر: دخلت الاوضه وفضلت ادور علي الصور انا فاكر اني سبتهم هناا
سحر: بتدور علي حاجه
صقر: اه كان في 3 صور هناا
سحر: ااه شوفتهم ورمتهم فكرتك مش عاوزهم وبعدين صور زي دي بتعمل اي هناا انت ناسي ان في ناس شغاله هناا ومش كويس يشوفو صور زي دي في اوضتك
صقر: هما فين
سحر: كارما خرجت الزباله والعربيه اخدتهاا
صقر بينفخ في ضيق ليه بتتصرفي في حاجتي من غير ماتسئليني
سحر: هتعمل اي بيهم مش فااهمه وليه اصلا يبقا في صور جثث في اوضتك
صقر: علي الاقل كنتي اسئليني قبل ماتتصرفي علي مزاجك
سحر: حاضر المره الجايه
صقر: بيبصلها بضيق ويخرج من القصر يروح الشركه
صقر: هبه عرفتيلي مين الي عين شهاب في الشركه
هبه: دوخت ومعرفتش مين الي قبل يشغلو كل ما اسئل حد يقولو منعرفوش ولا قعدنا معاه اصلا
صقر: ازااي في شركتي حد يشتغل ومنعرفش مين اللي شغلو فين بتوع ال Hr
هبه: كلهم محدش عارف يافندم تحس ان الشاب دا دخل بطقيه خافيه واشتغل ومحدش اخد بالو ومفيش غير الملف بتاعو الي وريتو لحضرتك
صقر: خليكي دوري في الموضوع ولو عرفتي اي حاجه عرفيني
هبه: حاضر يافندم
بليل
قدام بيت صفاا
صقر واقف وباصص علي خيالها وسرحان فيهاا
بيفوق للحظه وبيحاول يستنتج حاجه غريبه بياخد بالو ان خيال صفا مش بيتحرك من مكانو خاالص ودايما بيلاقيها بنفس الشكل داا وكأنها مش بتقوم من مكانهاا
بيقلق عليها وبيقرر يطلع ويكسر الباب
صقر بيخبط علي الباب بصوت عالي صفااا
مش بيلاقي رد فعل ف بيحاول يكسر الباب
بيحاول كتير لحد ما الباب بيتفتح بيبص نظره سريعه علي الشقه بيلاقي كل حاجه في مكانهاا والتراب ماليها وكأنها مش مسكونه بيقرب من اوضه النوم وبيفتح الباب بخوف علي صفاا
بس لما دخل اتصدم
الاوضه زي ماسابها قبل مايمشي متبهدله وحجات واقعه علي الارض والاغرب اكتر ان في مانيكان علي الكرسي قريب من الشباك والنور شغال
صقر: ازاااي صفااااا بيبدأ يدور في الشقه كلهاا صفاااا
مفيش اي اثر ليها في الشقه بيفتح الدولاب بيلاقي كل هدومهم مكانها كل حاجه في الشقه موجوده ومش نااقص اي حاجه غير صفاا
قعدت علي الارض وحاسس بخوف عليهاا طيب هي كويسه حاسه ب اي عايشه فين
طيب هي في اماان خوفت اكتر لما افتكرت صور الجثث الي كانت في الظرف ياتراا هي فين طيب معقول تكون في خطر وبتحاول تستنجد بياا وانا مكنتش فاهم انا لازم اربط كل حاجه ببعض لازم الاقيها
قومت واول مكان روحت فيه كاان بيت شهااب
فضلت اخبط جامد علي الباب مش فارق معايا الساعه كام ولا نايمين ولا لا كل الي في بالي صفا في امان ولا في خطر
بعد شويه
اخت شهاب: اي في حد يجي دلوقتي
صقر: شهاب فين
اختو: ساافر
صقر: سافر فين وازااي
اختو: معرفش في حد جالو النهارده واداه ورق وفلوس وسافر
صقر بغل حد مين دااا طيب فااكره شكلو
اختو: لا هو مطلعش هو فضل في العربيه وبعت واد من الشارع نادا ع شهاب
صقر بيخبط علي الحيطه وبيحط ايدو علي راسو ازااي سبتو يروح من ايدي
اختو: هو في حااجه
صقر: طيب عاوز رقمو لو سمحتي
اختو: لسه مرنش علينا قال لما يوصل هيرن من رقم جديد
صقر: طيب دا رقمي اول مايرن كلميني واديني الرقم ضروري
