تزوجت لانفذ وصية ابى
الفصل الحادي و الثاني عشر
بقلم اسماء ابراهيم
يظل مراد يبحث في كل مكان ولا يجد لها أثر ويسأل خالتها
عن أقاربها ويذهب هو وأحمد للبحث عنها ولا يجدوها وحتي
الشرطة لم تجد لها أي بيان وتبداء حالة مراد تتدهور لعدم معرفته مكان يارا
في نفس الوقت شيري بتحاول تقرب من مراد وكانت
مبسوطة جداً إن يارا مبقتش موجودة في حياتهم وتمر الأيام
والشهور علي إختفاء يارا وتتدهور حالة مراد كثيراً ويبداء
يذهب إلي النادي ويبداء في السهر وترك أعماله بالشركة
ويذهب إلي بارات ويشرب أشياء لم يعتاد عليها من قبل،
وكانت شيري سعيدة جدا بذالك الوضع وشعرت أن مراد بداء
يحبها ويرجع صديقها ويفعل معها الأشياء التي تُحبها
وذات يوم يشرب مراد كثيراً لدرجة أنه لم يوعي لشئ وفي
ذالك اليوم تاخذه شيري للفيلا وتكون قاصدة بأن تجعله يغيب عن الوعي ولكن مراد يحاول أن يتمالك نفسه وألا يقع وذهبت به إلي غرفته وحاولت معه كثيراً أن تقترب منه ولكن مراد دائما كان يمنعها حتي إقتربت منه شيري فجأه وحاولت تقبيله وفي نفس الوقت كان يتخيل مراد أنها يارا وبداء يقترب من شيري علي هذا الأساس ولكن فاق فجأة وزق شيري وقالها إنتي بتعملي إيه في أوضتي اطلعي برا
شيري: إيه يامراد ده ماحنا طول عمرنا كنا أصحاب وكنت بدخل أوضتك عادي
مراد: يقوم فجأة ويمسك شيري ويطلعها بالغصب برة الغرفة ويجلس هو علي الأرض يفكر في يارا، ويكلم نفسه، إنتي فين يايارا وياتري مين ال أخدك مني، إرجعي بقا حياتي مش كويسة من غيرك إرجعيلي بقا، تعالي شوفي حياتي من بعدك بقت عاملة ازاي
ثم يغفي عليه وينام بمكانة وبعد فترة يسمع طرق علي الباب، ويحاول أن يستجمع قواه ويفيق ثم يسأل منّ فيجاوبه صوت من خلف الباب أنا يارا
يقوم مراد بسرعة ويحاول إنه يفتح وعندما يفتحه يجد يارا بالفعل فيقترب منها ويحتضنها ويسألها أين كنتي
يارا: إهدي بس إنت عامل في نفسك كده ليه وإيه ال حصلك
مراد: سيبك مني وجوابيني إنتي كنتي فين الفترة دي كلها ومع مين وفين مصطفي جاوبي يايارا
لم تجيبه يارا ويجد شيري تقف خلفهم فيُمسك يد يارا ويدخلها الغرفة ويحتضنها مرة أخري ويقول لها: أنا تعبت أوي في بعدك عارفة أنا كنت بشوفك في كل الوشوش أنا موت بعدك حقيقي موت متسبنيش تاني أرجوكي
تحضنه يارا وتقوله مش هسيبك تاني يامراد وأنت كمان متسبنيش
مراد: كنتي فين يارا ومصطفي فين
يارا: هحكيلك بس أنت لازم تهدي الأول عشان مش هعرف أحكيلك وأنت بالمنظر ده، وتمسك ايده وتحاول تخليه يقعد علي فراشة وتقلع جزمته وتقعد جمبه وتقوله أنت كمان وحشتني يامراد وتفضل تمسح بإيديها علي شعره وتقول إنت مينفعش تفضل كده لازم ترجع مراد ال أعرفه
في غرفة ليلي: تجلس شيري وتتوعد بأنها ستخرج يارا من حياة مراد بأي تمن حتي لو كانت ممكن تقتل حد عشان مراد يكون ليها هتعمل كده فعلا
ليلي: لا إحنا مش هنقتل حد ولا هنلوث ايدينا بواحدة زي دي إحنا هنخليها تتنازل عن الوصية وناخد منها كل حاجة وبعديها نخلي مراد هو ال يطردها من حياته وحياتنا كلنا
شيري يبقا لازم نشتري المحامي صاحب عمو مختار الأول ولحد مايثق هو فينا نخليه ينقل الأملاك بإسمك أو إسم مراد وأول مالسنة ونص ال في الشرط ينتهو نطلعها من حياتنا خالص
