رواية الخائنه الفصل الاول1والثاني2بقلم دودا حوده الثانى
انا داليا عندي ١٩سنه ...
انا ليا اخت تؤام اسمها ياسمين ...
عايشين في بيت عيله يعتبر انا وياسمين بنبات عند تيته تحت
لانها عايشه لوحدها ... وفوقها عمي محمود ...
وبعدها شقتنا احنا في التالت ...
بس ماما بتخلينا نبات مع تيته تحت بتقول : عشان عايشه
لوحدها ... ولازم حد يكون معاها ... عمي محمود مش عندوا
اطفال ... وليا عم يحيي بس ده برا مش سكان معانا ... مع أن
ليه شقه في البيت ... بس مش قاعد فيها معرفش السبب!!!
عمي محمود مش عندوا اطفال بيقول أن مراته عندها مشكله
في الخلفه ... بس هو بيحبها ومكمل معاها ... تيته بقي مش بتحب ماما خالص ... ولا ماما بتحبها ...
بس تيته طيبه معانا اوي بابا اسمه مصطفي وعندو ٤٥ سنه
واكبر اخواته ... وعمي محمود ٤٣ ... وعمي يحيي ٤٠
وعمتي كوثر ٢٨سنه ...
اه نسيت اعرفكم علي عمتي كوثر دي اكبر حد مؤذي في الدنيا ... بتيجي تولع البيت حريقه وتمشي ...
يمكن اللي بيحبنا اوي عمي محمود وبقول يمكن علشان محروم من الأطفال ... فمتعلق بينا اوي يمكن بيحبنا اكتر من بابا ... ومش ببالغ لما بقول كده لا والله ... دائما مهتم بينا اوي ومتعلق بينا ... ربنا يخلي لينا احن عم في الدنيا ...
وكنا اول يوم رمضان ...
وتيته لازم تعزم العيله كلها عالفطار عندنا ... عمي محمود ومراته حنان ... وعمي يحيي ومراته خديجه ... وبابا وماما ناهد ... وعمتي كوثر وجوزها ابراهيم ...
وكان يوم جميل جدا في البدايه واحنا عالفطار
عمي محمود : تعالي هنا جنبي يا دودو يا حبيتي
ياسمين : والله ماشي ياعمي مافيش الا دودو يعني
محمود : لا طبعا ازاي يا قلب عمك تعالي جمبي انتي كمان قومي يا حنان اقعدي هناك
حنان : حاضر يا سيدي عنيا الاتنين ... تعالو والله سعات بغير منكم نفسي يعملني ربع ما بيعملكم
الجده : تغيري من بناته برضه يا عبيطه اقعدي
حنان : والله بهزر يا ماما انا بموت في ياسمين ودودو
يحيي : اه مهما عيالي بقي اللي برا فملهمش في الحب ده ياسي محمود !!!؟
الجده : يا حبيبي ربنا يخليكوا لبعض هو انتو ليكوا الابعض
طبعا نور وشيماء دول حابيب قلبنا كلنا ... احنا بتموت فيهم والله
كوثر : نسيب الفطار بقي ونفضل نحب عيال مين اكتر خد يا واد يا احمد كل
الجده : احمد ده حبيب جدته
كوثر : هو انتي فاكره اني مضايقه يا امي انا بجد بستغرب
افعالكم هو مش مصطفي ده يا محمود اللي مش راضي يدي ورث حد فينا لحد دلوقتي؟؟؟
الجده : كوثر افطري واكتمي
كوثر : انكتمت
مصطفي : ده كلام ابوكي يا كوثر مافيش حد هياخد حاجه الا لما اللي كان بيحلم بيه يحصل ..
. المصنع لازم يبقي شركه كبيره ... والأرض تكبر وانتي
لو خدتي ورثك ده مش هيحصل
الجده : حبيبي افطر وسيبك
منها هو انت مش عارف اختك!؟
والكل فطر وطلعت ماما الشقه عشان كانت بتعمل الحلو فوق وعمي طلع شقته وانا وتيته
وياسمين كنا قاعدين في الصاله بنتفرج عالتلفزيون وبابا كان بيتكلم مع عمتي كوثر وعمي
يحيي في البلاكونه وخرج ...
مصطفي : امي انا زهقت من بنتك دي اقسم بالله انا هيجلي جلطه منها
الام : الف بعد الشر عليك يا حبيبي قولتك سيبك منها
مصطفي : هو انا مانع عنك فلوس انتي لسه وخده 10الف
جنيه وانا مش سالتك عايزاهم ليه؟ قوليها تهدي عليا يا امي انا هطلع انام
الام : لا والنبي اوعي تطلع كده تعالي وانا هبهدلها
مصطفي : انا تعبان والله هطلع انام ساعه وانزل ...
