وخصعت للحب
الفصل التاسع9 والعاشر10
...بقلم ...أروى الشرقاوى
كان يجلس فى غرفته يفكر فيها كاالعاد
فهى لم تفارقه منذ أن رأها ولايعرف كيف يجعلها تحبه كما هو يحبها متى أحبها لم يعرف هل سيأتى يوما ما وتبادله هذا الحب
أتاه اتصال من أحدهم قاطع تفكيره وشروده
أدهم :واطى واطى يعنى مفيش كلام
ياسين :عندى دى وبعدين إنتا عارف الشغل كله فوق دماغى هنا مفيش وقت أنتا عامل إيه
أدهم :بدأت شغل هنا وإستقالت من الجامعه وحياتى إتبدلت خالص أخوك بقا راجل أعمال ومحدش قده
ياسين :سبحان الذى يغير ولا يتغير ياراجل بتتكلم إزاى دى معجزه ياراجل
أدهم:إحنا فى زمن المعجزات عقبال مالمعجزه تحصل وتنزل مصر
ياسين :مش هينفع ياادهم مش طايق البلد مش عارف ولا فاهم أنا عملت كده إزاى مش فاكر ياأدهم ومش قادر أنسى نظرتها ليه ولو هى فى شقه شباب تبقى واحده رخيصه ليه نظرتها ألى توجع دى ليه هربت هى مين مش عارف
ادهم :إنتا عملت إلى عليك ودورت عليها متحملش نفسك فوق طاقتك
ياسين :مش هينفع انا إطمنت عليك هنام دلوقتى عندى شغل الصبح
أغلق معه أدهم وهو يفكر فى أخيه الذى يرفض النزول لمصر نهائى
وبعد ذلك خلد إلى النوم
لم يستطيع ياسين النوم ظل يفكر فيها نظرتها لم تفارقه ماذا حدث لها من هى بحث عنها كثيرا لم يجدها هو دمر حياتها لكنه لم يكن بوعيه لم يعرف من وضعها فى طريقه هو لم يفعل بها ذلك عن قصد
ولكن ضميره يعذبه ماذا حل بها طوال هذه الفتره من الممكن أن تكون قد فارقت الحياه ياه لهذا الوجع يسكن داخله لماذا يحدث معه كل هذا توقفت حياته فى هذه اللحظه لم يخطر بباله يوما انه سوف يمر بهذه التجربه من فعل به وبها هكذا من هى لتدخل شقة شباب لم يتزوجو إذن من جاء بها لهذا المكان
حدث ياسين نفسه :يارب أنا تعبت من عذاب الضمير دورت عليها كتير مش لاقيها يارب تعبت
وبعد ذلك خلد إلى النوم من كثرت التفكير
............. ...... .......
اليوم التالى
فى مكان يشبه الأماكن المهجوره هناك من يخطط لتدمير من حوله وكأنه شيطان وليس بشر يفعل كل شئ بغرض تدمير من حوله لم يراه احد يتحدث معهم من خلف الأبوب يراهم ولايرونه يجلس الشخص الملقب بضاحى ذراعه اليمين الذى يتعامل مع عمار
ميرال دى لازم تموت لازم تختفى من طريقى لازم تدفع تمن الى عملته وتعرف بتلعب مع مين ...هكذا نطق البوص
ضاحى :ياباشا قولى نعمل إيه وإحنا معاك لان كده البت دى ملهاش كبير
البوص :وعمار كان عندك ليه جايب أخبار جديده وميرال كانت عندهم ليه
ضاحى :مازن هيتجوز اخت عمار
البوص :اخت عمار أسماء مفيش غيرها
ضاحى :أه ياباشا
البوص :الجوازه دى مش لازم تكمل لازم نوقفها
ضاحى :إزاى ياباشا هنعملها إزاى ديه
البوص :إتصرف ميرال مش هتنتصر عليا إلى عملته زمان بيتهد والبنت دى تلزمنى
ضاحى:الباشا بتاعنا وقع ولا أيه
البوص :مش أنا ألى واحده تدخل دماغى وواحد ياخدها مينى
ضاحى :الخطوه الجايه مين ياباشا
البوص :تبلغ عمار يعرف اخته باإلى حصل زمان مع حبيبته فهمت
