رواية احببت حمقاء
الفصل الحادى عشر والثانى عشر الثالث عشر
بقلم ملك محمد
#احببت_حمقاء (11)
منه خرجت من بيتها مقرره تدور على شغل تصرف منه على نفسها
وهي ماشيه تكلم ف نفسها اتفاجئت برامي واقف قدام
قربت منه وقالت بذهول : رامي ! انت بتعمل اي هنا
رامي : بصراحه مقدرتش استنى اكتر من كدا كان لازم نتكلم
منه افتكرت انه كان قايلها امبارح ف الشات انها تبعد عن نادر فقالتله : قول في اي
رامي مشي لقدام وهي لحقته ومشيت جمبه
: بصراحه انا علاقتك بنادر مش عجباني
منه بإحباط : ولا عاجبه حد اطمن
رامي بعصبيه : انا مبهزرش ابعدي عنه افضل
منه بذهول : ابعد عنه ليه مش فاهمه
رامي : علشان نادر خيانة والدته مأثره عليه لسه وانا خايف عليكي
منه وقفت مره واحده : انا مش فاهمه حاجه
رامي: حياتك مع نادر هيبقى محكوم عليها بالفشل انا مش عايزك تفضلي قريبه منه لحد ماتحبيه وف الآخر تتفاجئ بشخصيته
منه بذهول : انت ليه بتخوفني منه
رامي بحزن : انا مش بخوفك انا بجد خايف عليكي نادر ممكن يأذي اي حد غصب عنه لو جت سيرة والدته قدامه وانتي ساذجه جدا وبتتكلمي بعفويه وممكن تجيبي سيرتها بدون ماتحسي وصدقيني نادر لو فكر يأذيكي انا ممكن أقتله
منه بخوف : انا علاقتي بنادر مجرد اعجاب مفيش داعي لكل داه
رامي : كدابه انتي بتحبيه
منه بإرتباك : لا مبحبوش
رامي : بتحبيه
منه اتوترت : بس بقى انا حياتي متلخبطه وعندي ال يكفيني معنديش وقت لكل الحوارات دي انا عايزه شغل ضروري
رامي بتعجب : شغل ليه
منه : عايزه اجيب مصاريفي علشان مطلبش حاجه من حد
رامي : وهتشتغلي امتى وانتي بتدرسي
منه : هشتغل بعد الجامعه بس لو لو عندك شغل قول
فضلوا يتكلموا سوا لحد ماوصلوا الجامعه
فجأه كان قدام ف الطريق مايه كتيره
منه بصدمه. : اي المايه دي
رامي شمر بنطلونه وقالها بضحك : شمري بقى يافالحه هنعوم
منه بمذجره : لا مستحيل ابهدل نفسي دانا لابسه الكوتشي ابيض كمان انا هروح احسن
رامي بذهول : انتي يامجنونه تروحي اي الجامعه قدام اهيه
فجأه كان جي نادر من الطريق ال قدام ووشوا ف وشهم
رامي اخد باله منه
منه : انا مروحه صعب اع...
رامي راح شايلها وهي بتتكلم ونزل بيها ف المايه وعيونه ف عيون نادر ال وقف مكانه يبص عليهم
منه بصدمه : نزلني نزلني
رامي وقف ف وسط المايه وقالها
: بطلي بقى
منه بإحراج : نزلني بقولك
رامي : حاضر بس بصي تحت كدا
منه بصت لقت نفسها ف وسط المايه
رامي مثل انه هينزلها
منه بهلع: لا لا شيلني شيلني شيلني
رامي كمل طريقه بضحك وهو باصص عليها وهي مستخبيه ف حضنه من الكسوف
وصل لقدام وبص لنادر بنظره حاده وبعدين نزلها
منه بغضب زقته لبعيد : انت مجنون اي ال انت هببته داه
رامي بص لنادر وكأنه بيتحداه
نادر كان واقف من الصدمه مش عارف يتكلم تخيل خيانة والدته لوالده حس انه ممكن يتحط ف نفس الموقف
كان ف ايده المفاتيح بتاعته فضل دايس عليهم جامد لدرجة ان ايده اتجرحت وبدأت تنزل دم
منه بتعجب : انت بتبص لمين
وبعدين بصت لقت نادر واقف قدامهم بس بعيد
منه بذهول : نادر
نادر حس انه مش ف وعيه وممكن يتصرف تصرف غبي تمالك نفسه ودخل بسرعه الجامعه
منه سابت رامي وطلعت تجري وراه
رامي بص حواليه وقال بتنهيده : ولا كأني موجود
منه دخلت ورا نادر شافته وهو طالع السلم فضلت تطلع وراه لحد ما وصل السطح
نادر قعد ع ركبته وفضل يبكي
منه لحقته وراحتله
: نادر انت كويس
نادر ببكاء : انا ليه بتعاقب ع ذنب معملتوش
منه ساكته
نادر ببكاء: لحد امتى هيفضل الكابوس داه يطاردني
منه : اذا كان والدتك غلطت فمش كل البنات زيها سدقني
نادر بغضب وعصبيه شديده مسكها من دراعها جامد وقالها
