رواية :
الخائنه
الحلقه الثالثة
بقلم : دوداا حوده
.
.
.
محمود : ها ... اصل ... ااااه محمود لما حصل مشكله بينه وبين كوثر كان طالع مخنوق كنت نازل انا عالسلم بعدها قالي هات سيجاره وطبعا اديتو العلبه والولاعه
حنان : اديته العلبه كامله
محمود : امال هديلوا سيجاره ... وقولت لما يهدي هبقي اطلع واتكلم معاه وابقي اخد العلبه تاني وبعدين ما ياخد العلبه كامله وفيها اي يعني وهو ده وقته
حنان : لا مش وقته ... ماشي يا محمود .
وسابت محمود .
🔸️🔸️🔸️
نزلت تحت عند حماتها لقت كوثر بس اللي في الصاله
حنان : هي ماما نامت
كوثر : اه تعبت وخدت الدواء ونامت
حنان : اكلت يا كوثر
كوثر : لا طبعا مين ليه نفس ياكل
حنان : بس هي صايمه بكره ولازم تأكل طبعا
كوثر : انا محدش طايقني في البيت عايزه تاكليها قومي انتي
حنان : دي اعمار يا حبيبتي ومكتوب أنه يموت دلوقتي حاجه بتاعت ربنا
كوثر : انا غلطانه والله بس اقسم بالله ما اعرف ان هيحط في نفسه ويتعب
حنان : معلش يا حبيبتي انا هقوم انام في اوضه البنات شويه لاني تعبانه اوي
كوثر : ما تطلعي نامي في شقتك
حنان : لا لازم حد فينا يكون صالب طوله انا اللي هحضر سحور واصحي الكل علشان نقدر نصوم
كوثر : كتر خيرك يا حنان الا بقولك اي تفتكري مين اللي هيتجوز ناهد
حنان : اي اللي بتقولي ده يا مجنونه انتي
كوثر : انتي عارفه امي حابه في العيال وناهد صغيره وحلوه واكيد امي هتقول لواحد من اخواتي يتجوزها
حنان : انا قايمه انام وانتي ادعي لاخوكي الليله في تربته ها واهدي يا كوثر كده ودخلت الاوضه تنام
حنان : هي عندها حق اكيد حماتي هتعمل كده طبعا البت حلوه وصغيره بس اكيد هتجوزها محمود لانه الوحيد اللي مراته مش بتخلف يعني عليكي وعلي بختك يا حنان هو حقه يوافق وانا حقي اطلع بس مين هيرضي يتجوز وحده مطلقه ومش بتخلف ومرات ابويا عمرها ما هتوافق ارجع اعيش معاها بس توافق لا انشاله ابات في الشارع لو فكر انو يوافق علي كلام امه والله والله لكون سيباله البيت وصحيت داليا من النوم
داليا : طنط حنان انتي نائمه هنا
حنان : ايوه يا حبيبتي عايزه حاجه
داليا : هي ماما عامله اي لسه بتعيط
حنان : حبيبتي اكيد طبعا لسه بتعيط ياقلبي ربنا يصبرها ويخليكوا لينا يا رب
داليا : حبيبي يا بابا صعبان عليا اوي والله
حنان : صعبان علينا كلنا والله ربنا يرحمه ويغفر له ذنبه
داليا : هطلع اشوف ماما كده عامله اي
حنان : اطلعي وفاضل ساعه علي السحور هاتي ماما وتعالي نتسحر وطلعت داليا الشقه لقت اوضه النوم مقفوله بس النور شغال راحت في اوضه الانتريه ونامت علي الكنبه وعامله تبص لصوره مامتها وباباها...