ضاحى :وبكده أسماء هتسيب مازن والخطوبه مش هتكمل ويبعد عن طريقك
البوص :تعجبنى وكده تبعد عن عصام الجيار وإلى بعده نخلى ميرال تبعد عن توفيق وبكده تبقى لوحدها
ضاحى :ودى هنعملها إزاى
البوص :إتقل بس وأنا هقولك هنعمل إيه
ضاحى :سؤال ياباشا ليه بتكرها أوى كده مع أن ميرال مبتتعملش معاك
البوص :مشكلتى مع كامل وعصام وتوفيق زمان كانو أصحاب واتفقو على بابا ودمروه ومات لانه خسر كل فلوسه
ضاحى :يعنى مشكلتك مع كامل وعصام وتوفيق
البوص :أه مشكلتى مع دول
ضاحى :طب ليه بتعمل كده فى ميرال
البوص :لان قوة كامل فى وجود ميرال قوة الكل فى وجودها أنا زمان حاولت أوقع مبينهم بس حصل غير ألى خطط ليه
ضاحى :دلوقتى اول خطوه خطوبة مازن تتلغى
البوص :دى مهمتك لان لو ده محصلش هقتل مازن أنا لحد الوقت ده مش راضى ألجأ للدم
ضاحى :أوامر حضرتك ياباشا
إنصدم بشده الذى يقف ويستمع أليهم بشده فميرال لن تسمح بأن يؤذى أحدهم أخاها
وترك الغرفه ورحل وهو لم يعرف هذا الشخص الذى يخطط لتدمير من حوله يفكر ماذا سيفعل بهذه الميرال
البوص لنفسه :حسابك تقل أوى ياعصام أنتا وتوفيق وكامل عصام إبنه فى إيدى وميرال لازم أدمر عيلتها الاول وبعد كده هى هتتدمر لوحدها ميرال قوتها فى وجودها وسط عائلتها
اما توفيق حسابه معايا طول
لم يعرف ذلك الشخص الذى يخطط لتدمير عائلة ميرال أن قوة العائله فى وجود ميرال وأنا ميرال هى قوة الجميع لي الجميع قوتها وهى لن تسمح له بذلك
.......... ......... .....
فى الجامعه انتهت محاضرتهم وخرجو لكى يستريحو لإنتظار باقى المحاضرات
رفيف :ياخيبتك ياميرال أصحابك وقعو إخواتك وانا مش لاقيه حد يعبرنى
أميره بعدم فهم :أصحابك مين
رفيف بضحك :أصل معاذ هيتقدملك إنهارده بقى بتحبى الواد ومخبيه عليه
أميره بصدمه :أنا ومعاذ لا طبعا دحنا عاملين زى القط والفار مفيش ألا بنت المحظوظه دى ألى هتتجوز على حب
أسماء :بالله عليكى كفايه نبر وقر وحسد انا مصدقت ابو اللهول نطق
أميره :هههههههههه متقوليش كده
أسماء :لا أسكتى هقول وهقول دنا مصدقتش وانا بسمع والله كنت حاسه أنى قلبى هيقف يالهوووى بحبه بحبه ياناس
رفيف تحاول إستدراجها :يعنى لو كان باباكى رفض كنتى هتعملى أيه
أسماء :كنت ههرب معاه ونتجوز دنا كنت أمووت فيها بحب إبن عمك يارفيف بحبه والله
ونطق الذى يقف خلفها وإستمع لكل ماقالته:علفكره أنا كمان بحبك
أسماء بصدمه :هو
رفيف وأميره ضحكو وفرو من امامها هاريبين
أسماء :أندال بإمتياز
وإلتفت ألى الذى يقف خلفها :هو مش أنا قولتلك قبل كده لما تلاقينى بتكلم عليك متقفش تسمع الكلام
مازن بضحك:يعنى يرضيكى ياسوسو مسمعش الكلام ده
أسماء :إنتا بتقولى سوسو هيغمى عليا بالله عليك متقوليش كلام من ده كل الحاجات دى مره واحده هتعب والله
مازن :طبعا سوسو واحلى واحده شوفتها فى حياتى كلها هتنورى حياتى وهتمليها
اسماء :لا كده هيغمى عليا بجد أنتا مازن بجد إحلف يعنى أنا مش بحلم وإنتا بتقولى الكلام الحلو ده