: ولما مش كل البنات زيها انتي كنتي بتعملي اي مع رامي
منه بخوف وألم : انا انا
نادر زقها لبعيد : كلكوا زي بعض
منه بعصبيه وبكاء وهي ماسكه دراعها من الألم : تفكيرك هو ال غلط انت لما قولت انك معجب بيا انا مردتش عليك ولا قولت وانا كمان فاعجابك بيا لوحده ميدلكش الحق انك تتحكم فيا ثانياً رامي مجرد صديق
نادر بغضب : رامي مش مجرد صديق رامي بيحبك
منه بصدمه وبكاء : اي ال انت بتقوله داه انت فعلا طلعت انسان معقد ولازم ابعد عنك زي ماهو حذرني منك
نادر بغضب : زي ماهو حذرك! امشي يامنه
منه سابته ومشيت وهي بتعيط وبتقول لنفسها
: كل مره يقرب مني هو وبعدين يقولي امشي
نادر قرر يرجع بيته تاني
منه نزلت ودخلت قاعة المحاضرات
قعدت ف مكانها جمب مريم
مريم بدهشه: اي ال ع بلوزتك داه
منه بتعجب : في اي يابنتي
مريم مسكت دراع البلوزه وقالتلها : اهو يابنتي تقريبا دا دم ولا اي
منه افتكرت وقت نادر مااتعصب ومسكها من دراعها جامد قالت بصدمه
: معقول نادر كان ع السطح بيحط مانكير بس اللون الأحمر وحش اوي مايحط بينك
مريم بصدمه : مانكير اي دا دم يابت اهوه
فجأه دخل الدكتور
منه فضلت تبص على نادر طول الوقت ف القاعه مشفتوش
الجامعه خلصت والطلاب بدأو يروحوا ودي اول مره نادر يغيب فيها
حست بالذنب وقالت ف نفسها واضح اني قسيت عليه هو بيمر بفتره صعبه مفهاش حاجه لو استحملته يعني
مسكت موبايلها وقررت تتصل بيه
مردش على موبايله بعتتله رسايل كتير مردش بردو
شافت رامي معدي قالتله
: رامي ممكن طلب
رامي : لا مش ممكن ومتندهيش عليا تاني احنا هنتصاحب
منه وقفت قدامه
رامي بتنهيده : وسعي انجزي
منه ببراءه : بليز طلب واحد
رامي زقها للحيطه ووقف قدامها : بصي انا قررت اعمل نفسي مش شايفك فمش كل شويه تنطيلي انسي انك تعرفي حد اسمه رامي ماشي
منه بخوف : خلاص مش عايزه منك حاجه هروح انا وزقته ومشيت
رامي وقف لثواني وبص عليها وهي ماشيه لقدامه
خبط رجله ف الحيطه جامد وقال بضيق
: استني يازفته
منه بصت وراها
: مين انا
رامي : هو في زفته غيرك
منه : هه بارد
رامي قرب منها : عايزه اي انجزي
منه بإبتسامه فرح : عايزاك تروح تطمن ع نادر
رامي بصدمه : نعم
منه ببراءه : عشان خاطري هو تقريباً في حاجه حصلتله وعايش لوحده لازم حد يطمن عليه
رامي بذهول : بنت انتي مجنونه فعلا ولا بتهزري انتي عايزاني انا اروح اطمن ع نادر
منه بتعجب : وفيها اي يعني
رامي وهو كاتم غضبه : لا مفهاش حاجه خالص وسعي من قدامي بدل ماافشفشلك دماغك دي
منه بعصبيه : خلاص مش عايزه منك حاجه هروح اطمن عليه انا
رامي سمع الكلمه وقف مكانه ورجع خطوتين لورا وقالها
: نعم ياختي
منه : ايوا هروح انا اطمن عليه
وسابته ومشيت
رامي مسكها من قفاها ورجعها ليه تاني
: تروحي فين يابت انتي
منه : ااه سيب زعبوتي
رامي : انتي شايفه ان ينفع بنت زيك تروح لشاب بيته عادي ومش بس بنت عاديه دي ساذجه كمان
منه : اولا انا مش ساذجه ثانيا عادي طالما محتاج مساعده وانت مش عايز تروح
رامي بضيق : عايزه تطمني عليه ليه
منه : اولا محضرش المحاضرات النهارده ثانيا بلوزتي عليها دم وتقريباً اتعور جامد ثالثا بقى مبيردش على موبايله
رامي : واي ال وصل الدم لبلوزتك اوعي يكون آذاكي
منه بذهول: آذاني اي يابني انت محسسني اني بتعامل مع مصاص دماء ليه
رامي بسخريه : ماشي ياخفه مش رايح بردو
منه : انت انسان بارد
وسابته ومشيت
رامي : خدي يابت امشي روحي اجري هروح اطمن عليه وامري لله
منه بفرح : شكراً شكراً ابقى طمني عليه بليز
رامي : داهيه تاخدك انتي وهو بس انتي ف داهيه وهو ف داهيه تانيه علشان بغير
وقام زاققها من قدامه
منه بتعجب : علشان بتغير !