وطلع بابا
الام : هو انتي يا كوثر كل ما تيجي لازم تيجي بمصيبه
كوثر : يا امي انا نفسي اعيش بقي عايزه اجيب شقه عدله واعيش حياتي
الام : خلي جوزك يا حبيبتي يجيبك انما كلام ابوكي هيمشي
ولما ينزل اخوكي هتبوسي ايدو قبل دماغه
كوثر : حاضر يا ماما ومافيش ربع ساعه وسمعنا ماما بتصوت
الكل طلع يجري لقينا عمي محمود بيشيل بابا من الحمام
كوثر : اي فيه اي ؟؟؟
ناهد : مصطفي دخل يتوضأ بعدها غاب ... بفتح الحمام لقيته مرمي عالارض ..
. وطبعا قولنا لما ماما صوتت عمي جري عالطول علي فوق قبلنا ...
وبعدها جه الدكتور وقال إن بابا مات بالسكته القلبيه .
واحنا كلنا مكناش طايقين عمتي لان كنا حاسين أن هي السبب
ناهد : منك لله يا كوثر حسبي الله ونعم الوكيل فيكي انتي السبب .
كوثر : والله ما اقصد انا كنت بتكلم معاه عادي ...
🟠🔹️🟠
وبعدها الناس مشيوا وطلع محمود وهو ميت من العياط
وكان واقف مع ناهد وراحت داليا ليه
داليا : والنبي يا عمي انا عايزه انام في حضنك انهارده انا تعبانه اوي
محمود : حاضر يا دودو روحي وانا جاي وراكي
ومشيت داليا
ناهد : الدم بيحن عايزه تنام في حضن ابوها
محمود : اخرسي الله يخربيتك اي اللي بتقولي ده
ناهد : اي هو حد سمعنا واي مش بناتك دول ولا عامل عبيط
انت عارف ان اخوك مكنش بيخلف ودول عيالك
رواية :
الخائنه
الحلقه الثانية
بقلم : دوداا حوده
.
.
.
محمود : انتي شكلك اتجننتي والله انتي اي جوزك مش صعبان عليكي معندكيش قلب موتي اخويا وكمان بجحه كده منك لله يا شيخه
ناهد :هو انا كنت ضربتك علي ايدك قولتك كلمني علشان نطلع الشقه فلاش باك ناهد وافقه
في المطبخ بتغسل مواعين وجالها رساله من محمود مكتوب فيها :
(بقولك اي ماتيجي نطلع اكيد كلهم هيكونو هنا للسحور تعالي ساعه وننزل)
ناهد : بقولك اي يا حنان انا هطلع اعمل الحلو عندي وهنزل عالطول ممكن تكملي المواعين مكاني
حنان :
مافيش مشكله بس مهي ماما عامله الحلو
ناهد:لا الحلو بتاع ناهد حاجه تانيه دلوقتي تدوقي وتقولي بس انا هطلع عالطول
متقوليش لماما وهما كده كده مش فاضين اكيد كوثر بتتكلم معاهم في موال كل مره
حنان :ماشي يا حبيبتي وخرجت ناهد من المطبخ
خديجه : بصراحه مش برتاح لناهد دي
حنان : ليه بس دي قلبها طيب والله هي ليها حركات غريبه بس طيبه والله
خديجه : يمكن انتي قاعده معاها اكتر مني بس بصراحه انا مش برتاح ليها
حنان : والله ابدا دي غلبانه وطيبه جدا وعالفكره هي دائما اللي بتكلم عمي مصطفي علشان يدينا فلوس والله محمود سمعها كذه مره
خديجه :سيبك انتي انا عندي دكتوره كويسه اوي تعالي اوديكي ليها
حنان : بالله عليكي ما تتكلمي في الموضوع ده تاني انا خلاص رضيت بنصيبي ومش عايزه حالتي النفسيه تسوء تاني
حنان : انا مش مرتاحه للدكتوره بتاعت جوزك دي هو في الكلام ده أن مافيش حتي حمل بالحقن المجهري وليه جوزك مش راضي بوديكي لحد غيرها
حنان : هي دكتوراه شاطره والله اوي الناس كلها بتشكر فيها وده في الاول والاخر قسمه ونصيب ...