اختو: حاضر
مشيت من عندهم وانا حاسس اني غبي ازاي كل حاجه بتروح مني وانا بتفرج لا شهاب موجود ولا الصور معايا ولا اي حاجه ازاي اصلا ارميهم كدا ومهتمش كان لازم احس ان في حاجه مش مظبوطه
رجعت علي القصر وانا حاسس بتوهان جامد ومش عارف اركز احساس الخوف متغلب علياا ركنت عربيتي ونزلت وتلقائيا عيني جت علي صندوق البريد الي قدام القصر ف لقيتني بقرب منو وبفتحو لقيت فيه 5 اظرف ومن ضمنهم ظرف خشبي بشمع احمر مسكتو في ايدي ودخلت القصر بسرعه
سحر: حمدلله علي سلامتك وشافت الظرف ف بلعت ريقها بصعوبه
صقر وهو مش مركز معاها معلش يا ماما مشغول شويه
سحر: طيب عاوزه اتكلم معاك ضروري
صقر: بعدين عن اذنك
سحر: ااا بس بتحس بخوف من اللي موجود جوا الظرف
في اوضه صقر
فتحت الظرف لقيت فيه 3 صور كانو تقريبا نفس الاشخاص الي كان موجود جثتهم في الظرف الي فات
كل صوره كانت لواحد منهم في كازينو غريب ومعاه واحده ست ظاهره بضهرها
التلاته في نفس المكان ومعاهم نفس الست كانت نفس شكل شعرها وضهرها وجسمها بس مين دي وليه صفا بعتهالي لقيت ورقه في الظرف فتحتها بسرعه وكانت مكتوبه بخط كمبيوتر مش بخط صفا كانت كالاتي
صقر...
عارفه انك مستغرب وخايف ومتوتر وقلقان علياا بس انا كمان كنت زيك
الست الي في الصور دي اذتني وكانت سبب في ان انا وانت بعيد عن بعض هي لبستني تهمه الخيانه وانا كنت بريئه بس انا مش بنسي الي أذاني وبنتقم منوو بس قبل ما انتقم لازم تعرف اني مظلومه واتلعب عليا لعبه وحشه اووي وانت صدقتهاا حقي هيجي ياصقر وانت هتاخدو لازم تعرف الحقيقه المره الي انا عرفتهاا
انا بخير متقلقش علياا ومتخليش خوفك عليا يبعدك عن الهدف الاساسي الي انا عاوزاه
وهو إعرف الحقيقه بنفسك وخلي بالك كويس اووي من الي حواليك..
صفاا
في المطبخ
كارما: سمر عاوزاكي تجمعيلي كل الشغالين هناا ضروري
سمر: حاضر
كارما بتبص لسحر وبتحرك راسهاا بهدوء
بعد لحظات كان الكل موجود
سحر: في حد هناا في وسطكم بيلعب لعبه وحشه اووي انا محبتهاش ف انا عاوزه الواحده دي تظهر وتقولي انا اهوو احسن ما هعرفها انا بنفسي وساعتها مش هرحمهاا وهرميها في السجن
الكل علي وشو علامات هدوء
سحر بتتفحص ملامحهم وبتحاول تشوف مين بينهم باين عليه القلق بس بتفشل في انها تطلعها لان الكل كان هادي جداا
سحر: تمام براحتكم انا حذرت
بتخرج من المطبخ وبتفضل قلقانه
سحر: كارماا اجهزي بكره هنعمل زياره خفيفه كدا لصفاا نشمت فيها شويه
كارما بتبتسم بخبث جااهزه من دلوقتي ياهانم
سحر: كويس
صقر فضل طول الليل بيحاول يعرف الكازينو داا فين ومش عارف يوصل ل اسمو
تاني يوم الصبح
سحر بتدخل اوضت صقر بعد مابيخرج وبتدور علي الظرف لكن مش بتلاقيه
كارما: انا جاهزه ياهانم والعربيه جاهزه
سحر: طيب يالا
قدام مستشفي الامراض العقليه
سحر بتنزل من عربيتهاا وكارما وراها
سحر: مساء الخير
الدكتور المعالج لصفا: مساء النور اتفضلي
سحر: انت ليه مش شايف شغلك ممكن افهم ازاي صفا بتقدر توصل جوابات لناس من برا المستشفي
الدكتور: ازاي داا انا بنفسي بشرف عليها ومش بخرجها استراحه في جونينه المستشفي