_____بقلم ملك محمد________
قرر رامي انه يروح يطمن ع نادر
وصل عند البيت عنده وفضل يلف حواليين نفسه متردد يضرب الجرس ولا لا
وقف شويه وقال لنفسه اي الغباء ال انا بعمله داه انا ماشي
فجأه جتله رساله من منه فتح الرساله لقاها بتقوله
: ها اطمنت عليه
رامي راح قافل الموبايل وقال بغضب
: منك لله يامنه
وقرر خلاص انه يروح يرن الجرس
رن الجرس محدش رد
قال لنفسه معقول يكون كلام منه صح ونادر حصله حاجه فعلا
فضل يرن ف الجرس بس محدش رد عليه بردو
_____________
في منزل منه
هدى وايمن ومنه قاعدين ف الصالون
منه بتقلب ف موبايلها وقاعده مع نفسها
هدى بسهوكه : ايموني
ايمن بهيام : ياعيون ايموني
هدى بسهوكه : عايزه فراوله نفسي فيها اوي
ايمن : ياروح قلبي ثواني وتكون الفراوله عندك
هدى : خد الشمسيه معاك يابيبي علشان شكلها هتمطر
ايمن بحب : وكمان خايفه عليا ياروحي
منه حطت أيدها ع جمبها وكتبت بوست ع الفيس بتقول فيه
" احبابي ف الله طريقه للحافظ ع المراره ضروري لأنها قربت تتفجر"
خرج ايمن من البيت وفضلت هدى بتتفرج ع التلفزيون ومنه بتقلب ف موبايلها
فجأه النور قطع
هدى : اوووف ودا وقته قومي يامنه ناوليني موبايلي
منه : وانا انولهولك ازاي ف الضلمه دي
هدى : طب افتحي كشاف موبايلك
منه بخبث قفلت موبايلها وقالت : أوبس خلص شحن
هدى بعصبيه : يعني هفضل قاعده ف الضلمه كدا كتير
منه بضحكه شريره : هاهاهاهاها ومالها الضلمه ولا انتي بتخافي من الأشباح
هدى بخوف : منه بقولك اي هزارك البايخ داه وفريه لنفسك
منه بسخريه وبصوت منخفض : وانا مش هلاقي غيرك اهزر معاه صه
سكوت شويه
منه : الا صحيح يامرات ابويا انا كنت سمعت ان عندك ابن من جوزك القديم مبشوفكيش بتسألي عنه يعني
هدى ادايقة مره واحده وقالت : اقفلي السيره دي
منه بتعجب : اي ياوليه الجحود داه بسألك عن ابنك هو انا قولت حاجه غلط
هدى بعصبيه : سافر مع ابوه ممكن تسكتي بقى
منه بذهول: سافر ! هو ابوه مسافر فين بالظبط
فجأه النور جه
هدى بضيق : انا داخله جوه بدل أسألتك المستفزه دي
#احببت_حمقاء (12)
رامي فضل يرن ف الجرس بس محدش رد
قرر انه يرجع واهو كدا عمل ال عليه
بس بعد مامشي خطوتين حس بالذنب وانه لازم يشوف نادر خصوصاً انه عايش لوحده
رجع تاني وفضل يدفع ف الباب وهو بيقول
: اطمن يانادر انا هنقزك احنا اه بينا خلافات كتير بس احنا ولاد اصول برده
وفضل يزق ف الباب جامد
سمع صوت حد بيقوله
: هتنقذني من اي بالظبط!