🔸️🔸️🔸️
وفي الاوضه جوا كانت ناهد ومحمود قاعدين عالسرير
محمود : انا مش عارف انتي جايبه البجاحه دي منين جوزك اول ليله في تربته وانتي عادي كده
ناهد : انت عارف اني مش بحب مصطفي وكنت بحبك انت وروحي متعلقه بيك واللي مخليني اكمل في البيت ده انت لولا كده كنت أطلقت من بدري
محمود : اللي مات ده اخويا مات وهو شايفني خائن لو انتي مش فارق معاكي فهو فارق معايا انا
ناهد : مين قال انا زعلانه عليه بس بصراحه مش هنكر انا فرحانه اني هبقي مراتك خلاص
محمود : مرات مين مش هيحصل
ناهد : لا هو حصل يا عنيا اقسم بالله انا هعمل المستحيل علشان نتجوز بس والله لو ما حصل يا محمود لقول للناس كلها أن العيال دول عيالك وان اخوك مش بيخلف
محمود : انتي اي يا شيخه شيطان ماشي عالارض انا مش عارف كنت بحبك ازاي
ناهد : كنت لا انت بتحبني يا محمود وقلعت العبايه وكانت لابسه تحتها لانجيري انت بتموت فيا
محمود : ابعدي يا ناهد سبيني انزل
ناهد : تروح فين بس بالله عليك اسمعني انا بموت فيك والله وبحبك اوي وزعلانه علي مصطفى بس هو مش اغلي منك عندي
محمود : طيب مش وقته يا ناهد ارجوكي سبيني انزل
ناهد : لا وقته اشششششس اسكت خالص. وتطفي نور الاوضه
(داليا من برا افتكرت امها نامت وقالت نص ساعه وتروح تصحيها علشان تتسحر ولسه قائمه من مكانها لقت عمها خارج من الاوضه استخبت ورا الكرسي)
داليا : ينهار اسود هو عمي كان بيعمل اي في الاوضه اكيد بيدور علي ورق المصنع والأرض بس ماما فين منك لله ياعمي بابا لسه اول ليله ليه وانت جاي تدور علي ورث وكانت الصدمه لما أمها خرجت من الاوضه علي الحمام وشفتها وهي لبسها لانجيري
داليا : ينهار اسود ماما وعمي لااااااا مستحيل ده عمي بيحب بابا اوي ازاي طيب ماما اي ينهار منيل وقامت خرجت من الشقه ونزلت تحت وجسمها كله بيترعش
كوثر : مالك يا حبيبتي
داليا : ابدا ما فيش يا عمتو
كوثر : انتي غرقانا اوي شكلك مدمر ليه كده
داليا : انا عايزه بابا دلوقتي
كوثر : ارحموني بقي والله العظيم انا قلبي وجعني اكتر منكم فيكوا اي بقي الله يخليكم كفايه بقي والله العظيم هموت نفسي وترتاحوا مني وجريت علي المطبخ ومسكت السكينه
داليا : عمتو والنبي سيبي السكينه الله يخليكي
كوثر : الكل عمال يتكلم معايا والله انا اكتر وحده قلبي وجعني أنه مات زعلان مني
خرجت حنان وياسمين من الاوضه والجده والكل نزل من فوق علي صوت الزعيق
محمود : اي فيه اي اي السكينه دي سيبي يا مجنونه
كوثر : لا هروح لمصطفي انا كنت بتكلم معاه زي كل مره معرفش أنه يا حبيبي هيحصله كده
محمود : طيب سبي السكينه
كوثر : لا انا تعبت والله ده اول يوم وعاملين فيا كده
الام : والنبي يا كوثر سيبي السكينه متوجعيش قلبي ومسك منها محمود السكينه وخدتها عالاوضه علشان تهدي وجت ناهد جمب بنتها وحطت أيدها علي كتفهم راحت داليا شالت أيدها من عليها ومشيت
ناهد : هو فيه اي يا حنان
حنان : مش عارفه مالها كانت طالعه تطمن عليكي ومن ساعت ما نزلت وهي كده
ناهد : طلعت فين الشقه فوق
حنان : ايوه قالت إنها طالعه تطمن عليكي
ناهد في بالها : ينهار اسود معقول تكون شافتني...