مازن :بحبك ياسوسو وبعشقك
أسماء بتوهان :طب إستنى كده يمكن ميغماش عليا
وبالفعل وقعت أسماء ولحقها مازن وقام بسندها وإستطاع افاقتها
أسماء :يعنى مكنش حلم وإنتا قولتلى بحبك بجد
مازن بضحك :مجنونه مفيش كلام تعالى أسندك إستأذنت من باباكى هنروح نتغدى مع بعض
أسماء :يالهوى ياخرابى كله فى يوم واحد همووت ياناس إلحقونى
مازن شدها :ياله يامجنونه
أسماء :طب والعربيه بتاعتى
مازن :ودى تفوتنى ياسوسو حد هياخدها لحد بيتكم
أسماء :مازن علشان نبقى على نور من الاول متقوليش ياسوسو
مازن :خلاص نمشيها ثوما أو مؤه
أسماء :لا متقولش مهو متكونش ممرمط إلى جابونى معاك وبعدين تقولى كله مره واحده
مازن :أنا قولت مجنونه محدش صدق ياله ياقدرى
أسماء:مابوراحه ياعمونا متزقش طه
مازن أخدها من إيدها حطها فى
العربيه :ممنوع تتكلمى خالص لحد مانوصل
عند رفيف وأميره
رفيف بحيره :طب معاذ عايز يتجوزك ليه
أميره :مش عارفه يارفيف أنا إستغربت لأنه إلى بينا كله خناق
رفيف تحاول بث الطمأنينه قى قلب أميره :بس طلاما عايز يتجوزك يبقى بيحبك وعايز علاقتكم تبقى فى النور ومتنكريش أن الواد موز يعنى
أميره :هو من ناحية موز فهو موز بس خايفه شويه من الخطوه دى
رفيف :طلاما فى شعور جوه قلبك ناحيته وعاجبك كملى للأخر ووافقى معاذ كويس وهيسعدك
أميره :عقبالك ياحبيبتى
رفيف :لا منا خلاص إستسلمت للعنوسه
ضحكو بشده
أميره بإنتباه :رفيف مش ملاحظه أن شيرى معدتش بتقعد مع رودى وعلطول زعلانه
رفيف :فعلا أنا استغربت
أميره :أنا عايزه اروح ليها تيجى معايا
وبالفعل ذهبت رفيف معاها إلى وجلسو بجانب شيرى
أميره :شيرى مالك
إنتبهت شيرى إلى صوتها وتعجبت :أميره لا مفيش
رفيف :لا ياشيرى شكلك مضايقه وبعيده عن رودى
شيرى بحسره :رودى ضيعتنى
اميره بصدمه :مالك ياشيرى عملت فيكى إيه
شيرى :لو حد عرف من أهلى هيقتلونى
رفيف :فيه أيه
شيرى :رودى متجوزه عرفى من ورا أهلها وعايزانى أعمل كده
أميره :لا ياشيرى إوعى تعملى كده متضيعيش نفسك
شيرى :ماضعت خلاص
أميره :مش فاهمه
شيرى بوجع :رودى خلتنى كدبت على أهلى وروحت معاها ديسكو وبعدين إتفقت مع ناس حطولى منوم فى العصير لانى موافقتش أشرب معاهم خمرا وبعدين صورتنى وأنا برقص مع واحد بطريقه مش كويسه ودلوقتى الشخص ده بيهددنى إن لو موافقتش أتجوزه عرفى هيفضحنى ويبعت الصور دى لبابا وينشره فى الجرايد
إنصدمت كل من رفيف وأميره وحمدت أميره ربها أنها بعدت كل البعد عن هذه الذى تسمى رودى
رفيف :متقلقيش أنا هكلم ميرال تساعدك
شيرى :لا مش عايزه اتفضح
أميره :يعنى أنتى موافقه تتجوزى عرفى
شيرى :بنفى :لا طبعا مش موافقه الموت أهون عندى من إنى اعمل كده
أميره :خلاص خلى ميرال تساعدك ياعائشه
شيرى :لا مش بحب الاسم ده
رفيف بنفى :إسم عائشه حلو احسن من شيرى على إسم ستنا عائشه
أميره :إسم عائشه حلو هنادى ليكى بيه كل يوم
رفيف :ياله كلنا كده على الشركه ونقول لميرال
........... ..... ......... ..... ..