رامي بص وراه لقى نادر واقف ومعاه شنطه ف ايده
رامي بإحراج : انت هنا من امتى
نادر : من زمان
وبعدين فتح الباب وقاله
: واضح انك كنت عايز تدخل
رامي بإحراج وهو بيتمنى الأرض كانت بلعته وقتها
: منك لله يامنه
نادر دخل وقاله : اتفضل
رامي : لا انا مكنتش جاي علشان اقعد انا بس جيت اطمن عليك
وبعدين قال بلهفه
لا لا مش انا ال اطمن عليك اقصد حد بعتني اطمن عليك
نادر : انا عارف انك مستحيل تيجي تطمن عليا بس ممكن اعرف حد مين
رامي : منه
نادر بإبتسامه وهدوء : وهي مجتش بنفسها ليه
رامي بغضب : انت مش ملاحظ اني واقف قدامك ولا اي وبعدين لما انت كويس مبتردش على موبايلك ليه
نادر : روحت اجيب أكل وأتأخرت بره ونسيته ف البيت
رامي بضيق : طيب ابقى قولها كدا علشان قلقانه عليك
نادر بهدوء : تمام ماشي اتفضل ادخل هتفضل واقف ع الباب كدا
رامي : لا انا مروح سلام
لسه بيلف وشه راح الجو ممطر
نادر : الدنيا بتمطر ادخل لحد ماتبطل
رامي كان متردد فقاله : هستنى بره لحد ماتبطل
نادر : واحد _ اتنين _ تلا
رامي واقف مكانه
نادر بتعجب : مدخلتش ليه
رامي : اصل انا رامي مش منه
نادر بإحراج : اه صحيح طب انا مش هينفع اسيب حد جي يطمن عليا واقف بره ف المطره حتى لو بينا خلافات
وقام خارج وقافل الباب وقاله
: انا هستنى معاك بره
فضل رامي ونادر واقفين ف البرد بره مستنين الدنيا تبطل
نادر وهو بردان : لسه مش عايز تدخل جوه
رامي واسنانه بتخبط ف بعضها م البرد : بصراحه غيرة رأي
نادر فتح الباب تاني ودخلوا
رامي اول لما دخل انبهر بالبيت لأنه فخم جدا
قاله : البيت الكبير داه عايش فيه لوحدك
نادر وهو بيشغل الدفايه : ايوا
رامي قعد ع الكنبه : انت معندكش صحاب
نادر : لا
رامي بأسف : ومستمتع بحياتك عادي
نادر : اه عادي
وبعدين فتح شنطة الأكل ال كانت معاه وفرد الأكل ع التربيزه قدامهم
نادر : بصراحه انا جعان ومش قادر فناكل ع طول
رامي : كل انت انا شبعان
نادر : طالما جيت لحد بيتي حط خلافتنا ع جمب أفضل
رامي : بتحبها
نادر : هي مين
رامي : انت عارف هي مين
نادر رجع بضهره لورا واتعدل ف قعدته وقاله
: ايوا
رامي اتدايق : اشمعنا هي ما البنات كتير
نادر : قولي انت اشمعنا هي
رامي سكت
نادر : بتقرب منها عمداً علشان الخلافات ال بينا حبك ليها حب مزيف انت بتعمل كدا علشان تدايقني مش اكتر
رامي بعصبيه : انت عايز تقنع نفسك بكدا بس للأسف لا انا مبقربش منها علشان ادايقك
نادر بجديه : اي كان بتقرب منها ليه ف الآخر لازم تختار واحد والواحد دا اكيد انا
رامي بعصبيه : ليه الثقه العمياء دي مع ان لو بصيت لأفعالك هتلاقي انك بتضيعها من ايدك
نادر ارتبك
رامي وقف من مكانه بعصبيه وقال : كنت ناوي استسلم بس لا مش هستسلم بسهوله
وفتح باب الشقه وسابه ومشي
نادر قعد يفكر ف الكلمه ( انت بتضيعها من ايدك بأفعالك) وفضلت تدور ف دماغه
___________
رامي خرج ف المطر
موبايله رن كانت منه
منه بلهفه : مبتردش عليا ليه هو كويس ولا حصله حاجه ها ها
رامي بحزن والمطره مغرقاه : كويس اطمني
منه بفرح : متشكره جدا يارامي حقيقي مكنتش عارفه انام
رامي وعيونه مليانه دموع : نامي وطمني قلبك هو كويس مفهوش حاجه قولتلك
منه بتعجب : اي صوت المطر داه انت ف الشارع
رامي بعصبيه : مفيش حاجه انتي مش اطمنتي ع نادر روحي نامي بقى
منه بذهول : انت بتزعقلي كدا ليه
رامي : اقفلي يامنه ارجوكي اقفلي
"وراح قافل الفون "
حط ايده على قلبه وهو بيقول بضحكة وجع
: انا ليه بحب حد مبيحبنيش
____________
نادر مسك موبايله بسرعه وفتحه لقا منه بعتت رسايل كتير واتصلت عليه اكتر من مره
رد على رسايلها
: انا كويس اطمني
منه شافت رده كتبتله
: ولما انت كويس مبتردش عليا ليه
نادر : اسف نسيت موبايلي ف البيت وخرجت متوقعتش ان ممكن حد يسأل عليا او يقلق اساسا
منه : ازاي متوقعتش حد يقلق عليك امال انا بعمل اي يااستاذ
نادر بإبتسامه : قلب الأستاذ (وحط إيموشن قلب 💙 كمان)
منه بكسوف : اي دا انت هتعاكس
نادر : خوفتي عليا بجد
منه : لا قصدي اه
نادر : انا اسف ع ال حصل النهارده ف الجامعه سدقيني مش هيتكرر تاني
منه : انا ال اسفه مفروض مكنتش دايقتك بكلامي وجبت سيرة والدتك وأنها خانت والدك وكدا
نادر ادايق : تاني يامنه
منه : انا اسفه مكنتش اقصد اتكلم عنها انا عارفه ان الموضوع صعب عليك معرفش جالها قلب تخون والدك ازاي دي اميد جاحده
نادر وهو بيتمالك نفسه علشان ميتعصبش كتبلها : منه اسكتي
منه : خلاص سكت اهوه ومش هتكلم عن والدتك الخاينه تاني ابدا
نادر وهو ماسك نفسه وبيحاول يغير الموضوع: شطوره قوليلي بقى بتعملي اي
منه : ولا حاجه قاعده مع الحربايه مرات ابويا تعرف طلبت من بابا ينزل يجبلها فراوله ف المطره دي
نادر بضيق : بلاش تجيبي سيرة زوجة والدك هي كمان علشان الموضوع داه بيدايقيني
منه بإحباط : تمام خلاص بسؤال اخير هي والدتك الخاينه الحربايه دي كان اسمها اي
نادر مقدرش يستحمل قام قفل الموبايل خالص وهو بيقول
(احببت حمقاء فعلا)
منه بتعجب بعتتله : نادر انت روحت فين
_______بقلم ملك محمد___________
" نهار يوم جديد"
ف الجامعه
منه دخلت وبصت لقت نادر قاعد ف اول المدرج ابتسمت وراحت عليه
نادر بإبتسامه : واضح انك مبسوطه
منه بإبتسامه : مبسوطه علشان انت كويس
نادر بحب : انا ...