تسكت ليلي وتفضل تفكر في مراد وحياته ال بقت مختلفة للأسواء وتفكر طيب لو قدرو يحلو موضوع الأملاك والوصية أكيد مش هيلاقو حل في وصية الجواز ال كانت قدام مراد ويارا وليلي وكمان رجع قال عليها تاني للمحامي
فضلت ليلي تفكر ازاي هتخلي مراد يتنازل عن وصية أبوه بس هو كان بيحبه جداً وعمره ماهيرفض انه ينفذ الوصية دي وكمان شيري لو عرفت بوصية الجواز دي معرفش إيه ال ممكن تعمله في يارا بالذات انها لسة قايلة إنها ممكن تعمل جريمة قتل عشان تحصل علي مراد ويكون ليها
وفجأة تصرخ شيري أمام ليلي وتخضها وتقولها عمالة أنادي عليكي بقالي كتير مالك بتفكري في ايه
ليلي: لا أبداً ياحبيبتي بفكر ازاي نقدر نخلي المحامي يعمل ال احنا عاوزينه
في الصباح تدخل عايدة إلي غرفة مراد لتجده مازال نائم علي الأرض وتحاول أن تجعله يفيق وعندما يستيقظ يجد أنه مازال مستلقي علي الأرض ولم تكن يارا بجواره
ويسأل عايدة عشان يتأكد هي يارا ومصطفي جم هنا إمبارح
عايدة لا محدش منهم جه خالص هو إنت لقيت يارا ياأستاذ مراد يارب تكون لقيتها أنا حبيت البنت دي جدا لله في لله كده
يتأكد مراد أنه كان بيحلم وإن يارا مجتش في الحقيقة
مراد: ارجعي بقا يايارا كلنا هنا بنحبك
عايدة: قولت حاجة ياأستاذ مراد
مراد: ها لا ياعايدة شكراً إتفضلي روحي إنتي لشغلك
حتي في أحلامي بقيت مش شايف غيرك يايارا إرجعيلي بقا حياتي بقت سواد من غيرك
في نفس الوقت يجد صوت طرق علي الباب فيسأل منّ فتجاوبة والدته أنا يامراد عاوزة أتكلم معاك ضروري في حاجة مهمة
ياتري ليلي راحة تقول إيه لمراد؟
رأيكم
عشان بحبكم عملتلكو كمان فصل أهو هنتظر رأيكم ودعمكم ليا أنا بجد تعبت جدا عشان طول النهار بكتب وحاولت أسرع في الأحداث وقولت حاجات كتير بدون تفاصيل كبيرة عشان خاطركم بس وخليت الفصل ده كبيييير أهو عشان تعرفو بس قد ايه حبكم
#تزوجت_لأنفذ_وصية_أبي
الفصل الثاني عشر
تذهب ليلي لغرفة مراد وتحاول أن تقنعة بعدم تنفيذ وصية والده وتقوله: بلاش تجوزها يامراد وإحنا هنشوف حل مع المحامي ونرجع الأملاك منه بس إنسي موضوع الجواز منها وإرجع لحياتك الطبعية وإتجوز شيري وهتكون سعيد أوي معاها يابني شيري صحبتك وبتحبك وأنتو شبه بعض عيشتو نفس الحياة ونفس الطبع سيبك من بنت محمد لا هيا شبهك ولا هتكون، مينفعش يابني علي أخر الزمن تتجوز واحدة شبه يارا
مراد: وهي فين يارا ياأمي بقالها أكتر من ٣ شهور مش ظاهرة وإنتي جاية تقوليلي ماأتجوزهاش
ليلي: أنا جيت بس أعرفك إن حتي لو البنت دي ظهرت تاني في حياتك أنا مش هسمحلك تتجوزها
مراد: وأنا عاوز أقولك إن أول مايارا ترجع أو أشوفها هتجوزها وحتي لو عدي السنة والنص زي ما موجود في الوصية عارفة ليه لأني بحبها
تيجي شيري في نفس الوقت عاوزة تدخل لمراد قبل مايخرج بس تقف فجأة علي الباب لما تسمع ليلي وهي بتزعق لمراد
ليلي: وانا قولت مش هتتجوزها يعني مش هتتجوزها وإنسا وصية أبوك دي وخلي في علمك لا شيري ولا سعاد لسة يعرفو عن وصية الجواز ال أبوك وصي بيها دي وأنا مش موافقة وعلي جثتي يامراد
