رواية نواره الفصل الثالث والعشرون23 والرابع والعشرون24 بقلم فرح احمد
صحيت نواره علي صوت تخبيط فظيع علي الباب و للحظه إفتكرت اليوم إلي أدهم جالها في مع البوليس و خأفت و لكن تشجعت و عدلت من نفسها و قامت و فتحت الباب و كانت مُزن
مُزن بضيق:.
_سنة يـا نواره عشان تفتحي...؟!
نواره لما شافت مُزن أخدة نفسها و قالت:.
_أسفة كُنت نايمه
مُزن:.
_دا أنا كُنت خايفه أنام علي السلم
و دخلوا و خلعت مُزن النقاب و كانت نواره متبعها و معجبة أوي بالخمار و النقاب علي مُزن
مُزن لأحظت دا و قالت:.
_نفسك تجربِ الخمار...؟!
نواره:.
_يعني..!
مُزن:.
_تعالي
و جت نواره ليها و عملت مُزن الخمار لـ " نواره " و خلصت و مُزن فضّلت ساكته لـ لحظات و نواره إستغربت و قالت:.
_في إية..؟!
مُــزن بإنبهار:.
_ماشاءالله يــا نواره ... الله يحفظك حلو عليكِ جدًا
و راحت " نواره " قدام مراية و بصت لنفسها حست إنها متغيره ، حست إنها جميلة أوي و إن وشها منور ، فــ قالت بدموع متعلقة في عيونها:.
_حلو أوي
مُزن و قربت منها و حطت يدها علي وجه " نواره " :.
_وشك نور يــا نواره ... بجــد أتمني إنك تلبسي .. و إستني
و خلعت مُزن عبيتها السودا و جابت النقاب و إدتهم لنواره لبست العباية و لبستها النقاب
مُزن وبتبص عليها و قالت:.
_عيونك حلوة أوي بجد ماشاءالله ... و شكلك حلو أوي ،، مع جمال عيونك إنتِ إحلويتي أكتر بالنقاب
نواره و بصت لنفسها في مراية طويلة معرفتش نفسها بس حست إنها ناقية أوي حست بحاسيس كتيرة براحة داخلية ،، و إتمنت تفضل كدا دايمًا
مُزن:.
_هتلبسي إمتي الحجاب...؟!
نواره و هيا بتتفرج علي نفسها في المراية:.
_سيبها لله
مُزن:.
_ربنا يهديكِ يـا نواره
نواره بإبتسامة:.
_يارب
و فضلت بي شوية كان عجبها شكلها و إصورت و نزلت النقاب و كان وشها بس إلي باين عجبها منظرها و حست إن وشها مليان طاقة و حيوية مش الوجه البهتان و العيون الحزينة إلي ملأزمها من بداية شُلغها من فوزي....!!
نواره و خلعت النقاب و العباية و الخمار إلي إصورت بي كتير يمكن عشان لما تفكر في الحجاب تفتكر شكلها و وشها إلي أكنه نور من جمال الخمار عليها و جمال اللبس الواسع عليها صدق إلي قال " و بالعفاف تجملت"
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
عدي أُسبوعين ...ما بين بحث أدهم علي نواره و قليل ما بقي يأكل أو يهتم بنفسه أو حتي يروح الشُغل
و نواره إلي إشتغلت و إدربت و بقت كويسة مع التدريب المُــكــثــف و إتعرفت علي زملائها في الشركة و بقا ليها صديقة قريبة منها جدًا " ليل " إلي كانت طيبة و بنت مُجتهدة في شُغلها و تعتبر الدراع اليمين لــ صاحب الشركة " آسر الجداوي "
و في يوم كان آسر عايز نواره فـ طلعت و هيا متوترة أول مرة هتتعامل معا دايمًا بيبقي عن طريق " ليل " أو أي موظف تانِ
نواره بتخبط علي الباب و يقول آسر من داخل المكتب:.
_إدخُل
و دخلت نواره و هيا بِتُفرك في يدأها و متوترة:.
_حضرتك كُنت عايزني
آسر و باصص للورقة في إيده:.
_شُغلك أنا تابعته مع ليل الفترة إلي فاتت ... و
نواره قلقت من صمته إلي دام لأقل من ثوانِ بس هيا من خوفها و توتره فكرت في حاجة و كانت لسه هتسأل لقته بيكمل....
آسر:.
_و حبيت أبعتك عشان أحيكي بنفسي و أشكرك علي شُغلك الممتاز إلي موظف يتعلمه في شهور مش أُسبوعين
نواره مع كلامه إرتاحت و كان نفسها تأخد نفسها بس هدت من نفسها و قالت بإبتسامة:.