منه بلهفه : انا هروح اقعد جمب مريم واضح ان الدكتور جه
وسابته وراحت قعدت جمب مريم
فجأه دخل رامي القاعه وف ايده قزازة عصير
وهو معدي حطها قدام منه
منه بتعجب : اي داه
رامي وعينه ف عيون نادر
: انتي عميه
منه مسكت القزازه وقالت
: اها دا عصير اعمل اي بيه بقى
رامي : اشربيه
ولا اقولك انا غلطان هاتي كدا
منه شدة منه القزازه وقالت
: دا بعينك مش هتاخده هو مش جي ليا
رامي ابتسم وسابها ومشي
منه فتحت القزازه علشان تشرب
نادر كان باصص عليهم
فجأة مثل انه بيكح
: أهؤ أهؤ
وقام بسرعه راح ع منه وشد العصير من ع بوئها وشىربه ف بوق واحد
منه بذهول : واو
نادر طبق القزازه بإيده وقالها
: اسف كنت عطشان هجبلك غيرها
وخد القزازه ف ايده ورماها ف السله من بعيد
رامي ادايق جدا
مريم قالتلها بتعجب
: بت انتي حبيبة رامي ولا حبيبة نادر انا اطلخبت
منه بتعجب : انتي شايفه دا شكل واحده تتحب هل انتي شايفه دا شكل واحده تتحب
مريم بضحك : بصراحه شكليا اه تتحبي وجدا كمان بس عقليا لا طبعا عندك حق ف دي
منه حطت ايدها ع خدها وهي بتبص لنادر بحب : بس بصراحه يعني انا قلبي ميال لأحدهم
مريم زقت ايدها وقالتلها : واضح انه هو كمان قلبه ميال ياختي دا الحب ظاهر عليه اوي
منه بلهفه : بجد
مريم : طبعا هو دا نادر ال كنا نعرفه دا بقى شخص تاني خالص بس قوليلي يابت انا عايزه سر الخلطه علشان قلب احدهم يميل ليا
منه : ورقه وقلم واكتبي معايا ياست الكل
مريم : انجزي انتي هتهزري
منه : كوني فتاه ذكيه زي كدا الشاب بيحب البنت الذكيه جدا
مريم تنحت : انتي ذكيه ! دانتي لو الغباء دا كان متفرق ع البشر فانتي لوحدك خدتي التلتين دانتي قنبلة غباء موقوته
منه بإحباط : خلاص بقى كان لازم تفكريني
___________
دخلت الدكتوره وبدأت شرح وبعد ماخلصت قالت
في رحلة مخيم ياشباب قبل الميد تيرم ال هينضم للرحله يسجل اسمه
كل الطلاب فرحوا
مريم بفرح : yes اخيرا حاجه حلوه ف الجامعه المعفنه دي
منه رمت نفسها ع الديسك وقالت بإحباط
: حاجه كويسه اي بس انا مش هروح
مريم بتعجب : ليه مش هتروحي
منه : بدور ع شغل وعندي مقابله النهارده لازم اروح
نادر بص وراه على منه لقاها نايمه ع الديسك مكنش عارف هي هتروح ولا لا
رامي بص قدامه عليها لقاها نايمه ع الديسك وبردو مكنش عارف هي هتروح ولا لا
خلصت المحاضرات ومنه بتلم كتبها علشان تمشي
رامي : انتي يا
منه قربت وشها من وشه وقالتله بعصبيه : ليا اسم ع فكره
رامي رجع راسه لورا بتوتر وقالها : اسمك غبيه مش كدا
منه بعصبيه : اووف انا ماشيه انت واحد بارد اساسا
رامي وقف قدامها : قوليلي الأول هتروحي الرحله ولا لا
منه بضيق : لا مش هروح اتبسطوا انتو انا مش غيرانه لا انا مبسوطه ليكوا
وسابته ومشيت
نادر كان مستنيها بره شافها جايه عليه
: منه
منه بإبتسامه : نعم
نادر : تعالي هوصلك للبيت بطريقي
منه بفرح : تمام ماشي
________
" ف العربيه"
نادر بحب : مبسوط اوي ع فكره انك فكرتي تسألي عليا امبارح
منه بإحراج : انا عملت ال مفروض اي حد كان يعمله وبصراحه انا لولا رامي مكنتش عرفت اطمن عليك
نادر وشه قلب وقالها : وانتي ملقتيش غير رامي تبعتيه
منه : هو انا اعرف حد غيره وع فكره بقى رغم اني عارفه انكوا مبطقوش بعض بس هو طيب اوي جرب مره واحده تشوفه بقلبك