مراد: خلصتي كلامك، لم تجيبه ليلي فيسألها مرة أخري لو كنتي خلصتي كلامك اتفضلي اخرجي عشان هاخد دش وأنزل أشوف شغلي وخلي في علمك وصية أبويا هتتنفذ بالحرف الواحد وكله هيكون قدام عنيكي
ليلي: وأنا مش هسمحلك ولا هسمح إن البنت دي تظهر في حياتك مرة تانية أصلا وتتركه وتخرج وتذهب شيري لغُرفتها قبل أن تراها ليلي، ومراد يدخل ليأخذ دش ويرتدي بدلة سوداء تجعله في قمة الجاذبية والأناقة ويخرج من الفيلا مُتجه للشركة
أما شيري تجلس بالغرفة التي تجلس بها دائما كلما ذهبت للفيلا وتحدث نفسها جواز يعني عمي مختار وصي انه يتجوز بنت الشوارع دي وكل ده والست هانم ليلي عارفة ومتقوليش طيب حسابك معايا تقيل ياليلي هانم وأنت يامراد بيه هندمك علي كل لحظة أهانتني فيها عشان تدافع علي بنت الحواري دي
يذهب مراد للشركة ويجد أن كل صفقاتة خسرت والشركة بتدمر وإنه كل مايحاول يوقف الشركة علي رجليها ويدخل حد شريك معاه فيها محدش يوافق لان طبعا كل أملاك والده محجوز عليها لحد مايتم وقت الوصية ويشوفو الأملاك هتروح لمين وطبعا مراد أقل صفقة هتخلية يصرف مش أقل من ١٠ مليون وهو مبقاش معاه المبلغ ده
في الفيلا
تخرج شيري وتذهب بنحاية غرفة ليلي، وتجد أن ليلي هي أيضا تخرج من غرفتها متوجهه لأسفل فتوقفها شيري وتقولها بقا إنتي مخبية عليا وصية عمو مختار بإن مراد يتجوز بنت الشوارع دي، يعني انتي كنتي موافقة عشان تاخدي فلوسك وتطلعيني انا من المولد بلا حمص ومراد يتجوز السنيورة وانتي تاخدي فلوسك وكل مرة تحطيني أنا في وش المدفع عشان مراد يكرهني واخسره للأبد بس لا أنا هعرفك إزاي تلعبي مع شيري
ليلي: إيه اللي بتقوليه ده ياشيري طبعا أنا مش موافقة بالبنت دي ولا بالوصية دي كلها بس إنتي عارفة مراد كان متعلق بباه قد ايه وعمره مارفض أي طلب من والده وأنا حاولت كتير معاه بس ماكنش بيسمع مني وانهاردة روحت عشان أقوله إنه مهما حصل البنت دي مش هتكون مراته
شيري: علي أساس كان سمع كلامك في ال قبل كده هيسمع كلامك إنهاردة بس أنا مش هسمح من اللحظة دي إن ينضحك عليا وزي مانتي كمان أذتيني وخليتي مراد أنا هأذيكي
ليلي تقصدي إيه ياشيري وتحاول تقرب منها وتمسك دراعها ولسة بتقولها أنا طول عمري بعتبرك زي بنتي، تقوم تزوقها شيري تقولها بطلي كذب فتقع ليلي علي السلم لحد تحت
في الشركة مراد بيحاول يتكلم مع كل الشركات عشان حد يساعده قبل مالشركة تتدهور وحد يقدر يشيل نص الشركة معاه لكن ميلاقيش حد وفجأه يجيله إتصال من شركة في دبي ويقولوله إنهم شافو الإعلان بتاع شركتهم وهما موافقين يساعدوه ويعملو معاه ثفقة ويديرو معاه الشركة لحد ماترجع علي رجليها تاني، وطبعا من فرحة مراد نسي يسألهم إيه الشروط وإيه المقابل للشراكة دي وهل الشركة التانية هتاخد ٥٠٪ بس من الشركة ولا أكتر ولا أقل؟
في الفيلا عايدة بتصرخ وليلي فقدت الوعي وشيري واقفة فوق ولا اتهزت وكأنها كانت قاصدة توقعها بتتصل عايدة علي مراد وفعلا يجي وياخد والدته علي المستشفي وبعد كام يوم يقوله الدكتور إن والدته عندها شلل ومش هتقدر لا تتكلم ولا تمشي ممكن لفترة وممكن طول العُمر بس حسب الجو ال هي عايشة فيه يعني لو عايشة مرتاحة صحتها هتتحسن علي حسب وضعها لو عايشة في مشاكل وضغطت علي نفسها ممكن تتعب أكتر وأعصابها متتحملش انها تمشي مرة تانية