_شُكرًا ليك يـا أُستاذ آسر
آسر بإبتسامة عفوية:.
_العفو يـا مدام نواره ... تقدري تفضلي الوقتي و إنتِ مروحة إبقي عدي علي الحسابات عشان تأخدي مكافئتك
نواره:.
_حاضر .. عن إذنك..؟!
أسر:.
_إتفضلي
و خرجت و آسر رجع رأسه لورا و قال:.
_شكلها هتلعب معاك و لا إية يـا آسر ... متنساش إنها متجوزه و من كلام ليل إنها بتحب جوزها ، فـ ركز في شُغلك و شيل أفكار المراهقين دي من دماغك
و رجع كمل شُغله...!
نواره خلصت الشُغل و أخدة مُكافئتها و فكرت إنها تروح تجيب هدوم و خارجه ماشية بتشوف هتروح ولالا لقت حد بيدوس علي الكلاكس و كانت ليل
ليل مخرجة رأسها من الشباك:.
_علي فين يـا مُزة..؟!
نواره بإبتسامة:.
_مش عرفا بس بفكر أروح أي مول قُريب أجيب هدوم
ليل و بتغمزلها:.
_طب إية ما تيجي و أنا أوديكِ
نواره و حاطا إيدها علي خدها و تقول بهزار:.
_طب مش نتعرف علي بعض الأول و بعدين أجي
ليل بتمثيل:.
_لا أنا راجل دُغري ، و مبحبش أضيع وقت ،، فــ يالا بينا بقا ،، عايز أجدد الشباب
نواره:.
_إذ كان كدا ماااشي
و راحت تركب جمبها و هما بيضحكوا علي كلامهم
وصلوا المول
ليل:.
_متتأخريش بقا ، لأحسن الخُلق ضاق و النسوان داء
نواره:.
_بطلي كلامك البذئ دا
ليل بضحكه رقيعه و عملتها بشكل يضحك:.
_هيهيههي أموت في البذائه
نواره:.
_ضحكت هتجيب بوليس الأداب ،، و أنا من عيلة مُحافظة
ليل بجدية مصطنعه:.
_بُصي يـا بنت الناس لو هنبتدي علاقتنا كدا يبقي كُل واحد من طريق ي بنت الناس .. هتقولي لي عيلة محافظه هقوم أقولك مدينة و نبتدي مرحلة ألش رخيصة ، فــ يالا بقا علي المول يالااا
و نزلوا و يضحكوا علي طريقتهم
نواره:.
_مسخرة يا ليل ،، إلي يشوفك في الشُغل ميقولش عليكِ كدا
ليل:.
_إنتِ عايزا آسر يطردني من الشُغل و لا أية .. دا في مرة بيقولي " أقطعي العقد إلي ما بين شركة (..) " فهزرت وقولتله" هيا خانتك" بصلي بإستغراب و قال" مش فاهم " أنا" مع واحده " بصلي بإستغراب أنا قولتله "طب مع واحد". .. الحمدالله جت علي خصم شهر .. هههه
نواره ضحكت أكتر و دخلوا المول و عدوا من قدام محل مُحجبات للملابس و الطُرح
نواره:.
_هندخل هنا
ليل:.
_إنتِ قـررتي تّحجبي
نواره:.
_أه يالا
و دخلوا و جابت نواره هدوم كتيره .. و طرح متعدده الألوان
الهدوم كانت فساتين .. جيب .. بناطيل علي بلوزات طويلة
و عدوا علي محلات إكسسورات جابت نواره حلقان و خواتم و كُل ما يلزمها .. و عدت علي محل فضة جابت هدية بسيطة لمُزن
ليل:.
_خلصتي و لا لسه هتجيبي حاجات تانية
نواره:.
_نتغدي الأول بقا و نروح
ليل:.
_الغدوة علي حسابي
نواره بضحك:.
_ماشي يـا ستي
و إتغدوا و روحت ليل نواره
نواره:.
_أشوفك بُــكــرا
ليل:.
_إشطا .. سلام
نواره:.
_سلام
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
حُلم:.
_أدهم
أدهم و هو مغمض عينه:.
_عايزا إية يـا حُلم
حُلم:.
_إنتَ هتفضل كدا كتير
أدهم:.
_عايزاني أقوم أرقُص إنِ مش لأقي مراتي
حُلم:.
_يــا أدهم قوم شوف شُغل و غير من نفسك .. و إن شاءالله تلاقيها ،، و نواره مش صغيرة
أدهم:.
_حُــلــم أنا مش قادر أعمل حاجة و هيا بعيدة عني ... و هيا أكيد هربت لما أذتها
حُلم:.