🔸️🔸️🔸️
وفي شقه مصطفي طلعت ناهد لقت محمود عالسرير
ناهد : بجد انت غريب مش انت قولت امبارح خلاص موضوعنا خلص وان ضميرك
وجعك من ناحيه اخوك
محمود : بقولك اي اخلصي لجوزك يطلع
ناهد : اي اخلصي دي انت جايب وحده من الشارع طيب مش هخلص الا لما اعرف اي اللي غيرك
محمود : مش عارف ابعد عنك ضميري وجعني بس بصراحه انتي فيكي شئ غريب حاجه
بتقربني ليكي كل ما افكر أبعد بحس معاكي بالأمان بحس معاكي اني عايش
ناهد : وهي حنان مش كده
محمود : بقولك اي يا ناهد بلاش سيره حنان قولتك كذه مره
ناهد : طيب لما هي صعبانه عليك اوي كده ليه بتحط ليها برشام منع الحمل في العصير
ومفهمها أن هي مش بتخلف
محمود : عايزه الحقيقه عارف ان أمرنا هينكشف في يوم من الايام ومش عايز عيالي يشوفني كده
ناهد : مهي بناتك داليا وياسمين انت عارف كويس اوي أنهم عيالك عادي يشوفك كده
وبعدين دي سيره تتقال
محمود : محدش يعرف أن داليا وياسمين بناتي وقولتك نزلي الحمل ده انتي اللي صممتي تكملي لو حصل في الأمور امور ومصطفي عرف أنه مش بيخاف هيبقي اي بقي
ناهد : هو انت بس اللي
بتعرف تخطط وتقول قصص زي ما انت روحت للدكتوره وقولتها أن مراتك عندها القلب ومصممه تخلف وقولت انها تكدب
. عليها وتفمهما انها مش بتخلف علشان انت خايف علي صحتها انا كمان روحت لدكتور
المعمل وقولت ليه اني خايفه علي نفسيه جوزي وعايزه يعرفه أن بيخلف والعيب مني انا
محمود : عرفتي أن احنا الاتنين شيطان زي بعض
ناهد : اه بس مش بنقدر نستغني عن بعض ثواني اجيب كوبيتبين عصير واجي ...
🔸️🔸️🔸️
وخدت الروب فوق القميص وواقفه في المطبخ لقت مصطفي داخل عليها !!!😮!!!؟
مصطفي : اقسم بالله كوثر دي مستفزه حاسس اني هموت بسببها
ناهد : انت دخلت ازاي
مصطفي : نعم دخلت ازاي يعني اي وبعدين انتي اي اللي لبسا ده الناس قاعده تحت وانتي
لبساه كده وبعدها محمود دخل المطبخ ومسمعش صوت مصطفي
محمود : كل ده في كوبتين عصير اخلصي لجوزك يطلع مصطفي : 😦!!!😦!!!😦!!!؟ ... لااااااا انا بحلم انت هنا بتعمل اي؟؟؟ وقالع هدومك
ليه ؟؟؟ وانتي ازاي كده؟؟؟ (بعدها ضربته ناهد علي دماغه وقع اغم عليه وبعدها جابت المخده وحطيتها علي دماغه)
محمود : ينهار اسود انتي بتعملي اي
ناهد : لازم يموت امال عايز اني اتفضح
محمود : اوعي يا مجنونه
ناهد :
انت اللي مجنون ... لو فاكر أن ممكن اتفضح بسببك أو بسبب اخوك ... (وفعلا موتت جوزها وحطيته في الحمام هي ومحمود) يلا أنزل شقتك ... ولما اصوت اطلع .
(وفعلا نزل وجسمه كله بيترعش ... ولما صوت ناهد طلع جري وبعدها حصل الدفنه والعزاء .......)
🔸️🔸️🔸️
محمود : منك لله يا شيخه مش عارف ازاي عملت كده
ناهد : هو انت كل شويه هتفضل تقول كده بعد ما خلاص نبقي مراتك وتربي بنتنا سوا
محمود : احلمي يا ناهد
ناهد : لا والله حقيقه ... امك دلوقتي مش هترضي أن اتجوز راجل غريب وانت الوحيد اللي مش بتخلف يبقي اكيد هتقول اني اتجوزك
محمود : لو اخر وحده في العالم مش هتجوزك بعد اللي حصل ... غوري من وشي وراحت ناهد قعدت بين الناس
كوثر : والله يا ناهد ما كان قصدي ازعله مني
ناهد : بصويت ابعدي عني حرام عليكي يتمتي بناتي وعملت نفسها اغم عليها ... وخدتها خديجه وحنان علي شقتها ...
🔸️🔸️🔸️
(وفي اوضه نومها لقت حنان علبه سجائر جوزها والولاعه خدتهم ونزلت بعد ما اطمنت عليها)
حنان : عامل اي دلوقتي يا محمود
محمود : تعبان اوي والله يا حنان
حنان : بقولك ايه!!!؟ هو اي اللي ودا علبه السجائر والولاعه اوضه عم مصطفي الله يرحمه مع أنه مش بيشرب سجائر ...؟