فى القصر تجلس روان مع مليكه تتحدث معها وتحاول ان تجعلها تتحدث وتخرج مافى قلبها
روان :عارفه الشخص ده إنتصر عليكى
نظرت لها مليكه بأهتمام
روان:قدر يخليكى تقعدى فى أوضتك ومتعقبهوش على إلى عمله فيكى عملتى زى النعام حطيتى وشك فى الرمل دفنتى نفسك
مليكه بصوت باكى :انا مدفنتش نفسى بس صعبت عليا نفسى أووى أنا ليه حصل معايا كل ده مش شخص معرفهوش مشفتهوش غير مره واحده فى حياتى حبيبته من اول نظره حسيت وقتها إن سعادة الكون أتجمعت فى قلبى وإتمنيت أشوفوه تانى
لكن مشفتهوش أخر يوم ليا فى الجامعه من أربع سنين كنت راجعه فرحانه طلعو عليا ناس خطفونى وخدرونى أنا اول مره أشوف الناس دى وفوقت لقيت نفسى فى شقه لوحدى ومعايا واحد نفس الشخص إلى بحبه وأغتصبنى بكل وحشيه
وهنا بدأت بالبكاء بصوت عالى :أترجيته يسبنى فى حالى بوسة إيده بس هو كل ألى كان بيعمله أنه بيقطع فى هدومى وبيعرينى
فلاش باك
فاقت بعد ماقام هؤلاء الرجال بخطفها
مليكه بخوف :أنا فين حد هنا
تفاجأت بوجود شخص امامها كأنه مغيب تمام ذهب بأتجاهها
مليكه برعب :إنتا عايز مينى ايه
الشخص بتوهان وكأنه متعاطى لايدرى مايقولوه :عايزك صراحه إنتى حلوه
مليكه :لا ارجوك بلاش أبوس إيدك بلاش
قام الشخص بتمزيق ثيابها وسط دموع توسل منها كى يبعد عنها ولكن دون جدوى إغتصابها هذا الشخص بوحشيه لم يستسلم لدموعها ولا لتوسلها إليه
فلاش باك
مليكه بدموع وبكاء شديد :بعد كده فاق وأنا كل حته فيا بتجيب دم عمل مصدوم خدنى على المستشفى بسرعه وهناك هربت منه خوفت ولحد دلوقتى معرفش الشخص ده مين وبعدها زى مانتى كنتى شايفه بعيد عن الواقع وعن الدنيا
روان :بس ده مش صح إنتى صغيره ولازم تعيشى حياتك وبنتك ومستقبلك سيبتى كل ده وحبستى نفسك فى أوضه وعيشتى دور الضحيه
مليكة:حياتى إنتهت خلاص
روان :وليه متقوليش بدات فى ناس بتمر بنفس ظروفك ديه بس الضربه إلى متموتش صاحبها تقويه كفايه كده عليكى إنهارده هجيلك بكره نكمل
وتركتها ورحلت وظلت تفكر مليكه فى كلامها بالفعل هى نهت حياتها لماذا لم تقف امام هذه المواقف وتاخذ من هذه الحياه ماتريد لماذا سمحت لهؤلاء البشر بتدميرها لماذا لم تقف أمامهم
......... ....... ........... ......
كانت تجلس فى مكتبها فى الشركه تراجع مع ادهم بعض الاوراق الخاصه بالمناقصه
كان يريد فتح مجال معها ليحاول أنا يشعرها بحبه لها
ادهم :كده كله خلص فاضل نقدم وناخدها
ميرال :تمام كده بالتوفيق بإذن الله خير
أدهم:هو إنتى علطول كده جد
ميرال :إلى أنا فيه بيحتم عليا إنى اكون جد لان لو تهاونت مره واحده ألى حواليا ياكلونى
ادهم :واحده جميله وذكيه زيك ليه لحد دلوقتى مش مرتبطه
ميرال بسخريه :ومين قالك إنى مش مرتبطه
ادهم بحزن:مرتبطه
ميرال :أه مرتبطه بشغلى ومش مستعده أضيع وقت فى كلام فاضى حب وجواز وتضيع وقت
ادهم بتعجب :الحب تضيع وقت
ميرال :الحب ضعف وتضيع وقت اكتر حاجه بتضيع الحب ليه اعمل حاجه تضعفنى
أدهم :ليه سيبى قلبك الحب قوه مش ضعف
ميرال :لا وانا بقولك شيل الموضوع ده من دماغك انا حياتى مفيهاش غير الشغل وبس
أدهم بتلبك :قصدك إيه
ميرال :انا مش هبله وحاسه بيك من اول يوم ويمكن انا كمان حسيت بحاجه من ناحيتك بس إحساسى ده عقلى رفضه ولغاه
ادهم :جربى مش هتخسرى حاجه أنا بجد إتشديت ليكى من اول ماشوفتك
ميرال :وأنا معنديش وقت للكلام الفاضى ده
أدهم بتحدى :بس انا مش هتنازل عنك
ميرال :يبقى بتضيع وقتك
أدهم :وقتى وأنا حر فيه بس صدقينى فى معركة الحب بالذات القلب هو إلى بينتصر على العقل
ميرال :هتتعب من غير نتيجه
ادهم :النتيجه شايفه عنيكى
ميرال :وقتك خلص أتفضل
ادهم :تحدى مينى ياميرال هخليكى تعترفى بالحب ومش هيأس
وتركها ورحل وفى هذا الوقت أتت روان طبيبة مليكه
روان :أسفه جيت لحضرتك بدون ميعاد
ميرال :إتفضلى