_أذتها...!
أدهم بضيق:.
_حُلم مش وقت إستفسرات
حُلم:.
_أدهم اليوم إلي جيت أشيل الملاية ... نُقط الدم إنتَ عارف دي إية...؟!
أدهم بزعيق:.
_حُــلم مش عايز كلااام
حُلم:.
-أدهم إنتَ مأذتش نواره ... النُقط دي دليل عذرايتها ،، إنتَ أول واحد يلمسها يـا أدهم
أدهم إتصدم و يفكر إزاي عذراء و أكرم و الرجالة إلي قبله ... إزاي
حُلم:.
_سبب هروب نواره ... لإنها فكرت إنك منفور منها لتاني مره ... فهربت
أدهم فضّل ساكت مش عارف يقول إية كُل إلي بيفكو في نواره إزاي عذراء و إزاي مخدش في باله
حُلم:.
_إن شاءالله تلاقيها أو هيا هتيجي ... نواره بتحبك خليك حاطط دا في بالك
و راحت لأوضتها سايبا أدهم محتار عقلة عاجز عن التفكير....!
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
مُزن:.
_إية كُل الحاجات دي..؟!
نواره:.
_أخدة مُكافأه بسيطة كدا فــ قررت أجيب شوية هدوم و
و طلعت علبة صُــغيرة و قالت:.
_و دي ليكِ يــا ستي
مُزن فتحت العلبة و كانت جواها سلسة علي شكل ورده بسيطة صغيرة و خاتم في لؤلؤ صغير
مُزن بإبتسامة:.
_شُكرًا يـا نواره
نواره:.
_العفو يــا حبيبتي
و حضنتها مُزن
مُزن:.
_مش ناوية توريني الهدوم
نواره:.
_بعدين ... يالا أنا داخلة أنام
مُزن:.
_هتتغدي...؟!
نواره:.
_أكلت أنا و ليل
مُزن:.
_ماشي .. تصبحي علي خير
نواره:.
_و إنتِ من أهلها
و دخلت نامت و مُزن نزلت مع محمد عشان يشوفوا عفش شقتهم م هو خلاص باقي أقل من أسبوعين علي فرحهم...!
تاني يوم
صحيت نواره راحت الحمام و خرجت و راحت تلبس
جيب مشجره علي قميص أبيض و طرحة كافي و كوتشي أبيض
بصت لنفسها بإعجاب و خرجت
مُزن أول ما شافتها بالحجاب و الطقم عليها قالت بفرحة:.
_إنتِ إتحجبتي ... مبرووووك
و حضنتها و نواره قالت:.
_الله يبارك فيكِ
عمر جا عليهم و لما شاف نواره في الحجاب قال:.
_شكلك حلو بي ... مبروك عليكِ
نواره و قامت من حُضن مُزن:.
_شُكرًا .. الله يبارك فيك ،، البركة في أُختك هيا إلي حببتني في
مُزن:.
_دا وجبي ي بنتي
و أكلوا في جو ملئ بالفرحة بحجاب نواره إلي ذودها جمال
و وصل عُمر نواره الشُغل و راح لشُغله
ليل و نواره كانوا قعدين عادي بعد ما بركت لنواره علي الحجاب
و جا النسكافية لـ " ليل " و نواره أول ما شمت ريحته بطنها إتقلبت مرة واحدة و راحت الحمام و راحت وراها ليل إلي قالت بقلق:.
_نواره إنتِ كويسة...؟!
نواره و فضلت تـ رَجْع و قالت:.
_أه_أنا
و رَجْعت تانِ و بعد دقايق خرجت و سندتها ليل و قالت نواره:.
_ريحة النسكافية قلبت معدتي مرة واحدة
ليل:.
_تحبِ أوديكي لدكتور...؟!
نواره:.
_لا أنا كويسة
ليل:.
_ماشي يـا نواره
و رجعوا كملوا شُغلهم عادي و نواره دقايق و راحت الحمام تاني و ليل قلقت و كانت هتطلب الدكتور بس مع إصرار نواره بعدم الموافقه تراجعت
جــت الإستراحة و فجأة......!!
ـ╗══════════════════╔
ـ رواية نوِّاره الحلقة الرابعة والعشرون
ـ╝══════════════════╚
رجعوا كملوا شُغلهم عادي و نواره دقايق و راحت الحمام تاني و ليل قلقت و كانت هتطلب الدكتور بس مع إصرار نواره بعدم الموافقه تراجعت
جــت الإستراحة و فجأة ليل قالت:.
_مــا تيجي نتمشي شوية...؟!
نواره و قعدة علي الطرابيزه:.