نادر : اشوفه بقلبي ! لا وع اي انا بحب اشوف الناس بضهري
منه ضحكت
نادر ضحك ع ضحكتها
: هتروحي الرحله مش كدا
منه : لا للأسف مش هعرف اروح
نادر : ليه كدا
منه : عندي شوية ظروف
نادر بفرح : كويس انك مش هتروحي انا مبحبش جو الرحلات داه اساسا
منه بحزن : بس انا بحبه يلا مش مهم
نادر : بقولك اي ماتبعدي عن رامي حاسس انه قريب منك جامد
منه بذهول : هو يقولي ابعدي عن نادر وانت تقولي ابعدي عن رامي هي اي الحكايه بالظبط
نادر : صعب واحده بالذكاء بتاعك تفهم اي الحكايه مش مهم انا هفضل مستحمل للنهايه
__________
وصلوا البيت
ومنه فتحت الباب علشان تنزل من العربيه
كانت ف نفس اللحظه هدى وايمن خارجين من البيت
منه بغيظ : الحربايه وبابا هناك اهم
نادر بص عليهم
كانت هدى لفت وشها للناحيه التانيه
منه بخوف قفلت باب العربيه وقالتله : يلا باي اصل باب لو شافني معاك هيشعقلني
نادر ابتسملها ولبس نضارته ولف بالعربيه
وهو بيلف سمع صوت
هدى وهي بتقول : منه تعالي هنا شيليلي الشنطه دي مش قادره اشيلها
الصوت لما سمعه حس كأنه زي السهم ف قلبه خلى ذكريات سنين طويله عدت تمر قدام عنيه
منه بذمجره : حاضر يامرات ابويا
لف وشه بسرعه علشان يشوفها
بس هدى كانت ركبت العربيه مع جوزها
حط ايده ع دماغه وشغل العربيه ومشي وهو بيقول بغضب
: التهيئات دي مش عايزه تسبني ليه
#احببت_حمقاء (13)
"في منزل منه"
هدى وايمن كانوا خرجوا وهي قاعده ف اوضتها لوحدها
موبيلها كان قرب يفصل شحن بتدور ع الشاحن ملقتهوش
قالت لنفسها :الحربايه اخدتوا تاني
خرجت من اوضتها وراحت تدور عليه ف كل مكان ملقتهوش
وقفة قدام باب اوضة هدى وهي متردده تفتح ولا لا
قررت تفتح الأوضه وتدخل تشوف الشاحن
فتحت الأدراج وقعدت تدور ملقتش حاجه
يأست وكانت خارجه فجأه لفت نظرها كرتونه ظاهر منها جزء من تحت السرير
رفعت الملايه وشدت الكرتونه فتحتها لقتها عليها تراب كتير
لقت فيها اوراق وحاجات قديمه وف وسطهم لقت شريط برشام ملفوف ف ورقه فتحته لقت مكتوب علبه برشام لمنع الحمل
منه بصدمه : هي مش مفروض حامل الشريط داه بيعمل اي وسط الكراكيب دي كلها
وبعدين فكرت وقالت ممكن تكون كانت بتاخده زمان
وبعدين قالت لنفسها: اي يامنه ال انتي بتههبي داه اقفلي بسرعه وملكيش دعوه بحاجه واخرجي قبل ماتيجي
حطت البرشام ولسه هتقفل الكرتونه لقت صورة طفل صغير لسه بتمسح الصوره علشان تشوفها مين
فجأه سمعت صوت والدها ومرات ابوها بيركنوا العربيه تحت
ذقت الكرتونه بسرعه لتحت السرير وخرجت من الأوضه ومعاها صورة الطفل الصغير
دخلت اوضتها جابت منديل ومسحت الصوره من التراب لقت الطفل الصغير شبهه نادر جداً
مسكت موبايلها وبعتت لنادر
: ازيك
نادر فتح موبايله ورد عليها بفرح
: الحمدلله كويس قولي عايزه اي
منه بتعجب : عرفت منين اني عايزه حاجه
نادر : علشان كل مره انا ال بكلمك فطالما انتي ال كلمتيني يبقى عايزه حاجه
منه بضحك : ذكي ماشاء الله طيب بما ان موبايلي قرب يفصل شحن فانا هتكلم ع طول
نادر: قلقتيني في اي
منه : عايزه صوره ليك وانت صغير
نادر بتعجب: اشمعنا يعني في حاجه
منه : لا مفيش بس معرفش ليه جاي ع بالي اشوفك وانت صغير ولا انت خايف شكلك يكون وحش
نادر : بت انا طول عمري حلو استني هشوفلك صوره وابعتهالك
منه ماسكه الصوره ف ايدها ومغمضه عينها وقلبها عمال يدق