روان :مليكه متجاوبه معايا جداا والنتيجه ممتازه وحكتلى كل ألى حصل هو صعب بس هى هتتخطاه محتاجه منك تتكلم معاه وتقوليلها انك جمبها علشان تبقا قويه
ميرال بأمتنان :شكراا ليكى بجد أنتى فرحتينى أن اختى هتبقى كويسه
أتى عمار فى ذلك الوقت دخل مكتب ميرال دون إذن
عمار بزعيق :انا مش هسمح بالجوازه دى ياميرال
ميرال بزعيق :أنتا اتجننت ياعمار بتتهجم عليا فى مكتبى والجوازه هتم وأعلى مافى خيلك أركبه
عمار :ميرال بلاش تتحدينى
ميرال :بلاش أنتا تتحدانى مشكلتك أيه معايا
عمار بوجع وزعيق :مشكلتى مع مازن وأدهم بس ولازم ادفعهم تمن ألى عملوه غالى
ميرال :فوق بقا بتضيع نفسك على الفاضى محدش فيهم عمل حاجه فوق بقا
عمار وهو يخرج من المكتب :مش هفوق ولازم أدمركم كلكم
وتركها ورحل
ميرال قامت بالاتصال بأحدهم :عمار ميغبش عن عينك لحظه إوعى يإذى حد أو حد يإذيه لو حصله حاجه هنهى حياتك
واغلقت معه
ميرال :أسفه يادكتوره شوفتى الموقف ده
روان بتلبك :لا مفيش حاجه أستأذن انا وأسيبك تكملى شغلك
وبالفعل رحلت روان قام احدهم بالأتصال عليها
الشخص:ميرال فى مشكله
ميرال :فيه أيه
الشخص :البوص لو جوازة مازن وأسماء كملت هيقتل مازن
ميرال :يقتل مين مازن لامش هسمح بكده انا أقتله فيها
الشخص :إحنا منعرفش هو مين بس إلى مش فاهمه ليه عايز أسماء شافها فين مش عارف ده معناه إن هو حد قريب مننا انا خايف على اسماء ومازن من الراجل ده
ميرال:متخافش هنهى الجوازه دى بس لازم نعرف مين إلى بيدمرنا كده وعايز مننا ايه
الشخص:مشكلته مع عصام الجيار وكامل الجمال وتوفيق الشاذلى
ميرال :كده الليله كبرت
الشخص :انا هقفل وأسيبك تشوفى حل للمشكله دى
ظلت تفكر ماذا ستفعل فى هذه المشكله لن تسمح لأحد بأذية أخيها
............. .............. .......
فى المساء ذهبو جميعا ألى فيلا الجيار لخطبة أسماء
كانو فارحين بشده كانت سعادة مازن لاتوصف فهو لايحبها فقط بل يعشقها
وكانت اسماء جميله بهذا الفستان الذى صمم لها خصيصا بالفعل هى جميله حقا
كامل :عصام طبعا إحنا متجمعين أنهارده علشان نطلب اسماء بنتك لمازن إبنى
عصام :ده شرف لينا ياكامل
كامل :نشوف راى العروسه رأيك أيه يابنتى
اسماء :أسفه ياعمى أنا مش موافقه
الجميع بصدمه
مازن :أسماء بتقولى إيه
اسماء :مش موافقه أتجوزك وده أخر كلام عندى جواز مش هتجوز
عصام :اتجننتى اكيد مش ده مازن إلى كنتى هتموتى وتتجوزيه
اسماء :كنت بحبه وهو شال مناخيره عليا فكان لازم أردله الى عمله معايا
مازن بوجع :ياخسارة حبى ليكى ياله ياعمى
وبالفعل رحلو جميعا وكان مازن يشعر بنار داخله هى أستغلته علشان ترد كرامتها هو للدرجه دى نزل من نفسه
وخضعت للحب
الفصل العاشر
بقلم ..أروى الشرقاوى
جلست تفكر فيه منذ أن رأته وتحركت مشاعرها نحوه مره اخرى تفكر فى أنه يريد الأنتقام لموتها وهاهى حيه ترزق تغير تمام سيطر عليه الشر
حسام :بتفكرى فى أيه
روان :نفس الى بفكر فيه كل يوم
حسام :مش خلصنا من الموضوع ده فتحتيه تانى ليه الناس ديه مش سهله
روان :مش قادره أسامح نفسى ياحسام أن السبب فى كل ده لسه عايز ينتقم
حسام :انا عملتلك عملية تجميل علشان محدش يعرفك تقومى إنتى عايزه ترجعى تانى وشوفتيه فين
روان:عند ميرال لسه عايز ينتقم معنى كده أنه بيحبنى لسه
حسام :انا مش هسمح لحد يإذيكى تانى ياروان
روان :بس انا لسه بحب عمار ياحسام
نفسى اروحله وأقوله انى عايشه وأكمل معاه بقيت حياة
حسام :انا وافقت إننا ننزل مصر وأنقل شغلى هنا لأنك وعدتينى هتبعدى
روان :لما شوفتوه مقدرتش ياحسام إفهمنى
حسام بتحذير :لا ياروان لازم تبعدى مش عايز أخسرك وده اخر كلام
تركها ورحل وظلت هى تفكر فى حبيبها الذى تركته منذ زمن طويل لم تكن تريد تركه ولكن أجبرت على فعل هذا ولكن عند رؤيته عادت الحياه لها مره أخرى
.............. ................ ...