_أنا والله مــا قادرة
ليل:.
_إنتِ كويسة...؟!
نواره:.
_أه يــا ليل ... أنا لو تعبانة هقولك والله
ليل:.
_أنا مش مرتحالك ... كُل شوية تروحي الحمام و مش قادرة تمشي .. بقولك إية إعملي حسابك هنروح للدكتور بعد الشِركة
نواره بهدوء عشان تريحها:.
_ماشي يــا ليل ... إذ كان دا هيريحك
ليل و حطت إيدها علي وجه نواره قالت:.
_أحبك و إنتَ مطيع
نواره بإبتسامة:.
_هاتيلي واحد عصير أي حاجة...!
ليل بطصنع التفكير:.
_و الـ أي حاجة دا بطعم إية حضرتك...؟!
نواره:.
_مانجة مثلًا ... جوافه ،، شوفِ إنتِ و هاتيلي
ليل بطريقة دبلموسية:.
_أمر جلالتك
و راحت تجيب العصير و بتبص نواره ناحية مدخل الكافتيريا لقت آسر داخل و الموظفين بيسلموا عليه و هو كان بيسلم و يرد بإبتسامة هادئه
نواره لقته جاي عليها و بيقعد
نواره بتوتر و عدلت نفسها:.
_هو حضرتك عايز حاجة...؟!
آسر بإبتسامة:.
_قولت أنزل شوية و أقعد معاكم ... لو هزعجك قولي و أقوم
نواره بإندفاع:.
_لا طبعًا حضرتك منورنا
آسر:.
_هيا ليل فين...؟!
" أنا أهو "
و قعدة جمب نواره و إدتلها العصير
ليل بجدية مصطنعه:.
_بتسأل عليا ليه يـا أُستاذ آسر..؟! ... مش إحنا إلي ما بينا نهينا من ساعة ما خُنتني مع سوزي شقيقة عمرري .. يـا خااين ي غدار
و إترمت في حضن نواره تعيط بتمثيل
آسر بضيق:.
_بطلي الهبل إلي بتعملي دا...!
و رفعت رأسها و تكمل الأداء:.
_بتخوني و تسمي هبل إلي بعمله ... كلكم مصطفي أبو حجر كلكم
آسر بجدية:.
_ليل بطلي هبل إحنا في الشركة
ليل و رفعت رأسها و بصتله بجدية:.
_علي فكرة إحنا في إستراحة .. يعني حقي أمثل براحتي و أهزر ... و لا عايزني أعمل شكوي لـ جداوي بيه
آسر:.
_ليل بــس
ليل و عدلت من نفسها:.
_طيب
آسر بيبص لنواره لقاها حاطا إيدها علي فهمها و كتما الضحكه:.
_شيلي إيدك من علي بؤقك
نواره و شالتها و قالت:.
_طيب
ليل:.
_إنتَ عايز حاجة...؟!
آسر:.
_كُنت نازل لإنِ إتخنقت من المكتب
ليل:.
_أجبلك مانجا..؟!
آسر:.
_لا شُكرًا مش عايز
و خلصت الإستراحة و خلصوا الشُغل و راحوا للدكتور
و دخلوا و كشف عليها و قال:.
_مبروك عليكِ يـا مدام نواره ... إنتِ حامل و في الشهر الأول
نواره إصدمت و ليل فرحت و شكرت الدكتور و خرجت هيا و نواره من المستشفي و ملامح الصدمة علي نواره و ركبوا العربية و نواره أخيرًا إتكلمت و قالت:.
_البيبي دا لازم أنزله
ليل صُعقت من الخبر و داست فجأة علي الفرامل و نواره طلعت لقدام و رجعت تاني و إتخبطت
ليل بعصبية:.
_قولتي إية...؟!
نواره و حاطا إيدها علي رأسها:.
_قولت البيبي دا لازم ينزل
ليل:.
_إنتِ إتجنّتي صح...؟! ،، نواره إنتِ تشيلي فكرة الإجهاض دي من دماغك ... مش عايزا ترجعي لجوزك براحتك .. بس تنزلي تحلمي ،، و فكري دلوقتي في البيبي و مستقبلك معا
و رجعت تسوق تاني و نواره رجعت رأسها لورا
ركنت ليل و جايه تنزل لقت نواره بتقولها:.
_راحا فين...؟!
ليل:.
_ثوانِ و جاية
و نزلــت جابت شوكولاته و جت وقالت:.
_أنا عرفا إنك بتحبي النوع دا ... و دي هدية بسيطة بمناسبة الحمل
نواره أخدتها و إبتسمت مجاملة و إتحركت ليل
والشارع واقف
ليل:.