سحر: خليها تحت نظرك مش عاوزه تقصير منك
الدكتور: حاضر اتفضلي هاخدك ليها
وقفو قدام اوضه في الدور التاني من المستشفي
الباب بيتفتح
صفا بتحاول تفتح عيونهاا وتبص عليهم بتعب
سحر بإبتسامه مش هتصدقي شوفتك كدا بتفرحني اد اي
صفا: بتبص علي سحر وكارماا وبتتعصب وبتحاول تهجم علي سحر
كارما: بتقف قدامها وتبعدها عن سحر وبتهددها في ودنها
صفا بتبصلهم بحقد وتقول
انا مش هسامحكم وهنتقم منكم هنتقم
سحر: ازااي بتبعتي الاظرف لصقر
صفاا بتبتسم بسخريه
سحر: مين الي بيتعامل معاكي
صفاا: متحاوليش تتخلصي مني علشان صفا في كل مكان حواليكي صفاا مش بتموت ولا بتتكسر صفا اقوي منك بكتير
سحر بغل: هخليكي لحد ماتتعفني في المكان داا مش هتشوفي ابنك ولا صقر ابداا
صفا: صقر بنفسو اللي هيدور علياا وهيلاقيني صقر هو الي هينتقملي
سحر بتضحك بصوت عالي متتذاكيش علياا افضل ليكي متنسيش انا مين
صفا: * الرمانيه *
سحر بتبصلها بتبريقه وبتقوم من قدامها بفزع
صفا بتضحك بهدوء وبتحاول تفوق وتفتح عينهاا وبتبص لسحر وتعيد نفس الكلمه * الرمانيه *
سحر بتخرج بسرعه من الاوضه
كارما: انتي كويسه في حاجه واي الرمانيه داا
سحر: يالا نمشي
كارما: حاضر
صفا بتضحك بهدوء وبتغمض عيونها وبيغمي عليهاا وبتروح في عالم تاني
صقر: بيروح علي بيت شهاب
اختو: نعم
صقر: شهاب اتصل
اختو: لا ومتجيش هنا تاني
صقر: اسمعي انا
قفلت الباب
صقر بينفخ في ضيق وبيرجع علي الشركه
هبه: الظرف داا جه لحضرتك يافندم
صقر: مين الي جاابو
هبه: مش عارفه في حد سابو في الاستقبال
صقر: رجعي الكاميرات وشوفي مين الي جابو
هبه: حاضر
صقر بيفتح الظرف
بيلاقي صور واوراق باين ان في حد كان بيحرقهم وحد تاني لحقهم نصهم محروق والنص التاني مش واضح
الصور كانت عباره عن ناس في نفس الكازينو وفي اماكن مختلفه ف اتأكدت ان الي في الصور اكيد نفس الست الي كانت في الصور التانيه
والاوراق كان باين عليهم صور من بطاقات شخصيه ب اسماء مختلفه الاسم الوحيد الي قدرت اشوفو كان
محمد عبدالصمد رؤوف
بس مين داا
بحثت عن الاسم دا في السيرش طلعلي صوره لجثه بنفس الاسم فضلت اقرأ في الكلام المكتوب لحد مافهمت ان جريمه القتل دي كانت في التمنينات والراجل اتقتل بخبط عصايا حديد علي راسو والقاتل مجهول ومقدروش يوصلولو
يبقا الي قدرت افهمو ان القاتل هو الست الي مش واضحه في الصور لان كل الي متصوره معاهم ماتوو ولا في حد تاني ولا اي
طيب هي الست دي عايشه ولا ماتت والاقيها ازااي
بس انا لقيت طرف الخيط وهو الشخص داا
محمد عبدالصمد رؤوف لازم اعرف كل حاجه عنو وانا اكيد هوصل للست دي
هبه: في ست الي جابت الظرف ومقدرناش نعرفها يافندم وشها مش باين
صقر: دي شركه ولا نادي ازاي حد يدخل ومتعرفوش مين مأخدتوش اسمها ليه ولا دخلتوها ليا يعني انتي عارفه اني في حجات غريبه بتحصل في الشركه واحد اتعين ومش عارفين مين عينو وواحده جابت ظرف مش عارفين هي مين انتو عارفين اي بس اي الاهمال داا كل واحد مقصر في شغلو هياخد جزي شهر كاامل علشان تفوقو امشي هاتيلي كاميرات المراقبه
هبه: حاضر يافندم