بعد رحيلهم جلست على الارض تبكى بوجع وإنهيار :هو كده مشى يابابا كده خلاص مش هيتجوزنى خلاص كده إنتهت
عصام اسماء صعبت عليه بس هى احرجته قدام ناس سابها وطلع
نزلت صفيه بمستواها :اسماء خلاص يابنتى كفايه عياط
أسماء ببكاء :بحبه والله مش هعرف أعيش من غيره قوليله يرجع تانى أسفه مش هعمل كده بس يرجع
واخذت تبكى فى حضن صفيه بوجع هى من جعلته يرحل
أتى عمار فى هذا الوقت وجد شقيقته تجلس على الأرض وتبكى بحرقه
عمار بتساؤل :مالها أسماء ياطنط
قصت عليه صفيه ماحدث جلس بجانب شقيقته وأخذها بين أحضانه :خلاص متوجعيش قلوبنا كلنا طب ليه رفضتيه طلاما بتحبيه كده
أسماء ببكاء :كان لازم أعمل كده بحبه مش هعرف أعيش من غيره
عمار :أروحله يرجعلك بس متعمليش فى نفسك كده
أسماء :لا متروحش ليه أنا يومين وأنسى
وقامت بالفعل وذهبت ألى غرفتها وهى تشعر بنار تأكلها من داخلها
وبعد ذلك ذهبت ألى الحمام وتوضئت وصلت ودعت ربها بالصبر
............... ............. .....
كان فى غرفته يكسر كل شئ يقابله
مازن بزعيق :ليه ليه عملت فيا كده ليه عملت ليها إيه لكل ده أنا بكرها بكرها
ليه كسرتنى كده
دخل عليه شادى الغرفه
شادى وهو يحاول مسكه وتهدئته :إهدى يامازن هتموت نفسك أهدى
مازن :بتزلنى ياشادى عملت كده علشان تنتقم مينى بتزلنى ياشادى
شادى :مازن مش كده إهدى ليه بتعمل كده فى نفسك متستهلش ياصاحبى زعلك ده
مازن :انا كنت بعيد عنها ليه قربت انا بكرهها بكرهها أنا لو شوفتها هموتها ياشادى هموتها بجد
شادى :لازم تفكر تردلها القلم ده ياصاحبى وتكسرها زى ماكسرتك
مازن بخيبة امل :خلاص ياصاحبى انا ماشى من البلد بكره هجهز وأسافر لندن هخلى ميرال تجهز الطياره الخاصه وأمشى من البلد ماليش نفس أقعد فيها
تركه شادى ورحل قابلته ميرال
ميرال :مازن عامل إيه
شادى بحزن :هيكون عامل ايه موجوع
ميرال :بكره ينسى
شادى :فعلا هو قرر يسافر لندن بكره
ميرال بثبات :كده تمام هنجهز كل حاجه ويسافر
شادى:انا خايف عليه
ميرال :إحساس الرفض بيوجع ياشادى
شعر شادى انا ميرال تقول هذا الكلام إليه لم يعلق عليه وتركها ورحل
ميرال دخلت اوضه مازن لقته مكسر كل حاجه فيها
ميرال بصدمه:ليه كده يامازن
مازن :ميرال انا قررت هسافر لندن بكره
ميرال :تمام بكره كل حاجه هتبقى جاهزه
مازن :وأنا جاهز
ميرال :نام فى مكان تانى غير ده هتنام هنا إزاى نام فى اوضه أدم
وتحدثت معه لفتره وبعد ذلك رحلت وتركته
فى الأسفل كانت تجلس فى الحديقه تفكر فى حال مازن وما حل به وانا حالها لايقل شئ عن حاله فشادى رفضها أيضا
جلس بجانبها وهى شارده
شادى :بتفكر فى ايه يابيسو
بيسان بتأثر ووجع :بفكر فى مازن وإلى حصله إنتو ليه كده ليه بتعملو معانا كده ليه بتخلونا نكره اليوم إلى قلبنا حبكم فيه ليه بتحبو توجعونا ليه أسماء وجعت مازن مع إنه بيحبها ونظراته ليه كلها كانت حب
ليه إنتا رفضت حبى مع أنك عارف كويس أنى معرفش أعيش من غيرك ليه كلكم بتعملو معايا كده بابا وماما ولا كأنهم يعرفونا سابونا ومشيو حبو يعيشو لوحدهم ميرال وعمو عوضونى مكانهم ويوم مفكرة أحب قلبى مشفش غيرك
شادى بتأثر ووجع مضاعف :كل واحد فى الدنيا ديه بياخد نصيبه وياريت قلبك ماكان حبنى
بيسان بدموع :ياريته على الاقل مكنتش هبقى موجوعه كده ياريته
وتركته ورحلت
ظل هو يفكر فيها وفى دموعها التى لايتحملها
شادى لنفسه :ياه يابوسى لو تعرفى بحبك قد إيه مش هتقولى كده
مر الليل بكل أوجاعه
............ .............. ........