_يعني دا وقت الوقفة دي
نواره:.
_علي الراديو
و علت الراديو و نواره باصة للشباك لأحظت حد تعرفه فرفعت رأسها شويه و ركزت و قالت بصدمة:.
_أ...أدهم
ليل:.
_أدهم...؟! ، فين..؟!
نواره و بسرعة قفلت الشباك إلي جمبها و قالت بتوتر:.
_ليل إقفلي الشبابيك كلها ... بالله عليكِ إقفليها
و قفلت الشبابيك كُلها و نواره رجعت بالكُرسي لورا و من حُسن حظ نواره إن ليل إزاز سيارتها فاميه
ليل:.
_هو فين...؟!
نواره بتوتر:.
_هششش لأحسن يسمعنا
ليل:.
_يــا بنتي مش هيسمعنا ... بس قوليلي هو فين...؟!
نواره:.
_شايفة العربية السودة إلي جمبنا بالضبط من جهتي
ليل:.
_أه
نواره:.
_أدهم جواها ... ليل إحنا لازم نتحرك ... إصرفي
ليل لأحظت توتر نواره و إيدها إلي بتترعش و إستغربت أوي معقوله مش عايزا تشوفه...!!
نزلت ليل من العربية تشوف طريقة تتحرك بيها ... فضلت دقايق لحد م الزحمة خفت و العربيات إبدت تتحرك فـ بسرعة ركبت العربية و طلعت بيها و نواره فضلت متابعا أدهم و أول ما بعدت خلاص و معدتش شايفا أخدت نفسها و قالت:.
_الحمدالله
ليل بهزار:.
_كان نفسي تنزلي و تقوليله علي الحمل و نشوف ردة فعل هذا الأدهم ... و يشيلك بقا و تبقوا مجانين و إنتِ تصرخي وتقولي" نزلني يـا أدهــم " و تبقوا حدث اليوم هههه
نواره بصتلها و قالت:.
_كان شكله غريب أوي ... مهمل في نفسه و دايب .... شكله تعبان يـا ليل
ليل بسخرية:.
_واحد مراتـه مختفية عايزا يبقي عامل إزاي...!
نواره:.
_هو إلي خلاني أعمل كدا
ليل:.
_لا والله ... هو إلي قال يـا نواره إهربي
نواره:.
_إنتِ مشوفتيش عمل إية معايا .. دا كان بارد و عصبي .. دا بيعامل الخادمين أحسن مني ،، أنا حاولت كتير أتغير معا ،، و أعمله كويس ،، بس هو تور .. عصبي و ميحبش يطلع نفسه غلطان ،، و إنتِ عرفا الحمل دا حصل نتيجة إية ،، نتيجة غلطه
ليل:.
_بتسمي حملك من جوزك غلطه...؟!
نواره:.
_أيون غلطه .. هو كان عيان و عنده هلاوس .. و قالي " أنا محتجلك يـا نواره " و أنا ضعفت... و لما فاق من إلي بيعمله فضّل يقول " إزاي ،، إزاي " و قام دخل الحمام و سبني .. هل بقا أنا مفروض عليا بعد إلي عمله أكمل ،، و أقوله " هايل يــا فنان " و أسقفله
ليل معرفتش ترد بحاجة و لما لقت نواره إبدت تعيط ركنت علي جنب و أخدتها في حضنها
نواره بدموع:.
_أنــا تعبت يـا ليل .. تعبت ،، أنا من ساعة ما وعيت علي الدنيا دي و أنا مشوفتش يوم حلو .. أكن ربنا بيعقبني علي حاجة أنا معملتهاش
ليل وطبطت عليها وقالت بهدوء:.
_إستغفري ربك يـا نواره ،، و إن شاءالله خير .. بس إهدي
و عدي دقايق و هما علي الحال دا
ليل:.
_يالا بقا قومي عايزا أروحك و أروح .. و لا تيجي معايا ،، دا ماما عاملة حتة مكرونه بشاميل تأكلي صوابعك وراها
نواره:.
_لا مش قادرة أنا عايزا أروح
ليل بجدية:.
_لا خلاص إنتِ جاية و أبقي أروحك
نواره:.
_ماشي
و وصلوا و نزلوا
فتحت ليل باب الشقة و دخلوا
ليل قالت بفرحة:.
_إية دا نبيله و ملك هنا ،، وحشتوني
و رفعت رأسها و إصدمت نواره نبيله...! ملك...! ... طب إزاااي..؟! ،، هعمل إية أنا الوقتي..؟.! .. يـا رب
نواره سلمت علي والدة ليل و راحت لنبيلة إلي إتفجئت بنواره
نبيلة:.