نادر بعت رساله
منه فتحت عينها بخوف لقيته كاتب
: ملقتش دلوقتي بس هدورلك ع واحده
اخدت نفسها ولسه هترد عليه موبايلها فصل شحن
_____بقلم ملك محمد__________
" نهار يوم جديد"
الجامعه طلعت رحله لمدة اسبوع
منه مرحتش علشان المقابله بتاعت الشغل
لبست ونزلت راحت الأنترفيو ف افخم شركة ادويه
قعدت مع المدير
المدير : ال cv بتاع حضرتك يافندم
منه بذهول : cv اي يافندم دي كلها شكليات بص ع المضمون
المدير بدهشه : مضمون اي احنا هنهزر هو انا رايح اخطب
منه بثقه : يافندم مقصدش قصدي بص ع العقليه والذكاء بتاع الشخص ال قدامك هو دا ال هيفرق انما ال cv دا شكليات سدقني
المدير : انتي خريجة اي وبقالك كام سنه متخرجه
منه بضيق : هو حضرتك دا شكل بنت متخرجه انا لسه صغيره يافندم انتو جايبني هنا تهينوني دانا صحابي بيدوني 15 سنه واتي تقولي متخرجه بقالك كام سنه
المدير بدهشه : يعني فعلا عندك 15سنه
منه بعصبيه : 15 سنه اي يافندم هو انت فاكر ال قاعده قدامك دي طفله انا حاليا ف كلية علوم
المدير : تمام تمام يعني انتي لسه بتدرسي وجايه تشتغلي ف شركة تصنيع ادويه عالميه زي دي
منه بثقه : انتو الكسبانين ع فكره انا اخر علاج اخترعته كان الشركات بتتخانق عليه
المدير : قومي يا انسه اتفضلي بره احنا هنهزر
منه لقت مفيش فايده من الثقه فقررت تتبع اسلوب الشفقه
قالت ببكاء مثل الأطفال : أاااااأ اااااا حرام عليك شغلني
المدير بإرتباك : بتعيطي كدا ليه يابنتي اسكتي
منه ببكاء : أاااا أااا انا مرات ابويا بتعذبني وقالتلي مترجعيش من غير شغل ياإما هتعملني بتاتس محمره
المدير بدهشه : بطاطس محمره
منه هزة رآسها بإستعطاف : اها يرضيك يافندم اتعمل بتاتس محمره تعرف لو شاندوتس شاورما كنت وافقت انما بتاتس لااااا أاااا أاااااا
المدير : طب بطلي عياط انتي والدك فين
منه : بتعذبه هو كمان يافندم تخيل بتخليه يقصلها ضوافر رجليها وتخيل بقى رجل الحربايه دي عامله ازاي ولا ريحتها يافندم بتجيب حول ف الودان ع طول
المدير : لا حول ولا قوة الا بالله حول ف الودان دا الموضوع صعب جدا
منه ببكاء : شغلني ارجوك انا لو روحت من غير شغل هتوقفني على تراتيف صوابعي طول اليلل يرضيك اقف ع تراتيف سوابعي ها ها
المدير أشفق عليها وسكت شويه
منه ببكاء: وكمان هتحبسني ف اوضه ضلمه وتخلي نفيسه ودريه يغنوا طول اليلل اسمع صوت العندليب علشان اتجنن
المدير : مين دريه ونفيسه دول
منه بصوت واطي : معقوله متعرفهمش
المدير بصوت واطي : لا
منه : ولا انا هاهاهاهاها
وبعدين سكتت وقالت بايخه انا عارفه سوري
المدير بغضب : انتي بتهزري
منه ببكاء : أاااااا حتى انت مستكتر عليا الهزار حسبي الله ونعم الوكيل
المدير بآسف : بس بس خلاص هشوفلك شغلانه هنا انتي اسمك اي
بطلت عياط وقالت بفرح : اسمي منه
رفع سماعة التليفون واتصل ع السكرتيره تجيله
جاتله السكرتيره قالها
: خدي البنت دي معاكي وديها المعمل وشوفلها اي شغلانه خفيفه هناك
السكرتيره : تحت امرك يافندم
منه بفرح مشيت مع السكرتيره ودخلتها المعمل وقالتلها اقعدي هنا لحد المسؤل عن المعمل مايجي
وسابتها وخرجت
منه قعدت تبص حواليها على الحاجات ال ف المعمل تقعد ساكته بقى ابدا قامت تحط التاتش بتاعها
after five minutes
السكرتيره : الحق يافندم المعمل بيولع