فى الصباح أخذت ميرال رفيف وعائشه وذهبت إلى إحدى المخازن
فلاش باك
ذهبت الفتيات إلى ميرال
ميرال :رفيف فيه أيه ومش دى البنت إلى كانت عامله معاكى مشكله
رفيف:عائشه واقعه فى مشكله ولازم تساعديها ياميرال ده طلب مينى انا
وافقت ميرال على مساعدتها وقصت عليها عائشه ماحدث وبالفعل امرت ميرال رجالها بجلب هذا الشخص
باك
ميرال :هو ده ياعائشه
عائشه :اه هو الكلب ده إلى عايز يدمرنى
ميرال :طبعا الرجاله قامو بالواجب معاك مش محتاجه اكمل
سامر بخوف وتعب :أسف والله ياهانم مكنتش أعرف انها تبعك
ميرال :وأديك عرفت هتعمل ايه
سامر :مش هقرب منها وصورها هتتمسح كلها
ميرال:الرجاله كسرو التليفون لو فى صور فى مكان تانى نصيحه مينى إمسحهم لأن انا مش هسكت وهزعل وزعلى وحش مش هتستحمله
سامر :لو شوفتها فى شارع همشى من الشارع التانى بس خليهم يسبونى ياهانم وكفايه ضرب
ميرال :هسيبك بس لو فكرت صدقنى هخليك تندم وهزعل وربنا مايوريك زعلى
تركته ميرال ورحل مسرعا من أمامهم
ميرال :عائشه انا ساعدتك بس علشان خاطر رفيف طلبت مينى كده
عائشه :أنا اسفه بجد ياميرال كنت ماشيه ورا رودى بس خلاص أتعلمت وهبقى فرحانه لو رفيف وافقت تخلينى صاحبتها
رفيف بحب :موافقه طبعا ياله نروح الجامعه أسماء وأميره هيولعو فينا
ميرال بتعجب :أسماء
رفيف :ميرال أنا ماليش دعوه باألى حصل أسماء صحبتى من زمان ومش هقدر أسيبها أسفه
ميرال :أنا كنت هطلب منك كده ألى بينك وبينها اكبر من إنك تنهيه بالشكل ده
وطلبت من عائشه تركهم بمفردهم ليتحدثو فى أمر هام
............ ............. .........
فى الجامعه
أميره :غلطانه ليه عملتى فيه كده إنتى بتحبيه
اسماء بوجع :انا بس إلى كنت عامله حسابه حصل أكيد رفيف مش هتكلمنى تانى ياأميره
اميره :رفيف مش كده أنتو أصحاب من زمان وأكيد هتفهمك
تحدثت التى إستمعت أليهم :مش تكون هيا فاهمه نفسها الأول
أسماء :رفيف أفهمينى
رفيف :أنا مش عارفه إنتى عملتى ليه كده
أكيد عندك أسباب للى عملتيه
أسماء :بوجع لازم أبعد يارفيف
أميره محاوله تغير مجرى الكلام :عائشه عملتو إيه
أسماء بتعجب :عائشه مين
رفيف :شيرى
أسماء :أنا الفتره دى متلغبطه مأخدتش بالى من وجودك
عائشه:لا مفيش حاجه المهم أنك بخير
أسماء :كلكو سيبتو رودى ليه كده
عائشه :رودى بتإذى كل إلى حواليها عامله زى الشيطان بيسحبك واحده واحده
أسماء:كويس إنك فهمتيها قبل ماتضيعك ياعائشه
عائشه :الحمدلله والفضل لربنا وبعده ميرال ساعدتنى كتير
أسماء :مش ناويه تسامحى صفيه
عائشه بنفى :لا عمرى ماهسامحها سابتنى فى وقت انا محتاجاها فيه رمتنى ياأسماء
أسماء :وليه متقوليش إن باباكى إلى اجبرها على كده
أميره :ماتفهمونا فيه إيه ياختى أنتى وهيا
أسماء :عائشه تبقى بنت صفيه مرات بابا
رفيف بصدمه :بجد مفاجأه وليه مبتكلميش مامتك ياعائشه مفيش بعد الأم إوعى تخسريها
عائشه :مش هقدر وياريت نقفل الموضوع ده
رفيف :أسماء مازن مسافر لندن أنهارده
أسماء بوجوع وهلى وشك البكاء:بجد هو موجوع يارفيف