_إزيك يـا نواره
نواره:.
_أنا كويسه و أُستاذ توفيق أخباره إية...؟!
ليل:.
_إية دا إنتم تعرفوا بعض..؟!
نبيلة بإبتسامة:.
_طبعًا .. دا إحنا قرايب ،، نواره تبقي إبنة إبن عم توفيق
نواره:.
_أها
والدة ليل " ليلي" :.
_طب يالا عشان نتغدي بقا
ليل:.
_هو بابا مش هيتغدي معانا و عمو توفيق..؟!
ليلي:.
_لا
و إتحركوا و نواره قالت:.
_ليل ممنوع تقوليلها إنِ هربانه من البيت أو حامل ،، مااااشي
ليل:.
_هيا تعرف أدهم منين...؟!
نواره قالتلها بإختصار و قفلت الكلام بـ:.
_ليل ممنوع تجيبي سيرة حاجة مااشي
ليل بجدية:.
_ماشي
و قعدوا علي السفرة و إبتدوا يأكلوا.....!
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
في سيارة أدهم
كان بيسوق مهموم و كان رايح الشركة و لكن مكنش قادر إنه يقأبل حد فــ طلع في مكان شبة مهجور من الناس و رجع رأسه لورا و بيفتكر ذكريات
<< رجوع لـلـماضي>>
أدهم من ساعة مـا طرد نواره و قرر يعرف حكايتها ... و فعلًا جاله كُل أخبارها واحدة بتشتغل رقاصه و أهلها متوفين بسبب إنهيار العمارة بإكملها ... و إبتدا يروح الكبارية كُل يوم يتابعها و بعدين بطل يروح بس مقدرش كان في حاجة بتشدة إن يروح ... حاول كتير يبعد عنها بس مع الأسف أُعجب بيها ،، مقدرش يفوت يوم من غير ما يشوفها ،، حاول يكدب إحساسه بس مقدرش لإن مفيش حد يقدر يتحكم في قلبه يحب مين و ميحبش مين...؟!
كان يروح يتأبعها و يشوف رقاصها إلي بمجرد طلوعها علي المسرح الزباين تبدئ تهلل و يرموا الفلوس كانت فعلًا ملكة الساحة و القلوب ،، و يشوفها بتغمز لـ دا و لـ دا كان نفسه يقوم يشدها من شعرها و يأخدها و يخبيها بعيد عن كُل واحد في الصاله بينهش جسمها و يتمنها في حضنه...!
و في مرة كان قــريــب من مكتب فوزي سمع خناقها مع فوزي و بيقول" براحتك يــا حلوة لو مش عايزا تيجي ،، بس تسددي الشرط الجزائي ،، بدم ترجعي لـحجز تاني .. أكيد موحشكيش "
يوميها نواره خرجت من عنده و أدهم إستخبي في مكان لحد ما بعدت عن أنظاره ... و رجع طرابيزته و طلعت نواره علي المسرح و أكنها إتبدلت شخصية جامدة و عملت عادتها الغمز و الضحك و إستغرب إزاي بتقدر تخبي حُزنها و ذُلها من فوزي من مجرد طلوعها المسرح...!
و المره دي مخرجتش مع راجل .. هو أصلًا لأحظ إنها قليل أول لما تُخرج مع راجل .. فــ خرج وراها و ركب العربية و كان هيروح بس غير نظامه في ثوانِ و قرر يروح ورأها....!
شافها بتقعد علي الأرض و بتعيط ... بتعيط بحرقة و تقول " يــااارررررب ،، ريحني من إلي أنا في دااا يـا ررب" هو سمعها بسبب صوتها العالي مـا هو الساعة 5 الفجر مين إلي هيكون ماشي في الشارع ألا القلية
أدهم لما شافها كان نفسه يقوم يأخدها و يطبطب عليها و يمسح دموعها بإيده بس منفعش...!
فضل مراقبها لحد ماعدي دقايق و قامت نواره مسحت دموعها و عدلت هدومها و ركبت تاكسي و فضل متابعها لحد ما دخلت عمارتها و روح....!
هنا أدهم روح خلاص قرر يتجوزها و فعلًا إتفق مع فوزي إنها تمضي علي القسيمة
فوزي:.
_إمضي
نواره :.
_ورقة إية دا..؟!
فوزي:.
_ضرايب و تأمين ،، إمضي
نواره مضت بإستعجال و غادرت الكبارية و دخل أدهم أخد الورقه القسميه و قال:.
_حسابك هيبقي في المبلغ ... و ممنوع نواره تُخرج مع رجالة و شُغلها يقل هنا .. لإن هيا فترة و هتسيب المكان
فوزي:.