صقر بيخبط ايدو علي المكتب ويوقع كل حاجه عليه بعصبيه
هبه: كاميرات المراقبه اهي يافندم
صقر: هاتي روحي شوفي شغلك ياهانم
بيشوف كاميرات المراقبه وبيقدر يعرف البنت الي موجوده في الاستقبال لانها عندو في القصر
بيرجع القصر بسرعه
صقر بصوت عالي ساااره
سحر: في اي ياصقر
صقر: ثانيه واحده
يا سااره
ساره بتوتر ايواا يافندم
صقر: صفا فين بتقابليها ازاي وبتاخدي منها الاظرف دي ازاي جاوبيني
ساره بخوف: م معرفش انا مش فاهمه حاجه
صقر: انتي الي جبتيلي الظرف دا الشركه قوليلي صفا فين هي اكيد في خطر انا شوفتك في كاميرات الشركه قوولي
ساره بتبص لسحر وكارما بخوف انا انا معرفش والله مش بقابلها في واحد بيحط الاظرف دي في مكان معين واحنا بنروح ناخدهاا والله مانعرف اي الي فيها
صقر: بيقرب منها بالله عليكي تقوليلي هي فين طيب هي كويسه
ساره بدموع خوف معرفش والله
صقر بيخرج من القصر وهو متعصب
كارما بتقرب من ساره وتبتسم بخبث وتضربها بالقلم بتاخدي الاظرف منها ازاي
ساره: اااه والله ما اعرف حاجه عن صفا انا بنفذ المطلوب مني هو هددني
كارما بتشدها من شعرهاا وتضربها بالقلم هو مين
الشغالين كلهم واقفين مش قادرين يعملولها حاجه
ساره: والله ما اعرفو و انا مش لوحدي هويداا كمان كانت معايا والله العظيم كانت معايا
سحر بتبريقه وصوت عاالي انتو بتخدعووني بتضحكو علياا انا بتلعبو ضدي والله لقتلكم
كارما: لا متوديش نفسك في دااهيه انا هتصرف معاهم
كارما: يااخالد يامحروووس
خالد ومحروس: ايواا
كارما: خدو الاتنين دول وعاوزاكم بنفسكم ترموهم في السجن وتتأكدو انهم مش هيطلعو منهاا لبسولهم اي قضيه تقيله
ساره: لا ابوس ايدك
هويداا: والله هنعمل الي هتؤمرونا بيه بس بلاش السجن
كارما: خدوهم
سحر بتبص للشغالين بغيظ وتطلع اوضتهاا
صقر كان قاعد في عربيتو بيبحث عن الراجل لحد ماعرف عنوانو ف راح علي المكان داا
صقر: السلام عليكم دا بيت الاستاذ محمد عبدالصمد
: ايواا وانا ابنو مين حضرتك
صقر: انا شوفت معلومات عن موتو وبصراحه كنت عاوز افهم شويه
* ايوا مين حضرتك
صقر: انا صحفي وبفتح قضايا القتل بتاع زمان الي اتقفلت ومحدش عرف المجرم الي عمل كداا
* اه تماام والله انا بردو معرفش سبب قتلو ولا عارف مين السبب
صقر: طيب كان ليه اصحاب او مكان بيروحو دايماا او اي حاجه في الوقت داا ممكن تساعدنا
* والله هو كان بيروح في بار كداا في الحي الشعبي اسمو كازينو الرمانيه دايما كان هناك قبل ما يتقتل
صقر: الرمانيه طيب تعرف عنوانو
* ايواا
صقر: طيب ممكن اخدو
وفعلا اخد العنوان وراح علي المكان داا بس ملقاش اي كازينو هناك ف سئل ناس موجوده علي قهوه في المكان
صقر: لو سمحتو هو في هنا كازينو اسمو الرمانيه
الناس: ايواا بس دا اتقفل من زماان
صقر: اتقفل ليه
الناس: علشان جرايم القتل اللي زادت عن زباين الكازينو داا
صقر: طيب الاقي صاحبو فين
الناس: صاحبو نفسو اتقتل
صقر: طيب متعرفوش مين القاتل
الناس: لا يابني بس انت شاغل بالك ليه
صقر: انا صحفي ياحاج طيب في اي حد عن صاحب الكازينو داا
الناس: اه في بنتو عايشه بس متجوزه وعايشه في اكتوبر
صقر: طيب ممكن عنوانها