رفيف:موجوع بس ده كسر كل الحاجات ألى فى اوضته أمبارح
أسماء بلهفه :وهو حصله حاجه ردى يارفيف
رفيف بخبث :هو المفروض يكون فى المطار دلوقتى
تركتهم أسماء ورحلت فورا دون التحدث أليهم
اميره :البت دى رايحه فين
رفيف بخبث :تلاقيها رايحه تعيط فى مكان ولا حاجه
قامت اسماء بالإتصال بميرال
ميرال :أسماء فيه أيه
اسماء :انا متفقتش على كده أنا مش هستحمل يبعد عنى ويسافر على الأقل كان جمبى
ميرال :والمطلوب
أسماء:ميسافرش
ميرال :روحيله وقفيه لو تعرفى
أسماء:انا وافقت بس علشان احميه مش يسيبنى ويمشى
ميرال :روحى وقفيه لو تعرفى المكان *******
أسماء :ميرال هو مش هيوافق بس على االأقل أشوفوه
وبالفعل ذهبت أسماء ألى المكان
وصلت أسماء بعد وقت ألى هذا المكان
وجدته على وشك الرحيل
أسماء:مازن متسافرش ارجوك يامازن
مازن :انتى بالذات تخرصى مسمعش صوتك أبعدى عنى بقا أنتى إيه مصره تجرحينى عايزه إيه عايزانى اموت
أسماء بنفى:لا يامازن بعد الشر عليك أنا مقدرش أعيش من غيرك يامازن إرجعلى أرجوك
صدقى صعبتى عليه وهجوزك الواد ده اصلى بحبكم وميهونش عليا تتفرقو ...هكذا تحدثت ميرال
أسماء بصدمه :ميرال ودكتور ادهم مين دول
مازن :هتجوزك يامجنونه
أسماء :نعم
ميرال :اصلك صعبتى عليا قولت اجوزك الواد ده وتسافرى معاه إيه رأيك
أسماء :لا براحه كده مش فاهمه حاجه خالص
مازن :هو إنتى مفكره أنى صدقة الى عملتيه ده منا عارف يامجنونه بتحبينى قد ايه
أسماء :متقولش مجنونه بس
مازن بغمز :أحلى مجنونه
ميرال :أنا عرفت مازن كل حاجه بصراحه صعبتى عليا
اسماء :يعنى خلاص مازن مش هيسافر وهيفضل هنا
ميرال :هيسافر بس هياخدك معاه والمؤذون اهوه عايزيه ايه كمان
أسماء:لولولولولى بحبك ياميرال يالهوى همووت ياناس هتجوز إبن الجمال ياخلق ياهوه ألحقونى
مازن :لا خلاص مش هتجوز دى مجنونه
اسماء :والله أغزك
شادى:ماتخلصونا ياجماعه فى جواز ولامفيش
أسماء :سمعه حد بيقول مفيش جواز خليه يسكت ولا اموته
رفع شادى يديه لفوق :مش انا يامعلمى
اسماء :بحسب
اتى المأذون وقام بكتب كتاب مازن وأسماء
وأقلعت الطائره ورحلو إلى مدينه العشاق باريس لقضاء شهر العسل
ميرال :اخيرا كل حاجه تمت يالهوى صدق مازن اخويا صعبان عليا متجوز مجنونه
شادى بضحك :ههههههه يستاهل ياله تخلص القديم والجديد بس انا فرحان جدااا أنه اخيرا أتجوز
ميرال بمكر :عقبالك
شادى :طب أستأذن انا بقا عندى شغل سلام ياأستاذ أدهم نردهالك فى الأفراح يارب
وتركهم ورحل
أدهم :قلبك مش ناوى يحن عليا دنا غلبان والله
ميرال بإستنكار :لا مش هيحن مقولتلك فكك من الحوارات انا مش بتاعت حب وجواز أنا ميرال الجمال زى مابيقولو هولاكو
أدهم :بس بحبك
ميرال فرحت بشده لسماع هذه الكلمه فبالأخر هى فتاه تفرح لسماع هذا الكلام ولكنها اخفت هذه الفرحه داخلها :أدهم ابعد عنى بلاش انا
أدهم بحب :بس محدش بتحكم فى قلبه ياميرال وقلبى حبك إنتى
تركته ميرال ورحلت فلو إنتظرت اكثر من ذلك سوف تفضحها اعينها
أدهم لنفسه :مش هتنازل عنك ياميرال ولازم حبك ألى بتداريه ده يخرج بره قلبك