_أكيد يـا باشا " و طلع الشرط الجزائي إلي ماضيه عليه نواره و قطعه قدام أدهم ميت حته و رمي في الباسكت وقال:.
_كدا خالصين يـا باشا .. بس والله هتوحشنا نواره
أدهم و تجاهل كلامه الأخير:.
_تمام
و خرج و إبتدا أدهم يوضب فيلا إلي كان عايش فيها مع وسيله " زوجته الأولي" لإن من ساعة إلي حصل و هو معدش بيروح هناك و أخد شقة بعيد عن الڤيلا...!
و عدي أكثر من 4 شهور و خلاص الڤيلا خلصت و تم تغير ديكورها بالكامل و زيادة بعض الحاجات فيها
و في مكتب ادهم بالتحديد"
جت رساله لأدهم قرأها و إبتسم ابتسامه خبيثه و كلم الشخص صاحب الرسالة وقال " تمام ي طارق , عدي علي الحسابات خد مكافتك"
>> عودة للحاضر <<
أدهم رفع رأسه و بعد ما إفتكر كُل إلي حصل قال بتنهيده طالعها بعناء و صوت مهزوز " وحشتيني يــا نواره "
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
نبيلة و هيا بتشرب الشاي:.
_بس مبروك يـاحبيبتي علي الحجاب .. شكله جميل عليكِ
نواره و شايله ملك علي حجرها:.
_تسلمِ يـا نبيلة
نبيلة:.
_و إنتِ مش حامل يـا نواره...؟!
نواره إتوترت لحظة و قالت:.
_لسه ربنا مأردش
نبيلة:.
_إبقي سلميلي علي أدهم
نواره بإبتسامة صفرا:.
_طبعًا ... ليل يالا تعالي روحيني
نبيلة:.
_ليه ما تخليكِ و أنا أروحك...؟!
نواره:.
_لا أصل هجيب شوية حاجات كدا .. فـ عايزة ليل معايا
نبيلة بإبتسامة:.
_ماشي يـا حبيبتي
و سلمت نواره عليها و علي ليلي و باست ملك
وحضنتها حُضن طويل و مشيت هيا و ليل إلي سلمت علي السريع و أول ما ركبت أخدة نفس طويل و خرجته وقالت:.
_أخيرًا .. أنا كُنت مرعوبة إنها تِصر
ليل بإبتسامة:.
_لا نبيلة ملهاش في الزن و بتقدر
نواره:.
_الحمدالله
و طلعت ليل بالعربية و طلعت نواره التليفون لقت رامي و عمر و مُزن متصلين بيها أكثر من 20 رنه
فكلمت مُزن و طمنتها و قالتلها إنها جاية و هتقولها خبر لما تروح و قفلت معاها و كلمت رامي إلي أول ما ردت لقت رامي بيقول بعصبية:.
_كُل دا عشان تُردي يـا نواره
نواره بإبتسامة:.
_مكنتش سامعا
رامي:.
_أخر مرة تمام
نواره بإبتسامة و قالت بهزار:.
_تمام .. و بعدين يـا ولد إنتَ هتعصب عليا إنتَ ناسي إن أنا الكبيرة و لا إية...؟!
رامي:.
_و أنا خايف عليكِ يبقي حقي أزعق لما الأقيكي مبترديش عليا .. و خصوصًا إن معرفش طريق ليكِ ولا فاضي إن أنزل أدور عليكِ
نواره:.
_ماشي يـا سيدي .. صحيح عايزا أقولك علي خبر كدا
رامي:.
_قولي
نواره:.
_مش إنتَ هتخلص إمتحانات الإسبوع الجاي...؟!
رامي:.
_أه...!
نواره:.
_خلاص أقولك الخبر في فرح مُزن .. و علي فكرة إنتَ هتيجي ،، مش عمر عزمك يبقي لأزم تيجي
رامي:.
_ماشي يـا نواره .. و ربنا يستر من الخبر
نواره:.
_هيستر بس إنتَ ركز في مذاكرتك
رامي:.
_ماشي .. سلام
نواره:.
_سلام
و قفلوا و ليل علت الراديو إلي كان شغال علي أُغنية " أمل حياتي " لـ أم كلثوم
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
" يعني إنتِ حامل...؟! "
نواره:.
_أه
مُزن و إتنطّت من الفرحة و قالت:.
_مبرووووووك يـا نواره
نواره بسخرية:.
_الله يبارك فيكِ
مُزن:.
_بُصي إعملي حسابك لو بنت هتسميها ....
و قطعتها نواره و قالت:.