الناس: لا مش عارفين بس اسئل في الكشك الي هناك دا صاحبت البقاله كانت صاحبه بنت صاحب الكازينو
صقر: تمام شكرا اوي
بعد معاناه مع صاحبت الكشك اديتلو عنوانها في الاخر
في العنوان
صقر بيخبط علي الباب
أمل: مين حضرتك
صقر: مدام امل
امل: ايواا
صقر: انا كنت عاوز اسئل حضرتك شويه اسئله عن باباكي الله يرحمه
امل: ممكن اعرف مين حضرتك
صقر: انا واحد ابويا اتقتل وكان من زباين الكازينو بتاع والدك ف بدور عن القاتل وكنت عاوز اعرف معلومات عنك عن الكازينو
امل: بس انا معرفش حاجه عن الكازينو ولا عن بابا مكانش ليا علاقه بالكازينو يعني
صقر بيفقد الامل بيبصلها بيأس انا اسف علي الازعاج
امل: ولا يهمك
صقر: عن اذنك
نزلت من عندهاا وانا حاسس بضيق وحاسس اني بفشل ومش عارف اتصرف
امل: يا استااذ يا استااذ
صقر بيلتفت ويبصلها ايواا
امل: شوف انا فعلا معرفش حاجه عن الكازينو بس ألبوم الصور داا في كل الناس الي كانت بتروح اعتقد ان ممكن يساعدك
صقر بيحس بالامل بيبتسم ويقولها شكراا جدا اكيد هيساعدني
بيرجع علي القصر وبيدخل اوضتو بيفتح الالبوم وبيفضل يبص علي الصور بيدور علي الست الي كانت في الصور بيحاول يربط الاشكال بجسمها وشعرهاا بس مش بيلاقي مواصفاتها خاالص بيقفل الالبوم ويقول طيب هي فين ف بيجي في بالو انو يروح علي المكان الي كان فيه الكازينو وياخد الالبوم يمكن حد عارف الناس الي في الصور
وفعلا تاني يوم راح المكان وقعد مع الناس علي القهوه
وقالولو ان في ناس منهم ماتت وفي منهم اتقتل وفي اللي عزل والي اختفي والي ميعرفوش عنو حاجه بس قالولو علي عنوان كذا واحده من الي في الصور وقالو منعرفش اذا كانو عايشين ولا عزلو
راح علي كل العنوانين في منهم الي ماتت وفي الي سافرت وراح علي بيت لقي صاحبه الصوره موجوده كان متحمس يشوفهاا ويتكلم معاها
صقر: مساء الخير يا حكمت هانم
حكمت: .............
بنتها: هي مش بتتكلم حصلتلها صدمه زمان فقدت فيها النطق
صقر لنفسو: مش معقول كميه الاحباط الي بيقابلوني
طيب شوفي يامدام حكمت انا محتاج مساعدتك بصي كدا معايا علي الست الي في الصور دي انا عارف انها مش واضحه علشان الصور محروقه بس الست دي مش بتفكرك بحد معين تعرفيها قبل كدا كانت موجوده في كازينو الرمانيه ولا حاجه
حكمت بتبص علي الصور وبترجع تبص لصقر
صقر: انا محتاجك اوي والله مراتي في خطر ومش عارف اوصلهاا وتقريبا الست دي وراا كل حاجه لو سمحتي ساعديني
حكمت بتمسك منو الصور وبتحاول تركز في الست الي موجوده الي ملامحها مش باينه خالص مش باين غير جزء بسيط من شعرها وهدومها بتشاور علي صور في الالبوم وبتطلع الصوره وبترفعها قدام صقر بيلاقي الصوره مش متساويه بياخدها منهاا وبيكتشف ان الصوره دي مقصوصه معناها الست دي كانت موجوده في الصوره بس حد قصهاا
حكمت بتقوم من مكانها وبتطلع البوم صور من الدولاب بتبدأ تقلب في الصور لحد مابتجيب صوره معينه وبتديها لصقر
صقر: بياخدها منهاا بيلاقي جسمها وشعرهاا متناسبين مع الصور الي معااه بس بتتسع عيناه لما بيشوفهاا قدامو هي سحر
صقر بذهول بيقول لنفسو: مامااا....