المدير بغضب : مناااااااااه
منه خرجت من الشركه تجري ووشها مليان دخان وشعرها شبهه شايط
الناس ف الشارع كانوا بيبصوا عليها بتعجب
منه ماشيه حاطه وشها ف الأرض بإحباط
فجأه جه شخص من وراها وخلع جاكته وغطاها بيه
رفعت وشها لقت رامي
قالت بذهول : رامي
رامي وهو مخبيها
: امن الشركه جاي ورانا امشي بثقه
الأمن كان بيجري علشان يمسكها لأنهم اافتكروا انها ارهابيه وجايه تفجر الشركه
منه بخوف : بيجروا ورايا ليه
رامي بهدوء : مش وقته دلوقتي افردي ضهرك وامشي بثقه
الأمن قرب منهم رامي حس انهم هيشوفها
قام زاقهها للحيطه وحاتط الجاكيت عليهم هما الأتنين
واحد من الأمن شافهم قال
: اي قلة الأدب دي جيل اليومين دول مبقوش يختشوا
منه بخوف : هما هيعملوا فيا اي
رامي وهو بيبصلها بحب ونبضاب قلبه ذايده : محدش يقدر يأذيكي طول مانا موجود
منه : تقريباً مشيو
رامي رفع الجاكيت وبص حواليه لقاهم مشيوا فعلا
دخل تحت الجاكيت تاني وقالها : لا ممشيوش
واقف بيبصلها بحب
منه : أااا ااا تشو
رامي شال الجاكيت ومسح وشه وقالها
: مدمرة اللحظات الرومانسيه
__________
اتمشوا لبعيد وقعدو ف مكان ف الشارع
منه بإحباط: انا كل يوم بثبت لنفسي وللعالم اني واحده حمقاء فعلا
رامي بضحك: انا هموت واعرف بس وافق يدخلك المعمل ازاي
منه بحزن : اتريق اتريق ياترى هقول اي لنادر دلوقتي هيزعل مني مش كدا انا وعظته اني هبطل حركات غبيه
رامي بضيق : كل حاجه نادر نادر انتي اي مبتزهقيش
منه بتعجب : وانت مالك مدايق كدا ليه
رامي : بصراحه مش لايقين لبعض انفصلوا افضل
منه : وانت مالك لايقين او لا انت بتعمل اي هنا اساسا ومروحتش الرحله ليه
رامي حط ايده ع قلبه وقالها : كلوا من المهزء داه هو ال مشيني وراه
منه قعدت ع الرصيف بإحباط وقالت
: هعمل اي انا دلوقتي انا محتاجه شغل ضروري
رامي قعد جمبها : انا عندي الشغل المناسب ليكي
منه : بجد
رامي بص على شكلها ووشها متبهدل م الدخان وشعرها ال شبهه شايط فضل يضحك
منه : بتدحك ع اي
رامي طلع منديل من جيبه وقرب منها يمسحلها وشها وهو بيقول
: احنا نخوف بيكي العيال الصغيره بالمنظر داه
منه بتعجب : هو شكلي يخوف فعلا
رامي بضحك: بصراحه جدا
منه : طب سيبه متمسحوش انا هحتاجه
_________
في المنزل
دخلت منه تتسحب بالراحه
هدى كانت قاعده قدام التلفزيون
منه وطت ع الأرض واتسحبت زي القطط ووصلت عندها وراحت رافعه وشها وبصتلها بضحكه سذاجه
هدى بصراخ : اااااااا عفريت عفريت
وقامت تجري وهي بتجري اتكعبلت ع وشها
منه قعدت ع الأرض تدحك عليها
ايمن بهلع : في اي ياهدى
هدى وهي بتشاور ع منه بخوف : عفريت اهوه عفريت ااااا
ايمن بص على الأرض لقا منه قاعده بتضحك وهتوت م الضحك
معرفش انها منه بنته
قال بخوف وهو ماسك ف هدى : انصرف انصرف
منه بطلت دحك وقالت بذهول : انصرف !
هدى بصراخ : هات حاجه اخبطه بيها بسرعه
ايمن جري وجاب المقشه
منه بخوف : بابا انا منه
والدها بغضب : وكمان بتكدب وبتقول انك منه
ولسه هيضرب دانت عفريت حيوان بجد
منه بخوف : بابا انا منه بجد
والدها نزل المقشه وقرب منها وقال بدهشه
: منه
منه وقفت وقالت : ايوا انا منه معقول مش عارف بنتك
هدى بغضب : اي ال انتي عملاه ف نفسك داه
منه بثقه وهي بترجع شعرها لورا: كان عندي شغل مهم
وسابتهم ودخلت اوضتها بكل ثقه