_لو بنت هسميها مُليكة
مُزن بضيق مصطنع:.
_إية دا يعني مش هتسميها مُزن...؟!
نواره بإبتسامة:.
_متزعليش .. بس أنا هسمي الإسم دا لإنه إسم بنت عزيز عليا .. و كُنت مواعدها من زمان إن أول بنت ليا هسميها " مُليكة " و أول بنت ليها " نواره "
مُزن:.
_طب هيا فين الوقتي...؟!
نواره و دمعت و لكن مسحتها بِسُرعة:.
_الله يرحمها
مُزن بإبتسامة و طبطبت علي نواره:.
_الله يرحمها يـا حبيبتي
و هونت عليها مُزن بإنها ورتها الحاجات إلي إشترتها و صور شقتها مع محمد و القاعة إلي حجزوها و نواره إستجابت معاها و فرحت لـ مُزن الحاجات و جمال الشقه و خاصة أوضة الأطفال إلي شكلها رقيق بإلوانها الزرقاء و سريرها البنفسجي و ااتسريحة البسيطه الصُغيرة إلي عليها أشكال ميكي ماوس و سبونج بوب.....!
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
عديٰ الإسبوع و كانت نواره بتساعد مُزن في الشقة و تنقية حاجات العروسة و عمر ساعات كان يجي معاهم بس في الغالب مكنش بيفضي و ليل إتعرفت علي مُزن لإنها كانت وصلتهم قبل كدا مول يجيبوا حاجات لـ " مُزن "
في الكوافير
كانت البنت بتحط لـ " مُزن " اللمسات الأخيرة و كان مكياج مُزن خفيف .. لإن ملامح مُزن البرئيه و عيونها الواسعه و رموشها الطويلة و الخدود الناعمة إلي حمراها بسيط و النمش إلي زودها برائه و عيونها البني الغامق
و خلصت الكوافيرة
نواره راحت وقفت قدامها و قالت بإبتسامة:.
_ماشاءالله عليكـ يـا مُزن قموره
مُـزن بإبتسامة:.
_إنتِ إلي جميلة يـا نواره
نواره إبتسمتلها
سُمية " صديقة مُزن المقربة " و قربت من مُزن و حضنتها جامد و عيونها دمعت:.
_كدا هتتجوزي و تسيبني يـا مُزن
مُزن و بتخبطها في ظهرها بهزار:.
_يـا بنتي أنا هتجوز مش هموت يعني
سُمية و خبطتها في كتفها وقالت بضيق:.
_بس يـا مُزن متجبيش سيرة الموت "و حضنتها:.مبرووك يـا حبيبتي
مُزن بعيون مدمعه:.
_حبيبي
و لبستها الكوافيرة النقاب إلي أزدها جمال بفستانها الواسع إلي عليه نقوش بسيطة
نواره كانت لبسا فستان بنفسجي غامق و ماسك من فوق و نازل علي وسع بسيط و الطرحة البيضاء إلي عليها لولي منتشر في الطرحة و مكياجها إلي يدوب روج وردي غامق و كُحل و كان شكلها رقيق جدًا
و مع خروجهم من الكوافير كان عمر مستنيهم برا و العريس محمد إلي شاف مُزن وهيا خارجا وسط الزعاريط كان نفسه يأخدها و يروح عشان يخبيها من أي حد حتي لو هيا منتقبه....!
علي جانب أخر
مرتفع علي سطح عمارة قديمة
كان حاتم بيجهز نفسه و حط سلاحه إلي مبيستخدموش غير حد مدرب و مُحترف جدًا
سند نفسه علي السور و شاف الشخص إلي هيخلص منها خلال ثوانِ و سبتت فريسته و قال بِخُبث:.
_إلي إللقاء ... من الدنيا يــا ، نواره
و داس علي السلاح و بص ليها بكل إنتصار و لكن خاب ظنه لما جت الطلقه في....!!
ـ━🅕🅑/🅐🅛🅕🅐🅝🅝🅐🅝•🅝🅞🅥🅔🅛🅢━❥
قدام الكوافير
محمد:.
_إية الحلاوة دي...؟!
مُزن بخجل:.
_شُكرًا
محمد بضيق مصطنع:.
_شُكرًا..!
مُرن:.
_بس يـا محمد أنا بتحرج
محمد بغمزه:.
_لينا بيت يجمعنا و ساعتها هشيل الإحراج دا خااالص
و خبطته مُزن في كتفه و قالت:.
_ثاانيه هرووح أقول لـ " نواره " علي حاجة نسيتها
و سابته و راحت لــ نواره و لسه هتتكلم و لكن فجأة.