وبياخد مراد والدته علي الفيلا وبتحاول شيري تمثل قدام مراد إنها قد ايه حزينة علي ليلي وقالت إنها هتفضل معاها وطبعا مراد مش هيشغل باله بيها كالعادة وقالها براحتك عاوزة تقعدي اقعدي
وتطلب شيري من مراد يمشي عايدة من البيت وهيا هتاخد بالها من ليلي ولكن بيرفض مراد وبيقولها عايدة مستحيل تخرج من هنا أو تروح مكان تاني عايدة هتفضل تشتغل معانا هنا
يروح مراد الشركة لأن عنده اجتماع مهم مع مدير الشركة بتاعة دبي وفعلا بيجو ناس من دبي ويتفقو مع مراد ان نص الشركة ليهم والنص التاني ليه وهو بدون مايسأل عن المقابل بيوافق مراد وبيقولو الصفقة هتكون بعد خمس شهور وهنيجي تاني عشان توقع علي العقود ونقولك علي المدير اللي هيدير معاك الشركة في مصر
شيري بتكلم حد في التيلفون وبتقوله كويس أوي يعني مافيش حد وافق يساعده ولا من أي شركة، أنت كده شغلك تمام عوزاك تجيب الأخبار أول بأول وفلوسك هتاخدها قريب جداً
وطول الفترة دي بيحاول مراد انه يلاقي يارا وبتحاول شيري تقرب من مراد ولما مراد مدهاش وش قررت إنها تقلب عليهم الدنيا ودورت علي الورق الخاص بأملاك مختار وسرقته وطبعا الورق فيه مايثبت ان أملاكه هتتقسم مابين تلاتة فبتاخد الورق ال بيثبت أملاك ليلي ومراد وبتخلي ليلي تبصم علي الورق طبعا ليلي مشلولة بس هيا خلتها تبصم بدون ارادة منها وفي يوم خلت مراد يشرب كعادته ال بقا يعملها بعد ما اختفت يارا وخلته يفقد وعيه وبصمته هو كمان علي الورق
وفضلت شيري تهدد مراد بالورق ده وإن لو متجوزهاش هتاخد منه الفيلا وكل أملاكهم ال في البنوك وغيرو وطبعا كان كل مرة يرفض مراد انه يتجوز شيري
وبعد خمس شهور
ويكون عدي علي إختفاء يارا ٨ شهور بيجي اليوم ال هيعقد مراد فيه الصفقة ويكون في أوضته بيجهز نفسة ويفضل يقول ياتري فينك يايارا وحصل معاكي إيه، مش لو كنتي موجودة معايا دلوقتي كنتي بقيتي جمبي في يوم زي ده وإتمنيتي ليا التوفيق وحشيني جداً يايارا إرجعي بقا كل حاجة باظت من بعدك دلوقتي عرفت معني جملة والدي هتعرف بعدين ليه إخترت يارا تمسك كل حاجة إرجعي وشوفي بعدك إيه ال حصل، وفي بُعدك جرالي إيه محدش هيرجع ال ادمر دا غيرك انتي
مبقاش غير أربع شهور وتنتهي مدة الوصية أرجوكي أرجعي وحشتيني أوي
شيري: بتجهز نفسها في الغرفة الخاصة بيها وبتقول لنفسها والله وقرب وقت تدميرك يامراد مختار وياأنا ياانت وهخليك تترجاني عشان اوافق واتجوزك بس هتكون وقتها انت مدمر نهائيا وراكع تحت رجلي بتترجاني ووقتها أنا ال هرفص لأن ال كنت محتجاه منك أخدته والباقي هاخده بطريقتي كلها ساعات وأشوفك مدمر
ويخرج مراد من الغرفة ويذهب للشركة ويستقبل الوفد ال جاي من دبي وياخدهم لغرفة الإجتماع
ويبدأو يتشاورو في العقود والصفقات وبعد مايتفقو ويمضي مراد علي علي كل الأوراق يقولوله نعرفك علي المدير الجديد الخاص
من شركتنا وال هيكون معاك هنا في الشركة دايما ويتفتح الباب فجأة وتكون الصدمة
ياتري مين المدير الجديد؟